金記冰室 (東九匯)

營業中

休息中

之前來到牛頭角的東九匯，已經看到過金記冰室的招牌，只可惜上次沒機會試，今晚專登邀請朋友一起去試試這一間新進駐的冰室。來到冰室當然要試試佢嘅茶餐，但由於已經是晚市，沒有下午茶餐供應，只好散叫自行拼湊起來。我們試了金記招牌生炸雞髀，幫我金粒西多配雪糕。招牌生炸雞髀大小適中，表面的調味亦做得非常好，不會過彈，而雖然內部炸至酥脆，但內裏的雞肉依然保持鮮嫩。金粒西多方面，和一般的做法不同，糖漿是分開讓客人自行添加的，好處是不會令到西多本身的溫度下降和影響口感，配上雪糕一起食亦非常滿足。此外主食方面，我們亦點了一份特色食品，南乳大蝦盛，簡單來說就是類似於盆菜，內裏有鮮蝦，魚蛋，腩肉，豬皮，蘿蔔，切雞，豬手等等，材料之多絕對是令人意想不到，已婚兩支太易令人想像不到他是一個一人餐，這款期間限定的大蝦盛令我們在平日也能夠日常食盆菜的滋味。而餐飲方面我們分別叫了雪糕紅豆冰和蛋白杏仁茶。紅豆冰方面椰香本身已經非常足夠，而表層的雪糕的奶香味更加令紅豆冰的口感和質感都豐富起來。而熱飲的蛋白杏仁茶更不是在很多地方能夠嘗試到，杏仁茶的香滑加上蛋白，令到成件事更加養生和滋潤。

金記在官塘新開了一家分店，特意去吃晚餐。餐廳位於商場1樓，沿自動扶手電梯上到去，已感覺到氣派。冰室內部裝華麗，座位寬敞，梳化舒服，店員服務有禮。點了兩款晚餐，分別為72元及92元。是日例湯，火喉夠，湯味濃。海南雞，雞皮甘香，雞肉嫩滑，油飯不算太油膩。XO醬蝦球炒西蘭花，XO醬味濃有輕微辢味，蝦球爽口，西蘭花新鮮翠綠。第一杯熱飲跟餐加10元轉為綿滑蛋白杏仁茶，杏仁香，蛋白滑，甜味適中。第二杯熱飲跟餐加10元轉為黑糖生薑桃膠茶，薑味濃烈，桃膠份量多，暖胃好飲。總結：裝修華麗，食物美味。

這幾個星期都在牛頭角返工，放工後就和同事附近的金記冰室吃過簡單的晚餐。餐廳主要用QR code下單，操作簡易方便。菠蘿咕嚕肉，第一次在冰室餐廳食到有水準的咕嚕肉，特別選用半肥瘦的肉排烹製，搭配青紅椒、菠蘿、提子乾，味道酸酸甜甜，而且份量不少，三個人share就剛剛好。鐵板美式什扒，份量的確重量級，有豬扒、牛扒、雞扒、腸仔、煙肉，搭配蒜蓉汁份外惹味，並用以西蘭花、炸薯條、蕃茄仔伴碟，份量大，性價比高，質量也不錯。金記三文治，麵包切邊，牛油麵包烤到香脆，加入生菜、蕃茄、火腿、餐肉、雞蛋、芝士等材料，一口咬下去層次分明，口感豐富多樣。金記炸雞髀，雞髀尺寸非常大隻，炸得金黃酥脆，醃製的味道亦恰到好處，不但無雪味，而且肉嫩可口，非常值得推薦。蛋白杏仁茶，很久沒有飲過杏仁茶，但這次實在有驚喜，蛋白棉滑有口感，杏仁味道香濃，值得一讚。

金記初開時，只有幾間分店，現在已經有超過20間，其增加速度尤如上菜速度的快，令人佩服✌✌🌹🌹今晚節目睇電影，在附近金記冰室食完晚飯應該趕到。坐位較其他分店寛闊可能是新店，設計上有所改良，有 wifi，自助熱水和現時必須的安心出行 QR code 在坐位旁邊， 考慮周到🌸🌷平時食套餐多，今晚改叫小菜。霸王雞半隻香蔥味濃，雞肉香滑回鍋肉買相可以，味道跟上海館各有不同，肉質類似風乾處理過，肥的部分不會太油膩，都 ok 呀！金銀蛋上湯浸時蔬 今晚時蔬是細嫩白菜仔，皮蛋、鹹蛋、 肉碎頗多，湯味清甜，菜和湯都全部食清咖哩海鮮炒飯海鮮有鮮蝦、蟹柳、墨魚……， 咖哩味香濃而不辣，炒得很均勻，粒粒飯都有味食小菜可以半價叫飲品，我飲蛋白杏仁茶杏仁清香滋潤，以為只有蛋白，飲到最後，才發現竟然有整隻雞蛋，真是開心😆😆老公叫了鹹檸七 最值得一提就是上菜速度非常快，下單不用3分鐘，已經有餸上枱，食完仲有足夠時間去戲院，不用趕

