鋮記一品粥鋪 (已搬遷) 新店位置

傍晚時分，倆支公唔知食咩好！咁啱行到呢道，還掂上次食過和味！好就試下啦！入到去都唔知咩好食，試下魚腩啦！好啦試下啦！我老婆就要了及第粥餐(係一碗細粥、腸粉及一杯豆漿)！有個亞姐顧住同啲同事傾今晚食飯食咩，叫左幾次都唔彩，終於有人可以落單！嗰碟腸粉同杯豆漿要放入微波爐叮！啲魚仲有鯹味!食過之後覺得還可以，但都沒有下次了！除非換了班亞姐!

上次食完亞龍咖哩，行過兩間店見到這一間粥店，見門口有很多的粥品相片，又上網看看這店的評價也是不錯的，見天氣熱有時唔想食得這樣多時，就來到這間在吳松街的粥品店，鋮記一品粥鋪。鋮記一品粥鋪是在吳松街和南京街的交界，由地鐵站行來十分之方便，而且就是在亞龍咖哩隔了一間的店子，門外見只是一間舊式的粥品店，想必都有了一定的歷史。去試當日去到是六時半左右，入到去時只得一枱的客人，入面的裝飾也是古舊式的廣東粥店，全部都是四人的圓或是方木枱，一邊是廚房而另一邊放了坐位，一看就是這些七八十年代非常多的粉麵店格局。粥品店當然是以粥為主打的食物，一張餐牌接近一半的篇幅是有關粥品，除了這些外還有一些以豬內臟或是魚的小炒、一些小食和一些腸粉可以選擇。上網都看過其他的食家的推介，就叫了泥鯭粥、魚腩豬腰粥、炸鯪魚球和蝦米腸粉。泥鯭粥($28)因為很少地方可以食到這些粥所以就叫了一碗，不像以前很多地方食這些地道風味的食物，來到時已經聞到陣陣的果皮味，泥鯭和果皮又是絕配來，數一數有五條的泥鯭，材料十足，粥內還有一些生菜絲、蔥粉和果皮絲，試一試泥鯭十分之鮮甜，因為有落了果皮所以不會腥，粥底也煮得十分之軟綿，除了本身粥底的甜

今晚想食得清淡啲，食碗魚粥清清地都唔錯喎。平時食開其他出名的粥店，依間都係第一次食。點了：魚腩粥，魚腩肉丸粥，魚鮫魚卜粥，炸鯪魚球和白焯魚皮。魚下薑蔥爆得唔夠香，有少少泥味，魚卜唔滑有少許”un"，粥底食耐咗會出水，no good。炸鯪魚球好大粒，好多果皮，新鮮炸，味道唔錯。魚皮試咗一片，豉油甜甜地，唔係太爽。下次再食魚粥應該唔會再選依間。

我向來都是坐言起行的人。前一天的半夜跟朋友在facebook說起想吃魚粥，友人立即給我推介了兩間位於佐敦的粥店。於是今天二話不說，一下課就奔去吃粥。推介的其中一間就是「鋮記一品粥舖」。由於去的時間尚早，到達時店內只有我一人。望望牆上的餐牌，魚的選擇很多。經過一番掙扎，最後捨魚咀選泥鯭粥，只因很久沒吃而已。一心以為一碗粥不會大得到哪裡，所以再點了一碟蝦米腸。殊不知食物一到即暗罵自己低估了一碗粥。先上枱的是泥鯭粥。粥入面有五條泥鯭。對﹗小小一碗粥有五條魚﹗而且粥的份量一點也不少。粥的米開花，也夠綿。魚味滲到粥身裡面，所以只吃粥本身也很甜。可吃到一半時咬到數條陳皮絲，但陳皮味道苦澀，破壞了整碗粥的味道。泥鯭「林」滑，但不知道是否味道全進粥裡，吃起來魚味不是很濃。這時蝦米腸也上場了。第一個反應是﹕「嘩﹗這應大碟﹗」蝦米腸很足料，見腸粉都舖滿蝦米。腸粉本身夠滑，但太過軟，缺乏口感，也吃不到米味，只是一般。但由於份量著實太大，最後只好遺下兩件吃不下的腸粉，很內疚的說。下星期會去試友人推介的另一家粥店再作比較。有機會還要再來試魚卜。

