阿翁小館

營業中

休息中

A more refine Cantonese cuisine in Tin Hau, nestled in the basement of Nina Hotel. 1) Deep fried minced dace fish wrapped with seaweed 蒜香紫菜鯪魚卷 $100. A creative way to serve dace fish, very tasty 👍🏻 2) Pan fried spicy squid with shrimp paste 百花椒鹽吊片 $320. Very nice chewy texture but a little too salty…3) Braised bamboo fungus with beancurd 竹笙紅燒豆腐 $198. Very well prepared dish, great vegetarian dish . 4) Deep fried crispy chicken 脆皮炸子. The most popular dish in Ah Yung. Crispy skin with juicy meat 👍

無得出外旅行，要安排放年假，唯一最大娛樂，就係食，輪到此處。 蒜香紫菜鲮魚卷$100，肉綿滑，無質感，機攪？形像如意卷，味一般，紫莱薄，認真才味到紫菜香，炸蒜灑面夠香，肉薄，厚身會口感好些，不知有沒有陳皮？ 叉燒酥$58，飽滿，义肉小片，不碎，有肉味，洋葱粒，見形，不太甜，餡飽滿，外皮不厚，無生油或牛油味。 鲍魚酥@88，估唔到又大隻又厚身以點心計，發亮油潤，啡珍珠，海鮮及海味味，慢慢嘴嚼，絲絲入扣，回味無窮，又好食過鲍一樓及駿景軒，令人難以忘記，珍珠菇有香菌，原粒光澤。 冰糊野米鲛$58，紅米軟糯，米香，皮雪白又彈，白莎披彩點。 食評讚荷葉飯有質素，餐牌找不到，唯有找其姊妹～瑤柱糯珍珠雞$68，在一般酒樓，蒸耐咗，腍咗濕得濟就塌咗，此隻米原粒清淅，米香噴噴及荷葉飄香，醬汁不多，但足夠，不張糊，餡料足品質高：蛋黃瑤柱，豬肉，蝦，冬菇齊全。 蛋黃蓮蓉包$42，一早上枱就义開要影相，食時凍咗，蛋黄就實咗，好彩其餘2隻保持餘温，大蛋黃油潤，蓮蓉絲滑。 冷氣好勁，坐久唔得，最尾部升降機才到達，老人家要留意！

好耐冇食好食既中菜~今日難得同長輩聚餐，揀左呢間位於天后站對出NINA HOTEL既中餐廳飲茶☺️開得係酒店嘅茶樓當然裝修一定唔錯，而且服務到位，環境非常新淨企理。預先book定位，無論係中意食點心or食小菜都可以任你揀。今次兩樣都有試，食物水準真係幾高，基本上每一道菜都好食，中伏率係零😆雖然比起出面飲茶每個點心小菜都貴足兩三倍，但道道都食得出有特色，貴有貴道理！未上菜之前，就有個送既中湯俾你潤下喉先，今次係青紅蘿蔔湯，味道幾濃，有屋企煲出黎足料又冇味精既感覺，好飲。點心方面，叫左以下既食物☺️叉燒酥: 好鬆化!!好鬆化!!好鬆化!!呢個叉燒酥真係好出色，每碟得兩件，但個酥皮真係又熱又香，唔油得來又入口即溶！入面叉燒好足料，比例岩岩好！有機會必試！豉椒金錢肚: 好大舊好厚好肥美既牛肚☺️☺️唔太辣又唔太咸，而且又唔會出貓擺啲白蘿蔔墊底🤣大大舊有五舊，又淋，有濃厚既脂肪味又一啲筋同渣都冇，好食!!沙薑雞腳: 中意食雞腳既人士必點！因為佢真係整得好嫩好淋。入口果下係會覺得個雞皮好軟懦，唔會好似泰式鳳爪咁硬同爽，但食到中間又係爽爽地咁，點多少少沙薑食仲好味🥰🥰叉燒餐包: 餐包好靚仔，個皮好薄啊，食哂