金記冰室又開分店了，終於開到我屋企附近，實在太好了～是日屋企無煮飯來食下，中餐西餐都有供應選擇甚多，一時間花多眼亂揀菜需時，手機掃QRcode落單好方便。冰室佔地相當大，新店環境一定光鮮，提供好多卡位座位闊落。見在場有不少一家大細來開餐的，價錢經濟好食兼大碟，街坊晚飯的好選擇。新鮮菠蘿咕嚕肉 $70咕嚕肉大件，仲好多件。佔滿醬汁的外層微脆，味道酸甜開胃，啖啖肉口感而且入味。罕有地用上新鮮菠蘿，鮮甜味美，配料仲有洋葱、紅椒、提子乾，看出誠意又幾抵食的。自選二人小菜餐 $158套餐：粉葛豬骨湯熱湯好飲味道清甜，可以清熱下火。套餐：欖菜肉崧四季豆四季豆色澤翠綠，條條都咁長，看出用心製作。咬落爽口唔會炒到好淋，欖菜肉崧鹹香惹味，撈飯食好正～套餐：韭黃叉燒炒滑蛋蛋的確炒得好滑，配以韭黃爽脆鲜美，叉燒大片切一薄口感會更佳。紅豆冰 +$10沒有太大驚喜，可能我揀左少甜，而紅豆是完整一粒粒的，我始終喜歡爛溶溶，溶入奶中飲。咸檸七 +$10罐裝七喜加咸檸檬，標準味道一定好飲。

今日收工後去左偉業街食金記，金記平時食唔小，見呢間新開幾光猛又乾淨就寫寫佢。店舖當日晚市唔算滿座，職員安排左我地坐四人卡位，坐位空間闊落。每張枱上都有個自助水水龍頭，比平時保溫壺咁倒出黎相對乾淨D。當日叫左個經典二人餐，鮮菠蘿咕嚕肉及西多士落單後好快就上菜，二人餐包括焗豬，咖哩雞排飯，白灼油菜同兩杯餐飲。焗豬可謂金記既招牌，平時我次次都黎會食，食過幾間質素穩定。豬排包完蛋漿再煎炸，肉嫩帶微微脆，茄汁十分濃，偏酸，汁夠多撈飯，炒底炒飯炒得夠乾身。咖哩雞排飯既咖哩汁偏重椰奶味，咖哩香料味亦夠，食落比較似南洋咖哩。雞排上菜時有兩大塊，皮煎得脆肉質嫩，成個飯無咩挑剔。鮮菠蘿咕嚕肉，炸粉薄，啖啖肉食落唔會太肥，但調味比較酸第一啖食落口比較嗆，配上提子乾一齊食甜Ｄ就好Ｄ。值得一讚既係今日既菠蘿好熟好甜，但菠蘿份量可以多Ｄ，太甜同友人搶住食唔夠喉。西多士中間夾住粗粒花生醬，今次要左煉奶同糖漿打孖上，十分邪惡！食完唔係好夠喉叫多左兩杯黑牛同菠蘿冰，黑牛既朱古力雪糕有粒粒朱古力碎，食落朱古力味濃，令黑牛層次突出。總結黎講餐廳分店多，水準穩定，穩陣唔會中伏之選

東九匯是新開的地方，今天與在觀塘下班的朋友來到這裡吃晚飯，裡面的裝修新也很光亮，地方也大。 我們坐下之後開始點餐，這裡是用掃碼點餐的，但我自己手機網絡接收不是很好，結果還是叫服務員來。 我們叫了一份蘋果豬扒鐵板餐配意粉，雞扒炒烏冬，2人餐叫了沙薑雞和欖菜肉鬆炒四季豆。 因為真的很餓哈哈。上菜的速度也挺快的呢，大概10分鐘就有了。但坐在風口位下，餸菜涼得比較快。先來的是蘋果豬扒鐵板餐，雞扒炒烏冬。 豬扒的肉略鬆，黑椒汁夠味，而雞扒很好吃，烏冬正常發揮。而沙薑雞的雞油脂比較多，但勝在肉夠滑。欖菜肉鬆炒四季豆是我的最愛，夠鑊氣，味道足，肉鬆也質感也好。餐湯和餐飲(熱好立克和熱奶茶)都屬於正常發揮。