佐敦，除了知名的廟街大排擋外，還有不少舊式的粥品店。吃過的不多，約有三、四家吧。唯獨這家「鋮記一品粥鋪」令我一試難忘，每次到佐敦也忍不住要光顧。這裡除了有一些常見的粥品和小吃外，還有比較少見的泥鯭粥及魚鰾粥。每次到鋮記都必會叫一碗魚鰾粥，覺得它鮮甜好味。雖然物價上漲，但魚鰾份量可不少，我一個人的話吃不完呢。魚鰾，作為處理前的花膠，應該也有美顏作用吧?　=v=粥底談不上綿滑，但尚可接受。勝在用料新鮮，處理得宜。今次與家人光顧，可以多點兩個小吃。平常吃的都會被加進大量的麵粉及其他魚肉，但這裡的鯪魚球，吃得出來是真正的鯪魚肉，不用沾蜆蚧，就已經夠好吃了。雖然每次來都想試試其他食物，但想了又想，總會點了同樣的魚鰾粥加魚皮呢~ ^^"看來今天過後，要多加一碟炸鯪魚球了。

因為小病要食粥,午飯時間客人小貓三四,已覺有點不妙,有位阿姐遞上餐牌,原來價錢不對,不過費時問,豪比佢,皮蛋瘦肉粥的瘦肉極咸,而且我懷疑有D臭,&一碟齋腸&豆漿,=$30,在這區不算便宜, 兩樣都唔滑無特別,等候期間兩個阿伯一直閙阿姐,好煩! 坐位對住個好污糟的廚房,地板濕漉漉,廚櫃有些千年污積,睇住食o野好唔開胃,越食越反胃。

2010年07月09日， 21:30在砵蘭街下直巴，感覺出奇的疲累。大腦啟動了"自我維護"導航，在高溫下、迷糊地徒步到佐敦粥林深處。原來系統早已鎖定了這小店。晚市剛過，衹仍有三檯客，人不算多。要了炎夏降火良伴，皮蛋瘦肉粥。加了至愛的魚卜。數分鐘後，標緻的小女孩送上了滿滿的粥。生滾粥當然是熱騰騰的、香噴噴的粥底薄中帶莫名的甘香。是那蔥段？是那生菜？是那皮蛋？還是那火爆至微黃的魚卜？不管您從那裡來，但我因您而精神一振。瘦肉是實實的、鹹香的。皮蛋是軟滑的、甘香的。生菜絲是清鮮的。粗蔥段是惹味的。魚卜是來得自然的軟中帶脆，經油爆後那鮮甜變得更實在。這種粥是我動力之源。怪不得，已在被大腦鎖定。題外話：是日意外地無上班，為的是宿舍空調出問題。 週四黃昏找人維修，到週五11:00還不來。 那些所謂師父，自把自為的胡亂弄了一會，便了事。 最終旁晚房東帶人再來檢查，仍未有定案 這便白白的被迫放了一天假 無功地多交一天稅

自從約半年前在貴網站發現了這間魚粥店以後，都來了六、七次了，寫食評倒是第一次。今天難得一天不用在家處理公務，於是便外出走走，第一站便先來了鋮記。約下午四時來到，只有一枱客，而主理人則在一邊吃飯，因此店子也挺闊落的。一早已想好吃點甚麼，二話不說便點了白灼魚皮、薑蔥魚卜及白粥，以下午茶來說，是挺豐富的了。 白灼魚皮先來。隔一個街口的新興棧也去過，但我較喜歡鋮記的魚皮，因為夠大塊，口感爽脆，同時也夠大碟。 薑蔥魚卜和白粥隨後也送到了。今天吃到的魚卜，是近幾次來吃之中，體積最小的一次，口感也有點不足。薑蔥的份量很夠，魚卜也爆得沒有腥味，只可惜薑片太大塊也太厚了了，要是用小一點的薑片，絕對可以連薑都食埋，這才是完美嘛。總的來說，今天吃到的薑蔥魚卜，絕對不及之前幾次來吃的水準，可以它仍然能夠在我心中，佔據一個重要的位置。喜歡小店的原因很簡單，喜歡小店的節奏，喜歡小店的人情味。好了，骨膠原補充完了，是時候去下一站了。鋮記，我會不斷來的。

