金記冰室 (創紀之城五期(apm)) (已結業)

今日同好姊妹行APM，行完街諗緊食乜好，大家都想食得清清地，所以去咗APM最頂層有間茶餐廳食飯。我就嗌左個海南雞飯，另外好姊妹就帶咗個雞扒吉列魚柳飯，我哋仲share左個金銀蛋白菜仔添。雖然佢係港式茶餐廳，但係海南雞飯亦都做相當有風味，海南雞整得好入味，雞肉好滑，而且油飯都係調教得恰到好處，係驚喜之選。至於吉列魚柳雞扒飯呢，就大件夾抵食啦，因為朋友係食肉獸就滿足晒一次要求啦，吉列魚亦都唔會炸得好乾，仲要係啱啱炸起熱辣辣卜卜趣添啊，雞扒就不過不失啦，不過就好鍾意佢個白汁撈飯，所以平時唔多好白飯嘅好姊妹都食晒成個飯。白菜仔配金銀蛋仲有肉碎湯，成個湯好足料，又有勁多菇，我哋好鍾意佢個湯，個湯食得出唔係味精湯，所以下次可以嗌一個白飯嚟撈飯就正

小炒份量大碟，兩個人食兩個餸已經超級飽，另加$15可跟白飯，湯和飲品，白飯大碗，夠兩人食。Xo醬蝦球炒西蘭花：蝦球好大隻，肉厚，爽口又有鮮味，一口食啖啖肉。xo醬有一點辣，非常惹味，配飯一流。粟米魚柳：粟米超級多，我們都喜歡食粟米。魚柳炸過，欣賞它不會很油，吃不出油，而且加了醬汁還是脆的，魚柳肉很滑，又大塊，一口吃不下一塊。老火湯：湯內有雪耳，適合養顏的我喝，湯不會很咸，不是味精味。西洋菜蜜：很濃，用料充足。

因為返工係呢間餐廳附近，所以之前都久唔久會幫襯，每次去到，餐廳員工都態度十分差劣，叫個人黎落單都有難度，成功捉住一個員工，佢就話佢唔負責落單，叫我搵第二個。佢係用QR code 落單，但一開始嘅時候，個app都唔update, 落單真心哂時間🙅🏻‍♂️仲有好幾次，叫左外賣落去攞，幾次都係order n個餐，但淨係黎左(n-1)咁多個餐，再唔係就野飲黎錯。總之本人就唔會再幫襯佢，加上價錢又唔算平，佢唯一優勢就係近觀塘嘅商業大廈，想快快手食完就算嘅朋友，我都唔會阻止你嘅😣

觀塘告應該係全世界餐廳密度最高嘅地方之一。中餐、西餐、日本菜、韓國菜、快餐…應有盡有。但茶餐廳經常都係我第一選擇。欖菜肉鬆四季豆惹味香甜，沒青澀，沒渣。金磚風沙炸豆腐炸豆腐一般是用硬豆腐、煎炸豆腐、雞蛋豆腐或是板豆腐，一來它們比較實淨，不會像嫩豆腐、蒸煮豆腐般一動就散；二來是這些豆腐出水較少，相對容易瀝乾水分，這樣就沒那麼容易煮散。但呢度偏偏用嫩豆腐製作，外皮鬆脆中帶煙韌，口感嫩滑。金牌乾炒牛河炒功到家，有鑊氣，碟底油不多。香港茶餐廳的經典美食。

最近OT多左, 就算忙工作都一定要醫肚。記得食過金記冰室既外賣, 質素又掂, 而晚市外賣仲有7折。不過我地太肚餓, 叫下午茶餐一樣抵食。金記冰室係APM, 地方超方便。金記的地方佔地好大,冰室呈長形。 接近5點都坐滿8成, 仲有唔少人外賣。茶餐選擇多, 唔要茶餐都有其他好多選擇。星期一至日仲有防疫靚湯喎! 而且防疫措施做到足, 每位職員帶上口罩, 進入冰室前要探熱, 坐位會分隔開, 一有食客離開便馬上清潔。令你食得放心。和同事一齊點左以下 :無骨海南雞(套餐) $78金牌乾炒牛河 (熱檸茶) $53特製豬扒包 (凍奶茶) $38凍香滑奶茶 (凍飲加$3)熱檸茶另外, 雖然食客多, 但外賣處理都係好快, 唔駛得好耐就有得拎。無骨海南雞無骨海南雞套餐唔係茶餐。同事係勁中意。因為海南雞好滑好香, 配埋黃油飯好好味 ! 而且仲配湯, 今日係西洋菜湯。蜜棗西洋菜煲陳腎湯金牌乾炒牛河真係不愧為金牌, 已經食過幾次, 雖然唔係堂食, 但炒得好香, 牛肉塊塊都好大件, 而且入味 ! 河粉味道均均, 鹹淡適中。特製豬扒包一份兩件迷你豬扒包, 豬扒香脆多汁, 仲要係厚豬扒, 好難一口咬得晒落去喎!如果中意

