金祥排骨麵

營業中

休息中

難得星期六放工唔洗趕去做其他事就周圍搵食正當行到想放棄返轉頭食茶餐廳之濟就見到金祥!先醒起之前搭車有經過, 好似都幾吸引喎~ 好啦~ 就試下一入店差不多坐滿, 幸好我一丁友唔洗等, 坐底睇下有乜食....最後決定食至貴0既雲吞排骨牛腩麵 ($46) + 杯凍茶三少 (+$7)店員姐姐見老闆入去沖茶, 就即走入去提醒係要三少呀~~已經覺得好貼心嚮等上餐時周圍望下, 嘩~~ 好多小食好吸引! 不過一條友.....叫多條魚肉腐皮卷又好似好多....而且我想像到係乜味 (自己氹自己)諗左陣....好! 叫多碟炸豆腐($13)!麵先上...先試啖湯....GOOD! 試口麵....硬左少少, 不過都可以, 只係我LIKE淋D 0既麵啫, 雲吞...皮少少厚啦~ 肉再香D會再好DD牛腩....出奇地淋!!!! 好味!!!!! 食埋件馳名排骨......果然外脆肉軟, 有肉汁! 只可惜應該隻碟本身有DD水嚮度, 所以個底淋左....最後黎埋碟豆腐, 老闆上時仲加左句....襯熱食!其實全程所有員工都好有禮, 見我想嚮枱面度拎豆板醬又主動遞上, 要求排骨另上 (我唔知原本佢地已經係另上), 店員又好好

成日坐小巴都會經過呢間排骨面店但一直無機會試, 今日的起心肝入去試下. 入得去當然係叫佢最出名既菜膽雲吞排骨面啦. 最先上既係排骨, 已經忍唔住食一舊先. 排骨好酥脆而且唔肥. 而後上既菜膽雲吞面真係好好味, 面好軟 (有少少似米線), 而且個菜膽都好甜, 用黎送面真係一流呀! 而個湯底真都好好味, 忍唔住差唔多成碗飲哂. 同時亦叫左煎餃子, 餃子煎得夠鑊氣而且多汁又香, 係必食之選. 平時經過都知道食飯位好多人, 今日揀左9點幾先幫襯, 都仲係有好多人, 要搭枱. 服務方面算OK, 野食亦上得快. 會再次幫襯試埋其他美食=v=~

今日終於有時間專程從新界過來吃這個聞名已久的排骨麵。知道用膳時間特別多人所以我們選擇在下午茶時段來食。這裡主打排骨(即豬扒)，我二話不說便點了一份水餃排骨麵。排骨酥香而不膩，肉質咬落有口感，果然名不虛傳。不枉此行😋😋

叫咗個排骨上海麵加菊花茶個排骨望落普通但食落有驚喜 味道似豪xx雞排個啲 好鬆化個菊花茶明顯自己煲 飲落有啲gip tip哋解渴唔錯呢間餐廳仲有其他嘢食望落好抵食 雲呑排骨麵加野飲都只係HKD41 好啱胃口大嘅男人黎食幫襯餐廳位置易揾 出咗西營盤B3出口地鐵站 行出電車路行轉左過3個街口 會見到個生果檔 就係佢隔離 Remarks: 女仔黎食可以叫少麵

《金祥排骨麵 》📍西環西營盤德輔道西316號地下C舖———————————————————🔹菜膽雞球麵 $36 凍飲 (豆漿/菊花茶 +6)，(咖啡/茶+7)麵可轉為(上海幼麵/粗麵/米線/河粉/粉絲).今次就食左上海幼麵，湯底非常香，好濃味，而雞球也煎香過，肉質好嫩但個麵底就有小小差，比較淋身同痴牙，可能係上海幼麵先比較差下次可以試試排骨麵，排骨麵係呢到主打.員工服務同態度都非常好。食都食得開心D———————————————————byM: 7/10instagram: 90sfoodieshare

