金祥排骨麵

營業中

休息中

今日黎到西環好出名的金祥排骨麵，黎到門口好多人排，等左成十分鐘先有得食黎到梗係要食最出名的排骨麵❗️❗️雲吞好足料，又皮薄，一碗入面有大約四粒雲吞，好抵食至於排骨簡直係一流😍😍皮薄唔會太多炸粉，但又好脆，睇得出係即炸即整，肉又唔會太少，絕對係好正❗️❗️加$6 會有杯豆漿，豆漿係新鮮自己榨，豆漿好重豆味，好好飲🥰🥰雖然排隊要排好耐先有得食，但呢間屹立係西環咁耐的排骨麵，係絕對值得一試💪🏻💪🏻💪🏻💪🏻

好多人, 等左一段時間先入到, 老闆好細心記低哂邊個等緊諗都唔駛諗, 排骨麵唔該!! 炸排骨炸得香口, 用薑蒜醃過, 分外惹味!!麵嘅湯底較清, 正好配合炸排骨人再多都要食呀!!

系屋企溫完書就出去搵食啦~ 見到個鐘都成八點，又唔想系屋企商場食，所以就坐車去左西營盤食呢間好多人推介既金祥排骨面啦!  雖然一條友去食，但系估唔到都要等15分鐘位 埋左枱先發現上海面賣曬 不過冇計啦，都坐底左唔通走咩~ 鋪頭唔大，不過店家好細心。唔會為左盡快做多幾單而叫D客迫入去D枱仔度，我自己就坐左個二人位啦! 唔怪得等左一段時間，咁樣都食得輕鬆D啦! 呢下抵讚! 第一次黎食，叫左個菜膽冬菇排骨米線~ 份量我覺得都唔算細碗，睇相都知道冬菇好鬼大粒，再加埋細細碟排骨。大家都叫野食就大概系加6-7蚊，我就今次冇加啦! 如果有食過上海大雲吞既朋友仔都知有幾大隻，呢度啲雲吞比正宗上海既長身少少，但系都一樣咁大隻! 食左冬菇同埋雲吞都已經5-6成飽啦!到左招牌既排骨啦!  老實講有少少失望，因為排骨送上黎個陣已經凍左，而且有少少乾身，但系好彩既系唔硬，所以系OK既!  可能排骨本身好大舊，所以上枱都見到其實冇左一部分。金祥~ Ok啦! 

金祥排骨麵真係我喺西環數一數二嘅飯堂🍚，全因抵食同好味，就係咁簡單！平日我就買外賣多，今日落開街買完嘢見夜夜哋就順便入去坐底堂食啦。舖頭唔大，枱都有少少迫，但都算企理嘅，食店有卡位有圓枱，最有特色係佢用傳統中式木嘅枱櫈🚪。如果你睇佢個Menu會見到有N咁多個選擇，會比佢嚇親🙈，但其實佢主要都係做嗰幾款餸，搭出唔同嘅組合，而麵食佢亦都有幾款比你揀，另外可再加小食同飲品。我就叫咗菜膽雲吞排骨麵($43)，🐖炸排骨係膽，必食之選，一人一份唔好同我爭please😌。炸排骨係無骨的，啖啖肉，而且炸得超鬆脆，但又唔係厚粉，勁好食😋，不過今日好似細嚿咗少少。另外我就搭咗菜肉雲呑，有3隻，每隻都超大隻，皮厚而且餡料十足👍🏻，但唔知係咪自加製架呢？菜膽今日就係菜芯🥬。而麵食方面，可能我今日比較晏去到(成9點)，所以上海粗麵、幼麵同河粉都賣哂🙈，不過對我嚟講，完全無問題，因為自從我食過一次粉絲之後就愛上咗，返唔到轉頭。我貪粉絲冇麵咁heavy，而且好索湯。題外話，落少少佢個豆瓣醬落個湯到吊味好正，又唔會太辣🤤。麵量超多，所以夠飽。朋友就叫咗菜膽牛肉雲吞麵($43)，佢嘅牛肉🐂係牛𦟌來的，都幾好食，但得3片