響應依傢好多地方都外賣，呢日收工想快d返到屋企所以決定外賣回家食。今日上左黎APM呢到睇下食咩，見到呢間金記冰室好多人等緊外賣所以湊埋熱鬧一份試下。原來依傢做緊外賣優惠，外賣戶戶送有8折，而外賣自取有7折添啊～我就清清地叫左個無骨海南雞飯仲跟埋個老火湯（每日既老火湯都唔一樣架），食海南雞仲鐘意就要係無骨，估唔到外賣都唔會太差，雞件份量好足而且雞肉滑嫩，仲要好好彩師傅斬哂雞胸俾我🤣先生就叫左呢個XO醬雞扒炒公仔麵，味道辣辣地好開胃，而且配菜比較多，所以好香口。

金記冰室係apm入面，裝修唔錯，感覺好乾淨。疫情期間多左好多人叫外賣，除左可以親身黎買，仲提供埋電話whatsapp落單👍 呢度嘅款式有好多，有成幾十種，任君選擇，有曬想食嘅嘢。惹味黑椒牛舌粒炒飯👍屬於大廚快炒系列，炒飯好有鑊氣，牛舌粒炒飯幾有驚喜，味道夠曬惹味，好食👍另外加9蚊加左個中湯（加配飲品或者湯都有半價優惠）另外叫左個魚香茄子飯，好有鹹魚嘅香味，入面既茄子、肉碎同其他配菜都幾多下，味道都唔錯～

這天朋友相約 一同前往觀塘吃飯， 餐廳位於商場之內， 距離觀塘地鐵站路程約需三分鐘左右，地理上十分方便，快捷。 餐廳位於商場的高層，由扶手電梯慢慢向上走，就可輕鬆找到。 餐廳主打的食物，是港式美食， 食物方面， 選擇還算豐富， 但可惜 入座人數有限， 我們只能外賣， 過後 在food court的位置找了一個地方，慢慢進餐。食物方面，還算不錯， 當中我最欣賞的， 就是他的即叫即製， 新鮮熱辣辣的， 味道方面，鹹淡適中，適合香港人口味， 絕對是港式之選。加上包裝精美，不會因為輕微的碰撞， 引起污糟的情況出現,絕對是用心製作。

今日亞媽不煮飯，所以放工去左APM買外賣，見這間店外賣自取有７７折咁抵，就幫襯佢啦！這裡落單是用QR Code落單，人客在手機將QR Code掃描，就可以點餐，今晚買左一個鮮茄蜜桃厚切豬扒焗飯餐，加半隻家鄉鹽焗雞返屋企，一於嘆返下！鮮茄蜜桃厚切豬扒焗飯餐，除了豬扒飯，跟餐還有一碗西洋菜湯和一杯飲品，喝過湯，感覺幾好喝，唔鹹，飲完不會口渴，應該沒有加味精，很好！厚切豬扒焗飯，媽媽用刀一切落去，她已經說很軟腍，用需用力就可以切到，豬扒很厚，蕃茄同蜜桃調的汁，酸甜適中，家姐還說很久沒有吃到那麼好吃的豬扒了，一咬落去都不需要太用力，又不會乾，很有肉汁！真的很正！，飯就是蛋炒飯，雖然用料簡單，但個飯都炒得不錯！家鄉鹽焗雞我買了半隻，面頭有一些芝蔴，令鹽焗雞多一份芝蔴香，雞都幾滑，不粗鞋，唔會太鹹，味道調得好好！我飲過咁多間西洋菜蜜，這間都真的調得幾好飲，因為平時我飲到好多間都是很甜很甜，要不停加水先可溝淡一些，這裡的調記很到位，非常好飲！外賣自取有７７折，真的很抵，下次再試過其他食物先！

