閨•家 (寶榮大廈) (已結業)

呢日lunch time 同朋友去左北角呢間餐廳到食lunch。呢度既菜式係啲家常小菜，全部都冇落味精，夠哂健康。我地點左兩個飯，分別係手剁香煎蓮藕餅飯同埋鰻魚炒飯。手剁香煎蓮藕餅整得非常好，豬肉同埋蓮藕完美咁融合埋一齊，煎到好香，撈飯食一流！鰻魚炒飯幾大碟，入面都有幾多鰻魚，炒到好惹味，正！呢度點飯餐又老火燉湯送，每一日送既燉湯都唔同，落足料，好養生。我地仲加左碟菜心，另外仲點左滷水豆腐，幾好味道。

屋企冇煮晚飯，爸爸叫我買完外賣順便去鴻X堂買湯包，諗起"閨家"有好嘢食仲有靚湯飲可以一舉兩得，所以放工行去買外賣返屋企！手剁香煎蓮藕餅飯：上次喺深水埗分店堂食後一試愛上，啖啖都食到爽脆嘅蓮藕❤️咖哩牛腩飯：爸爸選咗中辣，牛腩其實比較似係牛肋條，煮到好軟嫩入味，咖哩香辣椰香味濃郁好適合送飯👍🏻青欖青蘿蔔杏汁煲豬展湯：跟飯送嘅無味精老火湯，等外賣期間都見到有客人只係外賣湯，因為佢哋嘅湯真係好出色😍香茅雞翼：唔係好食得出香茅味，同埋雞翼炸得太乾！麻辣雞腎：份量好多，絕對係抵食之選！雞腎口感爽脆，香辣之中帶少少麻仲有濃郁蒜蓉味，麻辣又惹味😋

午餐來到平日常到的飯堂，喝喝湯水，吃頓無味精飯吧。麻辣口水雞飯：出色、麻辣開胃的辣醬汁配上蒜粒、辣椒絲，很下飯。口水雞有多件，入味且嫩滑。飯餐跟一小盅的湯水。另外，追加了店推介的溏心蛋及一份油菜菜心。招牌豬扒甘筍麵：這裡特色之手工麵條，曾經吃過紫薯麵，這次一試黃色的。麵條其實沒有甘筍的味道，純粹顏色是以甘筍的天然菜汁製作而成。夾起來似生麵條，不過這種麵條較為硬身，沒有那種嚼勁的口感，但比一般麵粉精製出來的麵條健康。為確保食物品質，店員會另上招牌豬扒，豬肉味道略鹹，薄片，連著一些肥肉及骨，容易咬開，肥瘦剛好。

之前見杜汶澤有推介過呢間餐廳，路經炮台山，一定要去試吓！- 鹹魚煎肉餅豬扒飯 - ($50)看似平凡嘅碟頭飯，其實一點也不平凡！呢度啲豬扒都幾大塊，帶香茅味，肉質軟腍，咬落去有口感，配埋佢啲甜豉油，都幾好佐飯！鹹魚肉餅煎得燶燶地幾香口，好香鹹魚味，一個人可以好快清晒成碟飯！佢哋每日都有唔同嘅湯水供應，湯料都幾足，真材實料，起碼飲完唔會口渴，好滋潤，有住家湯水feel，呢個價錢仲包埋老火湯，算係好經濟了！小店性價比幾高，會回頭幫襯！

疫情下呢幾個月都好耐無同朋友出街街食飯🥺今晚約咗好朋友食晚飯，因為放工晏左，只好去附近搵野食，幸好朋友遷就，去咗炮台山食行經呢間閨家，店員好熱情嘅款待，我地就決定選呢間來聚餐店舖雖小，但裝修都不錯，牆上面嘅畫好靚好少女feel我哋望左望餐牌，覺得價格都幾親民，唔算貴，最後就點左個日式鰻魚炒飯、豬手甘荀麵、涼拌海蜇手撕雞，仲叫左杯檸蜜上菜速度都好快，份量原來都唔少豬手同麵係分開上，豬手仲配有原粒花生，好耐冇食了，豬手炆得好軟腍好入味，連花生都係軟軟的，唔錯至於個手工甘荀麵都好特別，之前未試過，麵質唔會過軟，軟硬度適中，清清的味道鰻魚炒飯一來到，已聞到好香嘅味道，未食已覺得吸引，仲要鰻魚份量都好多，配有粒粒甜粟米同菜，炒飯唔會好乾，好夠味，好好食😋碟手撕雞都唔細，比想像中不同，雞肉都幾大件，仲啖啖肉都有芝麻醬味道，好fresh原來個鰻魚飯有配上一配中湯，今晚係青蘿蔔湯，飲落的確唔似有落味精，不錯👍🏻傾計最啱飲杯檸蜜潤下喉😉 員工都好有禮貌，今晚食得開心，傾得暢快！很抵食嘅一餐！

