閨•家 (寶榮大廈) (已結業)

星期六做完gym之後當然要食健康啲，所以去左位於北角既閨家，閨家主打無味精食物，而且有每日精選既老火湯。雖然閨家主要賣一般既飯同粉麵，但門口大排長龍，可見其人氣之高。- 涼拌海蜇手撕雞手撕雞肉嫩多汁，海蟄幾爽口，加上芝麻醬勁開胃，同時芝麻令味道更香。- 手拍青瓜份量超多，青瓜同蒜蓉醬堆到成座山咁高，蒜蓉醬好惹味。- 麻辣雞腎份量又係驚人地多，雞腎好入味，味道唔算太麻辣，口感爽脆。- 香煎蓮藕餅豬扒飯聽講閨家豬扒唔落梳打粉，反而用人手逐塊揼鬆🙌🏻，質感鬆軟兼有少少甜味。另外蓮藕餅煎得幾香脆，而且入面食到細細既蓮藕粒，旁邊既蔥油送飯一流。另外叫飯就會附送老火湯，餐廳嘅老火湯好足料，味道清甜，仲要冇味精非常健康。除咗食物大份之外，飲品都好大杯🤣屋企人平時叮囑我出面食物味精多，今日終於比我搵到一間有好味又冇落味精嘅餐廳，碟頭飯只係$40-50但份量非常大，性價比超高，絕對會無限encore✌🏻

話說之前見到有專訪，係介紹呢一間由兩母女開嘅住家飯餐廳✨今日特登嚟支持一下呢間咁特別咁有立場嘅小店❣️點知嚟到一點都未夠，就已經要排隊🙈而家仲肯表明立場嘅小店，果然係特別多人支持😆小店唔算大間，大約2x個座位左右～店入面嘅手繪壁畫好pink pink，風格好吸引女孩子☺️見嗌飯餐會包埋一個細嘅老火湯😍所以我同寶寶都叫咗飯食☺️仲唔使加一添❗️是日老火湯：青紅蘿蔔湯有齊青蘿蔔➕紅蘿蔔，而且飲落好清甜好濃味❗️一啲都唔油膩，明顯冇溝過水，真材實料👍🏻同媽媽喺屋企煲嘅好相似❣️🥢慢煮豬軟骨飯 $48豬軟骨煮得超軟腍😍真係慢煮先會咁腍咁入味💕絕無花假✨連軟骨組織部份都唔使好用力咬，老人家、小朋友都食到👍🏻份量仲幾多添，一客有3-4大件❗️好抵食❣️用埋個汁來撈飯仲正 😋咖喱豬扒飯 $50見餐牌寫住係招牌推介，第一次嚟當然要試吓啦❣️揀咗小小辣嘅咖喱🍛椰香咖喱汁入面有四至五小塊薄切豬扒～仲有啲薯仔添☺️豬扒口感實在同時又唔會好韌，薄薄地好易咬👍🏻個咖喱醬濃香得來唔會太鹹，好適合用嚟拌飯❗️涼拌海蜇手撕雞 $38海蜇爽口彈牙❣️手撕雞份量好多，食落味道比較清淡～味道主要來自日式蔴醬❗️係一款比較消暑嘅菜式💕🥢凍檸茶➕熱檸蜜

閨家 - 給你家的味道今日介紹一間位於北角的小店，主打滋補湯水、家常小菜，給你家的味道。香煎蓮藕餅豬扒飯 大大塊的豬扒，肉質軟腍，肉汁夠不會乾柴，配上香煎蓮藕餅，厚度十足，口感爽脆，然後當然唔少得甜豉油、蔥油和酸菜，不要小看這幾款簡單的配料，因為令整個飯增添了靈魂！雙蛋豬扒飯 招牌的人氣豬扒，當然要encore啦，另一款點了雙蛋豬扒飯，記得小時候常常叫媽咪煎太陽蛋，燶邊的蛋白加上流心的蛋汁，配上甜豉油，瞬間就扒了一碗飯！涼伴海蜇手撕雞 爽口的海蜇加上幼嫩的手撕雞，配上醬汁和芝麻，超級惹味的涼盤。老火湯兩款飯類都配有細老火湯，足料又冇味精。

