阿元來了 (已搬遷) 新店位置

想去食好耐，終於有機會去食啦。去左西環分店，店鋪座位唔多，食飯時間真係大排長龍，等左差唔多一個鐘先有位。點左魯肉飯，蚵仔煎，鹽酥雞。🎈魯肉飯肥瘦岩得宜，充滿油香味，入口即化，魯肉舖滿飯面好足料，飯用的係珍珠米，每一口魯肉同飯一齊食感覺真係好幸福。🎈蚵仔煎煎得好香，偏乾身，唔會顯得好重麵粉口感👍🏻配合埋醬料，好有係台灣食的味道。🎈鹽酥雞都好好食，平時最驚食到粉太多雞太乾的鹽酥雞，但係這裡的做的岩岩好。

星期五港島收工一個人，啱曬尋覓新美食。 查找網站之後選定中西區開飯熱點一嚐台式美食。座落於西營盤第三街民生區份位置明顯與銅鑼灣、油尖旺等地清靜。不過一到餐館門口即見一行等食飢民正耐心等待叫號入座。 一個人就有這樣的方便，不消三分鐘 ，點餐紙尚未閱畢已有座位。同樣因一人用餐所以肚皮只能容下魯肉飯及香菇肉羹兩份食物。等待湯飯之時環顧周遭佈置，小店牆身貼滿臺灣七十年代風土味廣告及裝飾，加上位處傳統民生區真有幾分身處臺灣感覺。湯羮與飯揣至後有感會唔會份量太少呀？睇下食完再加單。先爬一口魯肉飯， 肉粒香、半肥瘦、有𡁻頭、唔鹹送飯剛好。爬多兩啖之後發覺魯肉較膩，理解一飯碗份量的確最好，再多末必食得晒。跟飯嘅醃蘿蔔，千祈唔好貪爽口一啖食晒，因為依碗飯中段解膩，起關鍵作用。之後飲嘅香菇湯羹，味道十分似碗仔翅。材料十足，湯羹杰身十分飽肚。試過兩個簡單食物就理解就算排下隊都值得嚟試。美味程度可比荔枝角工廠大廈有名臺灣美食。

這天和朋友游完水，十分肚餓，於是我和朋友到了阿元醫醫肚，阿元無論什麼時間都滿座。它的裝修跟我上次來的時後不一樣，多了很多霓虹燈，充滿台式的味道。我點了一個招牌滷肉飯，今次的肥膏還是比較多，滷肉仍然保持香濃。之前附近開的台灣店可能都是因爲這邪惡的滷肉飯而站不住腳吧haha今次我還趁著熱潮，點了一杯台式飲品，是奶蓋士多啤梨特飲。芝士奶蓋十分香濃，厚度適中，與士多啤梨味十分配合，但是這天的珍珠比較硬，有點失色。下次會再來吃飯的，因為附近的台式店真的不多，但是台式飲品還是排排其他吧！

舖頭極之迫窄，環境坐得完全不舒服。除了魯肉飯，其他都不好吃。但其實魯肉飯很肥很油，吃完個胃好唔舒服。如果你本身要吃清淡，建議最好不要去吃。雞肉飯個汁好咸！涼拌麵，簡直是難吃！本來我們沒打算吃這個涼拌麵的，是侍應推薦我們吃，吃後才明白，原來是難吃賣不出去才呃我們，太過份！鹽酥雞，我諗街邊的豪大大好食過佢。35蚊得幾粒，完全不值，又貴又不好吃。還有個魚丸湯，是味精的味道。另外，個珍珠奶茶，很難飲！街邊茶店好過佢多多聲。很難想像這間店點解夠膽打著正宗台灣的招牌，如果你說這間店是正宗台灣味道，我覺得簡直是侮辱了台灣菜！這間店很難吃，沒有下次！

終於試咗阿元來了七點幾食飯時間離遠已經見到排晒長龍拎咗飛就喺西環行咗一個圈返到嚟就差唔多入得啦我哋叫咗魯肉飯$29細細碗但好飽肚家鄉豬油拌飯$20不健康之選但豬油太好味鹽酥雞$35略嫌有啲鹹，分量太少飲咗百香果紅茶同珍珠奶茶百香果好香，份量好夠而且用紙杯裝可以拎走

