閨•家 (美基樓) (已結業)

放左工同朋友黎閨家朝聖，開張左咁耐依然排晒長龍，無計啦，啲野確實係又平又好食，點會唔排隊，哈哈。一有位即刻落單，點左飯餐同麵餐，隨飯餐送嘅小老火湯，是日係海底椰豬骨湯，勁鮮甜好味呀。朋友的手剁蓮藕肉餅豬扒飯，蓮藕餅足料，煎得香口，豬扒軟腍入味，呢兩樣名牌從來唔會令人失望。自己點左麻辣口水雞紫薯麵，次次都食飯，今次點個麵試下先。口水雞少少辣，勁多蒜超香口，個汁超正，朋友攞左黎撈飯，哈哈。紫薯麵有淡淡紫薯味，但唔係甜個種，麵條有咬口，而且超大碗勁飽呀。另外叫左一份溏心蛋，有蛋香好味。仲有涼拌海蜇 手撕雞，海蜇爽口，雞肉有咬口，多麻醬勁正。仲有蠔油菜心，食返啲菜平衡下。另外又加左餐飲，凍奶茶同凍檸茶走甜，大大杯夠凍，好飲。小店其實都幾迫，枱同櫈都比正常茶仔細啲，坐得係辛苦嘅。但食物真係好好味，會繼續黎支持的！

又去咗屯門美基樓間閨家啦，鍾意呢度有家庭小菜嘅感覺，店舖內很大隻字寫住見字飲湯，提你過來飲湯，很窩心，所以大家都記得過來飲湯呀！📌香煎蓮藕餅豬扒飯🐖🐷$50呢個我覺得最抵食，一個飯有兩個餸，有豬扒，又有蓮藕餅，蓮藕餅做得唔錯，煎肉餅裏面有爽脆蓮藕粒！📌咖喱雞飯🥘$48咖喱雞飯係港式咖喱雞，做得唔錯，可以選擇唔同辣度，甚至唔辣都得。咁我揀咗小辣，味道都算濃郁！📌油菜🥬+$12叫飯可以加$12加多碟油菜，今次揀咗菜心，陪左豉油，簡簡單單，營養十足！📌涼拌海蜇手撕雞🐔$38每次來都要點呢個餸，海蜇相當清爽，而且好多手撕雞，夏天食呢個涼拌菜好正！📌山藥南北行合掌瓜煲豬展🍲每個飯都會跟一個湯，今日呢個湯有合掌瓜，相當清潤，潤肺止咳，淮山健脾胃！

Rushing for my next appointment, I planned to have a quick lunch first. I chanced upon this small cafe named Homie food and dessert. It was located at Ho Pong Street, few minutes walk from Tuen Mun MTR.Their menu was comprehensive, offering rice, noodle, snacks, soup and drinks, of healthy version.Iced lemon tea was sweet and clear, with strong lemon taste. It was refreshing, helping to quench my thirst. Deep fried manton was served hot, with the skin very crispy and was soft as well, with the c

雖然依家好少出街食但係總有想偷懶唔煮飯既日子😆呢間餐廳以前係龍門居既時候都食過特別佢既豬扒令人十分想念所以就決定今晚黎食啦！呢間餐廳主打無味精當然吸引唔少人黎支持7點既時候門口已經有唔少人排隊但係等左一陣已經有位啦！係未睇餐廳之前已經比佢牆身既畫作吸引壁圖紀載住舊屯門真令人懷念！本身我哋想食手工麵可惜今日已經賣哂啦！所以最後叫左大檸樂手羽飯同香煎蓮藕豬扒飯！每個餐都附有湯 唔洗額外叫架正！今日既湯係冬蟲草百合無花果豬展湯真係有冬蟲草同豬肉食架！好好味😋份量一如既往都係咁多雞翼最後食唔晒不過可惜既係檸檬味比想像中少！如果可以再濃郁啲就好啦！蓮藕餅都比想像中厚身食落好爽口亦都好有口感！食下食下我哋兩個都好飽希望下次黎試埋其他湯啦！

