鉄人大盛 (已結業)

3個星期食左2次，兩個字形容-超正今次我地一行7人，簡直係瘋狂勁點野食刺身新鮮，最愛帶子同甜蝦同行朋友仔勁讚鉄板燒牛肉，汁多牛味濃鵝肝多士亦都係必食...燒翠肉瓜超Juicy, 我一口氣食左6件燒蠔size較細，鋪滿蒜蓉，好香口喔...燒牛脷同平時食果d有d唔同，呢度嘅燒牛脷比較軟身，有少少似食緊午餐肉嘅感覺食物種類超多，飲品有汽水啤酒同燒酒任飲上次黎嘅時候，食店每人送左一隻大蝦刺身，點知今次竟然無希望下次再黎有得送啦

依家出街食飯真係不便宜呢，普通吃一餐西餐或中餐都已經要成四五百，次數多的話都會肉赤喔，但唯獨吃日本料理我們覺得最值得花錢。之前朋友介紹呢一間叫我地試一試，【鉄人大盛】，是設有晚市鐡板燒既放題喔，人生嘛...總要偶然放縱一下自己，這天，我便拉著他陪我一起喪吃一場！！！餐廳位於在格蘭中心地庫，扶手電梯一落便是了。落到去發覺環境超大，好飲話係佔地7000呎，每一個座位都寬敞的，另外設有多個雅座及鐵板燒房，房內有多張鐡板燒枱，每枱可坐8位，可全程觀賞大廚的鐵板廚技。但鐡板燒房已全場爆滿，我們被安排坐出面，也沒關係的，因為感覺都好舒服。呢度既價位，【鉄人大盛】放題分三個時段,分別5:30-7:30, 7:45-9:45,10:00-12:00。任何時段皆是$328。邊個時候都建議要訂位喔。. 放題期間，飲品任飲。可自行到飲品櫃取喜歡的飲品。除了常見的刺身、壽司，主角是鐵板燒，放題食物種類包羅萬有，十分豐富：「刺身、壽司、軍艦、卷物、冷盤小食、鐡板燒、燒物、炸物及日式料理。」冷盤小食有「芝麻八爪魚、螺肉、中華沙律、蟹子沙律等」，但我沒點了因為好想食刺身嚕....提供多款刺身，「有三文魚腩、油甘魚、

父親節更係要帶父親去食好嘢，父親節前一日同家人去咗食鐵板燒放題，佢同一般放題最大分別就係多左鐵板燒即叫即整，響你面前表演畀你睇。除咗平時都有嘅刺身、壽司、炸物、鍋物等等，一個價錢有曬唔同嘅嘢食，滿足曬一家人嘅胃口。嗰日食得最多嘅就係煎鵝肝多士，食左十塊八塊，值回票價，鵝肝外脆內軟，大細size剛剛好，放嚮多士表面，雙重口感，多士索咗鵝肝出嚟嘅油所以特別香，真係食到停唔到口，要encore再encore。放題必食嘅刺身種類又多又齊，每樣都好吸引，新鮮又好味。最正既鐵板燒，即叫即煎，睇個賣相都一流，煎牛柳粒、羊扒、扇貝、香口好味。另外炸物有大蝦天婦羅、榴槤炸彈 、芝士球等等，每樣炸物新鮮熱辣而且一啲都唔油。反而佢既壽司同飯卷味道正常，只係一般冇乜特別，可以慳番個肚食第二樣嘢。食放題2小時真係唔夠用，到最後我哋每人衝刺食咗杯Haagen Dazs 雪糕，就算好飽都覺得好味。

放題就食得多，有特色嘅放題都係第一次去食，上星期約埋幾個朋友 一齊去咗尖沙咀格蘭中心呢間“鐵人大盛”放題，一個價錢有埋鐵板燒、刺身、壽司各式各樣嘅美食，十分 超值，特別之處係大部份既座位係圍住鐵板燒枱坐，一面睇住師傅做鐵板燒，一面食放題，感覺新鮮又專業。主打鐵板燒即點即整，保證新鮮好味，有燒羊架、牛柳粒、扇貝、魚柳等等，十多樣嘅款式，主力食尼樣個都夠回本。最正係燒羊架，肥瘦適中，有一點點羊嘅蘇味，外表輕微脆，肉嫩juicy。另一樣最正嘅係香煎鵝肝，每塊鵝肝煎得外脆內軟，煎香牛鵝肝放上多士上面，口感非常好。其他放題應有嘅食物例如刺身、壽司等都有應有嘅水準，刺身夠新鮮，款式好多，壽司有捲物、軍艦、手握壽司等等，很多選擇。仲有我最喜愛嘅炸物，炸大蝦天婦羅係最好味，而平時唔食榴槤既我都喜歡食嘅榴槤炸彈，仲有芝士球， 炸物既水準非常高，好快都已經食到飽，都冇機會是鍋物等。自助式嘅飲品雪櫃，再加上日本清酒，款式多選擇，而甜品又有Haagen Dazs雪糕，整體嚟講食物質素高，環境又好，真正食回票價。

