金祥排骨麵

營業中

休息中

今日一個人食就決定要行遠啲懲罰良心小店，行咗幾條街就去到金祥排骨麵。本來想堂食試下個招牌排骨麵，但人太多我決定轉外賣。經店員推介我點咗個咖喱雞飯，咖哩有小小辣好好餸飯，啲雞個皮食得出有香茅味好香口好滑。個飯外賣$46蚊好好食，值得推薦俾大家！

以前在葵芳食過一間排骨麵好好食但已結業，星期日在西營盤經過呢間有排骨麵，又見咁多人在外排隊，以為好好食，點知中伏~ 首先入內見店內爆滿，但坐到密到慘過大排檔，男友已第一句話不如走，咁多人如果有人確診咪大穫! 最後諗住買外賣，落單既人已無咩禮貌，點知外賣等左一個鐘先有! 如果諗住等一陣應該有我地走左十世! 終於有，即刻9秒9同男友一齊試有幾好食，點知個排骨完全無口感，真心想問個老闆識唔識整! 只能講我地以後一定唔再光顧~

熊貓以前就在附近讀書，所以一有空堂的時候就經常落嚟食排骨麵。恰巧熊貓今日在西環附近公幹，所以特意過來懷念一下以前讀書的日子。一如以往，店內的裝修和食物和以前沒有大分別。來到這裏，當然要點這裏最出名的排骨麵。不過熊貓竟然發現呢度有竹笙面可以選擇，所以我選擇了雙拼！（熊貓以前竟然唔知道！ ？ ）味道一如以往，非常好吃，排骨看似普普通通，但係食落就知道非常好吃。而價錢也是很親民，如果大家有機會經過附近，不妨來這裏試一下。

Kam Cheung Pork Noodles is a traditional local restaurant in Sai Ying Pun that serves really worthy Shanghai noodles.For HKD$45, I got this bowl of Shanghai noodles with dumplings and freshly deep-fried pork chop. A superb deal really!The three pieces of dumplings were big and meaty! Very high quality indeed! As for the pork chop, it was fantastic! Nothing beats a freshly deep-fried pork chop with tender meat! Noodles itself were very delicious too!Highly recommend you to give Kam Cheung Pork No

之前幫襯過嘅黃店大多數都係 cafe，漢堡包店，甜品店，日式台式等新式食肆，好似金祥排骨麵呢一類街坊老店比例較少，真係好難得，所以更加需要多多支持。叫咗餐牌上精選推介嘅 No. 1 -- 菜膽雲吞排骨麵，水準係非常之高，首先排骨炸得外脆內軟，份量又超多，至於菜肉雲吞更加係皮薄餡靚，好好食，加埋白菜同無味精嘅湯底，成碗麵既滋味，感覺又較為健康。最近疫情肆虐，店內已轉用即棄餐具，減少病毒傳播嘅機會，值得一讚👍。

抗疫當前，出街食飯真係好淆底，今天去完西環睇日落，介紹一間乾淨衛生的麵食給大家，係西環既金祥排骨麵。金祥排骨麵係西環老字號，坐落於水街腳，幾乎每個hku仔都食過。今天禮拜日六七時到店鋪堂食都花左時間等。因為店鋪安排座位比較疏落，盡量不搭枱，感低感染。另外，執枱時都花額外時間用清潔劑抺枱面，先比下一手。我好欣賞餐廳寧願減少turnover rate都會注重衛生。令人食得放心。等左一陣終於入左去個卡位。店員均有配帶口罩同手套。另外，店也因減少交叉感染，用了即棄餐具，值得一讚。我地睇左餐牌，叫左兩碗菜膽冬菇餃子排骨麵，四個餸，$52。+多幾蚊有埋豆漿同酸梅湯。先黎左飲品，品質不錯，味道幾好，都大杯。菜膽冬菇餃子排骨麵：好足料，湯底清，配左啲炸蒜同蔥，味道唔會寡。冬菇好大隻，肉質厚實。餃子係自製，裡面有韭菜同豬肉，大大隻。排骨炸得幾鬆化，好正。另外個麵底都幾多，配埋菜膽，呢餐營養價值好均衡。總結，依間餐廳衛生又好食。喜歡吃麵既朋友絕對值得一試。另外，店舖為了支持前線醫護人員和消防員，出示工作證半價。如此有良心的店舖，更加要撐場！！

