鐵魚川式食堂 (已結業)

平時成日食牛肉、豬肉、雞肉，但魚肉就少Ｄ機會食到。今日帶埋朋友來，食一餐以魚為主食，補充返Ｄ營養先得！銅魚餐$ 198/位－鐵魚麻辣烤魚我地揀左條江團魚，店員話呢款魚的肉比較實心，冇麟片，係飼養魚來。好多時Ｄ人唔鍾意食魚，都係因為吐骨好麻煩。但呢款江團魚係比較少骨，而且Ｄ骨係大大條好易拆，平時唔太習慣食魚的朋友都可以試下，Ｄ肉好甜架！煮法方面，我地揀＂鐵魚麻辣烤魚＂，辣度同麻求都可以自己揀，我地的選擇係小辣，中麻。小辣容易接受，但更辣應該會再惹味Ｄ，睇個人喜好啦。前菜4款都是微辣的，分別係魚情味豆牙、跳水木耳、嫩七八草同埋手撕包菜。食完個魚，Ｄ湯加水可以用來打邊爐的！（今個冬天真係完全離唔開邊爐）海鮮有海蝦、花甲、扇貝，都很新鮮。牛腰脊黑豚腩片台灣黑椒腸牛根丸芝士雙響整體來說，主要推薦的當然是招牌的魚－－真的很鮮甜很滑溜！邊爐的配料也是不錯，難得的是價格也不貴，很值得一試！

今日同男朋友都放早, 天氣又咁凍, 突然好想食一啲暖笠笠嘅嘢. 上Openrice搜尋, 見到銅鑼灣有一間食烤魚火煱嘅地方， 而且食評亦都唔錯，我地就決定一試！上到去好開心， 因為佢哋留咗張卡位畀我哋， 所以座位覺得非常闊落， 坐得好舒服😀佢哋嘅食物係段位計， 分咗金銀銅嘅餐。我哋就揀咗銀魚餐，Hkd268一位，送刺身同六款指定海鲜。而其他肉類同菜就可以無限refill. 我地仲加左每人Hkd78 join左任飲package,可以任飲紅白酒，真露，啤酒，汽水同特任。反正如果叫兩杯啤酒都貴過任飲package, 咁梗係任飲啦！一一至於烤魚我地揀左福壽魚， 因為店員介紹話骨比較少， 肉亦比較淋生比較容易入味， 咁我哋就決定跟店員嘅建議😊 而湯底我哋就揀咗麻辣小麻小辣感覺味道一般不算太入味， 而且一路食一路覺得食到滿口魚鱗片😏另外一樣我覺得可以畀店舖一個建議就係海鮮拼盆應該唔使太早黎， 應該等客人食完魚先黎如果唔係呢感覺上就好似要擺好耐唔新鮮。食完烤魚店員會提供火鍋仔畀我哋加火煱料整體環境及服務都吾錯，店員亦好細心照顧客人需要味道就有進步空間😊

自從上兩年試過烤魚之後，就無法自拔，成日都約人去食辣烤魚，黎到今次呢間，都幾唔錯！一共有三個價錢的套餐，小食類可以自選，都幾貼心。今次揀左最平果個餐 $198，兩位小姐食，90分鐘都應該可以勁飽。裝修都算有心思，係幾靚的。首先黎左個前菜開胃，有四碟，鍾意食辣芽菜，不過都係唔好食咁多，要留肚食魚魚。每次食辣烤魚最期待的畫面，就係上菜一刻，紅紅的成條魚，勁吸引！！揀左小辣，岩岩好，唔會太辣，食落去個辣度好舒服˜而佢d配菜（蓮“偶”）都唔錯！然後d打邊勞sup sup下黎啦，有海鮮、菜、牛拍葉、豬肉。當然除左條魚之外，海鮮都係期待 items見住佢地係辣湯度游水，哈哈。味道以呢個價錢黎講都算唔錯！而且都算大隻，幾好幾好。雖然無叫澱粉質，但係配菜都唔少，兩個女仔食已經好好好飽啦！兩杯解渴凍飲品˜

重口味既我，朋友聚會最鐘意雞煲/烤魚呢類野，今次試下銅鑼灣呢間鐵魚。四人同行仲可以享用鴛鴦鍋，雞同魚一次試哂😝 太好啦～叫左個銅魚試下先。叫左一榨菊花薑蜂蜜茶，清甜，打邊爐唔想飲汽水既可以試下～四款前菜仲可以任添，食住等好開胃～個煲真係好正，滿足我地兩個願望😍 叫左小辣，味道其實都好夠味，嗜辣既我下次可以試下中辣。不過個煲好淺，打邊爐有少少難。可以自己揀四款配料～蔬菜盤～最期待既海鮮～啲花甲同蟶子好大隻，好鮮甜，生壕都好正👍🏻