閨•家 (美基樓) (屯門)屯門河傍街148號美基樓地下A號舖果然是人龍店，中午來的時候已經大排長龍，唯有叫外賣回家吃。麻辣口水雞飯$49麻辣汁很香，雖然我不是四川人，不了解正宗的口水雞是怎樣，但我只分到這個口水雞好吃，不太辣，但有麻香。雞肉滑溜！香煎蓮藕餅豬扒飯$51豬扒炸得香脆，入口送花，蓮藕餅用料充足，裏面是爽口的蓮藕，很有口感。調味也非常之到位，既有家的感覺，但我相信在家煮不出這個味道。糖心蛋$23/兩隻糖心蛋，非常糖心，很入味，自己試過做，但真的做不出水準，所以這裏有得吃立即點來吃。麻辣雞腎（大）$29本身很喜歡吃雞腎，因為口感很有咬口，再加上麻辣，這個小食很不錯。

屯門閨家返嚟喇！我素有聽聞日日都好多人，所以我都等佢開咗好一陣先嚟排，結果只係排咗十幾分鐘，OK la可接受。立即叫返我嘅最愛煎蓮藕餅飯，我覺得塊蓮藕餅好似厚咗好多咁。佢哋嘅蓮藕餅之所以出名，係因為眞係啖啖都有蓮藕粒，口感好爽脆，同豬肉嘅比例啱啱好！調味唔重手，食落唔口渴，冇味精，真係有家嘅味道㗎！招牌雪菜，撈飯一流。但唔知點解我得咁少，我朋友勁大pat囉。叫飯餐有湯送，今日係海底椰豬骨湯，潤肺好吖！真係有家嘅味道㗎！另外加咗碟溏心蛋 $22兩隻，4個人share幾好。一心帶老公嚟呢度試下佢哋手工紫薯麵，但今日就賣晒，咁就試下甘筍麵，有驚喜喎，甜甜地㗎，好食！個餸要咗柱候牛腩，正呀，好入味，舊舊都炆到好淋，入口即溶咁滯！即刻成個日式拉麵咁樣（笑）入到嚟，覺得新鋪光猛咗，粉紅色多咗（有啲教主feel），但論舒服度，同舊舖就差唔多，真係迫到難以形容，啲位係肥少少都坐唔到，有背囊或者個袋大小小都預咗要放地下。唔係歧視，但200磅以上人士真心未必坐得都卡位。卡位坐4人，叫4份餐加杯餐茶，侍應都放唔落張枱，企咗喺度，揸住碟飯，四目交投，示意要我哋幾個人俄羅斯方塊咁執一大輪乾坤大挪移，唔知點講，我

收工想近近地食餐飯，又想飲下湯，依間新開嘅餐廳平時好旺場，每日都有唔同嘅湯飲！雖然係茶餐廳但裝修得好靚，同有啲屯門嘅特色。依度每一日都有唔同嘅燉湯飲，基本上每個餐都會配一盅細嘅老火湯，今日就係蟲草花百合無花果煲豬展！個湯好足料，都幾鮮甜，唔係普通茶餐廳嘅味精湯！叫咗個香煎蓮藕餅豬扒飯（$50），驚喜嘅係蓮藕餅同豬扒都好好食！豬扒好鬆軟好滑，個蓮藕餅入面都有好多蓮藕粒，好有口感。另外加咗碟油菜（$12），正常發揮依間真係值得幫襯下，燉湯係有心思，整體都真係平得黎質素又幾好！

閨家開咗好幾間分店，今次來到呢間屯門呢個新搬的分店。同其他分店一樣，位置唔算大。而家先知原來佢都有早餐，下次早D來試下先。鰻魚炒飯：個飯就比較濕，我自己就偏向亁啲嘅，不過友人話咁樣好食啲。鰻魚肉就比較少，佢切到好細粒，唔仔細去睇，都有啲難搵啦。雖然係咁，其實碟飯嘅味道係做得幾好，唔會太鹹，但有少少鰻魚味。以佢呢個價錢來講其實真係好抵又大碟，值得一試。豬扒配菠菜麵：菠菜麵煮得好軟，幾好食，感覺健康。不過吸咗好多湯，食食吓發覺唔夠湯。不過可以叫餐廳俾多少少湯，服務幾好。塊豬扒煎得唔錯。海蜇配手撕雞：海蜇好大條好爽口，手撕雞配上麻醬好惹味，同埋真係好大碟!!老火湯：呢個係跟炒飯送嘅，碗湯夠晒味，好足料。來閏家飲湯真係好正。

