銀杏館 (已結業)

看上去平平的店子，內裹有著很多故事彷彿要通通告訴你一起感受我和男友準時到館，我們給安排給在二樓之一角環境份外寧靜、亦浪漫一位老伯給我們介紹了很多東西，不過我很小吃叫了二客dinner set (+$65) 點了生豪 而主菜點了"蜆肉意粉"及" pizza" 每樣都好好味~~~yummy我覺得呢個地點好適合慶祝任何節日~~

今晚同佢o黎左呢度預早celebrate X'mas...其實好耐之前已經好想試下架啦~可惜上次無機會...今次補返我地叫左兩個set dinners前菜: 1. 煙三文魚雜菜沙律(不過無沙律醬...又無醋架~) &2. 雜菜湯(呢個湯好好飲wor) &3. 香草飽 (點醋,正!!!)**前菜其實唔要沙律可以揀生蠔 主菜1: 大蝦意大利飯 (好好味!!! d 飯好有咬口呀)主菜2: 紅酒汁燴羊膝 (好大隻& 肉好嫩!!! 份量好夠~ 不過個薯蓉就唔係好滑囉)講返個service啦~我都預左伯伯會長氣dd...不過都ok...好appreciate佢個工作態度...比好多後生仔好好多架啦~

久聞這間社企餐廳由55-78歲長者打理。歌賦街真係幾多野食。嗯，今天特地上黎，雖然樓下唔滿，但就讓我地坐係樓上。樓上反而得2、3檯，所以全程得個伯伯(78歲)係咁同我地講野。又係咁叫我地要紅酒飲同埋叫多 d.... 其實如果係要叫酒飲一早都叫左。跟住全程都係咁同我地講野，乜食送阿 so 介紹又點點點....我好佩服伯伯咁大年紀都咁精神，不過我地都想有 d 私人空間.....汗.....另外，佢地有時就勁收餐具，有時應該收既時候又無收...個 timing 不對啊，變左好似會成日被佢地既動作打斷了說話。講完服務，野食：燒牛仔骨 - 好味好淋！附上的紫番薯 mash and 烤鬼佬蒜頭都好好味。蒜頭沒有中國版濃烈的蒜味所以唔怕食完有味。墨魚汁墨魚意粉 - 墨魚仔都幾多，無乜特別。escargots with herbs and garlic sauce - 呢個個 sauce 都幾ok，唔錯。Pizza (本來要 salmon但比左 salami, 帶子 & mozerella cheese) - 超好食！薄脆底，成個 combination 又好夾！要趕下場，大家都寧願試其他 shop

之前有試過銀杏館在太子的中餐，對他們有一定的信心﹗所以在好友生日之時就轉移在中環的銀杏館西餐，可惜...是帶著失望與無奈的心情離開..這個絕不會有第二次的餐廳。地點是有點"吊腳"，不過對於是中環地膽的我，當然不會迷路。餐廳的外貌可算是整個Soho區中最殘舊之一的食店，內裡的地方又比較迫，絕對不適合一大伙人來聚餐。如果兩小口子而又不怕有人一直在你旁邊碎碎唸唸的話，那都可以一試﹗要數最令人驚喜的又.....前菜凍沙拉 ~ 蔬菜非常的新鮮，爽脆清新，凍肉有點鹹但與沙拉很相配。大蝦意大利飯 ~ 有別於一般的意大利飯，不會入口全是濃濃的芝士味，反而有著一種清香的雞湯包著每粒飯，入口很特別，份量不會太多而是剛好，因為意大利飯是越食越膩的。令人失望的是......美國黑豬鞍扒 ~ 不知為什麼可以成為廚師推介呢! 不但鞋口而且還帶有血水，不知廚師是忘了調味還是怎麼喇，可能一般茶餐廳比它的還要好!燒牛骨伴溫室白茄瓜 ~ 老實說這個完全是貨不對辦﹗怎麼看都不是燒牛骨...極其量只是"蚊:牛骨，完全沒有燒烤的味道，而且肉質是over cooked. 最可惜這個又是廚師推介呢﹗甜品 ~ 玫瑰人生 (一星期前已

10月30日星期五晚上去吃了一次晚飯，對食物很滿意。雖然地方迫夾又吊腳，況且不算便宜，都介紹老友和家人去，誰知水準大跌，非常失望。先說食物。湯不熱，羊膝實、露荀幼但有筋、豬鞍亦無特別之處。牛骨則要要求換利刃才能順利切開。上次焗蒜，外脆內粉，極之美味，向老友推荐，誰知今次又生又辣，幾乎被老友罵！再說服務。六時坐下，八時多才吃完，因為中間有不少冷場，要等。樓下只得十個客人，但不停要等：等湯、等主菜、等甜品。其問不時有侍者過來搬這拿走那，但絮叨有餘，招呼不足。經理則愛理不理，大半時間隔著門看風景、後來更索性走了出街企。百思不其得其解，是因為星期三跑夜馬嗎？

