銘興山西刀削麵 (厚福街) (已結業)

新店開業已經好多人食，咁埃係linch時間，插針都唔入。不過嘢食真係好味㗎，醉雞好入味口水雞麻辣麻辣，就算係小食都真材實料大大碟，而且好惹味配埋撈麵有口感又實在，豐富又唔會覺得太Heavy，價錢合理又好味有夠飽，簡直係打工仔恩物！

愈黎愈多分店既呢間刀削麵店, 終於開到黎尖沙咀了!仲開左係美食集中地厚福街真係由佢黃埔細鋪仔睇到佢以家開到5間店!!以前係黃埔LUNCH都要急急腳去食, 否則好快會排隊黎到尖沙咀不意外地都係要排一陣先入到座今日食左醉雞冷拌麵醉雞好肥美, 而且入味得黎無酒既苦味, 好食!冷拌麵有大量青瓜絲, 夏天食非常清爽開胃牛展冷拌麵牛展不肥不膩, 肉質軟嫩小食春卷春卷好鬆脆, 新鮮炸出金黃色豬頸肉唔會成口油, 又唔會太瘦太乾肉質仲係濕潤, 唔錯!!台面上仲有酸蘿蔔任食唔嬲唯一係上菜唔夠系統, 有點小混亂相信係做上軌道之後會愈做愈順!! 

明明我話要過橋刀削麵，唔知點解一直落錯單最後都係塞咗個口水雞俾我兩個碗重量都唔平衡，但就打橫放🤡結果未行到地鐵站已經喺個袋度倒瀉晒啲湯。勁驚佢會穿個袋真心唔明發生咩事，個外賣基本上唔使食

銘興山西刀削麵 (厚福街) (尖沙咀)尖沙咀厚福街2號地下A號舖麻辣牛筋腩Numbing&Spicy Beef Brisket牛筋腩熬煮得剛剛好，入口即化。配上麻辣的調味料，讓人一口接一口停不下來，香辣味十足。花雕醉雞刀削麵$78Chicken In Rice Wine W/ Knife-cut Noodles花雕醉雞，口感非常獨特，酒味濃郁，湯頭濃郁，雞肉鮮嫩多汁又滑。阿華田脆脆Iced Ovaltine W/ Crispy Chips阿華田沖泡而成，搭配上脆脆的甜甜阿華田，口感酥脆，甜度適中，很容易讓人上癮。麻辣手撕雞Spicy Sliced Chicken手撕雞肉鮮嫩多汁，配上麻辣的調味料，味道非常香辣。涼拌皮蛋Black Egg Salad W / Garlic黑皮蛋搭配上蒜頭和調味料涼拌而成。口感清爽，味道鮮美，非常適合夏天吃，讓人胃口大開。

裝修以Tiffany Blue同木色為主色望落好清新同乾淨🥰🌱大部分都係卡位，坐得舒適落左單好快就上菜效率夠快好適合上班一族🤭口水雞刀削麵 $78·不設雙拼，不轉熱拌/涼拌我揀左上湯麵質夠彈性粗身的麵條咬落好有口感雞件唔算好辣但份量好多都幾抵食❣️麻辣豬肚絲冷刀削麵 $68辣度可選擇，辣度比想像中高🥵唔算太麻不過幾惹味花雕醉雞 （不設雙拼） $68雞件醃得好入味好香花雕味入口肉質嫩口涼拌皮蛋 $38唔辣，正常發揮郊外油菜 $30分開咗菜莖同菜葉上

尖沙咀終於有刀削麵食啦！行過厚福街，見到有一間新餐廳，專門買刀削麵，即刻好興奮。雖然係新餐廳，估唔到都幾多人，裝修企理，好光猛，望一望個餐牌，都幾多嘢食，選擇困難症即刻發作。由於今日好肚餓，於是點咗麻辣牛筋腩刀削麵同涼拌肥牛。呢度啲嘢食好大份，涼拌肥牛，入面有好多青瓜絲同埋花生，唔會好辣，好惹味，食得出係高質肥牛！麻辣牛筋腩刀削麵，麵同埋餸係分開的，牛筋炆得好淋好入味，入口即溶，腩肉質鬆化，刀削麵亦都好彈牙，湯底香濃。最後跟餐加$6可以加凍飲，以後可以成日過嚟幫襯。

