金記冰室 (創紀之城五期(apm)) (已結業)

係公司悶悶地，一班同事就最鍾意提議食食食～今日試左呢間位於觀塘海濱道既金記冰室。一入餐廳，已經聞到陣陣既蛋撻同麵包既香味！值得一讚既係，餐廳門口有提供酒精搓手液，亦有專人幫我地量體溫👍🏻咁注重衛生，我地可以食得安心啦👍🏻我地隨意叫左兩大袋外賣～行返公司都只係幾分鐘路程，返到公司食物都仲熱辣辣架😋蛋撻～首先試下個蛋撻，蛋撻皮好鬆脆！👍🏻而且蛋味好濃呀！炸雞翼～ 夠大隻，皮炸得好香脆肉質又嫩滑！薯條～ 係懷舊既扭紋薯條😋好味！西多士～ 炸得鬆軟而唔會太油👍🏻味道比出面食開既西多士較特別，味道帶鹹應該係因為加左芝士係入面，淋上蜜糖後鹹鹹地甜甜哋，好特別！奶醬多～呢個真係大讚！中間既花生醬粒粒香脆，奶醬夠晒多，好足料🤗兩大袋外賣，一陣就被一班為食既同事清左貨！下星期要再encore! 😆

下班後太累了，不想回家再入廚房忙一大輪，於是收工後去金記冰室買外賣。金記冰室在apm六樓，電梯直達，非常方便。食物選擇也多，有中有西，也有套餐。晚市外賣自取還有七七折優惠，更加抵食。稍等一會兒，包裝妥當的外賣食物已經準備好。這晚點了一客咸魚雞粒炒飯、一客XO醬豬扒炒即食麵和金記炸雞翼。咸魚雞粒炒飯炒得夠乾身，粒粒口感分明；加了咸魚，在鹽的控制方面留了一手，所以飯不會過咸。加了蛋和蔥等配料，炒得更香。XO醬豬扒炒即食麵香氣一流，而且XO醬帶些辣香夠開胃。麵身偏乾，是個人喜歡的口感。豬扒肉質不錯，以XO醬調味是個上佳組合。金記炸雞翼，外邊炸得夠香脆，但當中仍然保存了肉汁，雞肉不會太乾，火侯剛剛好。一客兩隻，兩個人一人一隻，不用爭啊。

跟同事過了觀塘開會，放工時經過 amp 商場，行了陣，突然想起這裡有間金記，現在抗疫與大家同行，外賣自取有77折扣，於是上了去賣埋外賣跟住返屋企！落單可以掃描 QR code 自助落單，再到收銀處付費，整個過程簡單易用，真係十分方便。今晚就點了老公最愛嘅鹹魚雞粒炒飯，同埋蜜桃中式牛柳，等了一陣就可以取走，包得整齊，方便回家即刻享用！回到家中打開個鹹魚雞粒炒飯，十分香噴噴，陣陣鹹魚味道濃郁，加埋飯身炒得乾身，入口煙韌彈牙，飯內還有軟熟嫩滑嘅雞肉粒，真係材料十足，老公大讚！飯粒粒飽滿，金黃色雞蛋炒底，十分唔錯。份量都好足，大粒鹹魚夠晒味，炒香鹹度適中，炒飯炒得好食見到師傅有水準！牛柳煎得好香口，加入好多洋蔥增加口感，仲減低油膩感添啦！醬汁一齊食估唔到又幾夾，好惹味！而配埋呢個蜜桃中式牛柳真係胃口大開，牛柳大塊厚身，入口軟熟入味，而個酸甜汁加埋甜滑嘅蜜桃片，真係一啖飯一啖肉，非常好的配搭！兩口子又多個選擇了!

因為公事過咗去觀塘嗰邊， 午飯時間餐廳都比較多人等位， 唔想等位我哋決定買外賣。同事提議去apm 6樓新開嘅《金記冰室》。因為要隔開枱坐， 無奈地餐廳裏面係有位都冇得入座～ 外賣都好快手，等咗五分鐘左右。餐廳做緊推廣， 每日都有一款抗逆湯水。😋😍是日抗逆老火湯: 雪梨粟米無花果煲豬骨湯，滋陰養顏～！ 凡惠顧套餐送一碗。買咗兩個餐， 再加兩碗湯同飲品， 份量十足 ，好在外賣袋都夠紮實穩陣。老火湯好足料，飲落冇味精，清甜滋潤！『無骨海南雞配油飯及老火湯』海南雞用上雞髀部分， 雞肉嫩滑啖啖肉， 雞皮爽滑～😋 海南雞飯， 軟熟甘香， 滲出淡淡雞湯香味， 超美味！ 😍😋雞油和甜醬油也很講究專業，令雞肉更添滋味！另一款『蒜香欖菜炒四季豆配白飯』午餐， 也很夠鑊氣， 欖菜好香， 配上洋蔥， 四季豆和雜菇，配白飯一流！無冰奶茶， 茶味香濃， 因為冇冰可keep 住味道， 一解奶茶癮，