早前去過銀杏館同女友慶祝生日, 食過六百蚊有兩張coupon回贈, 可以享用一頓免費午餐~心諗香港地冇咁著數o既事情發生, coupon放埋咗一邊冇理到, 直至差唔多過期, 女朋友終於都係打咗去book枱.星期日下午兩點鐘, 依然有唔少客人, 不過我地留咗位, 即刻可以坐低. 睇完餐牌, 問吓侍應, 佢話A-H餐都揀得, 食完真係唔洗錢可以走得, 其實聽完都有啲半信半疑......既然係咁, 我地都唔客氣啦, 女朋友叫咗個大蝦天使面套餐, 而我就哎咗個什扒餐~我個餐配青豆湯, 好creamy, o答落好有青豆味, 青頭湯用碟上, 感覺都幾特別~ share咗啲俾女朋友飲, 大家都讚好~女友跟餐o既沙律都好新鮮, 保持一貫o既水準!天使面o既白汁好香蒜蓉味, 面質彈牙爽口, 大蝦開邊上, 加上少許辣椒粉釣味, 醒胃. 伴菜o既細蝦, 野菌, 露荀, 都令面o既賣相更吸引, 味道更豐富~等咗一段時間, 雜扒餐仲未黎, 叫咗侍應幫我跟跟, 好快一碟非常有份量o既雜扒餐終於黎到! 嘩, 有德國腸, 雞扒, 羊架同薯角, 全部嘢都好熱辣, 我諗要花好多時間去預備, 其實再等多陣都係值得!碟上每一

朋友生日, 一行十幾人嚟到食晚飯, 因為有朋友介紹呢度啲嘢好好食嚟到發現原來呢間就係以長者為待應而聞名的餐廳, 之前响電視同雜誌都介紹過環境比想像中細, 坐位稍為狹窄, 大家唯有坐得親密啲見到menu, 大家好多嘢都想試, so決定咩都叫啲, 大家share嚟試叫咗好多嘢, 以下只是部份:香草包 ($20有三件) - 待應叔叔話加點醋會好食啲, 果然冇介紹錯, 好香口好醒胃黑豬鞍扒 ($2xx)- 肉質好爽脆好好味, 大家都爭住試 pizza ($9x) - 自選配料: 只記得有煙三文魚, 好香脆, 即叫即整, 推介~海鮮拼盆 ($3xx) - 好大堆頭, 有蝦, 青口, 魚, 帶子&洋葱圈等, 用料新鮮, 帶子最好味海鮮意大利飯($?) - 飯略硬, 海鮮份量若多一點會好啲另外仲有啲意粉, 天使麵, 每款都值得一試飲品叫咗銀杏叔叔特飲($3x), 係用一啲蔬果搾成, 好清甜, 亦叫咗'為你鍾情', 係有少少薄荷味的茶, 好香, 凍凍哋飲咗好舒服最難忘的就係到切蛋糕時, 待應Jimmy伯伯用日文同意大利文唱生日歌俾壽星女聽, 氣氛一流, 呢餐生日飯大家都食得好開心

This restaurant is run by a social enterprise and employs some elderly as the waiters. However, the altitude of the waiters are really very nice. I think it is a good support to them if you have your dinner there.Coming back to the food and restaruant, it is a bit crowded, but is stil OK. I would say the food is nice. We enjoy the bread very much. We have soup for entree, and is nice. The main course are good, though not surprisingly good. Their famous dessert "uncle Gingko" is just OK.

推介呢度既黑豬鞍，十分juicy, 十分香口。。。另香橙法國鴨腿都唔錯，　但係墊底既薯蓉有少少咸。。。龍蝦天使面隻龍蝦都新鮮，蝦肉唔會霉, 好大份。。可以兩個人share需然Ｄ位有少少迫，但係Ｄ叔叔十分好服務態度，係一個令人十分愉快既地方，請各大自稱係５星級或米之蓮食店學習什麼叫做＂令人食得愉快既服務”

I’ve been meaning to try this cosy little restaurant tucked near the end of Gough street for a while. It made its name in the local media by being a restaurant run by senior citizens which piqued by curiousity. While restaurants near Gingko House have run in and out of business due to lack of patrons and mediocre cuisine, Gingko House has persisted with its hearty fare and enthusiastic service. I was barely in the door when I was greeted by a friendly server (he must have been at least 70!) who

10月2日男朋友訂咗位去銀杏館同我預祝生日! 銀杏館一直都想試試, 今次終於有機會試到喇!我地7:15pm去到, 餐廰分兩層, 雖然地方不算很大, 但有懷舊氣氛! 店內的待應大部份都是上年紀的長者, 招呼我們的是Tom伯伯. 雖然待應們都是長者, 但他們服務態度好又殷勤, 真是值得一讚!食物方面, 也相當出色, 份量頗大, 一個main course都足夠二人份量. 我地點了以下食物:黑豬鞍扒: 好味, 上枱時已香噴噴, 肉質鮮嫩甘香, 黑松露汁好味帶子白汁天使麵: 天使麵和白汁都好,夠熱, 不過帶子一般我地跟set, 有豪, 有鷄絲沙律:用料新鮮set dinner還跟湯,香草飽及飲品: 湯是雜菜湯, 真係估唔到雜菜湯咁好味, 真係用雜菜做湯, 冇出面餐廳飲到大量醋味及辣味!香草飽真係好味, 麵飽鬆軟, 香草醬很香!最後還有意外驚喜, 男朋友預先叫了甜品 - 銀杏叔叔, 因為生日關係, 待應們在火焰雪山上點了爉燭, 還唱著日文的生日歌帶來驚喜! 食了一餐溫馨的生日飯!銀杏館不僅食物好, 而且服務殷勤, 值得推介呢!