今天天氣非常寒冷，老公放工帶我去銅鑼灣食火鍋，去到原來是鐵魚川式食堂，之前同事也提過這兒的烤魚好好味，天寒地凍，圍爐食魚火鍋當然最好不過！火鍋店有三種價錢選擇，有金、銀、銅。當然最貴是最豐富的，但我們不是很餓，所以選了銅魚，所以食物是一次性，不可再添加。菊花薑蜂蜜茶：套餐不包飲品，我們加錢要了自家製飲品，薑味濃帶菊花香味！首先是四碟前莱，有辣有吾辣，開開胃口先！主菜是五選一，我們選了福壽魚配阿來冬蔭烤魚湯底，魚都好大條而且是烤過才放入湯裏，魚下放有大量蕃茄和菜，冬蔭湯底味道酸中帶微辣，加有芫茜，味清香。海鮮我們選了花甲、海蝦、蟶子皇。海鮮都好新鮮，鮮甜爽口！火鍋配料選了黑豚腩片、台灣黑椒腸、貢丸、沙律蟹子丸、雲吞。雲吞是店家自製的，皮薄餡多，味道不錯！蔬菜就只有一款生菜。

打邊爐相信好多人都鍾意架啦幾年前開始興雞煲，貪佢食完隻雞之後又可以打邊爐。但世界上，原來除左可以先雞後火鍋之外，原來係可以先魚後火鍋架喎起初上網搵到依間餐廳個名好特別，其他人食完覺得幾好，就搵埋朋友一行兩個人黎試下，真係很不錯餐廳位於商廈入面，一入到環境就係咁，因為我今日放工早左啲，所以無咩人。整體而言，都算好乾淨企理再睇餐牌，主要推介依三個餐，係預兩位或以上享用既包括有川式前菜小吃、海鮮、肉類、蔬菜，同埋主食烤魚啦亦可以加配飲品飲品方面，我地點左一渣紅桑莓蜜茶飲落唔會太甜，味道有啲似尼賓納，不過莓味更濃，不錯之後就送上烤魚啦其實所謂既烤，即係好似打邊爐咁用水滾熟咁解，當然條魚應該事前都經過一輪製作或煮過下，話晒始終係淡水魚講番條魚，我地揀左江團魚味道係青檸越式一煮滾熟後，店員都會好好地幫我地砌開條魚一件件咁，方便食用，算係幾貼心青檸湯底帶微微酸味，但無阻鮮魚味滲入湯裡面，而條魚肉質鮮嫩幼滑，真係好食唔好以為兩個人食唔晒條魚，其實份量上剛好夠兩位食有餘，配埋湯入面既配菜如金菇等，真係食材多樣化肉類方面，揀左手砌牛腰脊手砌安格斯牛牛舌黑豚腩片肉既蚊理清晰可見，整體賣相不錯海鮮方面，包括有

1. the manager tried to back out of the etigo offer by saying the cheapest menu choice bronze-fish set is not entitled to 10% off. Luckily I had a screen shot from the app with the 10% discount on bronze-fish set 90min. After realizing he couldn't win because we have solid evidence, the manager sent the server to say certain seafood items cannot be selected with that set. (strangely, all the "expensive" ones!) and we had to show that the menu did not mention this restriction. 2. The proportion i

之前成日喺大陸食嘅烤魚，近年香港開左好多。但試過一兩間都麻麻，所以就放棄左喺香港搵同內地口味一樣咁正嘅烤魚食🤷🏻‍♀️近排工作忙，無時間走上大陸食。男朋友上網又睇到有間新店係專食烤魚！所以當晚就比次機會香港嘅烤魚店，去左試下💁🏻‍♀️入到去店面不大，但坐位排得整整齊齊。地方都乾淨，感覺同內地某大烤魚店差不多，偏向新型的烤魚店。研究左個餐廳一陣，最後都揀左叫啲咩喇！我地揀個最平個款（銅魚）90分鐘我地揀嘅係福壽魚。味道揀麻辣烤魚，辣度揀中辣，但上菜時試味覺得唔夠，再向店員提岀加到去大辣。以辣味嚟講，真係幾正宗！愛內地麻辣口味嘅人我推薦😝魚唔叫大條，但魚質真係幾滑！呢款魚嘅刺唔叫好多，唔識lur魚骨嘅人可以考慮呢款魚。海鮮揀左花甲，檉子，蝦🦐海鮮大小適中，但都係新鮮貨火鍋料就加左錢試手切牛腰脊，介口唔食得牛嘅我，只好靠男朋友把口形容。佢話：好軟滑！厚薄適中！正！根住佢就清曬🤣我唸都真係不錯🤣重有貢丸，豬腩片，台灣腸。最後重有菜同冬菇呢啲味道都不錯！重有，魚鍋原本會跟埋幾片蓮藕。煲到最後食好味道喔☺️我地每人叫左一jar自家製飲品，味道偏甜，有一款係酸酸地，幾消滯開胃👍🏻我會推薦比愛吃烤魚嘅各位！

