金記冰室 (創紀之城五期(apm)) (已結業)

星期六同女朋友係apm睇完葉問4，完場後，岩岩中午飯時間，開始有少少肚餓，所以係apm周圍搵野食，來來回回咗好多轉，最後入咗金記冰室！望入去環境唔錯，裝修得都幾靚，人都幾多下，等位等左5-10分鐘到終於可以入座！之後點左2個餐同女朋友share食，試左招牌牛肉米粉，湯底係雞湯底配搭米粉好好食，米粉吸哂雞湯d味道好正，米粉煮到岩岩好，仲有少少口感，唔太淋，牛肉就一般般都合格，唔會冇哂牛肉味第二個餐點了黑胡椒牛舌炒飯，炒飯乾身，唔會太濕，粒粒分明，上菜果時仲熱辣辣，相當好食，牛舌粒比較少，但配搭咗黑胡椒更加特出牛舌香味仲有杯熱奶茶都要贊一贊，好香好滑，做到茶餐廳應有奶茶香滑價錢方面都合理，坐位都舒適，係一個唔錯餐廳選擇

晚餐:番茄焗豬扒飯飲品:熱杏霜(不是蛋白杏仁茶)原本想普通吃個無骨海南雞飯，不過可能臨近關門時段，所以很多餐已經賣完了，最後叫了個感覺最穩陣的焗豬扒飯，誰知遇到驚喜了，覺得值得為這驚喜寫段食評。首先從第一口－醬汁說起，食到醬汁係用鮮茄調製，而不是加工茄汁或者茄膏所整，味道很鮮而且濃淡適中，配合軟硬剛好的飯吃，讚。然後豬扒十分大件，而且真的做到「厚切」兩字，肉是半肥瘦偏肥一點點，所以不會像一般店那樣因為太瘦而覺得乾乾硬硬地，切的時候不用很大力就能切開。個人覺得飯稍為少了一點點，不過豬扒的巨大足夠將我填得飽飽有餘(仲過左籠添😂)。另外，杏霜是我近期喝到最接近「霜」的口感，而不是水那樣稀稀的，味道很合口味。總括而言，是「有下次」的食店名單之一，但暫時只吃過一次，水準能否維持穩定這一點尚有待評定，但個人表示會再次光顧。

星期日早上10點半的APM，真係估唔到呢段時間會有咁多人食早餐，我由底層一路揾一路睇，竟然間間有早餐食嘅餐廳都好多人，最後行到上頂層，見到一間茶餐廳，我又唔想行番轉頭，所就入左去食喇。金記冰室前身係大排檔，1967傳承至今已經52年，十分經典。新派演繹嘅金記冰室，入座快、落單快、出餐快、執嘢快，個個服務員都好醒目。招牌鮮牛肉餐^配西煎雙蛋及牛油多士當然沒有驚為天人嘅味道，帶點粗糙嘅牛肉就鋪在幼米粉上面，吃嘅時候海中浮現昔日嘅學生歲月呢😅啱啱烘起嘅多士鬆軟好吃。

近來為了一些活動，滿腦子也很累，吃個晚飯休息了。苦瓜火腩倉魚苦瓜可以有清熱解毒～朋友說要吃味甘甜，配上豉汁很好佐飯，這店將苦瓜切成薄片容易入口，不愛吃苦瓜的人都不會抗拒其獨有之苦澀味。加上這個火腩，味道鮮甜，棒。蒸肉餅住家菜又怎少了蒸肉餅！看似簡單，做到彈牙不粗嚡亦大有學問。今次帶點肥肉的脢頭，令蒸肉餅，既可口又簡單，下飯帶飯，也是非常好吃。菜心菜心吃得出很新鮮～品質柔嫩，風味可口，營養豐富且沒下油。苦瓜炒牛肉苦瓜（又叫涼瓜），味苦。但喜歡吃的人，不覺得『苦』，而是『甘』。用這句話，挑戰我們學吃苦瓜：『吃得苦中苦，方為人上人～肉很有口感～味道好，橫紋切薄片。醃料入～其實，吃了這個苦瓜後，也明白了苦瓜的好吃～原來苦瓜炒得脆而多汁，和牛肉為很好的配搭喔。簡單的生活，不繁複之味道，令人嚮往的，慢慢行行來。