天后區有很多食肆，但高級中菜並不多，所以亞翁小館非常旺場。我們買過外賣，第一次和家人堂食，點了小菜和點心，一般水準都很高，而且服務殷勤，難怪訂枱有點困難。點心走傳統路線，有叉燒包，腸粉，蝦餃燒賣，牛肉等等。其中牛肉燒賣，非常出色，可以一試。小菜方面，我們點了炸子雞，生煎薑蔥雞，麗湖鴨煲，乾燒餘韻，最有驚喜是生煎薑蔥雞，有鑊氣，皮脆肉嫩，正！連甜品也很足料，杏仁茶，合桃露，和咋喳都很出色。由於地點方便，是一家大小飲茶吃飯的好地方。

因為信用卡優惠，就去食呢間餐廳，尤其話係阿翁鮑魚嘅young brand，就更期待了個湯個味幾好，清清地（但唔記得影相）吉品鮑魚鵝掌，個鮑魚同鵝掌真係好入味頭腩炆得入味亦新鮮，腩肉唔鹹，蒜子都好味鹽香雞，用的是新界雞，雞肉嫩滑，好少可地清曬！荷葉飯，飯粒比較乾，但有荷葉香杏仁茶，唔太甜，就算怕肥人士都無有怕核桃酥係自家做的，鬆化得黎，又香d食物真係交足貨，大家有恆生卡真係不妨試試

上星期日，帶媽咪到這家出名食鮑魚的餐廳提早慶祝母親節！點左這個經典名菜套餐，好抵食，有30頭吉品鮑魚、魚翅、燕窩，還加了一條遼參給媽咪補補，也要好好讚讚服務員十分殷勤解釋菜單、換碟、加茶...everything is perfect and mom is very satisfied!!! Yeah菜式：30頭吉品鮑魚扣鵝掌—> 鮑魚癡刀原條關東遼參—>充滿骨膠原清灼唐生菜膽—>解膩紅燒砂鍋包翅—>感覺有兩排翅，很足料生炇斑頭腩—>砂鍋滾住上招牌脆皮雞—>皮脆、肉甜，果然是招牌菜脆柱蔥花炒飯—>瑤柱香味撲鼻杏汁燉燕窩—>糖水分開上，可以按自己的喜好調味，挺好的美點雙輝—>不會太甜，好健康

今日約咗屋企人飲茶，去咗老爺奶奶最鍾意嘅阿翁。阿翁燒賣係我so far食過最好味的燒賣，食材唔止有豬肉、蝦、仲有香菇。豬肉非常新鮮，蝦又爽，冬菇味濃，一食入口完全可以感受到廚師嘅心思，係我哋每次去飲茶一定要叫嘅點心之一。雞扎係我最鍾意嘅點心，呢度做得非常出色，所有材料又新鮮又入味！雞腳炆得又香又林，老公好鍾意！金錢肚及蘿蔔糕都做得好好。整體來講，阿翁嘅點心樣樣都做得好精緻美味、呢度嘅賣點之一係服務非常好，職員個個都好attentive。不過，令我覺得最驚喜嘅反而係呢度嘅紅豆沙，煮得好棉、又香陳皮味，下次再嚟飲茶一定要食！

一行七人到這𥚃食某信用卡優惠套餐 $688/位。蟹肉竹笙燴花膠，料頭很多，清清地。吉品鮑鵝掌併生菜，鮑魚炆得時間啱啱好，鵝掌入口即溶。生炆班頭腩，份量大，頭腩很新鮮，豆腐、蔥段、火腩、蒜子，全部都很出色。鹽香雞，雞皮煎香加大量蔥粒，雞肉又嫩口。迷你荷葉飯，飯粒比較乾。旦白杏仁茶，一貫的出色，不太甜。合桃酥微暖鬆化，馬豆糕就一般。加了一碟羅漢齋炒麵，好多料，但個麵炸得略為過左火位。埋單 $6000/7位。

上次系上面嘅試過 corner 18 的自助晚餐，今次一行六人到地窂這裡食晚飯。預計了鹽焗雞1隻，附雞肝及腎，隻雞頗見食，淡淡的鹽焗味，肝及腎處理得好乾凈沒有異味，幾好食。海哲手撕雞，夠冰凍但雞肉略為少左d。豉油皇煎蝦，一客有6隻，隻蝦好新鮮，煎到脆卜卜，好惹味。土魷煎肉餅，很扎實和很有家的味道。翡翠雲腿帶子，這個沒有試，但份量比較細。雜菜煲，清清地的沒甚麼特別。羅漢齋炒麵，因為看見隔離枱叫了賣相吾錯，所以便跟著叫了一碟，羅漢齋很多，個麵煎過略為脆口，吾錯。阿翁炒飯，乾身粒粒分明，幾好。炒飯和炒麵份量相當大。送了旦白杏仁茶，淡淡杏仁香，合桃露真材實料。整體來說，十分不錯，埋單$2600/6位，可以再去。提外話，待應都相當有禮，換碟也頻，另外許冠文也在鄰桌晚飯。

