金記冰室 (黃大仙中心南館) (裝修中)

上年試過金記出既月餅唔錯,今年呀媽都話要買番金記月餅,有雙黃白蓮榕同金腿伍仁。一講起月餅，大家第一個反應一定係想起雙黃白蓮榕或者冰皮月餅，無可否認呢兩款月餅係好味，而且勝在夠大路，買左都一定親朋戚友會岩食，最穩陣。往年我都係買白蓮，不過今年就買盒金腿伍仁比屋企人食下，如果個個都淨係食雙黃白蓮榕或者冰皮月餅，咁廠家又邊有動力賣其他月餅呢，所以為左維護月餅界的多元化發展，我決定買下伍仁火腿! 當然有其他新口味我都會支持啦。同家人一齊開箱試食，發現餡料健康,少油少甜，加入少少金腿伍仁的餡料略鹹又好有咬口。家人話原來以前佢地都食過金腿伍仁，不過唔好食所以以後就無食了。今次呢款高質的金腿伍仁月餅就令佢地改觀了，味道洽到好處，我媽仲話聽日帶個伍仁月俾佢的飲茶既茶友試下添。今次中秋我地又多左個共同的特別回憶了。

中秋快到當然要買定月餅，這日來開食飯，得知低糖雙黃白蓮蓉有優惠價$188，而金腿五仁月餅優惠價則$228，見都幾抵就各買一盒，優惠只是至到19/9前，幸好買時還來得及相當傳統的包裝，但如此更有中國傳統月餅特色而在很多店家的包裝太潮了，甚至似吃西式甜品多過月餅兩盒的封面女主角當然是嫦娥採用傳統的畫風，符合金記的傳統港式茶餐廳懷舊風味開箱了，我們已迫不及待吃了一個雙黃白蓮榕，標榜低糖，很健康外層是金黃色飽滿白蓮蓉的油份的確是少，可口又不會有油膩的感覺，吃完也感覺得舒服，加上當中的蛋黃很美味，值得一讚味道沒有一些大品牌般濃郁及多油，更讓人回味

上星期和家人到金記冰室食晚飯，看見有不少食客都買金記的月餅，我也不執輸，買了一盒月餅回家品嚐～平時吃得太多蓮蓉,冰皮等月餅, 想試食下d old school的傳統月餅… 便決定買一盒金腿伍仁月餅,打算試一下傳統的風味。媽媽說她那個年代很流行吃這款月餅的。包裝盒富有傳統特色，畫風幾特別，像五六十年代的設計。月餅很有咬口，裹面有很多材料，有瓜子仁，杏仁，白芝麻，腰果，金華火腿等，感覺很特別。而且腰果又有豐富的鈣質，杏仁又對女孩子皮膚好！值得一試！ 

到放lunch時間又要搵好野食啦，今次經過金記冰室見佢有懷舊裝修，加上門口貼左宣傳奶茶的廣告，作為奶茶精的我，九秒九就決定衝入去啦裝修有懷舊風味的特色，座亦座得舒舒，lunch時間亦多人光顧！主餐牌design好特別似乒乓球拍的樣，加分加分到港式茶餐廳當然要試佢的常餐啦沙嗲牛肉公仔麵好邪惡但確實吸引，味道唔錯，但份量較小，男士就未必夠啦！配多士加火腿奄列應該是即煎的，夠熱重頭戲就係奶茶，分別叫左熱奶茶同冰陣奶茶熱奶茶顏色靚，有茶香但再熱d會較好！凍奶茶友人就覺得很濃，需要加多淡奶，但總括而言都是好評的！日後又多個食lunch好去處啦

鐵板美式雜扒 ($72)上次吃過家附近的金記的鐵板餐，雖然價錢略高，但我依然記掛著。今次再來就再吃一次鐵板餐，今次點了洋蔥汁的雜扒餐配意粉，還跟中湯。沒記錯侍應說這是全場最後一碗粉葛湯，然後再為我們報以一個微笑。也良久沒喝過粉葛湯了，嗯，記得當晚的味道略為鹹了一點，但還有可接受範圍之內。至於主菜來說，雜扒餐之中包括了豬扒、牛扒、腸仔、煙肉，豬扒的肥膏位比較多，牛扒還好啦，夠淋身，可是個人覺得略為細塊，腸仔跟煙肉最普通不過了。至於意粉是超級大碟的，一個人吃其實會吃不完啦。今次這份餐跟上次的比，有點比下去吧。聽到隔離台的一家人說著咖喱不錯，下一次試一試吧。

