金都海鮮酒家 (新豐路)

營業中

休息中

部門farewell同事，去左之前去過嘅金都，由於卜左位，唔洗等即刻入！快快手叫左廿幾碟點心，一個三文魚炒飯，一個蝦伊麵，一個油雞米同半隻燒鵝！點心好快就到，正常嘅味道！而燒鵝就無我地上次食咁好食，不過都ok嘅，喺上水嚟講算係咁，218半隻！個雞米都好抵食，68就有半隻雞同一窩米線，而米線個湯都幾好飲，後尾唔夠食加左單，12個人埋單1245，算係抵食，仲有嘅就係有一個呀姐幾抵讚，啲野都跟得幾足，服務算係唔錯！呢間野啲野食完唔會口乾，應該唔係太多味精！

我係懶人，唔係食到一肚氣我都唔會係度寫食評！！！星期六食團年飯，見金都裝修完，同家人試下先！點知出事！我地食第一輪，家人明早要返早，早食早點返家抖！金都一定要你食set dinner, 唔緊要！我地叫左個3488的set, 約6:30叫上菜，激死！每15分鐘來一個餸！D 野食有時太鹹有時無味！特別係碟雞，鹹到無朋友！來到又唔熱！唉！說真的，我向來對食唔高要求，都要要出聲，金都，真係極差叫佢地上菜上快點，起碼叫左4次，就話煮緊，好多單，每15-20分鐘一碟，由餓變到唔想食！最後，等到9:00頂佢唔順，叫佢減返最後個三四碟錢算了，我地走！佢又唔肯！要等多10分鐘出埋比我地！最後食到9:15我食過最差的酒樓，一定係金都我一定唔會再食了！點解要用15分鐘寫食評，想叫大家去之前，諗清楚！

估唔到第一次寫食評，唔係因為好食，而係因為成肚氣食團年飯，6:30 叫起菜，套餐野斷斷續續2個半鐘都上唔齊，三催四請叫埋經理都無用。裝修完第一次幫襯，服務不知所謂。想測試自己忍耐力就去啦！野食，一係太鹹一係無味！次序又亂曬，講真，十分十分差！！我地一定唔會再來！樓面點講唔好意思有鬼用，都唔知廚房個班做乜？無咁多人手就唔好開門做生意！「招呼唔到」4個字係呢度會比你另一種全新感受究竟呢間野係打開門做生意？定想你食到一肚火至走？

好耐無去飲茶食點心喇，朋友仔投訴行得好遠，但金都好食麻。越坐越熱，飲茶飲到出晒汗，無冷氣咁囉！好有創意又有趣既香芒脆皮斑塊，有機會試試。朋友仔對燉湯不感興趣，無緊要，下次先。皮蛋瘦肉粥，好食就幾好食，最衰只係暖暖地，再熱一點就更好食。非常甜美濃濃瘦肉味道，跟上棉棉粥底及甘香皮蛋碎同吃，勁可口呢。藥膳雞腳，好味喎！湯汁一飲而盡，藥材味出眾而回甘，雞腳皮肉爽又膠，唔夠熱要扣分呢！香煎蘿蔔糕，蘿蔔膠嗎？勁搞笑，堅係膠，質感似刷膠，暖暖地又唔熱，食左半塊放棄！幾款送都唔熱，皮蛋瘦肉粥、藥膳雞腳、蘿蔔糕，有無熱野食架？四寶雞紮，上次特價雞紮無魚肚，勁搞笑。暖暖地成條塞入口，十分 juciy，一咬肉汁湯水直噴，有點狼狽但好好食啊 ﹗滑彈雞柳香甜、爽爽魚肚索盡雞汁、彈彈火腿咸香宜人、冬菇菇味濃，好味道。金蒜蒸排骨，蒜味不嗆不濁，吊出排骨香甜。半肥瘦排骨啖啖肉，肉多骨少又甜美，幸福啊。

