閨•家 (寶榮大廈) (已結業)

閨家📍炮台山💛之前睇杜汶澤Yellopenrice已經想試好耐，今日終於可以試到。舖頭主打家常料理，標榜冇味精，而且價錢仲好親民，平均每個set都係around $50。唯一美中不足嘅係，我坐嘅位係冷氣口下面，所以啲餸凍得好快。手剁香煎蓮藕餅飯 $48肉餅完全唔咸，對比起一般出街只係食到調味嘅味，呢個肉餅反而食到肉嘅鮮味。肉餅外皮煎得香脆，個芯仲係軟綿綿，配上蓮藕有啲脆脆地嘅感覺，好啱送飯。跟餐嘅蔬菜係沙律，個人覺得沙律同中式嘅餸菜唔係好夾，如果可以轉做炒/恰蔬菜應該會更加好。咖喱雞翼飯(小辣) $48咖喱汁係偏甜同埋多椰汁，雖然叫咗小辣，但係個人覺得都唔係好辣，我會話係譚仔十小辣嘅level。雞翼有煎過先上，薯仔炆得啱啱好唔會太爛同時軟熟，整體黎講好好食。老火湯(跟餐)跟餐仲會配老火湯，我嗰碗湯入面有一粒蘿蔔同埋一啲肉絲。雖然我唔知係咩湯，但係個湯飲得出好濃味同埋足料，以跟餐嘅湯黎講算係好出色。

平時好少有機會飲到老火湯，喺門口見到呢三個字就吸引到眼球入去😂特別係零味精更加有吸引力🤩😆估唔到又幾有媽媽既味道，好家庭式得嚟又唔老套既裝潢，卡位形式，坐得舒服😌餐牌既選擇多到樣樣都食，都幾多選擇💯🌟家傳炆豬手飯 $48🌟豬手肉質好軟腍，加埋啲肉汁一齊撈飯食，汁撈飯味道更佳🤤🌟油菜菜心 $12🌟加$12就有碟油菜，有菜心同生菜揀，我就揀咗菜心，仲會問洗唔洗落蠔油/豉油/全走👍🏻🌟手剁鹹魚煎肉餅紫薯麵 $45🌟朋友就比紫薯麵吸引住，就揀咗呢個鹹魚煎肉餅，食落都有少少偏鹹，同埋以件既形式上都幾好，方便進食，同share比朋友🤤🌟老火湯 +$28🌟星期一既關係，今日既湯係青欖青蘿蔔杏汁煲豬𦟌🤗飲落同聞落都好香濃杏汁味，裡面仲好足料，有齊曬寫既湯料，青紅蘿蔔，豬𦟌都有💯🌟凍檸茶 +$7🌟加$7就有杯凍飲，天氣太熱，凍飲是必須的😂😆

熱辣辣嘅天氣，放假就唔想煮飯，但屋企人又想食住家飯… 咁不如搵間住家味道嘅食店買外賣啦～ 一講住家味道，就自然諗起閨家 - 呢間無加味精嘅食店，鍾意佢哋有湯飲丶性價比高之餘，店員們仲好親切，每個飯餐配一碗老火湯，星期六嘅老火湯係，蘋果紅蘿蔔沙參煲咸排骨，好清甜！鹹魚煎肉餅豬扒飯 $50皇牌食品，每次必點，豬扒香口惹味咖喱牛腩飯 $50竟然可以揀辣度，揀咗小辣，咖喱汁好好味！梅子金沙骨飯 $50微微梅子味，金沙骨煮到好軟腍。本來想試吓呢度comment唔錯嘅豬手，可惜太受歡迎已經賣晒… 留返下次試吧～

