阿太車仔麵 (已結業)

不知所謂嘅一間車仔麵～啱啱經過諗住試下呢間車仔麵，坐低叫完嘢食就聽到個伯伯話等左半個鐘都未到，心諗車仔麵應該唔使等咁耐嘅，反正都坐低左……點知真係中伏，一等等左大半個鐘，跟住咪問下個姐姐，個姐姐答我整緊，再等多一陣我再問佢，佢話漏左單未整同整緊2回事🤬🤬得嗰幾個客都應付唔到，點做生意，仲要講大話，最後取消左冇食，一定冇下次

見裝修有點型格所以入來一試點左豬大腸，white Turnip 同豬紅豬大腸不是有客才剪，而是最差剪定沈在汁中咁也算啦，食一口，嘩。喊到鬼再飲啖湯，又系味精水大佬呀，我來食車仔麵，唔系吃鹽水同味精水第一次吃車仔麵連一半也吃不完更好的裝修也不及一婉好食的麵。永不回頭

天氣開始有啲熱，唔想食飯咁飽，於是就黎呢間車仔麵小店試下。入到去裝修好特別，好有日本拉麵格局。 入到去侍應姐姐都好有禮貌打招呼，安排我坐吧枱位。我點左個三餸麵，有滷水雞中翼，豬扒同埋牛腩。 滷水雞中翼夠滑，豬扒都夠入味，牛腩反而就有少少硬，不過味道都可以。 麵我揀咗油麵，冇乜特別都係正常車仔麵既油面，反而個湯底值得一讚,味精味唔會太重，亦都食到有腩汁味。三餸麵加涷飲價錢要＄50 ,因為豬扒同牛腩要加錢，價錢相對一般車仔麵偏貴，不過佢相對坐得比較舒服，環境都比一般車仔麵店乾淨，而佢本身個車仔麵都做得不錯，所以呢個價錢都可以接受。

很久沒有去過觀塘區，昨天經過見到有車仔麵，即管一試，入到店內，裝修似曾相識，抄足文記裝修格局，伙記姐姐尚算有禮，結果我點了三餸一麵，一小食拼盤，一飲品，車仔麵很快送到，一睇中伏，超中伏，賣相完全不合格，一試湯底，完全是味精水，三餸仲離譜，四粒籮白，兩粒貢丸，一粒大魚蛋，三住米粉，竟敢收42蚊，話送嗰杯凍檸茶，檸檬是下價貨，冇檸味，茶底濁過行坑渠水，又苦又澀味檸檬茶，簡單差差差，拼盤全無滷水汁，乾噌噌，滷水蛋白晒晒無味，豬頸肉亦是乾噌噌，滷水豆腐冇味，雞翼尖尚可，72蚊食啲咁嘅質素，有大把選擇啦。

之前聽朋友講過，牛頭角道附近有間新開嘅車仔麵，於是過嚟試吓。喺門口已經俾佢特別嘅招牌吸引。同一般車仔麵唔同，佢嘅裝修幾特別，而整體都好乾淨，同一般車仔麵唔同。本身諗住咁新嘅裝修，可能車仔麵嘅味道會普通。但係食完之後反而有啲驚喜，我叫左個三餸麵，有雞翼，豬腸同豬皮。基本上我食車仔麵呢幾款餸我都成日叫，我亦都食過唔同嘅車仔麵，發現呢一間個滷水味夠濃，同埋豬皮豬腸都好爽口，雞翼亦好入味。另外個湯底亦都唔會太鹹，味精應該唔係太重所以食完都唔會太口喝。 另外一個驚喜位係，通常車仔麵杯咖啡奶茶都係普普通通，但係呢間車仔麵啲奶茶不錯，有茶餐廳嘅水準。因為呢度嘅車仔麵餸都有30幾款，我會下次再過嚟試吓其他餸。

啱啱過開來創紀之城做嘢，突然間想食車仔麵，於是過咗對面條食街。見到一間叫阿太車仔麵，見佢出面裝修幾特別，於是入去試吓。入到去鋪頭裝修有啲日本風格， 侍應姐姐都好有禮貌，問我食乜嘢。因為我一心想食車仔麵，於是就叫咗個四餸車仔麵，有蘿蔔，豆卜，腩肉同韭菜餃。蘿蔔非常清甜，腩肉都幾有咬口同埋入味，韭菜餃都好爽同夠香，可能因為我鍾意食韭菜，反而豆卜就冇乜特別。我比較鍾意係佢個湯底同辣醬。聽姐姐講湯底係每日用豬骨煲6個鐘，另外辣醬就係師傅親自炒，所以我見到入邊會有蝦米同埋豆豉，而辣味都好重。呢間車仔麵整體感覺不錯，下次過嚟做嘢可以再試。

今日去觀塘海濱公園影相，影完夜晚肚餓去車仔麵，本身我哋兩個女仔都偏向鍾意食麵多過食飯呢間車仔麵裝修幾新幾潮，不過配餸的質素只能說正常不過不失，但價錢相對同區其他車仔麵店貴，3餸約$40，感覺上過高同友人點了兩碗車仔麵，共有以下餸：蘿蔔：蘿蔔係膽，大舊清甜無渣貢丸：好爽，一啲都唔粉我食個碗  雞尖：太淋太淡，味道真係好普通豬紅：一般而已鮮蝦雲吞：一般，不過南x好味啲湯底清，腩汁同沙爹汁都好味，辣味都好惹味~所以，整體來說偏咸，所以都係一般

