阿德廚坊 (已結業)

真係估唔到呢間餐廳咁大間,平日夜晚都可以坐滿咁滯.坐低睇個餐牌,見有廚師推介之一係沙拉骨,雖然要成$46,都姑且一試.上到檯好大碟,"沙拉骨"好多,但食落去"啖啖肉"完全唔似沙拉骨,全部都係沙拉肉!至於另外叫個馬來咖喱斑腩飯,咖喱唔係好夠味,斑腩有點硬,飯亦比較硬,要成$40,雖然有湯及飲品,但感覺唔係好抵.見到其他人都係食小菜同蒸魚,唔通呢度只係得呢啲好食?

行了一整天紅磡, 決定不在黃埔花園入面吃, 在外圍找到這間阿德, 好顯眼, 行左已經一陣唔想再周圍搵, 門口個牌都係sell 扒, okok, 就入去.坐下已有一熱茶一凍水給我們兩人, 侍應都幾肯應人, 睇睇餐牌原來有小菜叫, 周圍望望好多人都叫小菜, 又唔係貴, 所以照叫....... 兩個人頂盡都係叫兩個送 (v_v), 揀左京都肉排同豆鼓鯪魚油麥菜.先來碗例湯 - 合掌瓜, 夠味唔多味精, 唔錯. 本來對d送都冇什期望, 但來到食落又幾好味, 京都肉排個汁小小酸又唔太淡, 味夠之餘又唔咸, 肉排幾腍, 少肥肉, 藉得推介豆鼓鯪魚油麥菜標準水準, 可以一吃總的來說不錯, 肉排惹味, 湯送同飯都熱辣辣, 另加一杯凍檸茶埋單唔駛100, 抵!

就算係平$22，都要食到先得。個炒公仔麵又硬又凍，炒上海麵用烏冬炒，好似數，但我唔食烏冬麵嫁！珍寶腸沙律好D，淨係條腸炸到『皮爆肉乾』，起碼沙律無事！服務算ok啦，起碼無人理你。埋單72蚊。算了！

叫牛肉飯,返轉頭問你2次係咪牛肉飯答左係點知再轉頭話無牛肉飯得小菜先有我睇小菜先38佢夠膽死收48!!!!!!!!!!!當我傻架????黎到牛肉都唔多片!!!!!!我叫套餐就計我杯飲品係散叫!!!!!仲要收加一!?你比過咩服務我???收我60幾蚊??黑店中既黑店呀!!!!明明餐牌寫38,就去到收48!!!冇牛肉飯你又寫係牌到!?食物收48蚊,但係比既野連大家樂既茶餐都不如!!可樂收十蚊!!一杯牛肉只有5片牛肉!!大量既菜!!好過份!!

好一段時間冇來呢度幫襯, 今日來了吃下午茶. 點了蒜蓉雞扒意粉, 份量不少, 但食起來完全冇蒜蓉味, 雞扒又煎得過火, 部份雞扒煎"隆" 左, 好硬, 食唔到. 意粉上碟時被剪到碎濕濕, 表面雖然紅紅橙橙的好似用茄汁炒過, 但實際係完全冇茄汁味, 重好淋添!! 侍應的態度都係唔得, 連餐牌都未睇就叫你落單, 唔夠一分鐘又行過來叫你落單, 態度又好晦氣.....貼錢買難受, 以後都係唔來啦!

我在紅磡工作已七年，頭幾年係經常到阿德廚坊食lunch的，每次去到都已係下午茶時段，每次都係order扎肉米多蔥+凍檸茶少甜d蔥好特別，其實係蔥油，咸咸地好好味佢地d curry都唔錯，尤其係牛腩食開有感情吧，服務態度不錯

無咩好寫~只做個簡報~椒鹽骨: 唔掂~味道唔夠~份量唔多~豬扒又唔靚~焗鮮茄雞扒意粉: 一塊雞扒~少~意粉唔好味~茄汁唔夠~要另加~!食左接近一百蚊~唔推薦~

又是孤身由碼頭漫步到尖咀，胡亂走一遭見到這所門面算企理的阿德廚坊、說是台灣料理，主打的卻像是扒餐！？雖然人流不算暢旺，還有三分一的空位，但見價值挺化算，又不收加一，於是放膽一試。叫了個自選鐵板雙併套餐，選了怪兮兮的配搭：薄牛柳配龍脷扒。環境裝潢尚算四正，人少少坐得舒服，所以亦見到一枱四人老外在飲酒言歡。餸菜方面。。。羅宋湯：一字記之曰咸，鹽太多，難以下嚥薯：還可以，幾有口感菜：一般燒汁：尚可龍脷：比相像中好牛柳：不薄但份量亦不大，口感還是有的以這個價錢來說還是挺划算 PS....下次找些真的台灣菜試試看