又去家姐屋企晚飯，因為無時間煮同洗碗，所以我哋通常都係買外賣，亦變相令我多咗機會試到北角嘅餐廳。呢日其中一些外賣就係喺閨家度買，係家姐姐夫其中一間經常光顧嘅小店呢！閨家係一間良心小店，主打家常小菜及無味精湯，而且飯麵都係四五十元，價錢親民，難怪深受街坊歡迎。我哋點咗三個飯，每個飯都送無味精老火湯一碗。香煎蓮藕餅豬扒飯($50)蓮藕餅及豬扒都係店內招牌，確係名不虛傳。蓮藕餅全人手剁，煎得表面焦香，食落口感爽脆！豬扒肉質軟腍入味，開頭以為係因為落咗鬆肉粉，聽返原來佢哋係以雪梨汁醃肉，再以人手逐塊揼鬆，所以豬扒先會咁腍身之餘又多咗一份果甜。白飯淋上甜豉油，配以蔥油及雪菜，好送飯！如果豬扒厚身一D就更好啦！慢煮豬軟骨飯($48)豬軟骨慢煮到鬆化軟腍，醬汁甜甜地，好容易送飯！份量亦好足，抵食！梅子金沙骨飯($50)金沙骨好入味，肉質同樣鬆化，入口化開，調味亦啱啱好，甜甜酸酸，好開胃。呢日嘅例湯是青紅蘿蔔湯，飲得出真材實料，無添加味精，有住家感覺！

今日唔想喺屋企煮飯，之前食過呢一間餐廳，覺得性價比好高 今日一於去買外賣啦😛每次嚟門口都係勁多人，好彩外賣就好快拎到點左三個飯 ， 送咗三碗自家湯 佢啲湯係冇味精超級鮮甜 日日不同 每一個飯都免費跟一碗 一定要飲❤️三個飯分別係梅子金沙骨飯丶咖喱牛腩飯同 香煎蓮藕餅豬扒飯梅子金沙骨飯酸酸甜甜 帶來食慾 金沙骨肉質鮮美 大人細路都一定中意！咖喱牛腩飯夠晒香 配上勁多薯仔🥔，咖喱汁少少辣 椰香十足 牛腩大大件 送飯一流！蓮藕餅係呢間嘅招牌 勁厚一塊，咬落去食到一絲絲嘅蓮藕，煎得啱啱好 豬扒勁大塊，唔會過硬配上蔥油同雪菜一齊食，帶出鮮味😙呢間餐廳已經成為必去嘅餐廳之一了😛

入了坑做了教徒，晚餐最好就是買外賣回家慢慢嘆無味精茶餐廳，堅持用良心製作，難怪有那麼多同路人排隊懲罰炮台山分店裝修走公主風，價錢實惠，充滿家的味道花雕醉雞入口酒香味濃，雞肉厚滑小食招牌豬扒十分鬆軟，加上酸菜和葱油，會白飯一流麻辣雞腎爽口得來有嚼勁，涼拌的味道相當開胃涼拌海蜇手撕雞肉質札實有咬口，海蜇外型似透明絲帶，十分爽口小店最著名的便是貨真價實的老火湯，醫護人員及學生更是免費，絕非會令人喝醉的燉湯所能媲美

炮台山唔少餐廳選擇，呢間經常都好多人排隊等位入座。最吸引係...每日有唔同款式燉湯，啱哂我呢d平日少湯水嘅人幫襯。是日靚湯「五指毛桃淮山煲雞」足料又無味精。「香煎蓮藕餅豬扒飯」豬扒夠淋，味道濃郁，唔會太鹹，配埋薑蔥同梅菜，令普通嘅白飯增添味道。「手剁香煎蓮藕餅飯」除咗老火湯之外，蓮藕餅應該都是招牌菜，啖啖爽口，蓮藕切碎製成，煎到外脆好甘香。「香茅雞翼」熱辣辣大大隻，好juicy。下次要再嚟試其他款式

