阿里山台式美人鍋 (已結業)

天氣凍冰冰 最好就係打邊爐 今日同班同事放咗工之後黎到位於佐敦既阿里山台式美人鍋 享用豐富嘅宵夜特價時段下午5時至7時半可享六折優惠宵夜特價時段下午九時至凌晨二時阿里山台式美人鍋營業時間 星期一至日 下午五時至凌晨2時餐廳風格裝修得古色古香 設有木屏障及掛有紅燈籠 猶如置身古代一樣 店內設有卡位 亦有大圓枱 適合三五知己同時也可以大夥兒聚餐嘅好地方醬料及茶價每位20蚊 前菜小食10蚊 另須加一服務費有六種湯底選擇 包括桃膠美人鍋，台式麻辣鍋，酸菜白肉鍋，胡椒豬肚雞鍋，台式三杯雞鍋半隻/一隻今晚我哋揀咗餐廳嘅招牌桃膠美人鍋湯底$188 湯底補而不燥 有大量藥材 一隻烏雞及桃膠湯底清澈但味道濃沃 烏雞嘅鮮甜及藥材嘅獨特味道 非常配合 仲有龍眼肉同桃膠 養顏又補身 飲完之後成個人暖笠笠鹵水大腸$88非常地道嘅台灣小食 大腸滷得非常入味 入口煙韌彈牙 配上白醋一起吃 完全不油膩鹽酥雞粒$68沒有雞骨的雞肉塊 啖啖肉 熱辣辣 好香口外皮炸得酥脆 內裏肉汁豐富 食到粒粒鹽巴 味道層次豐富飲完個湯之後 食埋餐前小食 就瘋狂打邊爐啦 我哋叫到一枱都係嘢食 埋單價只需$1290 確實化算 價錢便宜 食物

2018即將完結，揀左間新野試下，一試有驚喜，呢間位於上海街嘅阿里山美人鍋，係上次我同朋友行去官涌街市途中已經留意到，然後話要一齊試下嘅。餐廳面積就唔算話好大，記得預約，雖然新，但已經有唔少人認知。座位方面有卡位，大圓枱，店員服務非常好，印象分已經唔錯。首先睇左餐牌，呢度主打台式火鍋，湯底方面有非常滋補嘅美人鍋，仲有麻辣鍋、酸菜白肉鍋、胡椒豬肚雞鍋、三杯雞鍋，價錢係128-268，部分可以雙拼，加30蚊，鍋底真心讚，非常足料，淨係食個鍋底都抵。我地點左雙拼：酸菜白肉鍋、麻辣鍋少辣($158)，酸菜白肉鍋勁多料，除左醃過嘅大白菜、五花腩，仲有蕃茄、粟米，酸度十足，啱啱好開胃，而且裡面仲有寬粉，足料！而麻辣鍋簡直係我至愛，點左少辣，好溫和，用好多材料再加藥材製成，見到紅棗、龍眼等，真係好香，帶少少麻嘅啫，唔會好辣，同四川火鍋好唔同。鍋底中已經有鴨血，滑嫩到不得了。而且仲可以免費追加多一客，真係抵配料方面我地點左少量，由於鍋底太出色，都令配料好好食。貴妃蚌每隻$48，大隻新鮮爽口。我地打邊爐就必點炸厚切午餐肉，即炸白豬仔，出色，香脆。鹹蛋黃蝦丸好大粒，半份$48，蝦肉味明顯，但佢地唔係好起膠

自從喺台灣食過酸菜白肉鍋之後，一直念念不忘，香港唔係太多地方有得食，得知佐敦有間火鍋店有得食，加上天氣又凍，唔使諗咁多，即刻出發。呢間叫阿里山美人鍋，位於佐敦嘅庇利金街，如果坐港鐵，就喺C2出口直行3分鐘就到，都幾方便。店舖位於2樓，特式裝潢，有大圓枱同埋四人卡座，寬淌闊落，同朋友聚會不錯選。呢度主打有幾個台式鍋底，包括美人鍋、台式麻辣鍋、酸菜白肉鍋同埋三杯雞鍋。今日我地點左麻辣同埋酸菜白肉鍋嘅鴛鴦鍋，本身單款$128，鴛鴦則加30，即係$158麻辣我地點左小辣，鍋底加油蜜棗龍眼乾令到個鍋底辣得來比較順和， 好容易入口，辣得來好香好上癮，就算直接飲用都可以。仲有豆腐同鴨血，豆腐索晒啲汁，好入味。鴨血則好香好滑，連食幾件，停唔到手酸菜白肉鍋嘅湯料都唔少有，腩肉薄片、好多酸菜、粟米、蕃茄同埋寬粉，未到酸得來唔會太嗆，直接飲用好醒胃，忍不住一啖又一啖，大愛，整個湯底嘅料食晒其實都幾滿足。配料方面有海鮮，牛肉同一般火鍋配料都有齊，我地點左貴妃蚌，手打鹹蛋蝦丸，墨魚丸，水餃，菜心苗同埋豆卜，仲有即炸厚切午餐肉非常豐富。貴妃旁夠新鮮爽口，鹹蛋蝦丸嘅鹹蛋夠大粒，唔算彈牙但有蝦味，水餃大小適中，饀料多