很久沒有吃鐵板，由於很想吃肉但本來想吃的那家人滿為患，和朋友最後來了這一家也有扒吃的冰室。每人叫了一個雜扒和一杯餐飲，雜扒有雞肉牛肉豬肉煙肉和腸仔，配上黑椒汁還可以，但薯條太咸了

今早同屋企人去APM食嘢，去咗金記食佢哋嘅招牌早餐，鮮豬膶早餐，沙嗲牛肉麵餐豬膶米粉，上面有少許杞子，4片豬膶，湯底唔錯，米粉幾爽口同滑，豬膶厚道剛好，唔會太厚或太薄，入口爽脆港人至愛既沙嗲牛肉麵，湯底唔會死咸，牛肉嫩滑，麵質幾爽口

今次幫襯官塘偉業街分店,環境舒適,卡位有點迫,用坐位上的qr code下單有九五折,非常簡單易用,一連五天都試他們的早餐,最好吃是沙爹牛肉麵,沙爹味香濃,有花生味,不太咸,牛肉很滑,分量很多,麵煮得剛剛熟,很彈牙很好味,豬潤通粉湯底非常濃郁,有一點藥饍味道,薑味很濃,豬潤很滑,通粉口感很有彈性,火腿通粉湯底是忌廉雞湯,非常清甜,雞蛋可以在手機要求不同烹法,多士餐包也新鮮夠熱,奶茶就冰鎮比較突出,就早餐味道來講,我認為在官塘是數一數二。

剛剛就見到唔洗排隊辦法！！先攞飛，再同staff講話同伴唔舒服！staff就立即安排入去開餐！完全冇問題出面排到隻狗咁！！真係有好員工！個員工有冇諗下人地就排隊等到隻狗咁！我就有問員工唔洗排隊？？佢就話我知人地話自己唔舒服所以佢安坐位佢用餐！唔係打999安排去醫院！咁奇怪？？這餐廳員工手則係客人話唔舒服只係安排坐位唔係去打999真攪笑話唔舒服就有位咁洗乜排隊！個個話唔舒服入嚟就有位！唔知比得幾個呢？不過我都唔等！以後唔會去！如果有師兄唔想排隊可以一試

今日午飯時間唔太肚餓， 就決定同同事等到下午茶時段先食午飯。 之前去過一次黃大仙嘅金記冰室， 記我佢個咖喱唔錯， 就決定去觀塘呢間試吓。 下午2:30去到， 唔多人， 下午茶餐牌唔算特別多選擇， 叫叫咖喱海鮮炒飯（$46）， 凍飲要加錢。 咖哩炒飯味道不過不失， 鹹咗少少， 同星洲炒米粉嘅味道差唔多， 份量嚟講。。。就你非常之細！同事叫咗湯粉同埋麻辣米線， 佢地話味道都唔錯， 但下午茶嘅價錢嚟講就有小小貴！下次再嚟嘅話會選擇食返咖喱飯。

踩雷了……踩雷了……招牌鮮牛肉米粉太清淡了，沒什麼味道～米粉細細的，不過中午用餐的人還是很多的，也要一直排號，不过金记冰室好像很有名，只能下次来吃吃其他的美食啦！

今日同媽咪去APM 食lunch, 撞正office hour lunch time, 超級多人又等位。。最後漫無目的去左6/F 間金記冰室。門口有dd 人等緊，我地望完menu 又費是再周圍搵就禁張飛。。點知就即刻叫我地個no.喇。。個職員拎左份menu 就帶我地入去，入到去坐低係圓枱搭枱，不過無所謂啦，茶餐廳都預左。。Menu 其實唔多選擇。媽媽叫左個雪菜肉絲米粉配腸仔煎蛋加牛油多士。我見佢話個豬潤通粉係招牌就諗住試下。叫完俾返個menu 職員但佢話放喺枱面，但當時張枱計埋我地其實係3枱客，d menu 放晒係到我心諗一陣點擺野食。。跟住好快d 野就黎左，可能忙掛d 職員放低野食就走左，最好笑係將我碟炒蛋+多士放左喺個menu 上面。。心諗頭先都叫你地收架啦。。之後終於有個職員過黎收走d menu。媽咪急不及待食左碗米粉所以唔記得影相，睇個樣都係正常嘢。點知我個豬潤通粉黎到我好失望。我見到湯入面有d杞子，本身我麻麻地依d藥材做湯底，d豬潤有5,6塊，不過同圖片中嘅差別都幾大，有d違返商品說明條例，不過可以解釋嘅係圖片只供參考。最好食嘅係塊牛油多士，未影已經食左。另外見到隔離有3個客