同朋友好耐冇見啦臨時約食飯就係佢屋企附近搵咗間💛店食❣️間舖雖然細細地但裝修得好靚呀❣️粉紅色同雲石❣️少女風💛💛💛我哋每人叫咗一個晚餐套餐❣️份量都好夠食👍🏻入正題❣️1️⃣老火湯💛每日都有唔同嘅老火湯今日呢個係粟米紅蘿蔔💛好清甜💛只要叫晚事套餐就會有㗎啦💛2️⃣慢煮豬軟骨飯💛豬軟骨炆得好淋好入味而且唔會好油膩❣️就軟骨部分都係呢👍🏻好易咬💛3️⃣咖喱魚柳飯💛都係港式咖喱最岩胃口❣️甜甜地雖然有少少辣😜不過可接受❣️啲魚好滑冇乜雪藏味💛💛💛4️⃣手拍青瓜💛呢個特別推薦比鍾意重口味嘅朋友仔💛因為啲蒜蓉勁多勁濃味❣️不過都有小辣❣️但整體青瓜好爽口好新鮮👍🏻

上次去西九龍中心已經食過閨家一次 今日去開炮台山個頭 發現原來都有一間分店 就決定食多次食閨家最主要都係因為欣賞佢地的湯品今日係蘋果紅蘿蔔沙蔘煲咸排骨 只要叫飯就會跟碗湯 我今次叫左最傳統的雙蛋豬扒飯朋友就叫左牛筋腩配甘筍麵 另外叫左一個涼拌海蜇手撕雞 餐廳裝潢我覺得比深水埗個間靚同坐得舒適湯料足夠飲得出味 唔係味精湯豬扒易咬口 太陽蛋整得幾靚牛筋腩配蘿蔔 數量都唔少 個手工麵都彈牙唔會俾湯浸到淋曬以小食黎講分量好足夠 最後兩個人都食到好飽 連埋餐飲兩個人都唔駛一百蚊 性價比之選

之前朋友介紹喺炮台山, 有間鋪頭嘅下午茶非常抵食， 而且主打冇味精中湯， 咁啱要呢七海商業中心 買護髮用品， 順便行過隔離街 買些外賣或家人分享。香煎豬頸肉豬頸肉 肥瘦適中， 肉質又爽又夠淋， 兩邊煎至金黃香口， 而且份量勁多， 比起泰國餐廳例牌多一倍😀， 最重要配埋健康沙律菜非常fresh。招牌煎豬扒招牌冇用梳打粉醃嘅豬扒，當然要試一試， 肉質鬆軟多汁， 大大塊都係18蚊， 配咗啲雪菜最啱用嚟撈飯。鐵板雞翼炒烏冬雖然係下午茶， 但係份量都超多， 大大盒炒烏冬， 面質彈牙又夠味， 配埋三隻大size雞翼， 四十幾蚊超抵食。 仲包埋飲品 啊。沙爹牛肉包沙爹牛肉超惹味， 醬汁夠濃花生味好香， 如果現場食會好啲，拎到返屋企個包已經淋咗。 但係個包給曬沙爹汁勁好食。下午茶包杯飲品， 嗌咗凍檸蜜都唔使加特飲錢， 今時今日咁抵食嘅下午茶真係好難得。

所有醫護人員及學生免費送一碗是日例湯，其實大size原價都只需＄28，超大碗估計有500ml😆，不過送的當然是小盅size🤣 星期六湯：蘋果紅蘿蔔沙參煲咸排骨蘋果和紅蘿蔔味突出，唔會因為加左排骨而好油膩，湯頭超清甜，岩哂夏天清熱降火。 手剁鹹魚煎肉餅飯＄48附送老火湯小碗鹹魚肉餅的鹹香味十足，有厚厚的2大塊，送飯食一流，份量岩岩好，性價比十足！ 香煎豬頸肉＄42肥瘦比較勻稱，油香肉嫩，真係媲美泰國菜的豬頸肉，份量又多，價錢超合理😍 涼拌海蜇手撕雞＄38雞肉嫩滑，海蜇和雞肉1:2比例，perfect ❣ 招牌豬扒＄18少少鞋，但可以接受，好香好惹味😋