我愛食濃味飯，今日想外賣回家食，去了APM金記買了個芝士蕃茄焗豬扒飯$68，都要等大約10分鐘，代表即叫即焗，夠新鮮，回家打開，香噴噴蕃茄香味，面有兩大塊豬扒，飯底係蛋炒飯，底部還有焦香飯，脆卜卜。見餐牌有情懷沙嗲鮮牛飯，因兒時常食潮式沙嗲牛河，所以轉埋個炒河粉底。好香沙茶濃香，好惹味，有新鮮菠蘿粒，牛肉片夠淋，夠曬鑊氣，令人回味。見餐廳都推介多款抗疫老火湯，今日是雪梨粟米無花果煲豬骨湯，好飲，冇味精。

今晚媽媽不在家 沒有人煮飯於是決定下班後去買外賣回家吃決定試一試這一間 — 金記冰室菜式豐富 選擇多元化和妹妹點了兩款一起吃可掃描QR code 點餐 十分方便XO醬蝦球炒西蘭花蝦球彈牙 配上主菜西蘭花加入菌菇、洋蔥、青紅椒等以XO醬炒得很香可以自選辣度 點了小辣 味道不錯四川重慶口水雞套餐例牌口水雞肉份量也不少吃下去麻麻辣辣 幾香口套餐配有白飯、湯和飲品木瓜雪耳栗子煲豬骨湯足料老火湯 滋潤養生 潤肺止咳凍利賓酸酸甜甜 解膩又好喝

APM金記，防疫措施做得唔錯，入去要量體溫，揸搓水液外，卡位與卡位之間都隔晒膠板，而且仲落晒膠布🤣防疫功夫非常緊慎👍🏻⋯⋯另食客食得非常安心。疫情呢排餐廳開始用左QR code讓食客自己落單，除左減小員工與客人緊密接觸外，仲可以減輕伙記工作負擔，一舉兩得⋯⋯每次都會叫呢個沙嘜牛肉麵餐，皆因佢嘅沙嗲汁真係做得好好味😋 牛肉腍滑有咬口，佢嘅煎雙蛋每次都係煎得咁鬼靚，流心之餘又有蛋香；多士亦每次都係脆卜卜，所以真係好鍾意黎呢度食早餐👍🏻。

係呢個環境多數人都同我一樣多咗買外賣回家享用一餐美食，今日都唔例外一放工又去咗附近呢個大型商場APM買日用品之餘，都係埋呢度買嘢食一來有多間食肆選擇，咁就去咗6樓金記冰室幫襯，除咗門口有一系列餐牌外，仲可以手机掃QR Code落單有更多款式口味提供，點了一個中式小菜粟米魚柳同晚餐卡邦尼蘑菇大蝦意粉，再係隔離行陣街轉頭先攞，已見包裝好就準備回家品嚐美食，一開盒仲係熱辣辣保証即叫即做，先來有小菜粟米魚柳，魚柳入口鬆脆肉軟啖啖肉，再沾滿濃郁香甜粟米汁，一啖一件咁食滋味十足，到另一款係套餐卡邦尼蘑菇大蝦意粉，配老火靚湯木瓜雪耳栗子煲豬骨湯飲啖湯滋潤養生一下，再品嚐呢款美食，揭開已聞到陣香味，又食到肉質彈牙嘅大蝦肉口感飽滿，同時食到蘑菇片香甜，再食一住香滑又濃郁卡邦尼意粉更加食慾大增，繼續邊食邊享受一餐外賣美食。