日式放題就食得多，鉄板燒都有放題就真係未試過！之前網上見到尖沙咀新開嘅鉄人大盛就一路好想試下，今日經過見到300零蚊價錢又唔算貴就同同事初嘗一下！我地安排坐左係半圓嘅餐桌上，可以睇住師傅巧手咁烹調食材嘅精彩場面！👏🏻而點餐紙足足來2大本10多20張，種類選擇非常多！每枱都會送一碟牧丹蝦，一人一隻嘅蝦足足有我成隻手掌咁長，而且好新鮮食落爽滑有彈口，仲有大大啖嘅蝦膏！估唔到放題都可以食到鵝肝！入口豐腴、油香四溢嘅鵝肝煎得外脆內軟，配上烘香咗嘅多士，中和油膩感！炸物全部即叫即炸好香口，我特別鐘意芝麻雞翼，外皮炸得好香脆卻保留咗啖啖嘅肉汁同滑嫩雞肉。炸蠔亦係唔錯，肉質飽滿仲唔會腥~黑松露煎龍俐柳亦係相當有驚喜嘅菜式，龍俐柳煎得金黃，外皮香脆魚肉嫩滑，同黑松露醬嘅味道好match！芝士醬帶子我呢啲芝士狂熱愛好者又點會錯過，帶子係少有放題會見到咁大大隻，芝士亦好足料有拉絲效果👏🏻

今時今日嘅放題，種類愈黎愈多日式放題，韓式放題，火鍋放題樣樣都有而鐵板燒放題，我又真係第一次食🙆‍♀️.位於尖沙咀格蘭中心地庫嘅「鉄人大盛」晚市無論任何時段，都係每人$328 (未加一）吾洗再就住就住D時間去食，認真爽🙈.放題款式以日式為主題除左鐵板燒外，仲有吾少壽司刺身炸物，一品料理，燒物，鍋物等可供選擇～.一坐低，店員就會率先送上兩隻珍寶紅蝦刺身呢隻珍寶紅蝦SIZE約有一個手掌般長入口非常肥美厚肉，冰爽彈牙，好鮮甜😋.🔸刺身：帶子，三文魚，拖羅帶子肉質富彈性，味道鮮美厚切三文魚，口感軟綿清甜拖羅入口有韌性，魚味濃郁💕.🔸壽司：香芒龍蝦沙律卷，蟹籽蝦卷，花之戀，鰻魚芝士卷香芒龍蝦沙律卷，沙律卷上面鋪左一片芒果芒果嘅甜香配上龍蝦沙律爽甜，味道好夾～蟹籽蝦卷，壽司中間卷住天婦羅蝦飯卷仲有粒粒蟹籽係表面，入口香脆可口👍.🔸炸物：芝士年糕，榴槤炸蛋，紫心香芋丸男朋友最中意食榴槤炸彈😂輕輕一咬，榴槤汁就湧哂出黎榴槤香勁濃郁🥰而我就最中意紫心香芋丸外脆內薯，濃濃嘅香芋味口感綿綿.🔸燒物： 羊架，泰式雞扒，菠蘿羊架肉質鮮嫩多汁，特別中意食邊邊角角位，燒得好香🍖菠蘿燒得好香，吾會太乾而冇哂水份咬落JU

放題吃得多，個今晩終於去了鐵板燒放題了。賣點就是每枱也有位廚師在你面前燒。每位價錢是 $328，是任吃任飲的。連清酒也是飲喝呢。在等待的空間竟然有得夾公仔！雖然是鐵板燒放題，但魚生同壽司也是少不免的。鍋物也值得一試，清酒煮蜆和蔬菜豆腐鍋。牛舌也是必點之選，厚身又彈牙，外表還燒得脆口呢。而旁邊的蟹籽炒飯也炒得粒粒分明，但最好和朋友分享，而免過飽。天婦羅，燒雞翼等也做得很有水準。有我最愛的燒菠蘿，還有燒翠肉瓜，和燒墨魚丸。説到我最愛的一定是鵝肝多士，香脆的多士配上即燒香滑的鵝肝，真是好味到極點呢！