午餐係佢，下午茶又係佢,。。。。第一次光顧。裝修同餐牌幾得意。（乒乓波板）午餐食物一般啦。咖哩牛肉飯多牛肉，但粟米叉燒飯就。。。覺得自己又叫錯左了，稀汁加幾塊叉燒，又冇鑊氣，幾多粒粟米都數到，咁就幾十文下午茶時段了。人人食包包。深海魚柳包。腥腥地，好薄。豬扒包唔錯。至正係沙爹牛肉包。但亮睛的係格離枱份：雜扒餐。好大碟，好香。hk$72.這鄰枱年青兩公婆又好人又俾我相機食先喎，多謝哂。下次可以試下。（反正未來每星期都要嚟黄大仙一趟）未幾，發現同一鄰枱，仲叫左焗肉醬意粉，賣相極得，又大份量，好又舊時风味，但唔好意思又“借“映相了下次又自己叫。係呢區算係一間不錯茶記服務亦唔差。

我發現我的朋友真係港九新界都有今次去到黃大仙，食飯吹水當然唔少得，今次食中菜朋友話帶我食好野，而且唔貴！！點知一去到，原來係金記，一定有保證啦～～～我又回到舊時啦～～～又係熟悉而又有特色既乒乓球拍餐牌今次食返Ｄ簡單野，幾個朋友一齊，當然要ORDER 可以分享既菜色啦，晚餐有湯又餸又有飯有老火例湯飲，滋潤一下我仲有我喜歡既南杏北杏添，飲落飲得出好足料！！我既主菜黎啦「西檸豬」因為我好喜歡微酸既菜色，特別醒胃炸到鬆脆既外層包住鬆軟而彈牙既豬扒條再包覆上酸酸甜甜既西檸汁，食落去，先有一陣清新而帶有酸勁既檸檬味散發出黎，之後會滲出一絲絲既甜味而且咬落去，豬扒條有彈性又鬆化，唔會過淋或過un，又有點咬口「和尚跳海」已經係我在金記必點既飲品，睇自己喜歡而加入鹽/糖飲，我推薦加鹽，加糖就有點似糖水。今餐同朋友吹水吹得好滿足，朋友係要見既

朋友放假，我去了她黃大仙家，她帶我參觀黃大仙中心，這裡又有新變化，開了不少新食肆，感覺變成主打飲食中心。朋友問我吃茶餐廳與否，我當然會吃，只要是好吃的。我們兩個很簡單點了兩個沙嗲牛肉麵常餐，基本可以說茶餐廳必吃。我跟朋友說金記冰室的多士很鬆脆，超好吃，平日我都很討厭吃多士，因為不少餐廳都烤得硬邦邦，很難吃。牛油香氣滲透多士中，更為美味。至於奄列其實都不錯，火腿鹹味適中，不過如果更加多火腿餡料就好，個人比較貪吃。奄列煎得纖薄但沒穿透，又沒有過老富蛋香，真的很需要技巧和火喉。我最愛沙嗲牛肉麵，公仔麵爽口彈牙，沒有因湯浸泡而變得軟掉，最怕出現這種狀況。湯底不會死鹹，所以沒有吃完有種口渴的感覺。重要的是沙嗲牛肉採用的沒有用梳打粉調配肉質，依然吃出牛肉本身的軟嫩，沙嗲醬汁濃度剛好，不會黏稠。凍奶茶冰涼之餘入口絲滑，奶與茶的比例處理得很好，沒有互相搶掉彼此的味道，既喝到奶的滑，也飲到茶的香。

黃大仙比人感覺一直係舊區，但係我反而覺得好多餐廳都隱藏於此難得一人晚餐，當然搵一啲懷舊冰室去懷念一下餐牌用乒乓波拍黎改造，別出心裁晚餐款式有新派有舊菜我就點左個黑椒茄子牛仔骨煲黎獨自品嘗😂😂仲要有老火例湯飲得出落足料去煲主菜上場用熱辣辣既砂鍋仔上枱，出到黎仍然滾動份量亦唔會吝嗇兩個人食都足夠茄子軟身但表皮鬆化，唔會有渣牛仔骨腌製到肉質軟綿，連筋都咬得到醬汁香濃唔會太咸，仲帶有少少辣只需要醬汁，都足以配上一大碗白飯

久不久都會食一次金記, 今次去完interview, 行過黃大仙中心知道開左間分店,本住實無死的態度入去都係叫番我自己鍾意依既野, 無骨海南雞!貪佢啖啖肉但又唔太肥, 肉質嫩滑, 好入口,送飯一流!另外比較特別的既係依間分店有冰鎮秋葵,本身好鍾意食一D滑潺潺既野, 即刻叫左一碟黎試下,都幾大條幾足料, 不過唔記得左影相.咬落去外面幾爽口, 再有D汁流出黎, 感覺好fresh, 再點埋wasabi 同醬油, 真係好有日式的感覺咁既價錢卻有日本餐廳的享受, 抵!聽人講秋葵可以幫助去廁所較暢順, 番到屋企果然有料到!! 有依類煩惱的人可叫黎試下work 唔 work. 