疫情肆虐，放工外賣晚餐回家嘆世界已成為好多人的常態。食得外賣多，要求自然也越來越高。首先，要有"折頭". 疫境之下，人人慳得就慳，金記冰室近期做推廣，外賣有77折，錫住荷包。第二，食物種類要多，才能滿足一家人不同的口味。亦有健康抗疫老火湯可供選擇第三，盛載外賣的器皿要夠高質。金記採用微波爐餐盒，既硬淨，又方便reheat.芝士鮮茄焗牛舌飯 (原價 $68)有三大片牛脷，每塊都是又大又厚。雖然是厚切，但口感軟腍易咬，好吃。焗飯是"炒底", 很香口，稍嫌雞蛋下得比較少，多一點會更香。但有香濃的茄汁及芝士作"補償",仍是會令人一口接一口。欖菜雞粒炒飯 (原價 $67)從未試過這個配搭的炒飯！炒飯炒得乾身，欖菜令炒飯惹味又有鹹香，加上彈牙的雞粒及香口的雞蛋，簡單又好吃。蜜桃中式牛柳（原價 $85)份量很多，共有四五塊牛柳，件件又大又厚身。牛柳軟腍無筋，容易咬開。汁醬酸甜，夾集香甜的蜜桃粒及洋蔥，相當開胃。咖哩牛肉飯 (原價$60)咖哩夠濃稠，味道香而不辣，有濃濃的椰漿味，很好下飯。牛肉份量很多，質感軟滑，亦沒有鬆肉粉的那種苦澀味。薯仔軟糯入味。

Think wellLove wellSleep wellDinner well話說今日收工經開觀塘口痕疲想食茶記 去左金記冰室到食成間店既空間寬闊燈光用左奶黃色 環境光猛之餘帶點溫暖感坐得耐都仲係舒服今次點左金牌乾炒牛河 四川重慶口水雞 同埋 金粒西夠配雪糕金牌乾炒牛河: 食乾牛河最驚成碟都係油 但食到底 油量可以接受 味道幾好 牛肉嫩得黎唔會韌 而且河粉都唔會好散四川重慶口水雞: 雞皮唔會好肥 而雞肉都好嫩滑 口水汁香辣帶少少麻 就算唔食得辣都可以接受金粒西多配雪糕: 西多粒粒都炸到好金黃 好脆 就咁食覺得好香口 連練奶食一齊食亦唔覺得好甜 配埋雪糕一冷一熱 作為飯後甜品係極度邪惡@kamkeecafeLocation: Kwun TongPrice (10 is expensive): 6/10Yummy (10 is delicious): 6.5/10

公司同事又有好介紹, 他給我一張外賣餐單.   來自 金記冰室, 1967年開業, 食物應該不錯吧! 觀塘 APM  金記冰室,   門面美觀, 餐牌林立, 選擇食物無難度.我愛中式小菜.  款式多,  價錢經濟. 我叫了:  中國傳統名菜  ~  梅菜扣肉套餐, 有湯, 白飯, 飲品 $87-另外也叫一個 煎牛扒配黑椒汁跟 白飯 給我牛魔王弟弟.外賣方便快捷, 約  10 分鐘 就已經包起, 可以出門.梅菜扣肉套餐, 用膠盒分別載, 有梅菜扣肉, 湯, 白飯, 飲品.先試口湯, 有雪耳, 冬瓜,  冇味精, 味道好啊.梅菜扣肉,   五花腩肥瘦平均,  那 紅色椒 絲好搶眼又 惹味.扣肉,   蒸得夠火喉, 滑而不膩,  肉質嫩滑, 吸收了梅菜的鮮甜味.  甜梅菜也吸收了五花腩肉的油脂,  甘甜適中,  好食.  梅菜減低油膩感.  煎牛扒配黑椒汁, 牛扒好大件, 份量足, 正合牛魔王心意.牛扒肉質鬆軟, 牛味香濃, 肉汁豐盈, 配上黑椒燒汁更是搭配美味, 啖啖都滋味.餐廳有中西式食品, 下次再來吃下午茶.