Lunch時間見到新開張，啱啱有位所以入去試下，地方唔大，枱數不多。伙計有善，不過入機未夠熟。食物好味份量夠，豬軟骨可以咬到，麵和湯底都唔錯。只係跟餐飲品差啲。

銘興的刀削麵是我食過數一數二的，今日經過尖沙咀厚福街見到佢又開左分店，真開心，因為之前食過大同新村分店好好食，但因為我好少去果頭所以無機會再食，今晚見到即刻入去帮襯。佢招牌花雕雞必食，酒香雞滑，每次來都會食，份量超大份一定夠飽。佢有湯麵或熱拌冷撈都可以，我每次都食熱拌，因為好鐘意佢調出來的醬汁，由於我鐘意食蒜，又可以特別要求佢加蒜。朋友點了牛展熱撈，牛展肉好爽口，熱撈較冷撈軟身，喜歡口感可以食冷撈。另外再點左佢小食涼拌皮蛋和素春卷及麻辣東坡肉，麻辣味香又唔太辣，啱個人喜好。銘興係我食過最抵食嘅刀削麵，因為價錢合理又超大份。

今日同朋友約左係尖沙咀行街，行街之前就食個lunch先😋厚福街呢度出名多野食🤤我地就揀左間裎尼間食刀削麵嘅，唔洗食太飽😌＊＊＊＊＊🍳溫泉蛋木耳刀削麵套餐 $78🥩配雞扒呢個餐可以揀配豬耳仔、東坡肉、豬大腸、豬軟骨、豬肚絲、雞扒或者牛筋腩，我揀左雞扒瘦啲🙈有温泉蛋好正又健康😋🐥麻辣香雞刀削麵 $78呢個麻辣都幾辣下架，雞肉嫩滑同埋碗麵超級大碗😍勁抵食！🥬郊外油菜 $30可以揀菜芯或生菜，都係一樣咁大份呀！🍫阿華田脆脆 $26（跟餐+$9）🍯西洋菜蜜 $14（跟餐+$2）＊＊＊＊＊

銘興山西刀削麵尖沙咀厚福街2A地下Shop A, G/F, 2 Hou Fook Street, Tsim Sha Tsui手工東西, 吃落又有心思同有人情品。 以前我好喜歡吃手工麵, 但上一次幫襯了一間PI字開頭以手工意粉的店, 近二百元一碟意份份量小得如廚剩, 仲要幾次都是一樣!一氣之下不再去, 轉了吃高CP 值的中國山西手工刀削麵,以同一個價錢, 夠2個大人吃飽飽。刀削麵分了湯麵或者撈麵, 餸料組合款式多, 仲有單點小食‧$45擔擔醬刀削麵，個醬己夠夠香撈埋麵超好食東坡肉刀削湯麵，個東坡肉超大件好食，入口脂肪香沒人可以抗拒到。麵條彈性十足$68 花雕醉雞(配溫泉蛋1個), 有成近半隻雞, 還加溫泉蛋,高CP, 雞皮同肉吸曬酒香, 雞皮彈牙, 呢餉價錢出人意表。一向對爽口食物同內臟都愛吃, 男人的口味也是這樣的, $55 涼拌豬耳爽口好食$30 郊外油菜$6 跟麵加凍飲很抵麻辣小食好食, 如果出併盤更好, 可以每樣少少, 試多幾款, 食物大碗抵食!