Lunch雖然無飯帶，附近叫外賣返公司食，出乎意料有家的味道。一向喜歡支持小店，皆因食材及味道都特別用心。同事強烈推介，叫我一定要試「手剁香煎蓮藕餅飯」果然無介紹錯，真心好好食，外層煎到好香脆，蓮藕好足料，咬落爽口👍🏻重點係跟埋足料滋潤靚湯，天天不同款。啱哂平日無乜煲湯水嘅我。「香煎豬頸肉」大大份，份量一啲都唔少，肉質夠爽口。「涼拌海蜇手撕雞」芝麻醬配手撕雞絕對是完美嘅配搭，加入爽口嘅海蜇，更有口感。「招牌豬扒」個汁好正，豬扒夠淋。比平日吃到的更有家鄉風味👍🏻以後無飯帶返工，外賣又多間首選餐廳喇🤗

今日又黎到閨家食飯啦！之前同大家介紹過豬扒飯，但食得多都悶悶地，今日就試下叫左個慢煮豬軟骨飯🥰🥰是日晚餐：慢煮豬軟骨飯（$49）+香茅雞翼 （$29）+附送無味精靚湯😍😍慢煮豬軟骨飯：煮過飯既會知豬軟骨係難煮，唔夠耐係會唔夠冧，但煮太大火，d肉又會梅，呢度嘅豬軟骨就煮到岩岩好，好入味，又夠冧，唔會要咬得太辛苦😂😂香茅雞翼：好濃烈既香茅味，但除此之外仲有梅菜味，好惹味👍🏻👍🏻👍🏻整體來講幾好食，係豬扒外既另一選擇👍🏻

茶餐廳賣相但係俾倒你屋企住家飯嘅味道😋 最重要係冇味精！價錢仲要好合理🙆🏻‍♀️ 環境好舒適，由其卡位好寬闊坐得好舒服。.終於去咗試傳說中唔可以外賣嘅手工紫薯麵，好好食，仲以為會好林，點知好彈牙😋 豬手炆到好入味 （$42）呢到嘅手工麵唔會做外賣，相信係唔想影響質素，始終麵放落咗林晒就唔好食🍜.另一個棒棒糖滷鴨飯都好出色，鴨肉唔會好乾身，一定要點落去滷水汁再撈飯食😍 （$52）味道上會偏甜口，但係我就係鍾意甜少少嘅滷水汁😍.叫飯仲會送一盅湯，每日都唔同款❤️

見到杜汶澤介紹過呢間咖哩飯，係馬來西亞風味我都點左個咖哩豬扒飯😍（另外有牛腩同雞）店員問我要 大/中/小 辣；由於第一次食所以就揀咗小辣試下 ^^未食已經聞到好重椰奶香 😍👏🏻👏🏻咖喱都好濃郁，唔會太稀或過稠；入面仲有薯仔+紅蘿蔔做配料！塊豬扒就同咖哩+小小辣油撈埋一齊上，如圖。塊豬扒一啲都唔乾、唔老，後知係用梨汁醃製。配上椰奶香咖哩絕對係誠意之作～好掂！另外想講小辣，其實完全唔辣，易入口👍🏻👍🏻跟餐有老火湯送，我個碗有紅蘿蔔同蜜棗。我覺得太甜喇...可能個碗太細...入鬼哂d蜜棗味😆真·手撕沙薑雞飯落order既時候以為係凍食，原來係熱食黎架‼️沙薑汁不過不失，味道較清但手撕雞主要都係食雞～～啲雞真係老咗少少......好有心嘅店，碟碟杯杯都印左店名「閨家」令我有一種歸家嘅感覺！🏠服務我比爆分！店員有禮貌，因為叫我靚女！