之前成日聽見閨家性價比高🙂係間有heart嘅小店今次終於試到😍Lunch hour屯門分店大排長龍😙未食都知一定有返咁上下口碑好彩排左10分鐘就可以入座雖然餐廳唔大 但環境都舒服 裝修亦好有心機 感覺溫馨😌客飯跟湯～麵就主打三款健康麵揀唔到就兩款麵叫哂🤣招牌豬軟骨飯 + 蘋果紅蘿蔔沙蔘煲咸排骨豬軟骨份量好多🤣有4大舊！女仔一個人應該食唔哂豬軟骨超級入味 亦淋身 肥瘦比例大概4:6 食落口唔會太油膩 送飯真係一流😎閨家嘅湯水每日都唔同款～而且主打無味精 星期六呢款蘋果湯好清甜 有少量紅蘿蔔 蘋果味都足夠😋唔錯！招牌香煎蓮藕餅 + 菠菜麵呢個一洗我對一般茶記蓮藕餅嘅印象！好有驚喜😍一d都唔似出面嘅煎蓮藕餅咁油淋淋！表面亦唔係煎到黑媽媽！🤩唔熱氣食到啖啖蓮藕粒！好足料！唔係用一堆粉hea你😚個麵相對就正常發揮啦 菠菜味唔算好出～但下次都想試埋紫薯同甘荀麵😚另外點左溏心蛋～蛋嘅熟度岩岩好 溏心達標👍🏻仲有涼拌海哲手撕雞 用胡麻醬調味 醬嘅份量不錯 唔會過多/過少 食落幾香 唔會膩👏🏼雞都幾滑整體印象好好 抵食！好味！大份！有heart😍難怪喺區內咁受歡迎👏🏼

這是我第2 次光顧閨家上一次是同事帶我過嚟食今次我帶我男朋友嚟食好食的小店就是要宣掦開去店舖不算大，但算多街坊捧場繁忙時間還要門外排個小排見字飲湯4個霓虹燈字倍感溫馨想起閨.家（歸家）我媽總是留小紙條叮囑我飲湯⋯⋯此情此景⋯⋯我同男友先叫了個香煎蓮藕餅豬扒飯香茅豬扒外皮煎得香脆，肉質鬆軟不韌藕餅頗出色，手打彈牙爽口，口感層次豐富跟餐送山藥南北杏煲豬展主打無味精湯水但略嫌湯不夠熱，扣了小分雞翼炒公仔麵雞翼一看就食指大動金黃焦脆，香口極了麵底炒得干爽不油膩 終極大佬來了眼見身旁幾枱都點了這個超級大份的朱古力脆脆西多士西多士厚上⋯⋯ 鋪上滿滿朱古力脆脆，淋上煉乳及牛油配搭甜膩又滿足為什麼愈好食東西愈邪惡？抵食下午茶餐食完這頓滿足下午茶感受到小店用心之作價錢便宜難怪受到一眾街坊熱捧期待下一次再光臨

之前一直想試 但實在唔近住個頭 而家近左好多就可以黎試 早黎都要排一陣隊首先斯左手撕雞 佢都有好多麻醬 而且又有海蜇 食完覺得無咁熱喇終於😂第一個叫既係咖哩 個咖哩好香 不過就唔係好辣 輕鬆送曬成碗飯 反而個雞翼係本身有味既炸雞翼 意外地好好價 就咁食都好味除左野飲 仲飲左佢跟既老火湯 佢呢到無MSG 我就覺得好鮮甜好多料另一樣叫既就係豬扒藕餅飯喇 因為兩樣都好食 塊豬扒好腍 佢係話用手dup架 無落化學野 咁既話真係超抵另外就係個塊藕餅好夠味 而且好爽 超正仲有勁多蔥油 食到好飽都係一百幾十 可以變飯堂啦