晚餐時間到..服務員們友善哋介紹一下，便來個美食宴；蟹肉竹笙燴花膠，湯底清澈入口濃香的。紅燒砂鍋包翅，上枱的鍋還熱辣辣， 湯底濃郁不太咸而吃得到翅的鮮味啊。三十頭特選吉品伴著清灼唐生菜膽，鮑魚炆煮外面軟軟內裡煙韌， 每啖咬出海味。蒜香生劏升上班頭腩，煱爆香蔥與班頭腩， 好很嘢味的，脆皮炸雞，切件雞們皮脆肉哋含汁不太肥不乾瘦。迷你鮮荷葉飯， 蒸飯粒們整整被荷葉味蓋著， 粒粒分明香味十足。燉杏仁燕窩， 附上糖水另上，自加甜味， 杏汁豐富帶濃。與美點雙輝及白酒louis latour chablis..

讚：1. 環境舒服，唔似其他貴價粵菜館咁大壓力2. 四寶好味！咁多年都保持高水準，鵝掌入味又厚肉，花膠滑溜，鮑魚好有溏心；炒飯好好味，乾爽有飯香，炒功好；煎餅好足料彈：1. 服務麻麻，倒酒係要客自己郁手，唔緊要，咁你就唔好擺咁遠，我行去諗住拿起自己倒，啲侍應又跑過黎幫我倒咁，搞到我唔知點咁2. 咖哩牛腩唔夠香，大魚頭好足料但醬汁味淡價錢真心係一線級別，食一次就唔會後悔，再黎就真係要度度原因啦，因為佢又無乜邊樣野特別令人記得

和P先生之前不久才吃過阿翁親自處理的鮑魚和花膠， 實在念念不忘。一路都說想有機會想再去吃，點知，皇天不負有心人，好友C小姐約我同P先生食飯，地點竟然是阿翁的另一間新餐廳，阿翁小館。這間餐廳之前位於天后如心銅鑼灣海景酒店裡面，前排有好多好多的新聞宣傳過，也不多介紹了。不過，今次嘅地方更加舒適，喺酒店嘅大堂行落去就係，酒店又位於地鐵站對面，地點應該係最方便嘅。三個人吃晚飯，約七點半，七點半大家都到齊，立即開動。少人食飯，有少人嘅好處，亦都有少人嘅唔好處，好處係成晚話題集中，暢所欲言，冇小圈子自己傾自己。但叫餸食飯就有難度，吃不多太多東西是真的。不過，C小姐發辦，我當然不用擔心，先吃一個阿翁四寶，吃盡阿翁的名菜，35頭皇冠吉鮑，花膠，北海道關東遼參，鮑汁鵝掌，基本上完全係一個高檔拼盤，特別好似我哋咁少人又想試多幾樣最啱。35頭皇冠吉鮑的腍身，吸盡芡汁的味道， 是這四寶的靈魂，當然花膠骨膠原的美味，還有爽口有彈性的遼參，加上那個入口像化骨棉掌的鵝掌，又點會唔滿足。本身想叫個白飯送咁高級嘅珍饈百味，不過，C小姐點了遠近馳名的阿翁炒飯，那麼便放過那芡汁吧。方魚炒芥蘭，簡單到不行，但方魚的香喺每條芥