上星期上完廣州坐城際通返到香港，響紅磡落車時間剛剛好又黎阿德嘆下午茶咖哩雞扒飯。點解又係咖哩雞扒飯？因為佢所有下午茶餐無論三文治抑或粉麵加杯飲品都係賣同一個價錢二十五蚊，所以食飯係最抵嘅！點解又係咖哩雞扒飯？汁多飯少多又好味，個咖哩汁校到剛剛好，飯少唔怕食滯唔怕肥又唔會食唔哂浪費，塊雞扒醃夠味仲要煎到外皮有少少燶，香脆惹味。咁大碟飯咁大塊雞扒（留意照片中雞扒同隻碟的比例）加埋杯飲品先賣廿五蚊，冇介紹錯喇掛？

難得放孖day 唔訓到中午真係對唔住自己 起身再做下家務 都下午茶時間了 拉老公搵食先 呵呵星期日搵d平平地下午茶食下先 多數都來阿德食野 22蚊 有飯 有湯麵 有多士 @@ 都算多野食 雖然假日要加一 不過係我心目中星期日呢個價錢算係ok囉!! 坐低叫野食loo~~ 老公次次都叫黑椒汁鷄扒飯 因為真係好好好大碟 鷄扒有兩至3塊 不過個人應為x左少少 d鷄醃得好咸 d汁都係 所以撈飯還可以 我今次叫乾炒牛河 炒得唔算好油 個顏色又炒得幾令 不過就無咩咸味 = = 同老公個飯相反 都係大大碟 個人來講一個女仔真係食唔完 凍飲 + 2蚊 特飲 + 5蚊 飲品我多數叫小甜 因為我覺得佢沖得太甜喇 都ookk既 平平地算唔錯 直得大家可以試下 ^^

既然住得近,不妨試吓呢間餐館,呢度環境幾好夠多位,不過當日晚餐坐得太近門口的卡位,好熱不舒服.食物方面,叫了:咖喱豬扒with rice +中湯+drinks: 咖喱不太夠熱, 中湯冇味啨,不俗&鐵板(牛眼扒&豬眼扒)+soup+drinks:本來不想吃鐵板, 但見鄰座order了又幾吸引, 覺得豬眼扒比豬扒好吃,肉質好腍, 薯條炸得幾香but 非常熱氣整體有些失望,因為吃過呢度的早餐&下午茶幾好,但dinner 就較遜色

唔會再尼食上星期晚餐尼雙拼鐵板餐 好似42蚊叫左個牛肉眼拼西冷D刀叉成條菜痴係度都夠膽死比人用!!!牛肉眼同西冷都非常之韌我唔知佢有咩秘訣可以煮到咁韌牛肉眼似擦膠,西冷似砂膠唔通呢d就係傳說中ge十成熟?!肉味亦不好我去大家樂食果個鐵板餐都好過呢間100倍叫人點食??!!唯一我覺得幾好既係d薯條

下午茶係最抵食加埋野飲都係廿幾蚊推介咖哩雞扒/豬扒火腿飯咖哩味好濃以前都會食扎肉/雞翼凍濛不過近來食過一次D汁好淡dinner都食過但只係一般

兩星期前約了朋友兩個人來阿德廚房試原本我是想食西餐，因為太抵啦~而且我見都好多人叫西餐，好似40--50元，就有一個set，真係好想食，而且自己又不是常常食可惜，我的朋友話想食中餐所以我們就選擇了中餐，三個送，它每個送都會有一碗飯和一碗湯附設菠蘿菇魯肉--------不好食，d肉好粉，炸得不夠香口，只是d汁比較好食粟米斑塊---------這個好好食，d汁又夠多，我只是靠這些汁都可以食到好多飯，炸得好好雜菜煲--------這個都不錯，叫這個是因為想食d菜，煲都有好多料，和出面食到的都差不多湯是西洋菜湯-----我又覺得沒有太多味精，因我不太覺得口渴，所以都ok不過，如果他一早說想食這些菜，我會和他一起去大排檔，會更有風味一d~當然環境就不會太好，所以阿德廚房都不錯。

推介此店的下午茶咖哩雞扒飯連熱飲只係廿一蚊！我上個禮拜先食過黎。除左抵食仲要係好食！雞扒醃過絕對夠味，煎完就上碟入口係熱同香脆的！咖哩汁都好味。呢個價錢出面幾乎冇可能食到相同水準，有都只會係乾硬鞋口冰冷重雪櫃味唔夠熟雞扒！