每次食親呢間都排晒長龍最出名當然係見字飲湯燈牌～見到餐牌 每道餸都好吸引 價錢亦都合理 主要是港式風味咖哩豬扒飯 一上碟就聞到陣陣香味 咖哩味道香濃豬扒又大份爽口超邪惡 豬扒炒公仔麵🍜大大塊既豬扒 好細心剪開一塊塊加埋生菜一齊炒 就唔會咁油膩小食方面份量比想像中多 超大份好香既麻辣雞腎 調味係我喜歡的味道最後 重點推薦 炸饅頭炸到外層卜卜脆 入面依然好軟熟奶香咪十足～ 配上煉奶 真係好好食😋推薦大家叫黎食最後仲叫左奶茶同檸檬茶～超滿足的一餐！

星期五放工懶得煮飯，於是到呢間重返屯門開店既閨家，外賣返屋企食。等左一陣外賣，拎上手熱辣辣。鐵板豬扒炒烏冬 $48:豬扒好大件，香芧味濃郁，烏冬色水靚，索晒味﹗旁邊有生菜，香口惹味得來可以平衡健康﹗日式鰻魚炒飯 $52:飯炒得粒粒分明，鰻魚粒不少，香口惹味，粟米粒，生菜絲，食落有咬口﹗炒飯可以跟例湯，每日既湯款式都有不同，今日有准山，紅蘿蔔份量不少，飲落冇味精，夠晒清潤﹗凍檸蜜 $7:潤喉解渴~涼拌海蜇手撕雞 $38:芝麻醬拌海蜇，手撕雞件嫰滑，底下有塊生菜，夠清新開胃~

今晚來到閨家食飯，好掛住佢地嘅豬扒😋。開張至今已有幾個月，但依然人氣爆燈。 主打無味精靚湯，用心製作美食，支持學生 醫護，良心小店。鐵板豬扒炒出前一丁 $48見到大大塊豬扒已經流曬口水，煎得好香，醃得好入味，薄切好juicy。 出前一丁唔太有鑊氣，放咗一陣變咗一嚿嚿，下次試下炒烏冬。花雕醉雞 紫薯麵 $45有3款手製麵: 紫薯/甘筍/菠菜。今次就揀咗款出面比較少見嘅紫薯來試。 入口硬度適中，食到最尾都唔會變淋，但紫薯味唔算太突出， 反而食到有麥香味。 花雕醉雞，4大件雞髀位，酒味香濃，好入味，但肉質有點柴。麻辣雞腎 $28必點之一，大大碟， 辣度啱啱好，香辣惹味， 雞腎爽口，非常好味。油菜 $12菜心，配甜豉油，加碟菜來中和一下肉肉感，健康的。凍檸蜜 $7 凍朱古力 $7凍飲跟餐加7蚊，完美嘅晚餐。

「閨•家」自從重返屯門後，繼續深受街坊歡迎，每逢午晚市時段，店門外都會出現長長人龍。天時暑熱之下，筆者為免卻排隊之苦，決定外賣回家慢慢嘆。外賣的話，每樣食物都會多收取$1作餐具費。雖然是外賣，包裝賣相一點也不馬虎。「閨•家」的飯餐，筆者已經進食過數次，但每次還是會被驚艷。甫打開外賣盒，蔥油香味已來襲，再加上豉油、雪菜，令白飯變得美味吸引。鹹魚煎肉餅倒是第一次吃，標榜人手剁成，煎香後惹味又夠肉香，還帶著鹹魚的梅香味，用來佐飯可說是一流。豬扒做得腍身，因為加入了梨汁醃肉，味道會有一點鹹中帶甜。雞翼經脆炸，鹹香但略嫌有點乾硬。至於炒出前一丁，麵質爽身，食落有豉油香味。不過始終是外賣，未能第一時間食用而差一點鑊氣。最欣賞「閨•家」出品的靚湯，零味精感的住家味道真有如歸家飲湯一樣。湯款每日不同，今天是山藥南北杏合掌瓜煲豬展，入口清甜味美。手拍青瓜微辣帶有蒜香，惹味醒胃。據說是用日本雞蛋製作的溏心蛋，醃得入味，入口甚重蛋香。