My friends have recommended this restaurant to me a few times and I finally decided to give it a try at lunchtime. When I arrived the restaurant, there was a long line up and so I decided to order take out instead. I ordered the signature dish from the restaurant which is the pan fried lotus root and pork chop with rice, and it came with a double-stewed soup which only cost $51 in total ($1 for the lunchbox). Although I was not able to dine in at the restaurant, the rice and soup still tasted fr

又係時候買外賣番屋企啦!見到閨家有好多好用心整,又足料既飯餸當然要賣番屋企同屋企人食啦!其實佢地有好多好野食...我最終揀左!手撕雞飯.沙薑汁 $48雞肉夠厚又大,無嘜骨豬手飯 $48超香超夠骨膠原,食完靚曬鹹魚蒸肉餅豬扒飯 $50好新奇既配搭,全肉呀...好飽肚全部都勁足料!一盒好似個半盒..細食少少既..兩個人都食到!再加上足料湯水!好似阿媽得閒煲既靚湯!飲完靚曬又夠滋潤! 我真係好鐘意係度食飯...好有歸家的感覺

收工過北角食晚飯，蜆殼街、油街一帶有好多食肆，今日就揀咗閨家。咖哩豬扒飯（$50），可以揀大中少辣或者唔辣，我就揀左少辣，濃郁椰香，咖喱味濃，口感幾厚身，係好正宗嘅港式咖哩。手拍青瓜（$28），蒜蓉酸酸地超正！雖然食完個口可能會有味，但係我都係食唔停。呢個小食簡直一流！飲品我揀咗熱奶茶（$+5），茶濃奶滑，拍得住茶記水準。呢度裝修係令到家庭風，食物主要係港式嘅茶記食物。呢度每日都有老火湯，跟餐，學生免費㗎。

都市人番工朝九晚七，好多時候收工番屋企都唔會想煮飯食，除咗番工令人身心疲累之外，煮飯同洗碗都係其中兩樣會令人身心疲累嘅事，所以好多人都寧願買外賣或者出街食，咁就岩啦🤤今日要介紹呢間餐廳主打無味精住家味道，叫左棒棒糖滷鴨飯、梅子金沙骨飯同埋叫左一個小食—涼拌海蜇手撕雞，每個飯都會是日燉湯，真係幾窩心🥰棒棒糖滷鴨飯甜甜地，啲肉質都唔算鞋口，幾好送飯；梅子金沙骨飯就超開胃，因為酸酸甜甜咁，加上啲金沙骨肉質好淋，超推薦呢個；涼拌海蜇手撕雞就好鞋，又唔夠入味，唔太推薦叫呢個🤪評分：7.5 / 10

快過新年了，放工陪老公送一些過年食品和用品去比住在北角老人院比的姑婆，因為疫情關係，我們只可打電話問候姑婆，物品就交由員工拎比姑婆。準備回家的時候，路過一間食店閨.家，門口有多人等外賣，聽他們講呢間食店主打豬扒，無味精食物。食物標榜無添加，不含味精。每款主食都會跟老火湯，天天不同款，老火湯非常足料，以慢火熬製四小時以上夠曬火喉，入口清甜，飲得出無味精。招牌豬扒飯：以人手逐一揼鬆，除了用香茅、蒜茸外醃製，還加入了梨汁代替梳打粉，醃製一夜後才煎香，肉質非常鬆軟又有肉汁。咖喱豬扒飯：店鋪最出名就係獨門秘製咖哩，咖喱醬汁用不同的咖喱粉混合而煮成，再加上椰汁和花奶，食落咖喱味特別香濃並帶甜味！鐵板豬扒炒烏冬：大大塊豬扒香噴噴！烏冬的彈牙質感，不放湯，用來炒也一流。加些蔬菜炒出來的烏冬麵，平凡中卻有一份特別的甜美。