閨•家 地址: 北角蜆殻街6-16號寶榮大廈地下F號舖電話: 56661316====================好掛念呢度架靚湯，屋企人飲過大讚足料好飲無味精，同埋日日唔同款，買主食仲會免費送細size 湯真材實料，五指毛桃准山煲雞湯。$48 招牌豬扒飯近乎每次都叫，兩大塊豬扒已經佔了外賣盒一半空間了，同埋醃得入味又腍身，真係好下飯架。試了個梅子金沙骨飯$50 金沙骨個汁酸酸甜甜好開胃架，啜曬d汁，撈飯都美味。$38 涼伴海蜇手撕雞，爽口架海蜇，灑左白芝麻，好食。

朋友經常去砲台山閨 • 家食飯 , 大讚佢哋嘅自家湯水 , 今日就特登過黎試下 ! 平日 7:45 pm 黎到 , 啱啱好唔使等位 , 餐牌最吸睛係晚市主食會配送 😲 老火湯 (小盅) 😲 又唔使加一 !老火湯餐牌 :咖哩豬扒飯 ($50)見到餐牌寫住招牌豬扒 , 所以想試下 ~ 見到黃色嘅咖哩同埋煎到金黃色嘅豬扒已經流曬口水 🤤 , 咖哩揀咗小辣 , 唔算好辣 , 有 3 大塊薄切豬扒 , 唔使用刀叉都可以輕易咬開 , 口感唔錯 ! 咖哩仲有 3 , 4 粒薯仔同紅蘿蔔 , 飯嘅份量亦都足夠 , 男士食都會夠飽 麻辣口水雞飯 ($48)有雞髀肉 🤩 雞肉煮至骨頭都熟透 , 怕雞骨見紅嘅朋友絕對唔洗怕 ~~ 大概有 5 - 6 件雞件 , 雞肉嫩滑 , 口水汁非常惹味 , 都幾辣㗎 , 但送飯一流😏😏今日送嘅係青紅蘿蔔湯 , 個湯超超超超超甜 😍😍😍 小盅真係唔夠喉 !! 飲落唔咸 , 唔油膩又唔覺有味精 , 絕對係誠意之作 , 超推介 !! 下次嚟一定要用 $28 試下佢地嘅大盅湯 !香茅雞翼 ($28) (3 隻)雞翼多肉 , 唔係細細隻偷工減料個種 , 外皮香脆又入味 , 推介

-🔸香煎蓮藕餅豬扒飯 $51🔸涼拌海蜇手撕雞 $39🔸油菜菜心 +$13🔸麻辣雞腎 $29🔸溏心蛋 $23-良心小店當然要多多支持啦，仲要係無味精嘅小菜，加埋日日有唔同嘅靚湯飲，啱晒我呢啲繁忙又唔識煲湯嘅上班一族啊！買任何飯餐都會送一碗湯，星期二就送蟲草花百合無花果煲豬𦟌，提升呼吸道免疫力，真係抗疫正湯啊，仲有好甘甜好飲！聽店員介紹蓮藕餅豬扒飯最多人食，果然好正，蓮藕餅咬落juicy，豬扒仲大塊過我塊面！都只係$51勁抵啊！另外加咗啲小食，又經濟又好味嘅一餐啊！

感謝朋友介紹依間小店 真係令我喜出望外✨平靚正 三樣都做到👍🏼唔怪得知openrice咁多好評🔥🔥價錢唔貴，食完之後，因為真心好食，直頭覺得係平！4x-5x蚊一碟飯 仲要有埋靚湯唔洗加一 藕餅飯超好食！好香口！每一下咬落去，面層都有d脆脆既感覺☺️☺️唔會太咸話就話家的味道，但我想講，我呀媽都煮唔到咁好食😅😅湯好甜呀😋😋好味 涼拌海蜇手撕雞 雞肉份量超多！ 原來佢地既涼拌係用左芝麻醬，好幾好食😋