最愛粥品於是來 openrice 做定功課鎖定到鋮記一試食友話好味既魚卜粥一大碗魚卜粥即叫即整當日其實人唔太多但要等一陣.看上去平平無奇的粥深藏不露有成8- 9 個魚卜 - 好味唔腥粥底稀度適中正.....$28 抵食 !唔係到到都可以食到魚卜粥既

因為唔想食太飽,所以只叫咗泥鯭粥,糉同腸粉...泥鯭粥真係好鮮甜,好正,腸粉都幾滑,不過隻糉唔好食,下次再來唔會再叫糉!!!!

可能係見好多人話好食啦! 期望過高! 所以好失望!!!叫咗碗 豬潤粥 豬潤太厚, 所以比較生, 多血水! 另粥底 水還水, 米還米, 似潮州粥多啲!!!另外叫咗碟义燒腸粉 - 不過不失啦! 都 ok 嘅!

有日search下openrice佐敦有咩粥食，睇見魚卜粥，一路都想試試，昨日終於有機會喇~~~間舖衛生認真麻麻，但冇計啦，鬼叫自己為食!!! 叫左魚卜魚咀粥，朋友就食魚腩魚卜粥。一上枱，感覺都幾大碗，有少少惺，但食落又唔覺，魚卜都幾好味，粥底就稍為"ham"左d。

Lunch 食得少，4:00pm 就肚餓，諗住食碗粥啦，見到呢間舊式粥鋪，就入去試吓。及第粥($25) - 粥底一般，唔夠綿又唔夠甜，但就好大碗亦佷足料，有豬心、豬肝、粉腸和肉丸，豬心醃過切厚片，幾爽口又有豬心味，味道幾好，有部分粉腸有苦味，豬肝和肉丸就不過不失啦.牛肉腸(15) - 牛肉OK，腸粉皮厚咗D亦不算滑，但味道OK喎

$16 薑葱白灼魚皮 $5 油炸鬼 x 2 $15 招牌炒面 $28 魚咀粥勁多人喎! 好彩我地見到有人走, 就拿拿聲走去坐下, 點知後面的男人仲臭過d 魚腥味好快就叫了野食, 魚皮快到, 因為唔洗整而粥就要等耐少少喇粥仍是卜卜滾的, 要等一陣先可以放入口, 如果唔係一定會熱死不下不下, 見到有魚下巴啊, 但是咀呢? 溶左嗎?粥一般啦, 因為是新鮮, 所以就唔會腥囉!而炒面就真係好一般, 唔太鏗意佢太林喇 食得最多的反而是油炸鬼呢...食左兩碗啊, 5數一碗, 2碗先有一孖咁多, 真係貴!

呢間舖位於橫街，平時逛街真係唔會自己搵食搵到嚟呢度門面非常之唔見得人,裡面座位就好簡陋 服務亦好街坊下,不過D粥真係食過番尋味鋪內最出名既魚粥及即拉腸粉超過一半以上的粥都是以魚掛帥，魚腩、魚骨魚片、魚球，甚至連刁鑽位的魚鮫魚鰾都有齊招牌魚腩粥好好味,用料亦幾足,魚腩又夠新鮮吃落唔腥粥底清甜,最重要係夠滾,腸粉即叫即拉都幾軟滑上個星期又黎食野,黎到此店唔食魚粥不如唔好黎今次叫左碗魚腩粥、蜆芥陵魚球先講碗魚腩粥 佢既魚腩真係掂,魚腩當然爆到沒有腥味,仲有四大舊肉質嫩滑且肥美.至於粥底稀杰適中清甜可人然而加上薑絲葱花既配合,超好鮮味呀蜆芥陵魚球, 同樣沒下過多生粉發起, 咬落亦算彈牙有口感, 兼有陵魚味 !!這店充滿老牌味道..我吃過多年.味道不錯, 用料新鮮亦是我遇見到最好的粥店之一