西環有好多好食既餐廳，小編經過呢間老式上海舖就入去食！進入店內已被懷舊裝修吸引住，大部分用吊燈裝飾，主要以卡位及圓枱作擺設，有點狹窄！之後小編點左牛𦟌排骨麵（$38），牛𦟌入味又易入口，一d都唔韌，排骨係新鮮炸的，脆卜卜，麵好彈牙，加上濃濃既湯底，真係好正！另外，店內既菜膽雞球麵（$38）出乎意料地好食，雞球多汁入味，就算係炸既都唔韌，配埋麵上既菜，一d都唔油膩！雖然有好多人，但店員安排座位同上菜速遞好快，絕對快，靚，正！店內除左招牌菜好食，其他菜式都值得一試，所以小編推介大家黎食！

我真係好鍾意食麵，佢呢個麵好似上海麵咁，(佢有粗麵同幼麵揀)我就揀左幼麵🍜🍜麵食落有咬口，軟硬適中，飲埋個湯都ok，我測試過無味精，飲完湯後都唔會口渴，重點黎啦，佢d餸真係好足料，份量又多又大件，實飽味道係好食，d炸物都係即炸個排骨好軟熟，食落口唔會話好油個炸粉都係薄薄地包住，係真係食到肉咁岩經過附近可以去一試無妨~佢有好多唔同餸菜配搭，選擇多店舖屬於茶餐廳式，街坊小店黎，野食都好大眾化，價錢適中，抵食👍

今次食既係一間西營盤老字號既上海麵店 中午時分人流都唔少架🍜我就叫左個no.1 推介既菜膽雲呑排骨麵 呢個麵真係份量十足 有一大塊排骨 3粒菜肉雲呑 仲有菜有麵👍🏻 排骨炸得酥脆 肉質鬆軟 不過食落有少少雪藏味 而且無乜調味同比較乾身🙈 雲呑方面菜肉饀料好多好飽滿 不過皮都係厚左d🤭 麵就正正常常唔好太淋另外 仲叫左2個小食 分別係酥炸雲呑同煎餃子🥟 我就覺得酥炸雲呑比較出色 炸得非常香脆 雲呑同餃子都足料多饀 點d醋幾好食😋

中午食呢個排骨麵，味道一般，食唔出有咩獨特之處，是次之行食左招牌既排骨麵、炸雲吞同炸鯪魚肉，三者之中比較好食既係炸雲吞，個人認為其酥炸的表皮處理很好，炸物表現較佳。值得一讚是排骨麵得豬排是另上，不失其酥炸既味道，可是豬排的冷藏味把肉味完成覆蓋，吃得到的只是冷藏味和酥炸味。麵條也是中規中矩，店內有黑醋提供，也是相對性較為特別的。價錢其實也很平民，服務也十殷勤，待客有禮。午市來說，此餐廳也是實惠之選。

時光飛逝, 上一次幫襯金祥已經係20年前回歸前嘅事了, 當年金祥店鋪係均益, 鋪頭比依家細.望望餐牌, 選擇比以前更多, 當年無竹笙, 草菇同豆腐.點了一個竹笙冬菇幼麵, 菜膽冬菇雲吞排骨麵, 煎餃子五隻.優點 : 1, 價錢唔算貴.2, 竹笙比較冷門都有提供, 用料係野生竹笙, 味道唔錯.3, 排骨外表鬆脆, 肉質夠 Juicy.4, 冬菇炆得極冧同入味.5, 雲吞, 煎餃子足料, 餃子外皮煎得極香脆, 熱到辣咀! 小心!6, 麵身夠彈牙, 麵條無斷開哂.7, 雖然店舖細細但選擇不少.8, 服務唔錯, 會主動問吓客人要唔要蔥.缺點:1, 冷氣不足!2, 地方淺窄. (唔知點解, 明知間鋪唔係大, 座位有限, 但又眼見好多枱客食完唔走係到磨喎!)3, 湯底淡.4, 對於九龍人黎講, 地方遠咗D囉!總結 : 懷念當年嘅冬菇超巨型! Size 足足有三份一個拳頭嘅大, 簡直一食難忘! 排骨份量少咗四份一, 煮法亦變咗, 慶幸煮法變得更好味. 希望下次黎幫襯個冷氣會開大D!