有時放工好累懶得煮飯就出街食下飯，話說今日老公放工要加班唔鬼理我😭，我放工就一丁友揾下好野食!!行下行下商場俾左呢間茶記的招牌吸引，好似好老字號咁, 而我見茶記裹面亦有好多人幫襯，心諗應會唔差得去邊🙈所以就入左去食飯。因為一個人食飯所以叫ge食物唔多,叫左個牛肉炒面，一份海南雞同一杯凍奶茶多奶。首先講下個炒面先，唔錯! 好有鑊氣,好香口而且大大份，牛肉份量亦不少，質地唔老，火喉剛剛好! 😃另外海南雞有驚喜，去晒骨先上碟。食落啖啖肉，配埋醬料一流!! 👍 雞肉亦相當嫩滑😊 而杯奶茶就不細提了，因我係奶茶怪，所以食飯才叫奶茶飲 ! 整體幾滿意，若下次經過可以再黎 🤗

奶油包因為做野太辛苦近來都好鍾意『任性』出下街食飯咁岩奶油包要去九龍做野就又嚟食『金記』奶油包點左個中式小菜晚餐芝麻黑糖醋骨跟餐仲有個白飯芝麻黑糖醋骨d肉唔會太肥個醬汁酸酸甜甜仲有芝麻奶油包呢個怕食骨既人都覺得好味例湯就要左俄羅斯羅宋湯個湯真心好飲而且都幾足料再加一個冰鎮秋葵第一次食秋葵大大條好爽口冰鎮岩晒夏天食唔知係咪有段時間冇幫襯覺得侍應冇以前咁熱情而且個地下唔夠乾淨地下爽DD會更好

上年有陣子常到港島區也會到金記午餐和晚餐，特別喜愛其咖哩農夫包。近日發現金記冰室擴充了，在九龍和新界也有分店。今晚專程來到黃大仙分店買月餅給家中長輩 (長輩對金記的五仁月餅情有獨鍾)，順道晚餐。雜扒套餐 (推薦指數 5/10)這店沒有咖哩農夫包，試了賣相不錯的鐵板。不知是不是人多的關係，鐵板不太夠熱，淋上醬汁時沒有水份蒸發的"炸炸"聲。豬扒比較大塊，牛扒細而且有點筋，感覺普通。枝竹牛腩飯 (推薦指數 5/10)上枱時店員幫忙將蓋子打開，香氣撲鼻，但吃起來味道偏咸而且好油。餐飲叫了唂咕，味道偏淡，感覺不太討好。我們叫了中湯，例湯感覺，沒驚喜。感覺是不太滿足的一餐。但地方有特式也衛生，吃個快飯也是可考慮的選擇。

先講一講下入到舖頭的第一感受先:  因第一次入黎食,  感覺裝修設計懷舊格局OK,  不會有殘舊的感覺,   幾舒服的。另外,   乒乓波拍設計的餐牌夠晒特別！簡直勾起中學年代打乒乓波的回憶！因工作忙碌的關係,  呢兩日可以話無米落肚, 所以就 隨心叫左碟牛鬆炒飯同碟雞食。呢碟炒飯味道OK,   唔算太油,   本人對食唔係話太咀刁,   但炒飯的話就覺得一定要有鑊氣先叫正,  幸好呢碟飯都夠鑊氣,  唔錯的。雞本身可以話係賣飛佛, 而呢碟無骨雞味道都唔差, 雖然表面睇落好似好油, 但食落口感肉質滑,  個人覺得啱啱好,  加埋啲姜蓉食更好。整體上滿意, 日後可以搵埋啲fd黎再食下其他款式的餐。

今晚我們一行四人到黃大仙找東西吃。可能由於下大雨的關係，店子人很多，我們也要稍等一段時間才可入內用餐。我先叫了一個下午茶餐。原來這兒部份下午茶餐在晚市時間也有供應，滿足了很想吃沙律的我！沙律醬不算太多，所以吃完整份也不會覺得太膩；而豬扒薄薄的，又不會煎得太老，頗為吸引。由於黑松露醬和秋葵都是我愛吃的，所以試了友人點的這個餐也覺得很喜歡，不會令人失望。仍是以蛋入撰，這次主角換了涼瓜。甘香的涼瓜炒得很爽口，與蛋相配非常搭，不用點茄汁都已經夠滋味了。雞煮得很嫩，我不禁吃了很多塊，不過海南雞飯必備的醬則略淡，是這道菜美中不足的地方。整體而言這一餐的食物質素是不俗的。