影片
開飯介紹
由燒味大牌檔開始做起的鏞記，現已發展成中外聞名的粵菜館，多年來鏞記酒家獲獎無數，尤其以燒鵝馳名，不少外國遊客慕名而至，回國時更訂購特別包裝的燒鵝，故有「飛天燒鵝」之稱號。
繼續閱讀
獎項殊榮
最優秀開飯廣東菜館 (2008-2011,2014), 最優秀中西區開飯熱店 (2010)
特色
同客食飯
適合大夥人
附加資料
開瓶費300
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
*美人肉卷抱珠簾：平平無奇，食完冇乜印象*「美人肉卷抱珠簾」聽落個名好似好高級，但上枱之後發現其實只係一卷豬肉包住火腿同蘆筍，底下仲加咗少少花生醬。豬肉外層炸得脆，但味道同火腿幾乎冇分別，兩種豬肉加埋只係重複咗一樣嘢，冇食到咩新意。至於蘆筍，只係加咗啲爽口感，味道一樣唔突出。最奇怪係花生醬，嗅下仲以為幾特別，但入口根本冇乜存在感，唔夠突出去平衡成道菜嘅味道。整體食完冇驚喜，講真，叫同唔叫其實都冇分別。.*燒鵝：秘製醬汁蓋過燒味，肉質靭難入口*作為鏞記的招牌之一，燒鵝理應係亮點，而且燒鵝皮本來應該係最吸引人的部分。不過最難明嘅係，佢燒鵝一上枱就淋上秘製醬汁，搞到皮變得軟塌，完全失去了應有的酥脆口感。醬汁雖然被標榜為秘製，但味道過鹹，喧賓奪主，蓋過了燒鵝本身應有的香味。鵝肉本身肉質偏靭，幾塊比較厚的部位難咬得開，食落有啲費力，搞到我對住客食都略感尷尬。整體來講，燒鵝既無脆皮，又欠嫩滑，遠遠未達到一間老字號應有的水準。.*白切雞：冇乜雞味，只有幾件雞髀算過得去*白切雞冇咩技術可言，依賴嘅只係隻雞本身嘅質素，但呢碟雞睇嚟連基本味道都做唔到。雞肉普遍鞋口，好似煮得過熟，但其實可能根本係隻雞唔夠靚，肉質較差。鋪面嗰幾件雞髀算係嫩啲，但雞皮又厚又膩。以呢個價錢嚟講，呢碟白切雞真係欠缺説服力。.*椒鹽炸魷魚：全場最有水準的一道菜*成晚最令人滿意嘅反而係呢碟椒鹽炸魷魚。魷魚炸得啱啱好，外脆內嫩，口感爽彈，調味嘅椒鹽唔會太重，但又有層次感，仲帶少少微辣，令人一啖接一啖。雖然只係一個好普通嘅小菜，但表現反而勝過其他貴價菜，幾乎可以話係全場最有水準嘅一碟。.*服務：收碟收得太勤力，搞到好似趕住食*VIP房環境睇落體面，但服務有啲過火。男服務員一路都不停收碟，個客明明隻碟啲嘢都未食完就拎走，要個客扯住隻碟。跟住我哋一台人喺度講嘢個服務員又插嘴問個客，我覺得佢應該先企喺我哋旁邊有啲示意，咁我哋負責點菜的同事就會主動問佢，但佢成日走到個客嘅老闆嗰度。.*結論：名氣大，味道麻麻，宴客需三思*鏞記VIP房環境高級，名氣十足，但食物嘅水準並唔匹配佢嘅價錢。「美人肉卷抱珠簾」食完冇咩感覺，燒鵝唔脆又偏靭，白切雞就冇乜味道。唯一令人滿意嘅反而係椒鹽炸魷魚，但講到尾，呢間餐廳靠嘅係歷史同名聲，未能提供令人回味嘅菜式。對於打算喺呢度安排商務聚餐嘅人，我會建議三思，呢個價錢可以揀其他地方，菜式質素同性價比可能會更加符合宴客嘅要求。
繼續閱讀
對呢個酸姜皮蛋真係印象深刻，估唔到姜同埋皮蛋係可以咁搭配，口感豐富，酸甜嘅汁同層次豐富嘅皮蛋混合，嘅開胃又有驚喜，唔錯唔錯！招牌飛天燒鵝，外皮色澤金黃，內裡肉質鮮嫩多汁，充滿碳火同埋鵝油香，每一啖都係對味蕾嘅極致寵溺
繼續閱讀
芹菜牛肉丸口感豐富鮮美，炸春卷外熟裡嫩，菠蘿咕嚕肉全場最大驚喜，真係超鐘意！炒牛河好夠鑊氣，好地道，壓軸嘅當然係燒鵝啦，因為真係冇得彈，作為燒鵝愛好者可以話係直接打滿分.
繼續閱讀
從小就來這間老字號吃飯，今次相隔很久再次光臨，心中有數是貴的，叫個例牌燒鵝，燒鵝皮不脆，肉韌一個致命點 （我都經常到國內品嚐有口感嘅鵝鴨雞，所以才感到什麼叫韌什麼叫口感），沒有在堂食的感覺，此外買回家吃的溫度，所以感到失望。跟住叫咗個頭抽炒斑球，魚肉很鮮味，做得不錯，只是份量少了一點。反而最出色就係個甜品，叫咗個熱嘅荔芋西米露，很出色，員工態度非常好，有禮貌，但主體食品不理想，尤其出名嘅燒鵝，有改善嘅空間。
繼續閱讀
燒鹅嘅皮燒得比较脆，皮下面系一层非常多汁嘅油脂，再下面就系鮮嫩多汁嘅鹅肉啦，呢層油脂真系冇得頂，燒出嚟之後嘅層次仲係非常分明，油脂保留嘅程度都係啱啱好，淋嘅麻醬亦都為燒鵝增返些少甜香
繼續閱讀