阿太車仔麵 (已結業)

<牛頭角有抵食好味車仔麵>😃 呢間喺牛頭角道既阿太車仔麵 雖然環境細細 但燈光通明 坐位整齊 食物主要係車仔麵 用 menu紙 tick仲有一 d飯或者小食 好似肉燥飯 墨魚丸之類 😃 都幾多選擇 🍴車仔麵 三餸麵 35 蚊 每加1 個餸加 8 蚊🍜米線中辣佢既米線係類似上海麵嗰 d圓身爽滑 米味多 湯底豬骨湯都幾香濃🐷中辣唔算好辣 鍾意既朋友可點辣 d 🌶 1.蘿蔔 🥕煮得夠淋2. 滷水蛋🥚好入味3. 長洲大魚蛋🐟 大大粒彈牙夠香咸4. 牛腩另加兩蚊 🐮 牛腩夠入味而且大大件抵食😃🍴雞扒肉燥蛋飯 40 蚊🐥🐷🍚大碗飯 首先有滷蛋🥚雞後有3 件雞扒 都算落足料 煎得好香脆 juicy 既雞扒上面 放住勁多肉燥 ,豬肉味夠香 🐽又夠 juicy撈白飯一流 再加上勁多飯 40 蚊抵食又好味😍🍴醬汁魷魚 30 蚊🌶🦑魷魚30 蚊份量都幾多 係透明好爽口彈牙嗰種 而佢點左好多辣醬 醬汁偏濃 辣度夠 都幾惹味😃🍴炸魚皮15 蚊🔥🐟魚片一上枱一食落口既香脆程度就知佢係即炸 最啱放落有湯汁既車仔麵度食🍜發出沙沙聲 好正 🍴瑞士汁雞翼4 件 20 蚊🐤雞翼4 隻唔算大隻 脂肪量唔多

從小到大都很愛吃車仔麵，由麵底到配料都可任君選擇，變化無窮。一碗美味的車仔麵可說是全由自己選擇出來的，再加上牛腩汁、沙爹汁或咖喱汁，超級美味。坊間的車仔麵店也試得多，今次便來到這間位於牛頭角的阿太車仔麵試試。一進店給人感覺很舒服，店鋪以日式裝潢為主，佈局清新簡潔，獨立一人一位，不會很擠逼。配菜對於車仔麵來説是很重要，這裡的配菜有三十多款，除了我們傳統常見的豬皮、豬紅、蘿蔔、魚蛋、紅腸外；亦加入了新派的如長洲大魚蛋、醬汁魷魚、魚肉春卷等等。至於麵類亦有10款選擇，連辛辣麵、烏冬、撈麵都有。（三餸車仔麵$35起，第四個餸每加$8-$12）這裡的車仔麵湯底絕非坊間的味精湯底，老闆們花上大量心思在湯底上，用了豬骨湯、中藥材和新鮮蔬菜經8小時淆製，所以湯底入口超鮮甜，又不油膩。這次點選的配料有豬紅、紅腸、豬大腸、鮮牛肉、滷水蛋和長州大魚蛋，配油麵再加上腩汁，超豐富。滷水是店內的主打，是用了十多種藥材，香料、醬油淆製而成，難怪豬紅、豬大腸、滷水蛋咁入味，而豬紅吃下超滑溜又不腥。（滷水系列還有雞翼、雞翼尖、豆腐、豬頸肉選擇。）豬骨湯再加上香濃的腩汁和鹵水汁，正呀👍👍👍****************

之前食過幾次 ，今日買外賣回家， 餐單上寫明每碗也添加腩汁， 若不要腩汁要另外選走腩汁， 然而我買的三碗打開一看也是清湯。我致電店舖問過究竟， 落單那位跟我說可能是師父落漏咗腩汁 ，話下次俾返我。。。乜下次本來唔係就應有腩汁咩？ 然後佢問我想點，我梗係話叫佢送返個腩汁畀我啦， 佢話我知送唔到， 然後叫師傅聽電話，個師傅竟然同我講， 佢哋個湯底轉咗好耐，咁搞笑?我前日先食黎，個湯底係啡色唔係白色 架。佢聽到後竟然死撐夾硬話加咗腩汁個湯底會唔好食㗎 !佢真係當我白痴 ，如果係咁佢張餐單點解寫明每碗已有腩汁?