放工行過同咗個朋友去食,兩餸麵30蚊大大碗好多餸,勁底食牛腩d牛騷味完全盡去,但保留返牛本身嘅香味, 加上黐住少少脂肪,大大舊香嫩爽,而d豬腸一樣去盡異味,軟淋淋,滑捋捋,香噴噴👍👍👍

 難得今日放假 又晨早醒咗 落街行下食個靚早餐都好 經過一間車仔麵檔 入面竟然有all day breakfast食 我叫咗個all day breakfast 我媽咩就叫咗個出前一叮 另外仲叫咗個小食講吓個all day breakfast先 有兩塊牛油多士 絕對飽肚 個滑蛋可以媲美西餐廳 正！香腸同煙肉都煎得好香口 茄汁豆同蕃茄係all day breakfast唔少得嘅配菜啦 整體都唔錯我媽咪話個出前一叮餐同普通茶餐廳差唔多 正正常常 兩餸一麵 如果有得揀湯底就好拉 好似蕃茄湯底 完全係早餐皇牌啦價錢合宜 餐廳環境都唔錯

見d食評咁好今晚特別過去試下就入去前都再上來查看有咩好食見個碗魚蛋雞亦都好似幾好喎又有人話個魷魚好就試下叫呢3樣啦？晚上宵夜，應該5會中伏掛！一打開心諗乜d水魷係黑色？5通變左墨魚明明見到食評個d係水魷幾靚又話幾好架？樣真醜5知以為異形5識形容。。。但醜都要試下味道真係。。。。一D都5爽。。黑色無味如果合埋眼食，你必定以為食豬皮魚蛋和鳮亦都叫ok。。。。當然無人地8粒魚蛋咁多鳮亦味道係幾好。不過就無下次，可能堂食個樣好d

本人就係喺觀塘區附近返工嘅 今日約咗個客喺牛頭角附近見面 見客過後就見已經都差唔多黃昏 但係又未食lunch 所以唯有求其快快脆脆搵啲嘢食 但係又唔係幾想食老麥啊KFC咁樣 正當我喺度煩惱之際 突然間就見到呢間車仔麵舖 一開始仲以為佢係食拉麵 因為裝修得好似日本野鋪頭咁。個人來講十分喜歡芝士  仲要咁岩撞正間鋪頭出新野 芝士撈麵 所以決心一試。 除此之外我就只係加左太陽蛋同兩條香腸。 上菜嘅時候有啲紫菜鋪喺面 感覺都幾好 加上啲芝士汁熱辣辣而且好香嘅芝士味撲鼻 另外芝士汁嘅份量都好多好夠撈麵。最重要係芝士汁唔黏口亦都唔係好膩 呢個真係值得一讚

我住附近的，所以開張以來黎過幾次，次次都食車仔麵配牛腩、豬頸肉（兩樣餸都好味，所以次次都叫呢兩款），試過河粉及米線都好味！我唔食辣既，所以只加腩汁（一般包埋，除非你tick走腩汁），我覺得夠味了。另外也試過以優惠價加小食炸花枝丸、鹽酥雞（必叫😋！）、滷水拼盤及魷魚（出晒名好食😋，你見餐廳好多人都叫架！）最近有珍珠奶茶我又試過，大大粒，珍珠口感chewy👍🏼附近係有不同餐廳，但有時想食車仔麵都係一個好選擇，我最鐘意坐沙發位，夠舒服🛋

前幾日試左，除左 魷魚可以接受，其他都唔好食叫左紅腸，豬紅，牛腩，大腸，米粉見到碗嘢，已經感覺伏伏地，個湯好水，冇色點知第一啖就真係知係伏，真心冇味叫人拿碗腩汁加湯，侍應都好好人，立刻拎過嚟，但加完 結果結果一樣……冇味，感覺佢係令到d餸，各自分開煮熟，然後放d清水落個碗到，就咁完成……所有嘅味係真係分得開，難聽d講，自己係屋企煮加雞粉都好食過佢…但環境係好，地方乾淨，侍應生態度十分好呢個區有好幾間同類鋪頭，應該唔洗揀佢……

我住係牛頭角附近既~星期五個晚老婆無煮飯 諗住出街飯 記得有鄰居講過附近最近開左間車仔面 終於可以去試下 我地一家三口帶牙仔 每人叫左碗面 仲另外叫左碟雞翼 我地三個每人叫左三到四個餸 睇啲相都知份量足料 我自己個碗有蘿白 豬腸 雞翼尖同魚蛋 特別要讚下啲蘿白 好甜又入味 魚蛋唔會粉 整體都唔錯 我老婆同牙仔都話佢地個碗幾好味 唯一略嫌另外叫既雞翼價錢有啲貴 不過我會期待其他小食 下次試下

之前間車仔面執咗嘢食係ok嘅成日食而家開間新一排就試吓啦嗌咗個三餸面加油菜加小食落單態度ok味道正常不過份量極少真係要咁樣做生意？！一定唔會再有下次菜得嗰4條雞得幾粒