響觀塘平時下午經過金記都好想食，但好多人排隊，所以決定今晚夜晚來買外賣回家食，見店鋪都攞左好多獎項。店員指示外賣可掃QR code 睇餐牌自行落單，原來都好電子化了。我見餐牌有好多選擇，今晚想食中菜，叫了涼瓜炆魚柳$73，加多$15有飯、飲品同老火湯，今日係粉葛赤小豆紅蘿蔔煲豬骨湯。涼瓜好爽口，完全唔苦，還帶點清甜，魚柳好大塊，粉漿唔算厚，淡淡魚肉，用了豆豉煮，好惹味，餸白飯一流。老火湯夠清甜，粉葛去骨火，醒神，還有杯熱奶茶，茶味夠濃又香醇。另一款點了魚香茄子飯$58,有咸魚粒帶出香味，茄子爽口，肉碎夠多，好有鑊氣。手機點完都好快就有，夠曬方便。

金記係我既指定食堂,凍奶茶真係好正,疫情前我基本上日日都要去食早餐/下午茶,就係為左呢杯凍奶茶!老婆今晚無煮飯,奉命買埋外賣返去簡簡單單食金記啦疫情下的金記,人龍依然依舊的長不同的是大家在等攞外賣外賣自取77折,超抵!唔怪之依然咁多人啦外賣等左十多分鐘就有得攞,速度都幾快咖喱牛腩$68連飯和湯 ,cp值高咖喱牛腩好靚仔下,份量足足有一個小菜咁多有根有腩,肉都煮得好腍而且非常入味個咖喱加了椰汁去煮,食起來有陣陣椰香的甜味,中和了咖喱的辛辣我非常喜歡老婆點了海鮮焗飯$75連飲品海鮮舖得滿滿的上面再加了大量的芝士炒飯底加了蛋花去炒口感加上了蛋香,最難得是外賣攞到番屋企也不減美味

講都冇人信，原來 #小秘書媽媽 同我一樣都係 #咖哩fans，自從上星期我喺 #金記冰室 帶咗盒 #外賣咖喱牛腩 孝敬佢之後，#媽媽 一直對個 #咖喱汁 #念念不忘，叫我遲啲有機會再帶佢去食。不過呢排時勢唔好，唯有打包返屋企同兩老撐枱腳。呢日我收工過嚟APM買嘢，睇水牌先知原來呢度都有分舖，一於上去買啲好嘢返去加餸。當時未夠7:00，門口已經排咗幾個人喺度等外賣，原來77折呢個promotion仲未完，唔怪得生意咁旺啦。本來呢晚我好想爸爸媽媽試吓其他菜式，不過諗到媽媽個 #為食樣，不禁我又encore #咖喱牛腩，另外加咗個 #蜜桃中式牛柳😉 等咗大概10分鐘，終於輪到我，#服務員 笑笑口提我小心㷫親、叫我下次再嚟幫襯，突然有種 #苦中一點甜 嘅感覺，我連忙回應佢一聲唔該，就趕去搭車返屋企。爸爸媽媽已經準備好 #白飯，同炒咗碟 #菜芯 等我開飯，突然覺得佢哋好可愛、好似小朋友上身咁。哈哈估唔到個 #咖喱牛腩同 #中式牛柳 都仲熱㗎🤩 #小秘書 當然要撈啲 #咖喱汁 落 #白飯 先啦... 一如以往都係咁好味😋 #牛腩 嘅份量都相當之多，三個人食都仲有啲剩（我撈汁多）😉 至於個 #牛柳，

好耐之前食過一次，又係港式嘢就去食啦！今次得一個人去食，一去到門口同職員講一位，佢哋就話隨便坐就得，咁因為都唔多人，我就好自然咁坐卡位，點知之後原來卡位滿哂，有兩個人入嚟想坐卡位冇哂就坐其他位，有一個男職員就起碼係我卡位經過向前行講咗三次 "一個人都坐卡位啦"！ 一個人都坐卡位啦"! 一個人都坐卡位啦"! 咁佢又好嘢，冇當面經過講，次次係我隔離向前行時講喎，所我只睇到佢背面，睇唔到佢個樣喎，咁我只能對住我懷疑果個男職員問，嘜一個人唔可以坐卡位，佢就望一望我話唔係喎。之後就冇聽到再講呢句嘢啦！總結：如果你哋呢間餐廳就算唔係多客，都唔比"一個人"坐卡位, 就唔好當"一個客"入嚟講埋"一位"，請唔要叫"果一個客"隨便坐，請問隨便坐個意思係咩? 又叫人隨便坐，食餐飯都要無理受氣。以後就算有冇客都直接安排位啦！尤其你哋d職員見到得"一個客"呀!!!