為食既人唔理熱氣與否都食左先算，最多飲涼茶。咩時間見到都想食煎餃子，有時係屋企整怕油煙大，多數出去食。煎餃子似炸多D，但係就係半煎炸先夠特色，唔加豉油都食唔停口，外脆內多汁。香煎餃子香炸豆腐鯪魚肉腐皮卷

朋友讀香港大學，有時去搵佢食晏晝就有search過下附近有咩餐廳啱食，之後試過一次呢間野就愛上啦。後尾食過好幾次，每次水準都保持得好好，今次就帶埋另一個都係讀香港大學嘅朋友嚟食，因為佢竟然冇食過呢間野！好多街坊鄰居嚟呢到食，見到老闆不斷同人打招呼，有啲仲好自然就話砸數，感覺呢間舖面好有人情味佢嘅豆漿同埋菊花茶都話係自製，我哋都各嗌咗一杯，豆漿入面都飲到啲豆渣，兩款嘢飲都唔會太甜，幾鍾意👍🏿以前一路都嗌開馳名排骨麵，今次轉做菜膽排骨麵，多咗幾個白菜仔之餘，都仲有六舊排骨。炸排骨一啲都唔油膩，外層炸到好脆，入面嘅排骨肉都好鬆化易咬，小小韌，感覺係新鮮排骨肉而唔係雪藏貨。上海幼麵好有咬口，浸一陣都冇淋到，分量足夠一個女仔話飽。湯底比較清淡，自己會加啲辣醬落去，令個味道更加豐富價錢相宜，喺香港大學讀書嘅朋友唔怕行多兩三步，就可以食到呢間咁地道、咁平民化嘅餐廳

覺得好普通，都係麵一碗再加一啲餸 除咗炸雞之外，有種自己喺屋企都可以輕鬆整到嘅感覺嘢食選擇唔多，黎黎去去都係菜膽冬菇排骨 加個麵，排骨又唔係真係咁特別，不過不失啦。如果鍾意豆瓣醬嘅就覺得會加分住喺附近，真係好間唔中先會食一次

相約朋友於上環午餐，有很多小店舊舖選擇，最後選了吃麵，聽說朋友在中學時已經常來吃飯，約下午1時到達，午飯時間門外已有數人排隊，等了約10分鐘。店內裝修還可，舊式但不殘舊，位置不多，但座位還可，所以比較緊密。我們叫了麵餐跟水餃、炸排骨、鯪魚肉腐皮卷賣相普通，麵粗幼適中，不會太冧或太硬水餃份量正常，味道新鮮炸排骨鬆軟，沒雪藏味，不會很乾但可多點水份鯪魚肉腐皮卷由賣相開始吸引，外皮脆身，小彈牙，不錯以價格及份量睇是不錯的午餐選擇

這天休假，和妹妹一起去尋找回憶中的美味排骨麵。這家金祥以前在北角有分店，那時候常常和妹妹去吃炸排骨麺；自從北角分店結業後有幾年沒吃了，突然想起所以約定有空去西環老店尋味。叫了炸排骨腐皮卷米線$38炸排骨依然鬆脆好味，炸紫菜腐皮卷點些紅醋也很好吃，但是米線煮久了變得太淋、太糊口了。感覺比以前北角店吃的變差了，這次吃完應該不會再特意坐車來吃了。

這家老店在西環，我中學時好像吃過一次... 然而在這附近住了這麼多年，我幾乎每天都會經過，可能店外圖片不夠吸引，一直都沒人願意陪我來吃。某日下午茶時間我就自己來，因為非繁忙時段，我一人坐一張四人桌，點了菜膽雲吞排骨麵，飲品半價（凍熱同價）。服務態度滿分，服務員耐心下單，上菜前詢問客人是否吃蔥，老闆也很熱情招呼其他熟客。如果沒有特別要求，上來的麵條就是上海幼麵，但貌似還是很粗的，吃貨論幼麵，蘭州拉麵的毛細依然無可替代；雲吞有骨渣，口感差，吃雲吞要吐骨碎的感覺完全扣分；凍奶茶茶味偏濃勉強接受，但是排骨（沒帶骨頭，我想其實是炸豬排）真的很好吃！！！排骨用調味料先醃過但保留肉味，炸的時間掌握得好，所以外脆內鬆軟。