香港開了這家人氣的台灣食店，在openrice看到介紹，facebook又多人post相，今日特來西營盤總店試試，觀塘也有它的分店。下午2點多到達，門口有一條不算長的隊伍。我拿了籌，排第十，門口操國語的台灣侍應，告知等候大概半小時⋯⋯半小時排人氣食店，真心不算久。拿了籌就不用排在門口，我過了對面的7-11等候，果然半小時左右就能進店了跟男朋友點了一碗魯肉飯，一碗雞肉飯，一碟柯仔煎，一碗冰凍芋圓。 我自己比較愛吃，在門口等候時，看小小的一碗飯，以為應該要點2次餐，一次怕不夠吃。事實是，雖然是小小的一碗，但加上一份小吃，真的能填飽肚子了。（晚飯不可就要再多點吧）兩碗飯是一次上桌的，速度快。魯肉飯比在跟台灣吃的，真的很相似，味道跟其他台灣肉躁飯的味道也差不多，阿元優勝在魯肉很軟，入口就化，值得一試！ 雞肉飯入口有淡淡芝麻油的味道，不過雞肉偏鹽了一點點，個人來說，我不會點第二次的雞肉飯了。柯仔煎上桌了，看起來色澤不錯。先試一下，因為台灣的都有粉醬底，煎過後薯粉醬變了透明，跟蛋貼在起，入口滑溜溜的，可能不是人人會喜歡哦，我是覺得還可以，特色不大。最後，是我很喜歡的芋圓，很久沒吃到了，冰冰涼涼的，

I feel disappointed in delivery. Food is late Delivery cost $20 Surcharge for order below $180Even if we order more than $180, the delivery charge will still be there. Minimum order $180 is little bit too nigh. When you add up $20 that’s at least 200 per delivery order

台灣思鄉病又發作，自從台中食過很好食既蛋餅返香港之後都都好想再食。新開店未有太多人發現既時候來食過，對於佢既魯肉飯有良好印像，係會令人再光顧既味道但聽聞現在要排長龍，上幾星期來過個撲空因爲人龍排到對面街。今日六點幾來到，剛好前一輪既人食完。不過都要同人撘枱。店面​設計打造成台灣夜市感覺, 有好多招牌,店內設計主打以木枱櫈 牆上很有復古同街頭FEEL 痴滿唔同嘅廣告招牌. ​落單方法​ ​同食拉麵有啲相似,係紙上面填好要嘅份量比店員即可. 主要分為小食,飯,面,蛋餅同飲品. 玉米cheese蛋餅 $ 30評分:8/10 ​ 最期待嘅環節,試食蛋餅. 係點單嘅時候爭扎咗好耐要 肉鬆粟米定芝士肉鬆, 點知上菜嘅時候見到有 肉鬆係入面,好開心!呢個叫做綜合蛋餅比較適合, 皮煎得微脆 但又有咬口 皮嘅厚度適中.最緊要係料夠多魯肉飯​ $ 29評分:7/10 份量顏色都夠,賣相就滿分. 首先伴勻飯同肉燥, 肉燥切成正方形, 大小肥瘦平均, 食落唔乾 ​魯肉 汁多, 飯粒夠園同飽滿. ​炸花枝丸​ $ 35評分:5/10 花枝丸賣相普通,表面灑上胡椒粉. 咬落皮薄蘇脆外皮, 丸嘅粉漿較多無咩

好多朋友都話好想試下依間餐廳，前一日已經想去排隊，夜晚8點幾，但條隊排到對面街，唯有放棄。第二晚同另一班朋友夜晚18:30就去排，點知都要等，但人少左好多，等左15分鐘就有得入，入面係比較窄，但幾有台灣風味。今次點左魯肉飯，大腸米線，芝士蛋餅，鹽蘇雞，滷水拼盤，魯肉通菜....魯肉飯真係無得輸，係幾好食，芝士蛋餅喜出望外，好食好食，其他都above average, 唯一失色就係個菜，有點黃。飲品都係高質的。最重要係價錢100per head 已經食得好飽，難怪咁多人排隊。

👫一直都好想去食位於西環嘅阿元來了，店舖係由台灣人開設，有正宗嘅台灣風味🤤 咁啱同foodie講起，佢就話陪我去食，好感動呀❤️一一一一一一一一一一一一一一🔻#飯麵#魯肉飯 <$29>不得了，成個碗嘅面頭都鋪滿曬半肥瘦嘅魯肉，脂肪比例啱啱好😍魯肉炆得好入味，入口肥而不膩😝口感軟稔，加埋肉汁撈勻粒粒飽滿嘅珍珠米，味道啱啱好，香而不鹹☺️呢個配搭真係無得頂，食多碗都仲得😋.🔻#小吃#蚵仔煎 <$35>煎得比較濕身，明顯見到一粒粒嘅蚵仔🧐雞蛋半熟加埋蚵仔，滑溜溜嘅口感，食落去有少少漿住喉嚨咁🤯味道一般，雞蛋同麵粉比例唔太好，麵粉偏多😫蚵仔煎都係要去台灣食先夠正宗🤟🏻.🔻#甜品#九份芋圓 <$30/冷>出面勁熱就嗌咗凍，點知碗芋圓係直接加冰，好隨便，好無誠意😑糖水無乜味，唔知係比冰溝淡左定係本身都淡味😵賣相雖然係幾靚，顏色幾豐富，但芋圓食落去好酸宿，好似壞咗咁，唔會再試🤮目前嚟講最難食嘅芋圓真係非佢莫屬😓.🔸後記：·飲品係散嗌💫·餐廳嘅冷氣系統比較差，夏天嚟食會好似無冷氣咁，熱到身水身汗😂一一一一一一一一一一一一一一👾驚喜指數：❗️❗️❗️🔙翻撻指數：❗️❗️