最近因為工作關係經常都會喺觀塘，所以APM就成為一個好方便嘅搵食地方啦，疫情期間好多去開小店都已經冇開到，喺大商場裏面都叫做容易D搵到食肆。本身想試晚餐嘅蘑菇意大利飯，又想試芝麻糖醋骨，猶豫之際原來已經無哂，店員都好好，主動介紹其他食物，亦有解釋原來d骨類因為入貨問題所以暫時都未有，姐係沙拉骨、生炒骨都無，好想食酸呀😭於是我又諗左5min ，又叫翻店員過黎鐵板西冷配意粉，肉都幾厚夠大件，唯一美中不足係忘記講幾成熟，店員又無提到，所以我地等左太耐先食有d熟過頭，但咁都唔會太乾硬，下次會留意翻了！側望舊牛都幾有份量（表面）好注意健康嘅我3餐入面一定要2餐有菜，所以就好九唔搭八咁叫左三色蛋浸時蔬，幾有驚喜，湯幾清唔會重味精，仲有好多我至愛嘅菇菇，配上清甜嘅白菜，我幾乎食左7成，只留低2條俾朋友。如果入面加粉絲/芋絲就好完美啦，索哂d汁又唔高卡路里。餐牌入面有一頁係健康之選，寫明係少鹽少油嘅配搭，注意健康嘅人士不妨可以留意左嗰一頁嘅推介先食完呢個菜我覺得貨真價實，雖然我明白好多人話係出面食飯叫菜係好唔抵，但係的確比起自己整少好多功夫意外驚喜：芝士蕃茄焗炸脾雖然聽落去同頭先話注意健康好似有啲人格

做完嘢想快食埋個飯先返屋企，去茶餐廳係一個唔錯選擇，呢間係最高層，提供多款晚市套餐，唔駛點傷腦筋呢客無骨海南鷄配油飯及老火湯 ($82)，賣相都幾有睇頭，係爭咁D醃蘿蔔.....哈哈附上薑蓉及醬油，鷄件啖啖肉，肉質都算幾滑，唔食皮嘅可以輕易拎走; 而個老火湯夠熱度，有湯有鷄又有有味油飯，都幾滿足!套餐加$15可以叫碟原價$28嘅油菜，晚餐可以有菜嘅話點都要嘅，無咩油只加豉油，幾腍甜!呢份餐蛋治 (烘底) ($30)，無飛邊，好有自家屋企製FEEL，好彩邊皮食落又唔硬，加埋煎香左嘅午餐肉同蛋，晚餐時食都咁滋味!飯餐配送飲品，凍飲加$3，去茶記開餐當然係要奶茶及凍檸茶 ($13)先岩數，奶茶相當香滑，再熱D就仲好; 杯凍檸茶就茶味幾香即叫即焗嘅呢客芝士焗肉醬意粉 ($58)要多點時間等待，侍應放低時仲見到肉醬嘅起伏，超級熱辣熱熔嘅芝士與肉醬舖滿意粉，味道微酸幾開胃，而意粉軟硬度都適中，至怕係腍到一個點，想食都食唔得多!估唔到茶記都有甜品，呢客金記西多配雪糕 ($42)嘅出場率都唔低西多變成迷你版，配上雪糕/煉奶，一熱一凍，甜美可口，唔駛五分鐘已經被消滅!

今日見完客就同朋友一齊去呢間金記食飯，估唔到都幾好食而且價錢都唔貴! 我地叫咗個是日晚餐蜜椒薯仔牛柳粒飯，薯仔炸得香脆而且蜜糖包圍住，食落好惹味又唔會太咸，牛柳炒得好juicy同埋調味好岩，有牛味又有淡淡黑椒味，送飯真係一流!另外仲叫咗滑蛋叉燒飯，滑蛋加埋粟米，聞落已經好香，佢地用既叉燒亦都大大舊又唔會太乾，食到真係幾正而且夠多汁送飯!我地仲叫咗個風沙豆腐，呢個真係好出色! 豆腐本身都好軟滑同埋有豆味，外皮炸到金黃酥脆而且仲有蒜粒同辣椒粒調味，好惹味!最後就叫咗個雪糕金沙磚，其實即係西多士，炸得好香而個size又可以岩岩好一口一粒，加埋雲呢嗱雪糕令到成個甜品都唔會太漏添!