食完旺角大隻佬碟撈麵根本唔夠飽，太少喇！唯有直接返上水整多個下午茶補補倉啦。走到老遠發現有間大酒樓成三層高添，梗係要試啦。估唔到有我致愛既燉湯供應，獲奬無數？真的嗎？傳統點心、新派菜色、創意小點，跟一般酒樓差不多啦。流沙奶皇包，熱辣辣而且手感非常好，好彈手呢。千萬不可以成隻啪入口，如果撞上岩漿般的奶黃，真係條脷都熟架 ﹗小心地搣開查看，白煙直噴，奶黃緩緩流出，剛好燙嘴不過份。香甜奶黃散發極濃厚奶油蛋黃芬芳，棉棉滑滑、軟軟塾塾，而且包味十足，好好食啊。口水雞，大肥雞帶著肥膏及厚皮，有點油膩喎。雞味略淡，雞肉乾而腍，混上微辣帶酸又帶甜既口水汁，花生味濃有趣，算合格。腐皮卷，炸得乾爽鬆化，似酥皮又似千層，好得意呢 ﹗香口夾著爽蝦肉碎都唔錯。灌湯餃，普普通通沒甚麼的驚喜。巨形餃子，厚厚餃皮包著蝦肉、豬肉、冬菇、迷你瑤柱，大大啖兜埋上湯灌入口，熱騰騰帶香帶甜，合格。蟹子燒賣，真材實料又有 heart，結實瘦肉不油膩，不會滿口肥豬，醃味濃厚有肉香，不嗆不咸不過份，啖啖肉又滲著肉汁，十分滿足。水晶蝦餃，蒸得原整無缺熱燙燙的蝦餃，餃皮嚥韌微黏包著原粒爽彈蝦仁，食得滋味。豉汁鳳爪，濃濃豉汁、厚厚甜味，損

收爐的團年飯選擇在金都渡過,BOOK 左十二點半,去到就開到位俾你。由於叫左好多野食,以下都係節   錄左部分。燒腩仔肥瘦都適中,不過就鹹左D,皮唔夠脆,而且無黃芥末呢個必備的拍檔。燒鴨半隻跟鮮茄雞球米線($108),其實最抵食呢個,有鴨有雞有蕃茄,鴨肉多汁雖然皮唔脆,米線份量唔吝嗇,湯底清,食得出係鮮蕃茄唔係罐頭湯,最有誠意之選。南乳豬手,可能偽瘦豬,所以隻手有D瘦,都算入味,不過不失咁啦~~炸芋角,好似唔係間間酒樓會有的懷舊點心,炸得好香口,脆卜卜,入面有D鹹水角果類的餡料,以為係甜但原來係鹹的。呢個真係好好笑,第1 次見炸魷魚會配搭炸薯條=0=,魷魚好食唔會太韌,粗身而且唔厚粉,然而薯條真係無味,心諗加左薯條係咪可以俾少D魷魚你?節省D成本呢?早知問阿姐有無蕃茄醬~杞子桂花糕,應該唔會可以整得難食的,所以呢個都唔太伏,杞子仲有好多粒TIM。冰花杏香燒霜雪,唔係我好文采,佢真係咁寫架XD開頭以為係杏仁霜之類,點之錯了,原來係冰糖雪耳燉雪梨,大家不妨一次,叫1個試下就好,不過唔合我口味。椰汁煎年糕,厚切煎,煙韌有椰汁的清香,有驚喜,不會太甜。紅豆沙,唔係起沙,有粒粒紅豆。外表炸得唔錯

每逢要到上水，總是在十二時多才出門口，到達時往往都是在下午一時多二時，故此做埋手頭上的事務才會吃飯，因此午飯也要到接近三時才吃。今天午飯不多想，只有到金都海鮮酒家來一個下午茶點心，幸好部份點心是特價，相對午市較為便宜吧。叉燒腸粉是最早上桌的點心，但是上桌時一點也不熱，不知道放涼了多久，而且粉皮卻是厚了一點。在這樣子的腸粉，實在令人有點失望，唉，真失敗。潮州粉果比腸粉要好，起碼是一個熱的點心，吃起來粉皮故然不會薄，但是卻有不少食材在內，有花生豬肉等，口感尚算豐富，也有層次感吧。山竹牛肉亦是熱騰騰的點心，除了山竹， 還有馬蹄在內，是傳統的做法，加上喼汁，令牛肉軟腍中有種酸酸的感覺。或許真的很久沒吃過棉花雞了，那切開的雞柳，加上魚肚，實是美味，尤其那魚肚吸收了精華，變得口感不錯。而雞肉蒸得滑的，另外還有一條臘腸，這臘腸一點也不討好，吃起來不是那麼好，皆因太過軟腍。下午茶時間，可吃多一碟點心，也不為過吧。

今日難得約左寶貝去飲早茶,我自問都中意食點心~但早茶就唔知邊間好~於是寶貝就提議黎呢間老字號~我當然唔會SAY NO LA~!一去到大門口己有服務員姐姐招呼,安排入坐,企電梯上到二樓就有另一位姐姐帶我地去一個窗邊相當開揚的位置,我個人相當中意陽光的感覺~!坐下開點心咭,服務員姐姐就幫我地開茶,放下就走左去~摸一摸~水唔係好熱,…噢~居然?!作為一間酒樓,水唔熱的話確係好難令人接受呢~!話咁快就點好心儀的點心~等左5分鐘左右就慢慢上枱了~我個人習慣性會等晒d野食黎先開動~呢一等都用左相當耐時間呢~蝦餃 – 上枱時出晒煙的~個樣都錯~ 望真之後食落口,發覺皮厚肉唔香~d蝦雖然冇腥味,可惜都冇乜鮮蝦味~有點失望~燒賣 – 同蝦餃一齊上枱的~都係出晒煙,個樣睇落唔係太得~入口都唔係好得~豬肉感覺好多味精,太咸了~頂頭的蝦仔好細粒,入口感覺好明顯係冰鮮蝦仁排骨 – 失敗作品之一 , 芋頭粒多過排骨粒~而且排骨好多脂肪,實在唔知點解呢碟叫’排骨’~哈~!排骨入口感覺好冰鮮,同埋食唔出有乜野味~好迷幻叉燒腸粉 – 上枱時睇落相當吸引~皮薄又亮晶晶,d饀仲好似好多咁~傳菜姐姐好快手咁倒左好多漿油上去~