我一直希望搬去台灣，因為我太love 台灣菜，但一直在空話中……究竟在香港在那兒可嚐到百份百之台灣菜，可以解決我的相思之苦！今次誤打誤撞去了阿元來了，一個充滿台灣本土情懷的名子，好！我來了，嘩，內裹已充斥台味，我會逐一品評，好像正在主持台灣的台灣旅遊節目中。魯肉飯: 份量衹有一碗仔，半肥瘦切粒豬肉配上QQ飯粒，我去了一趟台東了，細粒而又QQ的飯種正是有日本飯的影子，與台灣被統治過不無關係台南擔仔米粉: 好有肉碎香味，已攻入我鼻孔了，湯也好清甜，米粉也絲絲綿綿的，一夾進口，口感滿溢！蚵仔煎: 好香口，蛋香及蚵香混合一起，好幸福，我想明天飛去台灣了香脆大鷄排: 嘻，嘩！又是手掌大，皮脆肉嫩，一咬，汁飛到四圍皆是，啖啖肉，好yummy 鹵味拚盤: 有鷄蛋，豆腐及豬腸，可再入味多些，那就very good ,豆腐仍是台灣最好，豆味充足，散發出黃豆的陣陣香，才是靚bean curd 。下次必再來，因為不用去台灣又可以回味到台南的味道，真的好想念唷！(撒嬌語氣)

阿元來了開左一段時間都仍然要排隊，人氣十足，所以緊係要去試下有冇陣台灣味啦！星期六中午到達門口見到只係排左幾個人以為好快入得，點知都排左半個鐘。因為鋪面唔大，位置唔多。裝修係行古早風，係幾特別嘅。不過d位逼逼夾夾咁，坐得有d辛苦。我叫左碗魯肉飯同一杯珍珠奶茶，等左一陣間就到啦。碗飯size都幾細下，不過食到一半都覺得有d膩口。味道其實都似台灣架喇，不過都係差少少野咁。珍珠奶茶就普通貨式，唔係難飲嘅。

間野俾人吹虛得太犀利，個日終於去左試，十級唔好食，叫咗四樣野，難食到食唔落！柯子煎成Pat麵粉醬，鹽so雞唔知點解有幾舊唔同色，仲要放係底，食落仲要嗅嗅地肉碎米粉，熱都唔熱，仲要一D味都冇，D湯清水咁，落咗辣椒油都攪唔掂，真係食唔落，仲有一個飯，又油又無滷水汁味，呢間野真係攪唔掂

今日星期日想去遠啲既地方行下，唔知去邊，就上OpenRice 睇下邊度有美食就去邊，見到阿元來了排第一，咁我地就專程去試一試佢。去到都差唔多兩點，見到門口排長龍。可以問佢拎完飛去行下再返來，唔使企定定等。等左一個鐘到先入得去，入面都幾窄。我地叫左6樣野食。滷味拼盤有蛋、豬大腸、雞翼同豆腐。豬大腸冇騷味，好好味。雞翼好入味，好好味。豆腐都幾好，雞蛋就冇咩特別。香菇肉羹個樣有啲碗仔翅，入面有菇片同大大舊既肉，口感似碗仔翅，味道就似台灣麵線。魯肉飯我估應該係必食既，因為我見台台都有叫😂。魯肉飯細細碗，啲肉都算多，啲肉好淋，好入味，啲魯肉汁夠多，夠撈晒成碗飯來食，好味。鹽酥雞炸得幾脆，冇乜油，雞肉嫩滑，唔鞋，真係好好味。蚵仔煎都係呢間店既推介之一，佢既蠔仔算大粒，好飽滿。佢既底加左某種菜（我唔知叫咩名😅）特別香、特別好味。皇室奶茶都幾好，加左珍珠，但珍珠就唔夠煙韌。總括來講幾抵食👍🏻，幾好味。

Wish list 了很久，終於在星期五中午去了阿元。12:45已經有十幾人等位，好彩餐廳職員安排得很有效率，基本上等10分鐘已經有位。大部分食物都是$35 飲品$28。分量不多，可以試多幾樣野。我選了魯肉粿條和柯仔煎，前者味道很有層次，湯底不太濃。柯仔煎味道比較淡，還可以。姜母奶茶涷飲不會太甜，👍🏻。需然坐得好迫，但服務員有些說國語，服務也親切，食物味道似地道，整體佈置有台灣風格，不錯，會再去試多幾款食物