今日同男朋友下午可以聚一聚，到了比較方便大家的西營盤尋找美食，當然黃店是我們的首選選了這間香港人小店，食上海排骨馳名的！2:30有下午茶餐粉麵選擇，更有全日飯餐、粉麵等等，飲品更有半價優惠，抵食！1. 菜膽雲吞排骨麵配有健康大白菜，菜膽雲吞3大隻，皮軟滑、菜肉餡足料，好味道；招牌排骨是必試得，鬆化香脆又唔肥唔油，好軟好易咬；上海麵是軟腍的，我喜歡的質感2. 秘製沙嗲牛肉飯秘製沙嗲汁香口唔辣唔會太咸，惹味配白飯好適合；白飯軟硬剛好，又足份量，配有大白菜！3. 炸豆腐炸豆腐即點即脆，脆口內軟，香口！配辣醬更正！4. 凍檸茶（走甜）夠凍！服務幾好，友善有禮貌，有效率；

一個人，只想簡簡單單食一餐既話，多數我會揀食碗麵，份量唔會太多而金祥排骨麵都係我既好選擇之一，雖然成日都有條人龍，但我都會忍唔住排隊，食碗佢地招牌菜膽雲吞排骨麵，雲吞皮薄，排骨炸得香脆唔乾，炸粉唔會好厚，果然出色而我一直都鍾意食傳統上海麵，有咬口又健康啲再感受下老店既人情味，已經係好滿足既一餐最最最重點係，佢地有良心！社運初期經已表態，有態度先抵佢哋成日都要排長龍！我一定會繼續幫襯💛💛💛💛

早上有事到西營盤見客，由於見完後已到中午時間，便在附近搵間餐廳醫飽個肚，再番公司繼續工作🤦🏻‍♂這間餐廳售賣上海湯麵和炒麵，價錢唔貴，最平36蚊已有一碗菜肉雲吞麵。坐低後，見到很多食客都叫炸排骨麵，想必是招牌菜，咁我都叫番一碗啦🤤1. 菜膽雲吞排骨麵 $43這個麵有3條白菜、3粒菜肉雲吞和即炸排骨，以這個價錢，有菜有肉有麵，其實都幾抵食👍🏻麵條很彈牙，雲吞很足料，而有點驚喜是炸排骨，除了外皮酥脆外，他們沒有用鬆肉粉，食落口感扎實😋整體來說，性格比高👍🏻

位於西營盤嘅金祥排骨麵，我細細個就聽過佢個名，讀大學個陣成日落泥食，不過畢業後已經無去過。今日正值中學嘅lunch time，店外有長長嘅人龍，都係學生同上班人士。入到去，幾年都無變過，一樣有親切感，老闆落手落腳，話不多，但好有禮貌又親切咁招呼客人。豬扒雲吞上海麵係每次必嗌嘅指定動作，lunch仲包每日新鮮製造無防腐劑嘅豆漿或者自家製菊花茶。話佢老老實實，因為十年如一日，足料嘅大大隻白菜豬肉上海雲吞，加兩條白菜，上海麵，仲有即叫即炸嘅豬扒，新鮮有heart，用心做嘅食物係特別好食，實實在在，好有親切感。另外，老闆同招牌豬扒一樣，黃到發金。五十蚊唔洗，有一個好食，用心做，老字號，有親切感又有良知嘅午餐，what more can I ask for?