一日遊後，想起金都早茶不錯，致電查詢知道有做火鍋，約下午六時致電，booking了7時30分。早到了30 分鐘，直上一層入座，客人約有5成，不爆滿。看見每張桌子也是電磁爐，頗像火鍋專門店，但其後發現不能以第一印象作準。2大人，1個11歲，算上3個成人價，每位$138。叫了皮蛋莞茜湯底，點了一些火鍋料，有5款熟食，大家也很肚餓，點了數款，有多春魚，咖喱魚蛋等等。湯底很快到了，電磁爐也很合作，湯底很快煮滾，問題來了，等了約20分鐘，一碟火鍋料也沒有送上，熟食也沒到，唯有將電磁爐調較至最少，點了飲料又沒到來，悶極了，每人取了鍋中的皮蛋吃，再等一會兒，一大盤火鍋了終於送上，原來是整盤執料，難怪那麼久。肥牛太肥，羊肉冰住上枱，食物有叫不來，無叫的又來了，蝦又要一追再追，有些食物數量來得很多，尤其熟食在大家都吃得有7成飽才到。唉! 因不是浪費的人，食物到枱就得把它們吃完，未敢再多點。是晚吃得很飽，但總是在吃著不是自已喜歡的食物似的，好無癮。一行三人，一邊吃，一邊跟家附近常吃的火鍋店作比較，一致投票，此店有點被比下去了。整體食物質素尚可，但全晚好多時也在等，等到了，又不是全對的食物。可取的地方算是服

平日早上，不用等位，搭扶手電梯上二層入座。地方很大，枱與枱之間不會太近，侍應開茶很快，茶具乾淨整潔。茶葉用茶菜袋裝起，非常衛生。二人點了:蝦餃(特價$6.8)--蝦爽口，皮不厚，物超所值。另選了二個孖寶:南乳豬手--有4件大大的豬手，南乳味濃，炆得又淋又入味，好吃。雞絲粉卷--加點豉油，粉皮滑，豬肉是主要餡料，肉不會太多，我喜歡吃。蘿蔔糕--上枱不太熱，但煎得香口。懷舊魚翅餃--4顆魚翅餃大少不一，餡料包得不太實在。5款點心，埋單$5X多元，又平又好吃。

週日和媽媽飲茶， 才得知這裡有$38的大閘蟹。原本以這個價錢都不寄厚望， 但質素竟比標榜專門吃大閘蟹酒家還要好。一打開蟹蓋很是驚喜， 蟹膏舖滿蓋， 十分鮮味。$38 這個價錢真是無敵。酒家還免費提供薑茶， 不過薑茶的味道就淡了一點。

今日突然收到粉絲的急CALL,約出黎做邊青~粉絲求救當然係義不容辭!!正直晚飯時間喺上水區諗唔到有咩地方唔洗排隊又平靚正~誤打誤撞就黎到呢間~好在真係唔洗等就可以入座~仲要係任食邊爐~超開心~~~限定時間係兩小時,一座落阿姐已經好快咁幫我地搞好架步~我地點左湯底同餸之後就一邊傾心事一邊等,我地點左個沙爹清湯鴛鴦鍋,即使係清湯部份都唔係咁清,沙爹部份又唔係好沙爹最後沙爹湯我地要自製混醬調味, 清湯我地勁加番茄轉做番茄湯~可惜行動失敗, 番茄係水茄,一D味都冇~混醬味道不過不失,始終好似唔夠重味~我地最欣賞佢的肥牛,一片片卷好排得靚靚,雖然係肥左D,但係尚算新鮮,食得牛肉味,睇落唔似係一早切定放喺雪櫃,餃子雲吞睇落係自己包的~好鮮味,唔似做起好耐~炸魚皮超級唔掂~又硬又厚又唔脆,唔知以為係蛇皮~!!蔬菜類別唔錯,睇落好新鮮,唔似係切起好耐,唔乾身冇發黃,但可惜番茄唔係肉茄,所以冇咩味由於我同粉絲都唔係愛啤之人,所以享用唔到佢D酒水!!有果汁和竹蔗水任飲,不過好甜,點左一次就夠皮~都係飲返中國茶好D~另外唔太好可以話係佢一堆堆咁上碟,有時肉類和蔬菜一齊放令到D蔬菜沾到D肉汁,感覺唔係咁好~整