前幾日同朋友慶祝生日，由於我哋都係住港島區，所以就落咗去銅鑼灣呢一間度食烤魚。佢地理位置非常方便，直接喺地鐵站一出就已經見到。我同朋友大概九點鐘去到，上面依然都係咁多人，由於問咗啲職員，邊一個湯底係最冇咁辣，佢就介紹我哋試吓個冬陰公湯底，江團魚。。然後仲有好多配料可以揀，有牛肉，海鮮，丸類。。好多。。多到最後兩個人都係食唔晒。。。前菜嚟咗幾個酸酸辣辣既，幾開胃條魚仲要唔細條嫁呢個好友有冬陰公嘅味道，不過我覺得佢唔夠辣姐，如果可以在辣多少少就會更加惹味不過基於朋友唔係太食得辣所以唯有就下佢啦佢生日食完條魚之後變咗打邊爐，以咁嘅價錢超值仲要係咁凍嘅天氣下面真係一流。

而家咁凍想食啲辣野暖下胃，但又食厭左雞煲。朋友提議食四川烤魚，貪佢夠辣又可以慶住嚟食呀嘛。我地見銅魚餐都已經好多野食，所以就嗌左佢黎試下。一開始上左啲伴菜，兩個辣兩個唔辣，幾開胃。雖然冇得添，但本身都已經幾多。我地揀左麻辣烤魚，雖然已經係小辣，但我地都食到"雪雪"聲xd 但佢啲辣又唔會令你卻步，反而越食越上癮！魚肉好嫩滑，完全冇腥味。入面嘅藕片芽菜索哂啲精華，好正！食完魚就落海鮮。海蝦彈牙，聖子鮮甜爽口，花甲肥美。牛腰脊牛味好重，油花均勻，好推介！雲吞唔會得肥豬肉，而係有菜同木耳喺入面，夠驚喜。咪睇芝士雙響細細粒，但都做到流心俾你睇。仲有腩片同牛舌都好好味！最後就有啲蔬菜食下消下滯。另外仲嗌左個桑梅蜜，酸酸甜甜好解辣

呢排真係凍到癲左，坐係屋企都要著好多衫先得。雖然我唔係好食得辣，但呢D天氣真係會好想食D辣野暖一暖個人。2個唔食得辣嘅人於是就去挑戰川菜一定係癲左～對川菜冇研究，所以都唔知要揀邊間好。係Openrice 見到呢間評論好似唔錯，所以就試下啦，反正我都想食烤魚好耐佢呢度嘅價位我覺得相對較高，畢竟我都係個窮苦學生，不過一餐半餐都ok 嘅。不過我地都係叫左最平嘅套餐。雖然好怕好辣，因為我同個fd都唔太食得辣，但覺得一場黎到唔叫麻辣烤魚又好似好奇怪咁。於是叫左個流灘辣，即係小辣不過估唔到佢個流灘辣一D都唔流灘！！加上烤魚又一路煮緊，會好熱，熱加辣=超級辣！！！！唔係特別食得辣嘅人真係唔好亂叫其他等級。 不過打開蓋聞到個陣麻辣味口水都即刻流晒出黎佢仲有店員幫我地先處理一下條魚，確定熟左之後先同我地講可以開始，呢項服務都幾貼心雖然煮左唔係好耐，但係條魚都幾入味。入面有一條魚，Size正常。雖然真係好辣，但食得幾滋味，我個人覺得辣野都係好味嘅，只係我比較廢，希望可以慢慢煅煉下～入面仲有D蓮藕同芽菜等等嘅打邊爐配菜，我就唔太敢食，因為太吸湯啦，會辣死，朋友相對比較食得辣多少少，負責食晒左邊2款配菜係辣嘅