今晚又出動食好西，廣搜之下發現尖沙咀有一家價性和CP值高質的放題，叫鉄人大盛~這個鉄是鐵板燒是也！食物選擇好多，除日式放題基本食物，仲有一口牛丶矜貴嘅鵝肝丶黑松露魚扒同埋羊架~地方闊落，有卡位有長枱，可多人聚餐仲有對住鐡板燒嘅座枱，我地揀咗卡位坐，對住刺身流理台~可以見到師傅密住切刺身同握壽司飲品都係任飲～而且仲有清酒添對面就放咗雪糕~一入座就先送上頭盤～大大隻牡丹蝦刺身，新鮮爽口先叫一輪刺身，三文魚腩肥美肉厚，帶子，希靈魚丶赤貝丶北寄貝丶螺肉也是鮮甜美味，只記得吃，也忘記影相。手握壽司還有左口魚壽司芝士帶子丶蒜蓉燒蠔同燒油甘魚鮫也在列上汁燒一品牛和蒜香一口牛，燒得肉嫩多汁，香氣四溢，魚扒淋上黑松露汁，軟滑香濃~而鵝肝多士係必點之選，鵝油四溢，滿口幸福仲有好多精緻壽司:軟殼蟹卷丶花芝戀丶黃金魷魚軍艦，海膽軍艦⋯當然唔小得炸物丶天婦羅，炸得香脆酥化，當中的墨魚餅更是水準之作~火灼三文魚壽丶蟹子沙律同清酒煮蜆都好好味~鮮牛油粟米同埋枝豆也很好食👍🏻這個放題款式甚多，而且仲有鐡板燒，計埋加一都係~＄360，價性高之餘，仲有不小矜貴食材，路過必吃之處

今日約了好友去《鉄人大盛》食放題， 餐廳位於尖沙咀堪富利士道8號格蘭中心地庫，交通非常方便， 距離地鐵站不遠。首先來了一人一隻大蝦刺身， 真係好大隻， 啖啖肉， 口感十足， 甜鮮可口！ 食日本放題， 刺身一定係主角啦！ 刺身種類繁多， 包括有三文魚、 北海道帶子、 甜蝦、油甘魚、希靈魚同螺肉等等。 我最喜愛三文魚同帶子， 三文魚厚切，口感不錯， 肥美可口， 帶子赤爽口彈牙， 鮮甜可加！ 壽司種類都好多， 包括有火炙三文魚、加州卷、左口魚裙邊壽司、 海膽壽司同蔥花拖羅蓉軍艦等等。 仲有好多食物， 例如炸物、 小食、 沙律同好出名嘅鐵板燒。 天婦羅好好食， 有蝦、 南瓜同甜薯仔等等。 炸身鬆脆， 好香囗。 鐵板燒有燒汁一口牛，即叫即整， 牛味香濃，入口鬆化， 超惹味， 正呀！ 仲有香煎鵝肝， 鵝肝煎得香脆， 味道甘香， 配上多士， 味道好夾， 美味至極！ 再加埋杯雪糕就Perfect 啦， 實在太完美了，名牌雪糕，質素肯定得啦！ 　我嘅總結係食物質素高， 種類選擇多， 服務又好，價錢合理！ 特別一重提， 門口位置有夾公仔機、 大家可以玩吓， 幾過癮！

-帶位無人問想坐卡位定鐵板位，當我地6個人見到卡位仲有好多位，提出想坐卡位，待應好無禮貌地: <你地坐低先喇！>-啲嘢食難食到不堪，俾$350唔係好貴，但啲質素。連旺角吉壽 $250+- 同尖沙咀極尚 $330+- 都不如。刺身不新鮮，腥味重。熟食勁多油，咸到暈，又硬。-7點準時入黎時無人同我地講8點3 就last order 都算，8點3有個小侍應提我們last order，當時我地已經寫緊啲單，等陣過黎收就得。之後著黑色衫經理話已經過了搭3，已不能落單，當然我地講完後佢就黑曬面甘落單。-辛苦了的工作者唔知係咪做嘢不開心定點，真係無一個態度好。-今晚係星期日，全場坐咗5成人左右，甘大家都知係一間咩的放題。就是這樣。我為咗呢一間野，第一次打評語。

好耐無食放題了，今次約埋朋友仔去尖沙咀呢間鉄人大盛食好西!呢間放題同其他放題唔同GE地方係每一區會有個廚師負責燒野比大家食!服務十分好呢!食物種類應該有的都有了，而且食物質素不錯喔! 尤其是牛舌，又厚又好口感，真係encore再encore!另外上菜速度都很快，成餐飯幾乎無停過口..飲品方面就唔算太多選擇，但我只飲茶所以對我影響不是太大!最後仲食埋杯雪糕作為今餐GE終結... SO FULL~