如果我住附近，這裡應該會成為我的飯堂。一星期每天都有不同的無添加味精湯，只要叫一個餐，就會送一小碗。其實也不小，不過裡面的料不多，只有一顆紅蘿蔔。☛青欖青蘿蔔杏汁煲豬展味道清甜，但沒有什麼杏汁味，但喝得出沒有味精，至少之後不會口喝。店裡充斥著一遍粉紅色。☛手剁香煎蓮藕餅飯　這個必點，每枱都叫，只收$48..　現在哪裡找得到，蓮藕餅裡面的蓮藕一絲絲的，香脆爽口，調味不會太過，真的很像媽媽菜的味道。加上酸菜和薑蓉，配飯一流。☛棒棒糖滷鴨飯這個是失望的，跟餐牌上的照片完全不同。墊底有些洋蔥，不太好吃，鴨很乾實，吃不完。☛麻辣雞腎這個必點，份量之大真的嘩然，到底有多少顆腎呀，雖說是麻辣，但其實一點也不辣，有濃濃的蒜味。

收工唔想煩食乜之際，不知不覺就行左入嚟食閨家，食過幾次，無味精慢煮靚湯確實值得一飲。海底椰粟子煲豬展飲得出係無落味精既靚湯，唔會有味精果種好鹹好口乾既感覺，清甜滋潤，止咳潤肺。秘製咖喱魚柳飯可以揀唔同程度既辣度，今次試小辣，食落反而覺得一啲都唔辣，下次可以試下中辣。魚柳、薯仔同蘿蔔既比例好平均，唔會多肉少菜。手剁香煎蓮藕餅配紫薯麵每次都必試既蓮藕餅，外層煎至呈金黃色，食落有一粒粒蓮藕既口感。紫薯麵口感煙軔，都幾特別。涼拌海蜇手撕雞好大碟，帶點點涼意既手撕雞拌左芝麻醬，作為冷盤前菜都幾開胃。炸饅頭配煉奶都係每次必試既炸饅頭，外層金黃香脆，作為最尾一個簡單既甜品真係無得輸。凍奶茶奶味偏重，中規中距。

今日北角收工，好想飲碗湯，看見這家新開的餐廳"閨家"主打冇味精茶餐廳，想起媽媽家常菜冇味精的味道，剛好也想喝個湯，正好試一試。看看Menu，主打有豬扒飯類、中式飯類、咖喱飯類、鐵板、麵、小食等香煎蓮藕餅豬扒飯 $50我選擇了人氣推介的香煎蓮藕餅豬扒飯，豬扒十分入味，又腍軟，煎蓮藕餅也很有特色。套餐還跟是日老火湯(小)。另加油菜菜心 $12香茅雞翼（三隻）$29另還再點了香茅雞翼，雞翼入味，肉也嫩滑。慢煮豬軟骨菠菜麵 $46我最愛的豬軟骨，膠質十分豐富，淋軟入味，醬汁下麵十分美味，今次選擇了菠菜麵，百吃不厭，套餐還跟是日老火湯(小)。下次會再來，餐廳冇味精，日日食也冇問題啦。

經常在外面吃西餐、日式，好耐無反屋企食，有點想念媽媽的菜。OpenRice 見到d人話家的味道，緊係即刻試下係咪真٩(„❛ ֊ ❛„)白色台粉紅色沙發椅裝修，充滿少女味，環境寬敞、座位舒適。上菜快，2:30pm-6pm有下午茶餐，跟餐有熱飲～晚市人較多需要等位。食飯會跟湯，星期一至日都有不同的抗疫湯水。價錢便宜，免收+1 服務費#菜肉雲吞手工麵 $36選了非常健康的 #波菜麵 綠色的甜甜地，沒有什麼菜味。雲吞皮厚足料椰菜。跟餐點了甜甜的熱檸蜜。#香茅雞翼配沙律 $32香煎雞翼配薯仔雜果青瓜粒沙律🥗還有車厘茄和生菜伴碟，雞翼不會生，好夠熟～凍飲加兩蚊#招牌豬扒 $18香茅煎豬扒，甜甜地，肉質偏粗糙#涼拌海蜇手撕雞 $38雞肉份量不少，配黃金芝麻醬，還有足料味精海蜇#老火湯 $28有一粒粒蘿蔔，味道像茶餐廳中湯服務質素：6/10環境舒適度：6/10ᶘ ᵒᴥᵒᶅ個人口味評分：5/10