今日突然想食排骨麵，所以專登搭車黎試下西環金祥，位於水街，都好出名，最出名就係排骨，係呢區已經有好多了歷史。黎到都已經好多人排隊，我1個人都等左十分鐘先可以入座。黎到就係要試排骨，所以本來想叫排骨麵(我指住圖) ，但落單伙記話：你試唔試下我地招牌排骨？ 我話：嘜呢個唔係招排咩？佢話：呢個係急凍肉黎架！ 佢話 (指住另一圖) : 你食呢個水餃排骨麵啦，呢個係新鮮排骨, 好奇怪，我唔想食水餃，所以叫了：炸紫菜腐皮排骨麵，單叫，唔係餐。豬扒=排骨 賣相同味都好好，有脆口，夠鬆軟，厚簿適中，好入味，正紫菜腐皮 覺得一般，比較簿，食落味道唔夠，我唔多鐘先，我食過珍珍自家出品，好正嘅紫菜腐皮，覺得呢間無得比。麵都好彈牙，好食，我會再黎。

話比人知我住咗西環6年，但都未幫襯過都無人信啦，是實正正如此，其實想試好耐，但每次同阿sir講，佢都會話去第二間食，皆因佢以前讀HKU果時已經食到厭，但今次食番，佢又覺得有另一番風味喎！菜膽冬菇排骨粗麵 $40主角酥炸排骨有別於出面既日式排骨，呢度既排骨係用上新鮮豬扒，所以肉口感比較軟熟同有肉味，唔需要點其他醬料都已經好好味，再加上無骨食落超方便呀！冬菇有3大粒都算唔錯，粗麵我就覺得麻麻，口感比較鞋身唔夠滑，所以下次我想試下幼麵，不過唔知會唔會滑dd呢?

週末沒有下午茶歺！提我一樣～全日歺的豬扒是急凍的，招牌的豬扒是新鮮的！餃子是店內女職員親自包的！配搭黑醋在麵或炸豬扒也十分理想！清湯底、但上面一匙滿的蔥花和garlic flake, 好獨特！再者，半價的飲品、菊花茶也煲得很出色！

星期六瞓醒，差唔多中午，又到食飯時間。唔想煮，咁就同老婆落街搵食啦。不過唔知食乜，萬無目的咁遊蕩，黎到水街。都幾多選擇，經過猜包剪揼決定後，✊vs✌️就入左金祥。呢間野喺水街口，黄底紅字招牌，平時經過都幾顯眼，外面裝潢冇乜特別都係貼滿野食相。但入到去，玻璃枱面木圓枱，懷舊sofa卡位，感覺幾老牌麵店feel。行左一輪，已經好Q餓，喇喇淋坐底睇餐牌，發覺款式都唔少。不過唔洗諗，叫個最多餸既，餓丫麻~我就叫左個牛腩水餃排骨麵，老婆就叫左冬菇雞球排骨麵。見到門口招牌煎餃子張相，一於叫埋啦～個麵黎到時就知大鑊了....原來排骨(即係豬扒)係分開上，即係我地有兩碟。嘩...正呀～好多餸呀～ 個排骨好鬆脆，油味唔濃，幾好~ 水餃大大粒，牛腩夠腍唔怕鞋，雞球又夠入味，份量唔係少~ 兩個食完都真算捧住個肚走。金祥真係唔錯，cp值高，可以翻食。下一次會叫個鯪魚肉腐皮卷試試~