4-4-2013(四) 昨晚，他，問我知否「廣成冰室」在哪兒，又建議不如待明天(即今天)，帶我去吃吃其馳名的蛋治及紅豆冰。其實早於我中學時期，已獨個兒去過「廣成冰室」兩次，但難得他說今天會帶我去吃，我便裝傻說未曾去過，就讓他帶一次路吧！今天是星期四，亦是清明節公眾假期，我們坐巴士 278X 從荃灣來到上水廣場，然後步行前往新成街。誰知，到達「廣成冰室」的門外， 才發現。。。。。。 嘩哈哈哈〜 你看！原來「廣成冰室」是逢星期四休息，我們吃了一口閉門羹呢！但，我反而禁不住歡喜起來，因為哈哈哈。。。這樣，整天，我便可以順理成章地拿著這事來撒撒嬌，腰潤及作弄一下他：「哎吔！你又話帶我來食嘢嘅，究竟你帶我嚟食啲乜嫁? 係咪食。。。。。。西北風呀?」 看見他被我作弄後的傻更更樣子，真暢快呢！沒辦法耶！那我們唯有轉往鄰近的新豐路，看看有甚麼東西吃。在新豐路，我們見到一間酒樓。「那，不如我們去喝茶吧！」我提議 。於是，我們便去了「金都海鮮酒家」吃午飯。先來一客我喜愛的鳳爪排骨飯。 熱騰騰的一鍋上桌，這煲飯的材料也很多，每一塊排骨都充滿著油脂香，還有豆豉的調味，吃下一口，排骨很大塊呢，肉質

是否日來到上水，完成工作後已經下午三時，在下的肚子在打鼓，原來還沒有吃過午飯。而且正好是下午茶時間，就在附近的酒樓嘆一個下午茶。雖然不是第一次來，但是卻是為金都撰文。之前在下來過，都是經由老闆娘推薦。今次再來，可說是在下也想飲茶，所以在這裡喝一口茶吃一個點心。而在下開茶，不是水仙就是壽眉，今次卻開了一壼壽眉。話雖是下午茶時間，可是點心的價格，每款點心都只是較午市便宜一個大洋而言，在百物騰貴的世代裡便宜一個大洋已經很好了。在眾多的點心紙中，有一張以十三點八個大洋可以吃到兩款點心，已經算是很抵了。首先到來的是香煎蘿蔔糕。從表面看，已經煎得有點燶，這是在下喜愛的表面。吃下時蘿蔔糕有點結實，而且卤可以看到蘿蔔絲，而且不太粉，倘若這蘿蔔糕加一點臘味的話相信效困會好一點。香茜牛肉腸皮不是那麼的薄，並沒有看到腸粉裡的饀料，當吃下時粉皮確是略厚了一點，不過牛肉仍然算豐富和嫰滑，而腸粉則未算是滑。潮州粉果的皮同樣是厚了一點，而且容易夾散，所以在下每次夾起粉果都，要快速的轉移到碗仔去，否則連饀都沒有得吃。雖然皮是厚了一點，但是饀料絕不馬虎，有花生粉葛豬肉等，吃起來還算爽的。最後便是叉燒包出場。叉燒包外形猶

提早與爸爸慶祝父親節本來想吃西餐 爸爸始終最喜歡酒樓而且他不喜歡火鍋 所以就簡單點個父親節二人套餐父親節和母親節果然是酒樓開天殺價的日子雖然說有翅有鮑魚片 但是金都的檔次收每位$158有點過份由於是指定套菜 剛點菜就馬上送上一桌子的菜先來一個雞燉翅 但其實並不是太看到翅在哪裡不過沒關係 反正從來魚翅的味道都是來自雞湯所以下次還是環保一點不要吃魚翅 救救鯊魚冬菇鮑魚片沒啥特別的而且那個鮑魚片應該只是罐頭鮑魚在家裡也能做出一樣的味道鹵水乳鴿不用太多功夫就能做好就是把乳鴿煮熟再扔進鹵水裡泡泡而已吃這道菜的時候想起姑母的秘製乳鴿會先把乳鴿炸一下再用秘製醬汁泡好幾個小時菜還是要用心煮才會美味接著是四季豆炒蝦仁螺片 和有一個不知名炒飯因為肚子已經很飽了 不知名炒飯打包回家最後就有楊枝甘露和水果拼盤所有東西都是普普通通 不難吃 卻又說不上好吃不過這頓飯和爸爸聊了很久 很開心快樂有時真的就是這麼簡單