這間位於尖沙咀食街內的銘興山西刀削麵，除了有冷暖湯拌刀削麵外，還有多款麻辣小食，份量十足之餘，價錢合理，是大眾化之選。花雕醉雞雞皮爽口，雞肉嫩滑，有淡淡酒香，而且味道不會過咸。熱拌豬軟骨拼豬腸刀削麵熱拌麵有青瓜絲、芝麻醬及小辣的擔擔醬，微微的辣香令整體都非常惹味，刀削麵麵質彈牙，每條麵條都沾滿了醬汁，豬軟骨入口軟身，炆得入味又夠腍，豬腸洗得乾淨，去掉大部份油膏，滷得入味。麻辣牛筋腩拼豬頸肉湯刀削麵牛筋腩炆至肉質鬆化，豬頸肉爽口惹味，刀削麵配上湯有陣陣麻油香。

尖沙咀厚福街出名多嘢食，肚餓嘅話，只要喺厚福街就可以搵到想食嘅嘢！今次發現依間刀削麵，門面光鮮整潔，都有唔少食客，一於試試！坐低叫完嘢食，不妨試試佢哋嘅醃蘿蔔，又酸又辣，好開胃！想食幾多就夾幾多，開心熱拌豬軟骨刀削麵今次揀得幾好，賣相靚仔，配料好似好豐富！除咗大量花生之外，仲有好多青瓜絲同埋唔同嘅醬汁，撈勻一齊食，味道同埋口感層次都非常豐富豬軟骨份量都幾多，而且冇乜肥肉，算唔錯👍🏼👍🏼個刀削麵真係好彈牙，非常推薦！再叫多個小食，小春卷脆卜卜，過吓口癮滿足😎😎

溫泉蛋木耳刀削麵套餐(東坡肉) $78刀削麵質地好有咬口，軟硬煮得度岩岩好，底湯清甜，仲有溫泉蛋同木耳，配菜擇左東坡肉，東坡肉煮得勁入味花雕醉雞$68醉雞分量十足，仲有一隻醉糖心蛋，醉雞既調味甘甘地甜甜甜地, 唔會好勁酒味太苦， 雞肉質嫩滑，啖啖肉令人一試難忘熱拌刀削麵 $52熱拌麵有麻醬、辣醬、青瓜、花生和芫荽等 ，可自選唔同辣度，適合唔同人既口味，混埋爽口彈牙既刀削麵一齊食，真係三兩下就吃晒涼拌青瓜$55估唔到前菜既涼拌青瓜，份量咁大份, 青瓜極之爽口新鮮，滿滿既蒜蓉同埋酸酸辣辣既涼拌醬，令人食唔停口涼拌皮蛋$38醬汁酸辣惹味配埋豐富既皮蛋香味，真係整得好好食

今日收工路過尖沙咀見到新開左一間<銘興刀削麵>，附近餐廳又收晒工冇嘢好食，就急急腳走入去食飯。我就叫咗一個熱伴豬軟骨刀削麵，豬軟骨肉質住得好軟，一咬就咬開，仲要好入味，超級推薦。面質非常彈牙，撈埋啲口水汁同青瓜絲超好食。我朋友叫咗熱伴豬頸肉刀削麵，豬頸肉係新鮮炸出來，一咬啖啖肉汁泌晒出嚟。另外我哋叫咗一碟口水雞，由於我朋友唔食得太辣，所以就叫咗個小辣，啲雞肉軟滑美味。我哋仲叫咗麻辣豬大腸同埋春卷，麻辣豬大腸整得超淋，但味道有少少偏鹹，整體都唔錯。至於春卷，都係即叫即炸，所以上到枱都係脆卜卜。

呢間刀削麵之前喺大角咀都幫襯過 味道唔錯🍜見佢喺尖沙咀開咗分店 就帶朋友試吓 朋友都話質素幾好😛刀削麵厚度幾適中 口感好滑 煙煙韌韌 有熱拌/冷拌/湯麵 仲有好多配餸揀🪄單拼雙拼都得溫泉蛋木耳刀削麵：牛筋牛腩配料非常豐富 牛筋牛腩炆得好淋身雙拼刀削麵 ：手撕雞 拼 豬頸肉兩款餸都好正 雞肉夠滑嫩 又唔會撕到太薄 撈埋麻醬花生更香🥜豬頸肉邊有少少焦脆 食落似豬扒 但唔會太乾身 入味又香口🐷花雕醉雞淡淡酒香 唔會太苦 雞肉超滑 好有鮮味 而且唔會太油膩🐤仲好大碟