呢間同養心殿好似優惠時段亦都係一樣早段六折九點後七折今次食桃膠美人鍋同台式麻辣鍋個鍋比一般火鍋餐廳大成餐飯都冇加過湯湯底材料豐富 美人鍋有半隻竹絲雞麻辣湯仲可以飲得 額外再送多碗鴨血火鍋配料選擇唔算多 牛肉肉味濃但係唔知點解好散夾一塊可以分開3片😮😮推介新鮮炸響鈴海中蝦同台式貢丸老闆推介麻辣湯入面加芝麻湯圓食落去覺得好得意 又咸又甜飯後嘅生果係石榴 石榴上面落咗啲話梅粉😍😍😍好新穎嘅食法原來咁樣嘅配搭係超好食👍🏻

天氣又開始凍 又係時候約一班朋友去打邊爐今日朋友就帶左我黎油麻地既依間阿里山台式美人鍋一黎到就哇左一聲 因為估佢唔到門口細細但上到去裝修都幾靚咖喎一坐低就有啲花生小食食住先~豉油配料自己搞~食住再睇menu湯底都有好幾個選擇 我地就簡左酸菜白肉鍋($128)會連多碟白肉一齊上既~個湯估佢唔到夠酸得黎超級開胃 正呀而且湯入面本身都已經有好多配料 栗米呀薯粉都有跟住就緊係叫野食啦首先就叫左個餐前小食~ 滷水拼盤($128)份量超級大 豆腐又好味又夠林 但唔會容易碎湯滾緊既同時 啲野食都開始黎自家製鳳城水餃(半份$45) 超級好食 個皮夠薄~墨魚滑($88)鮮炸響鈴卷($58)依個真係要特別講下 雖然等得有少少耐但佢真係即炸再拎出黎比我地既所以係非常脆同新鮮咖~炸厚切午餐肉($58)一樣都係即炸出黎 加埋酸菜湯好正~日本菠菜($78) 日本蘿蔔($68)超級大既份量~蘿蔔一開始既時候就比我地落曬落去浸到啲酸菜湯入曬味既時候真係好好食甜栗米($48) 又係份量勁多安格斯肉眼肥牛($188)價錢唔貴但雪花個啲都分佈得幾靚而且牛味超級重~好多野食好滿足呀~~~最尾食完曬埋單既時候估佢唔到仲有生果盤

雖然尼間美人鍋個地址係油麻地，不過係西鐵柯士甸站 / 佐敦地鐵站C2出口出都係行差唔多5分鐘就到，非常之咁方便！尼間鋪頭門面唔大，不過行上兩層樓梯就到接待處，係大拆一餐之前做下運動，罪惡感冇咁重！嘻嘻尼間鋪裝修好古色古香，用古風間板間開大部份既位，位置都幾闊落。雖然價錢冇放題打邊爐咁平，不過大部份既野食都大碟，性價比高！同埋好彩張台都算大，放得晒D野食！個人最喜歡既係個酸菜白肉湯底，不但至有好多夠晒開胃既酸菜同白肉，仲有一大堆粟米同蕃茄添，好足料！最緊要係尼到唔會趕人，可以係到慢慢坐慢慢食到飽，岩曬成班朋友黎gathering！

和朋友聚餐，她book了呢間店。看到店名以為只有火鍋，但原來可以預訂吃私房菜幾方便，佐敦C2出口直行好快到！鋪頭係新裝修，環境唔錯！3個人食，每人三百蚊左右食海鮮+乳鴿！店員服務好好，上菜快！見我地食得慢會問之後的菜要不要上慢點。收碟同加茶水都快，吹水唔驚口喝仲又食又拎（食唔曬，拎走兩盒）

三人聚會，路過「阿里山」門口無怎麼裝潢，隨便一試台式火鍋無妨，入了大廳，似時光倒流，去了古代宮庭，清幽文雅，書鄉世代感覺，只欠粵戲演奏，伙記殷勤招待，介紹麻辣和招牌美人湯鍋，詳細說明配怎麼食品，有意想不到驚喜味道，食材新鮮才做到，本人挑選較喜歡吃，台灣水蓮，鴨血，手切肥牛，櫻桃滑鴨片，鹹蛋黃蝦丸，寬粉條，芝麻湯圓可以放在麻辣湯底吃，開心傾談不愁趕鴨趕時間，不同其它火鍋店，限時限刻，下次必定再來一聚。