又是歌賦街一帶, 之前食過lunch 唔錯, 今晚試下佢o既晚餐, 打開餐牌, 一d 都唔貴喎. 我叫咗個白松露鴨肝天使面, 男朋友叫咗個黑松露大蝦意大利飯, 加45蚊就有個set連前菜沙律, 餐湯, 面包同餐飲. 個沙律好大份, 有幾片雞, 不過d菜有d老, 伯伯仲比咗一樽呀麻子我哋落沙律, 不過無乜味o既. 我要咗個雜菜湯, 好多菜, 男朋友個甘筍忌廉湯, 無乜評價, 只係一般般. 伯伯又比咗另一樽叫螺旋澡o既粉狀物體比我哋落湯, 不過又係無乜味, 但係聽人講好有益. 但係個香草蒜蓉包幾好味喎, 又大條. 到個主菜, 又係好大份, 件鴨肝o既份量都幾有睇頭, 比起鵝肝就無咁油膩, 但係仍然夠香脆. 不過我個白松露變咗黑松露醬. 男朋友o既主菜有兩隻大蝦, 意大利飯就太淋, 硬返少少會正中d, 芝士夠多而不膩, 不過咁o既價錢, 都算幾抵.

久聞其名, 是地方社團辨的western restaurant, 有2層, 共有24個位, 敬請訂位! 2545 1200此店乃朋友 和家人的聚腳點, 飯後可沿 Gough Street 步行到中環 MTR station, 既可幫助消化,再 興起 可到 LKF "老蘭" 繼續 Happy!Overall comments: Good! definitely will come back several time by the end of this year.服務: 熱誠 &熱情食物: value for money! 黑豬鞍扖 燒牛骨伴溫室白茄瓜銀杏叔叔甜品 (蛋白pudding)**coffee - room to improve, not impressed - same as Mc Donald standard coffee.Average cost per head: $250+份量: 3人可order 2 dishes, save room for dessert! 情侶更 romantic 2人可 share 1 dish, 既經濟又親密 - a good pl

09年8月1日 星期六這間餐廳地方不大, 只有約10張餐枱, 座位也不算寛闊, 卻給人很溫暖的感覺. 看到餐枱上的墊枱紙寫著 "長者就業, 豐盛耆年", 再抬頭看看收銀及侍應均是長者, 他們待客態度祥和友善, 從容不迫, 頓時感到溫情萬分.1. 銀杏叔叔薄餅 ($68)這個蕃茄薄餅味道清新, 不油膩, 餅底夠薄夠脆口, 蕃茄味濃, 很好吃. 即使獨個兒吃全個薄餅也不會膩. 2. 鮮蝦燴意大利飯 ($88)白汁豐盈, 配合粒粒分明的意大利飯進食, 確實惹味. 加入爽口彈牙的蝦, 新鮮蘑菇, 爽嫰黃椒, 食慾隨之大增. 3. 沙律午餐可選配沙律或餐湯, 是日我跟老公都點了沙律菜. 沙律很大碟, 新鮮爽口, 配上健康的橄欖油或醒胃的千島醬, 大大口的吃, 吃得滿心喜歡. 4. 意大利香草飽 ($20)另外點了一客香草飽, 法包被浸滿橄欖油的香草鋪得滿滿, 飽內有碎煙肉味, 濃濃的香草味充斥口腔, 感覺清新.5. 咖啡或茶跟餐再奉送咖啡或茶, 滿足的午餐.埋單約$100一個人, 可以於這樣寧靜的環境吃到水準不錯的意大利菜式, 加上周到有禮的服務, 確實為這個週未添上了悠閒色彩.

差不多近一年沒有走到此「老餐館」享用晚餐，今天趁著是禮拜天，與家人一同八人再來這小店光顧，晚上約七時，街上行人不多，但見店內已近七成入座，幸好我昨天有致電留座。看見很有禮貌的侍應來招呼，他告訴我的爸爸今年已七十三歲了，但見仍是精神奕奕，笑容滿臉，真好像「返屋企」吃飯的感覺，既溫馨又有親切感。今晚共Order了七個餐加了一客焗田螺，最後還叫了兩客甜品，這店很出名的香草包，據說是廚師自製的香草醬，真是吃極都不厭，那位好好經理為我們這班貪吃鬼添吃了兩籃香草包，哈哈！(免費的！) 回味這裡的皇牌燒牛骨，在別的餐廳不能品嚐，牛骨既「林」又入味，加一杯紅酒，簡直是絕配。這店除給我們醫肚外，還可讓一家人講講笑笑一整晚，加上侍應的細心服務，十分回味。