又是某一天放天假，又是出動去懲罰良心小店的時間。今天就去一去西環，知道這區有多良心食肆，在選擇中真是花了不少時間。好！一於去試吓位於西環德輔道西，開業超過20年的金祥排骨麵。同大部分良心食肆一樣，門口有不少食客正在等候，看其舖面貼上所推介的麵食，其中不乏金祥最馳名的排骨麵。上海麵食法多，簡簡單單的可以叫一碗陽春麵，若豬骨湯底夠香多濃的話，一些麵條加上一條青菜已經回味無窮。喜歡香辣酸鹹之食客則酸辣湯麵也是最佳的選擇。排骨麵其美妙之處是排骨多是選帶骨豬扒經調味後，上蛋糊在猛猛的滾油炸之金香，再配上陽春麵，簡直是雙得益彰。等候時間約15分鐘，終於安排了一張靠牆的小位置，舖內擺放了中式紅木枱凳，平實中也帶點品味。今次選擇食物並不困難，一定要吃馳名排骨麵，但加唔加菜肉雲吞好？真令我懊惱，一於要試下！不久，熱辣辣的菜肉雲吞排骨麵送到枱前，先試一口熱湯，豬骨湯略淡，幼麵軟硬適中有彈性。吃麵時，將麵條沾了湯送到口裏，卻有一份鮮鹹的味道。排骨已切好一塊塊，外表金黃有蛋香，容易入口，外脆內軟有肉味。菜肉雲吞餡料豐富，豬肉肥瘦平均，雲呑皮不會一夾就散。驚喜的事叫了一杯自家製菊花茶，淡淡的菊花香加上蜜糖的甜味

好傳統好舊式嘅上海排骨麵，老闆會係門口寫低你着咩衫，到你嘅時候佢自然就會叫你排骨上海粗炒麵 📍$45排骨炸得好脆，又唔會太多粉，肉質都有返咁上下 👍 粗炒都唔會太多油菜膽雲吞排骨麵 📍$43雲吞皮薄餡靚，大大粒咁，仲有成4粒，好抵食。排骨本身係炸嘅，所以餐廳都好細心咁分開上，唔會浸淋哂啲排骨

第一次黎嘅話，一定要試下呢度出名嘅排骨麵，佢嘅排骨其實係豬扒。豬扒夠好大而且好厚，咬落去口感比較扎實，但其實佢係好軟嫩多汁唔會話太幹，外層比較酥脆，湯底係偏清淡，麵嘅軟硬程度啱啱好，而且小食都幾唔錯，下次黎想試下個菜膽牛肉雲吞麵都見到好多人嗌。

其實應該好多人都識E間野架啦？我想講間野唔止得排骨得架！食齋都可以食！朋友食齋，本來佢對入黎食好有hesitation。除左排骨仲有咩食...就多啦！（圖中我搶晒佢啲有肉嘅野食）個炸豆腐外脆內嫩，油溫夠高，所以幾好食！點埋烏醋仲好食！ 其實佢對啲豆皮制品係幾出色嘅。包括佢伊個腐皮紫菜卷。中間果幾舊好酥脆，夾埋入面嘅紫菜有多陣鮮味。不過大家食快啲。好快諗同變韌，尤其係左右兩邊果兩舊。Anyway, 如果可以食魚嘅話，佢個魚肉卷好有陳皮味。好食！

西營盤區行左咁耐，呢間今場排骨麵基本上午餐時間大排長龍由兩點至五點開始有下午茶，不過就冇最出名的排骨（即係炸豬扒）一個排骨麵只係$38 ，排骨永遠炸到超級鬆脆，鍾意佢呢隻幼上海面既質地湯底有少少胡椒味，唔係太重。基本上係清湯。見到隔離食緊冬菇，好大粒，覺得下次可以一試。另外仲有姐姐喺入邊包緊雲吞，可以下次先試。老闆好好人，禮貌好好鋪頭細細，但乾淨整潔午飯時間預咗排隊，一個人比較容易搵位置建議兩點後過嚟