話說突然好想大食一餐～朋友搵咗呢間鉄人大盛日式放題～位於尖沙咀格蘭中心地庫，位置非常方便～地方幾大，店員安排我哋坐卡位～天氣咁熱，我哋坐低之後就即刻送上冰凍嘅甜蝦刺生～食物都幾多選擇～有香煎鵝肝好小放題有鵝肝任食～細細哋～食多幾舊都唔怕膩～一口牛分別有燒汁味同香蒜味～好林唔韌，我比較鐘意香蒜味蒜片好脆口，食落甘香～黑松露魚扒唔腥無骨又好滑，黑松露汁好好味～同塊魚扒好夾～墨魚漿餅有黏口感覺，食到一粒粒墨魚～好好味～朋友一個人食咗8塊～左口魚裙邊壽司～係我的最愛，爽口得嚟又會溶入口中～我自己就喪點呢個～海膽壽司～海膽不錯，食多幾舊都抵返晒啦～仲有三文魚腩、希靈魚、螺片等等....好鮮好正啊～粟米同枝豆簡單先係最好味～食得太飽但又口㾗，可以食吓呢兩樣～飲品同Häagen-Dazs雪糕都係任飲任食～真係抵到無朋友～我就總結咗呢度必點嘅嘢食～其實仲有好多其他嘢食，但實在講唔晒～呢個價錢裏面有啲高質嘢係任食～我覺得真係超抵食，食到好飽出門口～指定時間入座或埋單仲有折扣，快啲去試吓啦～

今晚去尖沙咀食鐵板燒放題，仲可以坐系bar枱睇住師傅即場鐵板燒，店舖有張bar枱每張枱都有師傅負責燒不同種類的鐵板燒，第一次嘗試咁新鮮鐵板燒又可以睇住師傅即場燒。有order師傅即場燒又可以坐系度睇。放題種類繁多包括鍋物，鐵板燒，燒物熟食，刺身，壽司，一品料理等。。。香煎鵝肝下面放上鬆脆多士，鵝肝好香配上多士一起食又好好食，芝士醬帶子又燒到香噴噴啖啖芝士味，黑松露魚扒煎到好嫩滑沾上黑松露醬更加美味。蒜香燒蠔上面舖上蒜蓉好香口蠔又不腥，燒菠蘿好甜又多汁，燒脆肉瓜和雞脾菇又燒到好入味。刺身帶子好鮮甜，北寄貝和赤貝都好爽脆，希靈魚和榮螺全部刺身都好新鮮又冇雪藏味。壽司飯又軟熟，鰻魚壽司又好好味，海膽壽司又鮮甜。每位送一隻大大隻蝦，肉質爽又美味可口。清酒煮蜆又大大隻又冇沙，肉質飽滿，天婦羅又炸到好香口。炒野菜又炒到好香甜甜地。仲有哈根達斯雪糕任食仲有好多口味超正。

先前成日full book唔到，今次預早個幾星期預約。好野！終於食到！雖然話係放題，但入到黎個feel，好似一家高級嘅鐵板燒餐廳，枱枱有人即整即燒，抽氣做得好好，唔會好煙嘅感覺，格調幾好，氛圍不錯。入到去坐低，九秒九read哂所有點菜紙，好多款式呀！鐵板燒壽司刺身炸物煱物熱食等等！點好野食，等開餐！一路睇住哥哥燒一路等食，特別過癮！即燒熱辣辣！野食都好快到，刺身好新鮮喎！隻隻甜蝦眼晴脹卜卜，螺肉同帶子好鮮味，點菜紙有普通三文魚同三文魚腩揀，識揀一定係腩位啦！壽司件件靚仔，件件即整，質素唔差，我呢排食過有d平少少嘅放題，d壽司真係見到都唔開胃呢度幾款係特別ok:火炙左口魚邊，鰻魚同牛肉係燒牛肉粒呀！我寫2份喳，好慷慨喎，俾咁多！牛粒唔算好靚，咁嘅價錢唔通俾A5你咩！起碼唔un唔鞋，個汁味道唔錯芝麻雞翼，好香口，唔會炸到好乾炸天婦羅蝦，炸粉唔會太厚榴槤炸彈，榴槤控必食，外炸內軟，咬開爆流心榴連漿，味道好香濃呀！燒雞翼, 正正常常囉！蒜蓉燒蠔，唔算好大隻，但起碼唔鯹，新鮮！豬頭肉可能切得幼，唔覺肥唔覺膩，扇貝好大隻！唔記得左講，野飲都係任飲架！十幾款任揀！雖然已經食到肚仔脹卜卜，但有哈根大師