位於觀塘的大型商場內, 不少食肆都走中檔型路線, 看來連唯一的茶餐廳也不例外吃點了咖喱牛腩飯($65), 咖喱汁的味道不錯, 由其是配著白飯吃, 牛腩偏肥, 有幾塊都是肥膏來的, 可真正吃下的數目不多, 內有三塊薯仔和數片洋蔥皮?? 這個是最不能接受的, 洋蔥價錢並不高昂, 何以吝嗇得只給表層? 眾所周知是硬得不能吃無骨海南雞飯($75): 雞肉滑, 雞皮肥, 醬汁還可以, 油飯普通, 例湯正常, 只是雞肉份量少, 以一個女生的食量來說我不夠飽總括而言, 這個商場內的美食選擇並不多, 又想吃經濟一點, 如果你幸在繁忙時間找到位, 不要要求太高, 請好好享受一下吧

我又去試新野了，今日午餐食冰室，見佢乾乾淨淨企企理理應該沒問題啦好彩質素都算不錯，我仲要左類似冰鎮奶茶跟餐加5元試了沙薑雞髀 ，不會過咸，係飯有點硬，不過好彩有碗中湯可飲下

當晚，我跟男仔朋友跟男仔朋友在 Palace APM 睇完戲 <使徒行者2> 後，便走到附近的茶餐廳 <金記冰室> 食飯！恰巧！今期 <金記冰室> 跟老夫子聯乘合作，兩者是否做到最佳拍檔？就真係要嚐過先知嘞！等了幾分鐘，我們被安排入座到一張可容納6人的圓枱！他好醒目，認為會搭枱，建議我跟他坐埋一邊！話口未完，即刻有食客跟我們搭枱！當時大約晚上 8:30，他想叫乾炒牛河，點知已河粉已賣晒！他只好別作他選，我選擇了邪惡又香口的 XO 醬炒公仔麵，而他選擇了另一款 crossover 系列的焗豬扒飯！食物及飲品很快便送上，很有效率！XO 醬豬扒炒即食麵 $75香氣洋溢！公仔麵炒得乾身又均勻入味！豬扒切成條狀，容易進食！整體都幾惹味！鮮茄濃汁焗厚切豬扒飯 $68熱辣辣又酸香醒胃！他的豬扒跟我那碟的貨色似乎差不多！份量豐足！這個餐跟忌廉朱古力，由於，他在入場睇戲前，買了熱狗及汽水食！所以，他給我飲！凍忌廉朱古力 (少冰)就算我要求少冰，入口依然冰涼透心！甜美又香滑！我除了食XO 醬炒公仔麵，又叫埋加忌廉的凍飲，真係邪惡到極點呀！他則點了一杯熱檸檬茶

好多時一早去開觀塘APM都會去食金記既早餐因為佢既早餐無論係通粉定係麵餐都好好味，尤其中意哩度既沙嗲牛肉麵餐，再配埋煎蛋同牛油多士都係$36，價錢合理。沙嗲牛肉麵 雖然沙嗲味唔係咁出，但個牛肉真係好好味，有牛味同質感，（唔會好似有d餐廳咁比梳打粉拿到d牛肉死晒）🙄🙄🙄。煎蛋亦係剛剛煎出黎，流心蛋，有蛋香，好正👍🏻，多士亦好脆，牛油一d都唔慳，查左勁多，好香好脆😋拎個包沾d蛋黃汁食真係一流平時都會間中黎金記食午餐同晚飯，排隊都係常見，總括早、午、晚餐都試過，價錢同食物質素成正比，讚👍🏻