今晩經過牛頭角，見呢間車仔麵店人流唔錯，裝修新，店員又熱情，所以就試下。Menu 都好多嘢食，價錢又平，掋佢好生意。嚟得就梗係要試下啲特别嘢，呢個XO 辣醬肉燥撈麵 ($45) 無得頂。包三餸，我就揀咗雞翼、蘿蔔同牛腩。份量好多，全部都煮得又腍又味入，加埋 XO 醬嘅辣味，真係好惹味，再配埋個清湯，係必食之選。滷水拼盤 ($28) 都好高水準，份量大件，二至三人 share 就啱啱好。而我最欣賞就係個豆腐，好滑漏。加返碟菜心 ($10)先。仲可以轉珍珠奶茶 (+$9)，味道就甜咗小小，但茶味好香好濃。

同同事過開嚟做嘢 一段時間冇嚟，見到已經改變了唔少，重開咗好多唔同新式嘅餐廳！見到呢間車仔麵人頭湧湧 ，羊群心態下一於去試下！望一望餐單價錢唔算貴，而且小食嘅種類仲幾多！我嗌咗個腩汁油麵，湯底好清甜無味精，試得出係用新鮮豬骨淆製！ 叫讚讚個魚肉春捲，同埋個牛腩！春捲嘅魚肉餡包得好紮實，咬落好彈牙 ！牛腩汁煮得軟淋入味，食落啖啖都係唔同嘅口感😋試左啖朋友嗌嗰個xo辣醬肉燥撈麵亦相當唔錯，配搭新鮮，唔算太辣，但非常惹味！自家製醬汁魷魚魷魚食落好爽脆，而且用醬汁腌到非常入味，食落辣辣地， 連我唔食辣都覺得ok！👏🏻鹽酥雞外皮炸得好香脆，但雞肉嘅肉質出奇的嫩滑！ 小店嚟講算係整得相當有質素👍🏻瑞士汁雞翼 雞翼色澤光豔、噴香誘人。一口落去，肉質鮮嫩、油而不膩、 甜而不膩、 滑而有序， 而且煮得相當入味😍皮蛋豆腐皮蛋豆腐醬汁做得相當唔錯，酸酸甜甜食落幾開胃！豆腐亦非常滑嫩，同皮蛋配搭一齊食，好有層次口感🙌🏻

加左成日班好肚餓呀，同朋友黎左佢屋企樓下新開的一間車仔麵醫肚，除左麵食，仲有滷肉飯，珍珠奶茶同唔少小食揀，好多元化喎寫單紙，餐具，調味料全在枱上，方便快捷。凍鴛鴦（+$2）＆檸樂（+$6）雖然話天氣涼左，但在outside area行左成日都係會熱嘅，加上血糖低，即刻整返罐檸樂嘆下，一口氣噓落去感覺勁正。朋友要左凍鴦，佢話啡味香濃好飲喎。三餸麵（$42）自己揀左蘿蔔，滷水蛋，豬大腸配米粉，湯底係腩汁。蘿蔔無渣好清甜，大腸夠肥有咬口，滷蛋都幾入味，整體感覺不錯。腩汁湯底幾好味，食完無口渴五餸撈麵（$68）朋友話好肚餓要加大佢，要左加底嘅撈麵，仲要五個餸，好誇張食肉獸嘅佢要左肥牛，腩肉，牛腩，豬頸肉同醬汁魷魚，真係全部係肉肉肉。個XO辣醬肉燥撈麵都幾正喎，辣辣地好開胃，仲有醬汁魷魚都係，辣辣地入哂味，加上魷魚爽口，好味。其他肉無試，朋友話ok，而且份量好多。撈麵有碗清湯送。油菜（$10）食咁多肉，強迫佢食下菜，叫左碟菜心，附豉油同蠔油。炸魚皮（$15）仲有香脆嘅炸魚皮，真係好脆，咬落喔喔聲。鹽酥雞（$24）朋友點嘅鹽酥雞，熱辣辣即炸，好香口。炸花枝丸（$20）仲有花枝丸，都係即叫即炸，好彈

今晚蝦子餅要duty,我同小女生又去周圍吃。由於學校作文選題香港地道美食，我就帶小女生去吃車仔麵吧！牛頭角有間車仔麵檔，就近近地去這裡吧！餸的款式都是常見那種，3 餸連飲品四42元起，額外每款加$8。魚皮$15，就叫一份吧！份量都幾大而且都很香脆，低食喎！長洲魚蛋兩粒$15， 爽口彈牙 ，那些秘製咖喱又辣又刺激！仲有秘製辣椒油， 啱曬喜歡吃辣的人士。我點了五款餸，選了我最喜愛的油麵。油麵分量很多， 煮得剛好， 湯底加入了腩汁，很清甜呢！ 整體的味道也不錯，炸魚春卷最為驚喜！小女生選了米線，鮮牛肉和豬腸很腍，這麼大碗她都能吃清，單憑這點，我就知道味道不錯！除車仔麵外，還有常餐，聽說味道不錯，價錢相宜，下次要來試下吧！