寒流襲港, 差不多整個星期都處於極凍的天氣, 不食火鍋暖暖胃真是對不起自己呢。近幾天不是港式火鍋, 就是雞煲, 正是轉轉口味的時候, 給我發現了"鐵魚"。香港大多餐廳都是以雞煲做主打, 比較少用魚做主打, 所以要一試究竟。看到餐牌才發現是放題店由於比較夜, 離休息時間不遠, 所以跟男友決定不食太飽, 選了最基本的"銅魚"餐!魚鍋一到, 即哇了一聲! 魚的份量一點也不少呢！我們點了鐵魚麻辣烤江團魚, 小麻小辣, 但其實對於不能食辣的男友已很辣, 而比較可以食辣的我亦受不了用原汁原味湯底淥的菜所以點前要想清楚喔~江團魚真的超好味! 魚味十足, 魚肉亦非常嫩滑, 而且有先煎後上湯, 一點也不腥前菜: 醃木耳,芽菜,津菜&沙律菜前3種都是醃物, 醃得很有心機, 很入味, 雖然芽菜跟津菜有點辣, 但都忍不住食呢~配料一: 海鮮拼盤意想不到的份量跟質素!我們點了紐西蘭大蜆, 蟶子皇, 花蛤跟海蝦~所有海鮮都超鮮甜, 而且不會熟了後縮小呢配料二: 肉 & 丸系牛腰脊不用說了, 看圖就知有多好食!每一樣都好好味, 但要特別推薦牛根丸!!!第一次食牛根丸真的有牛根呢而且有彈性, 牛肉多了一股像牛油般的味

好朋友不嬲要求高佢請我食飯揀左呢間食烤魚知佢一定唔會揀錯 佢自己黎過幾次黎之前係openrice訂左6點半位 因為星期五晚其他時間full哂但果晚OT搞到遲左成個鐘 朋友6點半上去先 到差唔多7點半我就到先嗌野食 d waiter都無趕人走無黑面 實在太感動啦😭個魚叫左龍躉 好肥好好味 份量多食極都仲有咁海鮮拼盤好正🤤雖然只送一盤你試食 要任叫就要每位加錢 但我都覺得好夠啦 少食多滋味嘛牛同豬肉都係 要encore就要每位加錢牛真係超正呀 好優質 無得輸！！有衝動想加錢食多啲 但我朋友唔食牛 就俾哂成盤我 之後仲有d普通打邊爐料可以任添（除左海鮮/牛果d要加錢) 食左好耐 慢慢打 慢慢傾 坐位一啲都唔逼 佢會用個板隔住你同隔離枱 增加私癮度 咁就唔怕傾計尷尬啦見到佢入面仲有大啲既圓枱 應該係vip房黎的Overall食物超好食服務好好 兩個人食埋單每人都係300幾 好抵食 傾計舒服唔趕人走👍🏻👍🏻👍🏻估佢唔到 值得推介

天氣凍凍，想食啲熱騰騰的餸菜。不想吃太多肉，魚煲是不錯的選擇。餐廳特意推介，菊花薑蜜，在天氣凍的時候，飲一杯暖暖的特飲，不錯！選的是江團魚。上枱熱騰騰的，香氣撲鼻，肉質鮮美，少骨，真是美味之選。套餐來不只有魚，還有海鮮及肉類選擇。我點選了牛腰脊肉，豚肉，芝士丸及貢丸。牛腰脊及豚肉，肉質美味，丸類質素不錯爽口！海鮮選了聖子，花蛤及海蝦。美味！不可能全部都是肉，套餐內包括蔬菜籃，配上魚煲的魚湯，蔬菜份外鮮味。餐廳的環境也不錯，十分有氣氛。這一餐十分完美，亦十分飽足！

對於魚，我談不上喜愛，以前情況更嚴重，基本是不會吃任何煮法的魚，只是近年口味開始變了，慢慢接受了魚。到達京都廣場，一進𨋢已經聞到很麻辣、很香料的味道，都不知是那一間餐廳傳出來，話說京都廣場都有很多食川菜的餐廳。店內環境cozy，空間感都很足夠，坐位很舒服。今次點了銅魚餐，可選魚或雞，我揀左江團魚，因為落單時店長推介，雖然係淡水魚，不過無泥味，少骨。 除了魚之外，還有前菜、海鮮、其他火鍋配料及蔬菜。先來前菜，4款有辣的、有酸的、有清淡的，我就較為喜歡兩款麻辣的，辣味都很刺激，川色十足。魚都頗大條，二人份量有點多。沒有泥味，可能已經被辣味蓋過，川辣很過癮，嘴都紅了。湯底還有金菇、蓮藕，很入味。食完條魚之後，可以打海鮮，銅餐可選3款，我就選了蟶子、蝦同大蜆， 蟶子正呀，麻辣加海鮮更能帶出海鮮鮮味！打邊爐必食丸丸類！最好食係雙重芝士丸同埋豚肉。辣辣地不知不覺起了很多。 超飽呀今餐。 好彩最後冇點銀餐。