這次做完點事情想吃點東西，看到這家很多人吃 所以買外賣回家吧。下單以掃碼方式下單，然後在取餐時才付款，挻方便吧🤭。💥炸雞脾配沙律 HKD$41 ，雞脾炸到金黃色很吸引的賣相🤤，肉質不會太乾或韌挻不錯的口感。吃完雞脾再吃個沙律來中和一下油膩感最好不過😝。💥鮮茄濃汁焗豬扒飯 HKD$52，面頭鋪滿芝士和蕃茄😍，很喜歡這個畫面耶❤。這個飯份量十足很大份茄味很濃郁，豬扒有咬感不會太韌用了炒飯底做飯更加香口😍。💥蛋白杏仁茶 HKD$18，這個飲品不會太甜但又很滋潤🤤，裡面還有蛋白，很喜歡這個飲品💕。

今日喺觀塘做完嘢諗住返屋企之前睇吓APM有咩啱食然之後外賣拎返屋企，上到去最頂層見到一間叫做金記冰室嘅餐廳好似好多嘢食咁而且加上而家晚市做緊外賣自取仲做緊七七折非常之吸引，佢哋仲每一日都會推出唔同嘅抗疫靚湯，好有住家飯嘅感覺，所以就順便買啲外賣返屋企啦成個落單過程非常之簡單只要用電話掃一掃qr code，然之後點選你想食嘅嘢再行到去收銀處到俾錢咁就成個過程完成晒啦唔需要同太多人有唔同嘅接觸除咗外賣自取有七七折以外叫外賣APP都會有八折菜膽雞:雞肉好嫩滑，啖啖肉咁食落好爽，雞皮爽滑。啲菜索汁醬汁嘅香味，好好入口，好想食多幾條蕃茄滑蛋魚柳湯飯份量非常之多佢係一個有營養之選擇因為佢係少鹽少糖啱晒啲扮晒健康嘅我haha蕃茄嘅數量非常之多好似食極都仲有魚柳亦都非常之滑，蕃茄嘅鮮甜味令到我胃口大開最後不得不讚嘅係佢哋嘅蛋白杏仁茶每次嚟到都一定要嗌，重點佢唔會好甜而且杏仁味好香！亦都可以食到大大啖嘅蛋白，真係真材實料唔係溝粉！另外順帶提一提呢一間餐廳嘅防疫措施做得唔錯入到去要量體溫查酒精搓手液枱同枱之間亦都夾晒膠板亦都落埋膠簾，以確保客人食得衛生又安心

金記冰室, 港式茶餐廳, 歷史悠久, 有多間分店, 最近我家的是銅鑼灣店, 但晚上六點休息,想食金記出品, 今晚放工, 決定去公司附近觀塘 APM 那間, 買個外賣回家 加餸, 家人一定最開心.看見 金記冰室 ~ 有營食肆, 戶戶送 !  不過我家在銅鑼灣區, 自取更經濟快捷.冰室晚市外賣自取, 有77折扣, 比自己動手煮, 便宜方便. 雞不可失 ~ 好同意, 合用又岩食.  我愛 菜膽雞, 例牌 $68-看看餐單, 又記起爸爸仲意食 蜜桃中式牛柳, $82, 要買 !只等十分鐘, 店員通知廚房準備好, 可以帶回家.回家時, 媽媽已備飯菜, 急不及待打開那盒 ~ 菜膽雞, 皮香肉滑有雞味, 仲有上湯潯著.雞肉嫩滑不肥膩, 味道真不錯, 份量多, 伴有白菜仔也吸收了上湯的精華, 超好味, 白飯拌些上湯食真一流.蜜桃中式牛柳, 賣相好吸引,  打開盒已感到色香味齊全了.牛柳大塊厚身, 煎得好香口, 入口軟稔入味, 數數有好多件, 抵食!濃郁的醬汁酸甜度適中, 撈飯食, 越食越好味.蜜桃, 真是夏季頂好配菜, 味道酸酸甜甜, 入口甜滑好味.  加了洋蔥更增加口感, 餸飯至正. 兩個小菜份量唔