前兩日與同朋友去觀塘apm睇電影，朋友話想食車仔麵，但又唔想再去觀塘廣場，所以就打開openrice搵食，點知畀我哋搵到一間叫阿太車仔麵的餐廳，在牛頭角道小巴站附近，咁我哋就決定去試一試。嘩~呢間不只一間簡單的車仔麵餐廳，而且仲有其他食物，早餐都好經濟，28蚊就有交易，相當合理價錢。我哋見對面檯的鹽酥雞香味吸引， 於是我們點了鹽酥雞八件，味道果然可口，雞粒都好大份。醬料魷魚都比較能手，醬汁惹味， 魷魚煙韌爽口，又幾好味喎~手拍青瓜，都算ok啦。嚟到梗係要做車仔麵啦~朋友點了Xo醬肉燥撈粗麵，餸菜是支竹，瑞士雞翼，鹵水蛋，牛柏葉及炸魚皮，味道剛好很入味，分量十足，不錯。我叫了米線 ，先講湯底有很香濃的豬骨味，餸菜方面就點了豬紅，鹵水雞中翼，長洲大魚蛋魚及肉春捲，味道都合格，最驚喜係佢哋自家製的辣醬，加了自製醬汁令滋味更提升。

車仔麵係港式經典美食之一，麵同餸都可以自己揀，加埋秘製辣汁，咁就成就咗一碗屬於自己，最獨一無二嘅Comfort food。而車仔麵每一個餸都好考功夫，所以要做到好食真係一啲都唔容易。而呢間位於牛頭角嘅阿太車仔麵，第一眼仲以為去咗日式拉麵店，環境好舒服，而車仔麵整體都算唔錯。三餸車仔麵阿太車仔麵嘅湯底每日用豬骨淆湯8個鐘，又定時加新骨嚟熬，所以湯底清甜。而我嘅三餸車仔麵選擇就係豬頸肉、蘿蔔、牛柏葉配油麵再加上腩汁同大量咖喱汁。豬頸肉夠入味又軟腍，肥膏唔算多；而蘿蔔新鮮超甜；最鍾意就係牛柏葉，索晒咖喱汁，辣辣哋好好味。油麵麵底份量足，軟硬適中。XO辣醬肉燥三餸乾撈車仔麵而A姐就叫咗阿太車仔麵獨有嘅XO辣醬肉燥乾撈車仔麵，三餸嘅選擇就係牛腩、滷水雞中翼、豬皮配幼麵。牛腩口感軟滑，五香味濃；滷水雞中翼入味；而豬皮爽口無渣。而幼麵撈埋XO辣醬肉燥，錦上添花。醬汁魷魚魷魚口感彈牙，有鮮味，醬汁微辣，餘韻有香料清香。

成日聽屋企人推介阿太早餐好食。入到去環境充滿台灣風，非一般的茶餐廳。但成日撞正返工時間未開，適逢off去食，價錢實惠，份量亦足夠。相對車仔麵，早餐化算很多。早餐多款可選擇，選雪菜米加松露蛋多士。近日常食早餐多士，呢間多士多脆內軟。但蛋好有黑松露味，證明用料十足。我老公對咖啡好有要求，試左好多間唔係間間得，呢間佢都欣賞。起碼話用料唔係差，都值返。

幾次因為要趕下場, 自己在觀塘快快食個晚餐, 享受一個人的浪漫~呢間店我食左三次, 第一次食車仔麵, 之後食過常餐就好想返去再食多次~食物:第一次經驗係....  一般....點左三餸車仔麵: 豬頸肉、韮菜餃、生菜, 配油麵咖喱汁豬頸肉係幾入味, 又淋, 不錯既~ 韮菜餃皮厚薄適中, 味道也不錯~ 生菜都新鮮~只係..... 餸的份量較少.... 豬頸肉都尚算合理份量, 始終都明白肉係貴既....  麵底份量夠, 軟硬適中, 咖哩汁都惹味, 有少少辣, 帶起個麵。$35/三餸麵, 在觀塘區都算抵食既, 係製作時間就耐少少... 趕時間就不宜揀此店....第二三次的常餐係有驚喜既~見到晚巿仲有常餐, 同只係$35, 係抵食既~ 所以改食常餐, 唔叫車仔麵~~叫左沙爹牛肉麵、炒蛋腸仔、奶醬多士、熱朱麵我喜歡食淋D, 但每次在茶仔order麵要淋D, 都無試過真係淋左....今次就唔同喇~ 大廚真係有聽, 麵真係淋D架~ 而且個麵唔同平日茶仔個款, 係煙韌D~ 未去到一丁水平, 但已經係不錯~沙爹牛肉唔會太淋, 沙爹味香口惹味~ 炒蛋亦都好滑架~ 仲有得配奶醬多士, 真係升級常餐~第三次我都