相信呢間排骨麵好多係hku既學生都可能食過，鋪頭唔大，但上菜都幾快，而且老闆都好nice，人來人往。 好味指數:8/10佢地上菜既時候，我已經有少少驚呆。因為$43黎講，真係幾大份又足料。排骨口感上，係好酥香軟淋，而且佢既味道好特別，真係唔知用左咩醬/煮法，令到個排骨咁好食。雲呑既餡係白菜豬肉，皮薄餡實，白菜仔都係新鮮鮮甜既。唯一美中不足就係d上海麵，味道較淡，偏硬身，不過每張枱都有d 辣醬等醬汁，我都加左少少辣，感覺不錯不錯！仲有個豆漿，都要讚，有新鮮，有熱有凍揀，又唔會太甜，真材實料呢！

我每次經過都見到客人不絕，想必一定係有水準之作！今晚終於有時間試一試佢！店內裝修好懷舊，一睇就知係經營已久既街坊老店👍🏼食物選擇主要以上海麵為主，配料選擇都有十樣八樣，貴精不貴多😊價錢亦非常大眾化第一次食當然要試下佢地既排骨啦😋菜膽排骨麵 $38佢所謂既排骨，其實係炸豬排🥩，上枱時熱辣辣絕對係即叫即炸，非常酥脆，而且豬排亦唔會好乾好硬👍🏼👍🏼👍🏼麵質軟硬適中，仲配左白菜仔🥬健康啲總括而言，性價比高，下次要試埋其他配料😎

最近得知附近有間寵物店會收留待領養的毛孩，特地來看。看前先醫醫肚子。這條小街有很多不同國家的店，最後我們選了這家上海麵店。這兒的座位雖淺窄，但仍有很多客人光顧，於是點了這兒最出名的小菜。排骨粗炒麵 $48排骨非常好吃，沒有一絲的根，外表炸得酥脆香軟，值得一試。粗炒麵不會太咸，剛好。多菜多肉，正！煎雞翼麵湯比較清淡，但可另加菇汁/牛腩汁。雞翼煎得好香好好食。肉汁也很多!酥炸雲吞 $16一定要趁熱吃，熱吃才會更酥脆。最厲害是一點也不覺得油！香煎餃子 $28老婆很喜歡這個，說肉汁很多。我建議都是趁熱吃，涼了之後，皮有點硬。

之前聽好多住附近既朋友仔都介紹過呢間小店，終於試到啦⋯⋯個個都話必試排骨招牌菜膽雲吞排骨麵加豆漿 $49排骨新鮮炸起，熱辣辣有肉汁👍🏻👍🏻👍🏻，好多連鎖上海式餐廳都無呢個水準，性價比又高😍😍一定會再encore

今日去咗試間幾出名嘅排骨麵店，試左嗰菜膽牛腩排骨麵～排骨分量頗多，成塊排骨有一個手掌咁大，而且佢個粉漿唔會話太厚，食落去都幾脆口。雖然感覺都係一早炸定，食落亦都唔會特別凍，而且完全唔冇覺得佢口感變差左。整體而言成個排骨都好好食！菜膽食落去感覺好鮮嫩，值得推介！牛腩就唔算特別話有驚喜，食落去感覺肥瘦均勻，但係個人認為份量就比較少，算係不過不失啦！另外值得讚嘅係嗰啲面，個人覺得咬落去好煙韌，食落去口感好正！整體而言呢間野都推介大家去試吓！菜膽牛腩排骨麵HKD$40

今日去咗香港大學附近接老婆收工，check 完Google Map見到返屋企途中都幾塞車。就叫老婆帶我去附近食嘢。佢介紹咗佢平時都有幫襯開嘅排骨麵店。入到去見到有一個卡位寫住留座，老闆娘叫我地坐低。非常好服務，唔會有位都唔俾我哋座果然冇介紹錯，我叫咗個排骨菜肉雲吞面。雲吞麵就普通，排骨要讚下啦，炸得好均勻唔會太油膩粉亦唔會太厚。