阿太車仔麵 (已結業)

細細個成日都同老豆食車仔麺 大個左好忙就少食左。。咁啱呢日行過牛頭角道 有間裝修得好新浄嘅車仔麵鋪頭 咁就去咗小試牛刀。 原來小店啱啱起步，裝修得好靚，好有日本嘅味道。 餐廳啲侍應服務態度都好好 而且睇落都好乾淨。 本人好中意食豬腸 所以就試吓呢度嘅豬腸 加左豬皮同魚皮餃。 首先講吓湯底，湯底好濃郁而且啲米粉煮得啱啱好 都幾爽口 魚皮餃大大粒入面啲料好鬼足 豬腸嘅份量都幾多 而且滷水十分入味。 加上上菜嘅時間都好快 成碗野熱辣辣 真係唔錯。唔單止咁而且仲送熱飲 咁就買咗杯熱奶茶 奶茶尚算可以 正常茶餐廳水準 最後埋單＄42 價錢都可以接受。 見到餐牌上面仲有唔同嘅小食 款款都好有特色 相信下次幫襯可以再試多啲!

今夜麵癮起，突然想吃碗麵，想起早前經過附近，這店正在試業，就來了。晚上十點半到，人不過四五，裝修簡單直接，也沒有音樂背景。也對，這就是給吃麵的地方，本來就如此。本以為只有餐點連飲品的，原來可以免飲品而加一餸，正合我意。麵下單，又追加了炸花枝丸。不到五分鐘就上餐了，先嚐湯頭，中午味道對了，有腩汁和煮蘿蔔的水，當中又沒下味精，精神一振。再試小辣的辣醬，有豆豉，蝦干，辣椒爆炒，味鮮留香，此醬成本高，現在還是起步階段，可免費加點，但見將來可能要收費才可維持成本了。辣醬魷魚，魷魚入味爽口，只是掛汁不足，未夠惹味。牛腩，軟硬適中，沒有細碎，只嫌汁水收不到夠味。滷水雞翼，沒有浸煮到過火，算是不錯，但同樣是味道不足，滷水料不夠香濃。小食的花枝丸，外皮香脆，再包上輕薄的椒鹽，不錯的小食。整體而言，附近不錯的車仔麵，值得再回來。餸的味道調得不足，單食味道夠時放湯就淡了。要好好努力，希望能保持下去。好吃不過一碗麵。滿足。

公司附近開咗間新車仔麵，以前隔離間車仔麵執咗笠之後。都有一段時間冇喺呢頭食過車仔麵。見佢門面好似OK，就入去試吓。一入到去，都幾乾淨企理。啲姐姐件制服幾靚😝。咁我就叫咗三餸嘅面。豬皮同豬腸係我食車仔麵必食既膽。仲見到個醬汁魷魚好似幾特別，就叫左呢三個餸。碗麵一嚟到試吓個湯底先，一飲落去又幾好wo， 清清甜甜，仲有藥材味，應該係淆出嚟。講番三個餸先，豬皮同豬腸夠入味。豬皮相對爽口，不過豬腸可以再有咬口D，但我又幾鍾意豬腸個滷水汁。醬汁魷魚小小辣，唔太大舊，幾易咬。總括嚟講，車仔麵來說，係中上水準。一定會再嚟encore ，試下其他餸。

見到有新食店，望落環境唔錯又抵食，就入去試試。食店有啲似日式拉麵店feel， 環境整潔又坐得舒服~ 叫咗車仔麵同小食，車仔麵湯底唔錯，腩汁幾惹味 同埋有好多餸可以揀，最驚喜係車仔麵竟然有溏心蛋 點咗啲餸都好味，蘿蔔清甜冇苦味，芝士腸有香濃的芝士味，魚蛋爽口，魚皮餃都ok。小食方面，滷水拼盤幾入味 豆腐好食，豬耳如果再爽啲就好喇~ 見到隔離枱個炸花枝丸好似幾吸引咁，忍唔住加多個小食，估唔到炸花枝丸咁正，好香又大粒 下次嚟開依頭再嚟試下先~