車仔麵我食得多，咁垃圾都是第一間…由order到食，都是令人燥底到一個點的食店！在牛頭角下車，因為不知道吃甚麼才好，打算簡簡單單買車仔麵返公司食，經過見到~~打算一試，心諗都應該無咩伏嘢...嘩！太搞錯了！係差到一個點！我在其他區都吃過不少小店，很多也很出色，這間不得了~~再留著是為了甚麼？車仔麵有30幾款餸揀，款式算多，我今次三餸麵加飲品42蚊， 凍飲另加兩蚊。我去到時得我一個人在等，我心諗應該很快就OK，怎知道...我等了10MINS也沒有，再等~~20分鐘過去了~~我終於燥底地叫退錢！！他們才說有了有了~~~一肚氣~~20MINS又不是人多！做緊咩架！！我一心諗：好了！只要好味也算！美食是要等的....ohhh, sorry！20分鐘白等！死鹹，味精~~兩個字垃圾！仲要42蚊！ 個蘿蔔又唔甜，雞翼尖和牛腩又沒有味~~雞無雞味，牛無牛味，只有鹹味！！真心救命，已經無性價比可言，又沒有服務可言，連食物都唔得！！ 唔明為何還可以繼續做下去！！一點也不良心的小店！！

間唔中都會嚟牛頭角探阿婆，經過牛頭角道見到有間裝修幾特別嘅車仔麵，於是就入咗去試吓。由於過左午飯時間，店內都唔算多人。見到個車仔麵點餐紙都有30幾款餸揀，款式都算多，同埋佢都有其他小食選擇。不過得我一個人又唔係好肚餓，所以就叫咗個三餸麵餐。侍應姐姐招呼都唔錯，問我想食啲乜，佢就介紹咗個瑞士雞翼，聽講係新餸同埋係廚師特別調製，另外叫咗雞扒同埋魚肉春卷。阿姐特別介紹個辣汁，因為係師傅每日炒特別香辣。先講瑞士雞翼，味道差唔過我係出面食出名嗰啲瑞士雞翼。魚肉春卷都好特別，有預先炸過都好香硊。雞扒都可以，不過就太細塊。 辣汁正如姐姐所講非常香，我仲見到有蝦米同辣椒，非常惹味。湯底都好清甜，唔似一啲車仔麵得個咸字。跟餐連飲品＄46雖然以車仔麵來講唔算平，不過以呢度嘅裝修同食物質素，我覺得物有所值。下次嚟探阿婆都會再食，試下其他餸。

之前經過呢條街好幾次都有留意呢間車仔麵， 今次終於都有時間入嚟坐低試下好唔好食啦！ 鋪面唔算好大， 繁忙時段都唔係太多人！ 佢哋嘅車仔麵有兩餸同三餸選擇， 兩餸麵加飲品37蚊，三餸麵加飲品42蚊， 凍飲或者汽水另加兩蚊， 見到餐牌上仲有小食推介， 我哋就叫咗醬汁魷魚，兩餸麵同埋三餸麵！ 食車仔麵點少得飲可樂 凍冰冰嘅可樂加埋車仔麵簡直係最好嘅配搭! 餸方面我哋叫咗雞翼，墨魚丸，豬大腸，韭菜餃，豬皮！ 我覺得最好食係豬大腸， 韭菜餃比較淡冇乜味， 豬皮太鹹， 雞翼同埋墨魚丸普通， 仲有醬汁魷魚比較硬! 今次第一次嚟食， 落咗單之後都等咗好耐先至上菜， 希望下次嚟會有進步， 起碼唔好等差唔多半個鐘先有得食！

細個住屋村，屋企樓下成日有檔車仔檔賣車仔麵，大個咗之後都好想食返。自己係觀塘返工，通常都係附近搵嘢食，聽朋友講牛頭角道開咗間新派車仔麵，於是就同佢過嚟試下。入到去裝修都好新穎，有啲日式拉麵嘅感覺。一開始都有啲擔心可能都係一啲普通嘅車仔麵，不過既然嚟到，就試吓我最鍾意食嘅豬皮豬腸同埋雞翼，再加埋我自己好鍾意嘅肥牛。因為係午飯時間，坐得都比較迫，不過好彩等左唔係好耐就有得食。啲餸嘅份量都唔少，先試吓個豬腸，好林好入味，亦都唔會有腥味。豬皮好爽口，好入味，亦唔會過鹹。最欣賞係佢個滷水雞中翼，滷水好入味，雞翼亦都唔會煮到好老。肥牛就普通啲，冇乜特別。反而最驚喜嘅係個湯底，我竟然可以食返細個食嘅車仔麵味道，好濃好香，但係又唔會食完好口渴。下次午飯或者收工都一定會過嚟再試過。