餐廳既食品主打健康養生，有特色又美味。花雕醉雞波菜麵$45波菜麵第一次食好過癮，感覺健康又新鮮。麵條每條都打得非常幼細，有嚼勁，真係好好味。醉雞大大嚿好多肉，雞肉吸收了花雕的酒香味，正。慢煮豬軟骨飯$48激讚，從未食過咁稔咁嫩，仲要咁入味嘅豬軟骨，個汁可以送到成碗飯🤤嗌飯餐仲會跟個細盎嘅是日靚湯，非常抵食。一至日推出嘅靚湯都唔一樣，今日星期五係《五指毛桃淮山煲雞》$28 一大盎，足料又好味，啱晒我呢啲經常出街唔夠湯水嘅人滋潤一番。手拍青瓜$28手拍青瓜係我最愛嘅涼拌之一，爽口清涼又開胃，仲鋪滿蒜粒同辣椒油，食落好過癮。

外賣唔想煮想食家常菜，閨家是不錯的選擇。一聽個名就知是食家裡的味道，材料簡單，加埋 每個飯款都會配 日日新鮮煲的老火湯無味精，是愛啊❤️週末的老火湯是蘋果紅蘿蔔煲沙參咸排骨， 有種為身體注入補品的感覺， 湯品微甜易入口，完全是家的感覺，既生津又潤肺。香煎蓮藕餅豬扒飯蓮藕餅煎熟至兩面金黃色，蓮藕的碎粒很爽脆，整體不會覺得油膩。豬扒厚度適中，咸香惹味。配搭蔥油與醃菜，下飯一流。花雕醉雞飯醉雞脾大大隻咬落唔柴幽幽的酒香浸住爽滑的雞脾肉，正呀。日式鰻魚炒飯即叫即炒勁大盒炒得勁有鑊氣，一打開個蓋就已經聞到嗰陣 鰻魚味， 鰻魚肉唔會腥，加埋啲汁炒飯，係屋企肯定炒唔到呢種鑊氣。

呢間黃店主打家的味道小菜，仲有營養靚湯。每份飯餐都送一碗無味精湯水。秘製咖喱魚柳飯 $49可選擇咖喱辣度。小辣辣度低但好香。椰汁比例高，入口香甜又幼滑。魚柳先沾滿麵包糠再炸，食落好香脆，魚肉質地仲好香滑。不愧係餐廳推薦。招牌豬扒飯 $49佢哋嘅煎豬扒好出名。兩大片豬扒大塊過手掌。調味簡單，但煎得夠香，肉質軟腍，又保持到肉汁。仲附送大量雪菜，加埋蔥同醬油一齊撈飯好惹味。香煎豬頸肉 $43落咗香茅去醃，食落特別有泰式風味。煎得有少少焦香，口感又有彈性。

味道夠住家，梗係去閨家😋——香煎蓮藕餅豬扒飯 ($50)估唔到無味精醃製嘅豬扒飯都幾有水準😍豬扒雖然薄身，但都幾大塊，加埋塊藕餅，絕對夠送飯～豬扒因為薄同淋，用筷子都撕得開，味道好香😋藕餅都好食！咬落去有蓮藕粒/絲好有口感～.柱侯牛筋腩飯 ($52)牛腩大大舊，炆得夠淋！腩汁好味，偏甜。蘿蔔都好入味，不過有渣😂.涼拌海蜇手撕雞 ($38)份量十足呢！同出面真係一絲絲嗰啲手撕雞唔同，啲雞肉大舊啲，而且唔鞋😋個麻醬好香☺️.🖍味道: 8.1/10🖍抵食: 4.6/5🖍環境/服務: 3.6/5——📍閨•家北角蜆殻街6-16號寶榮大廈地下F號舖.