位於如心銅鑼灣海景酒店，其實更近天后地鐵站，一出地面，過對面馬路便是，非常就腳，而酒店內的「阿翁小館」，地方整潔明亮，座位間闊落，感覺舒適，今次就跟兩位好友靜靜地來個私局。翻開菜牌，基本上以粵菜為主，當然，主打的必然是鮑魚。阿翁四寶（$850） 可以話一次過品嚐菜館的名物。 35頭吉品鮑 鮑魚中的上佳品種，柔韌而富彈性，肉質緊緻細味，鮑魚獨特的味道凝聚，令人回味。北海道關東遼參 浸泡得啱啱好，滑溜又有骨膠原，對女性非常滋補，鮑汁扣得入味，正。花膠及鮑汁鵝掌 同樣是女性恩物的花膠，肥大肉厚，充滿了彈性，真係要用刀叉享受；至於鵝掌炆得軟稔，好想用黎送啤酒。香煎家鄉藕餅（$168） 同行朋友摯愛，每次必食，蓮藕切條，但不失脆口，混和了豬肉煎香，肉香夾雜爽脆口感，又是白飯良伴。陳皮蒸牛肉餅（$168） 很奇怪，用刀刴跟用機器絞碎，在口感上能完全呈現出來，雖然連加一要差不多兩百個大洋，但食落口感鬆軟，在肉香中夾有淡淡的陳皮果香，尤其是醬油調教出色，鹹甜的平衡做的好好，用來送白飯一流。香蔥花蟹炆冬瓜（$350） 冬瓜炆得夠稔，而且花蟹汁都滲入冬瓜內，變得非常惹

前年「阿翁鮑魚」（富豪酒家）銅鑼灣店結業，曾令不少心痛婉惜；最近如心銅鑼灣海景酒店卻與多年獲頒米芝蓮星級食府之主理人「阿翁」翁仰光先生合作，強勢推出年輕優雅版的 阿翁小館，憑其非凡實力，誓要成為港島新名人飯堂！本週天氣一直不好，但一想到美味的阿翁鮑魚及更多招牌菜式，嘴角就忍不住上揚了！如心銅鑼灣海景酒店靠近天后站，交通十分方便，而位於地下低層的 阿翁小館 清麗雅緻得來不失氣派，當晚更有幸見到翁生在監督視察，自然對出品更有信心！趁著人未齊，先點些小菜開心分享吧：好喜歡這味 泡生曬吊片 $220，調味不重反而更吃出魷魚原有的鮮美，口感又彈滑爽嫩，簡單得來超好吃。另一香口美味小吃是 蒜香紫菜鯪魚卷 $100，鯪魚卷被包上紫菜，再襯以炸蒜真是香口不得了，要用強大念力控制自己不要多吃呢！愛吃藕餅嗎？那必點這裡的 香口菜煎炸家鄉藕餅 $168，蓮藕細心切成小條，藕肉比例又完美，每口都有肉香及藕條爽脆，最難得是香脆得來而丁點不油不膩，一件過後還意猶未盡！這裡的 咖喱脆皮牛腩 $300 也是超精彩名物！半肥瘦的牛腩本已肉味香濃，外層的脆漿輕脆不膩如無物，淨食已經很美味，點上香濃曼妙的咖哩汁，更是令人胃

約十年前，當時在中資機構打工，經常須要出席應酬飯局，好西吃過不少，鮑魚肯肯定是其中之一。當然不是罐頭鮑，而是隻隻矜貴的乾鮑。吉品、禾麻…自從離開了那公司後，也真的甚少吃鮑魚了，然而我對鮑魚的鍾情度，絲毫沒有退卻。阿翁小館在如心銅鑼灣海景酒店新開業，筆者又再有機會與吉品再續前緣。       每次來這類地方，都懶去諗食乜，不是吃套餐，就是由店員推介。是晚便要了套餐。此餐有翅或湯選擇，早已與魚翅斷絕來往的我們，均揀了蟹肉竹笙花膠湯。湯品是足料的，這點從不用懷疑。接著來就是鮑魚了，我們另加了鵝掌。鮑魚是30頭的吉品，最喜歡其像元寶的形狀。是夜之鮑魚，炆得軟腍，絕對係溏心，味道濃郁。鵝掌爽口而豐腴，索盡鮑汁之精華，很入味。四位便可有一隻炸子雞，或燒乳鴿。我哋八條友，剛好可以兩者兼得。炸子雞素來是阿翁的拿手好戲，這隻亦皮脆肉嫩帶油香，新鮮雞始終不同。燒乳鴿亦相當有水準，不讓炸子雞專美。比起許多乳鴿名店，更勝一籌。油泡斑球，採用了黃皮老虎，肉質自然好。連皮帶肉大啖大啖的吃，口感味道很讚，好滿足。阿翁的荷葉飯從沒令我失望過，鮮美芬芳，油水足，結合各種配料，我吃我一粒米不剩。美點雙輝之中，鬆脆香口