屋企唔係成日煮飯，平時多數出街食，疫情之後冇咗晚市，晚餐叫多左外賣，有時好想食下住家飯嘅感覺如果你同大食妹一樣，屋企都係冇咩煮飯，但係又想有住家飯食，咁我就推介呢間閨家俾你<香煎蓮藕豬扒飯$51>香煎蓮藕豬扒飯係歸家嘅signature，必食之選蓮藕餅清脆爽口，豬扒鬆化D肉唔會鞋<日式鰻魚炒飯$53>炒飯超大盒，可以兩個人share 饅魚炒飯粒粒分明，雞碎分佈均勻<涼拌海蜇手撕雞$39>涼皮煙煙unun，撈沙律醬食好正海蜇夠凍夠爽口<炸饅頭$21>炸饅頭一定要配煉奶同趁熱食，甜絲絲又香口，正

閨•家 地址: 北角蜆殻街6-16號寶榮大廈地下F號舖電話: 56661316===================總覺得港島區生活消費會高新界九龍區,因租金電費普遍貴點成本自然轉到消費者身上。平價美食這間令人喜出望外$45 招牌豬扒飯，豬扒都幾大塊一雖然不是厚切，但醃得好夠味，而濃味野當遇上白飯，會不經不覺食曬。$46 手撕雞飯，起曬肉方便食呀，個雞肉絲有鹽水雞湯汁，香唔會淡。個豬扒單點$18 ，等屋企人都試到呢份美味。$28 麻辣雞腎好爽口，辣汁調製得惹味，仲幾大盒養抵食。日日都會有靚湯，外賣免費送細size ,估唔到勁多湯料好好飲，單飲個湯都值回票價了。屋企人好鍾意個湯，無味精健康。

呢間位於北角嘅閨家點任何飯類都會送上自家湯水，仲要係星期一至日，日日唔同款添，是日湯水係蟲草花百合無花果煲豬展，個湯有清甜無花果味， 加入百合好滋潤，仲有蟲草花可以提升免疫力嘅功效。柱侯牛筋腩飯$52牛腩好厚肉，筋肉同脂肪比例剛好。牛筋炆得軟熟，白蘿蔔入曬味，配香軟香飯，再加上住家湯水，豐富又有營養。花雕醉雞飯$48呢度嘅醉雞特別醉！雞肉又香又滑，酒味特濃，鐘意食醉雞嘅朋友一定要試下。雞腎香麻爽口，豬扒肉質軟嫩拌酸菜提升風味。

良心住家飯首選 ， 真心呢度每一樣嘢都好好食 ， 屋企行過嚟要廿分鐘我都忍唔住成日過嚟買飯食 。 特別要推介呢度嘅豬扒全部都係 手打 ， 食開豬扒嘅人一定食得出個分別 咸魚煎肉餅豬扒飯💲50鹹魚肉餅 足料非常之香， 雙面煎豬扒好似我頭先咁講 肉質鬆軟 多汁， 配返佢自家製甜豉油， 真係好好餸飯。 呢個係我每個禮拜一定要買 嘅飯盒之一星期五抗疫老火湯： 五指毛桃淮山煲雞湯💲28我相信唔會再有第二間舖頭可以做到呢個價錢而入面有咁多料， 嗰個程度係 某個 地鐵站成日見到既湯牌子足足 1.5倍！ 住喺附近嘅行過買兩碗 減肥又得最緊要健康香茅雞翼💲42煎香茅雞翼 雖然好似冇佢 好獨特嘅地方， 但係雞翼 成塊皮都知道好香脆， 咬開皮仲有些少雞油 流出嚟。 都係好食之選

近排無咗晚市堂食，諗住食個早飯，經過見到充滿粉紅色嘅地舖，有湯飲，下午茶幾抵食，就入去試吓啦～ 五指毛桃淮山煲雞 $28每日都會有唔同嘅抗疫湯品，標榜無味精，適逢今日係星期五，就係五指毛桃淮山煲雞，足料！清甜滋潤，好味！原盅上份量足，2個人share都夠，性價比高！招牌豬扒 配紫薯麵 $40豬扒入味軟腍，上枱前已經切件，方便同枱一齊分享手剁香煎蓮藕餅 配菠菜麵 $42比想像中大件，約有1cm厚，每啖都咬到爽脆嘅蓮藕粒，推介！手工麵即叫即製，顏色好靚，質感柔軟，都食到有微微紫薯味，波菜麵就唔係太食得出，相信係無加添加劑嘅溫馨提示：手工麵最好盡快食，如果好似我咁，相機食先，啲麵就會朔咗啲水㗎喇～但係每位店員都好細心，見我碗麵少咗啲湯，分別都有主動我需唔需要加返啲湯，好warm ☺️涼拌海蜇手撕雞 $38手撕雞雞比較大件，海蜇外型好似條透明絲帶咁，好爽口！呢度仲請學生免費飲湯，良心食店要多多支持！