陳儀興飯店 (崇齡街)

營業中

休息中

香港人除左喜愛粵菜之外，潮州菜亦係深受歡迎，自己就鐘意去D傳統潮州舖頭去品嘗不同的美食。今次叫左三菜一甜品，都係潮州菜必食之選。鹵水拼盆鹵水汁清香有層次，鵝肉最好食，味道細軟，唔會偏鹹，整體味道好好。凍食黃油烏頭魚肉嫩滑鮮味，完全沒有泥味，而且魚的黃油亦使到魚味更香，配合普寧豆醬，簡直係人間美食。鑊氣小炒王用到韮菜花、蝦乾、銀魚仔、腰果等簡單的材料，炒出黎則鹹香十足，而韮菜花做到爽口乾身，用來送啤酒確實冇得頂。潮州手工芋泥原本已經好飽，但真係忍唔住清哂成碟。芋泥軟腍，福果味道清甜，而且做到唔膩，同時甜度剛剛好。不知不覺就能吃完一大碗，實在罪惡感十足！

新蒲崗陳儀興飯店，平日夜晚都十分旺場，三五知己，開支啤酒，飲幾杯，再叫碟潮式滷水、炸蠔餅、小炒皇等等，好有氣氛，難怪咁多人喺門口等位啦。門口等位時，見到呢啲餸菜都流晒口水。潮式凍蟹！潮州菜必備嘅各種醬料。潮式滷水鵝片（$125）- 澄海獅頭鵝，啖啖肉，又有滷水香，送酒一流！凍食黃油烏頭（時價）- 我愛食啖啖肉嘅魚，魚肉有黃油架，呢個超推介！潮州蠔餅（$75）- 炸得酥脆，蠔仔大大隻，份量大到可以4-5人分享。福果芋泥，最後呢個甜品，芋泥非常綿滑，加上白果肉嘅少許回甘味，超鍾意呢個咁有特色嘅潮式甜品呢！

咁耐冇得返鄉下，好耐未食過正宗嘅潮州菜。上網見到人哋話呢間好似幾正宗，所以過嚟試吓。佢個鋪面就同普通大排檔差唔多，但係好細心地落晒膠幕。然後佢啲餐牌貼晒上牆嘅字句都好吸睛。好多出邊打冷冇得食嘅潮州菜，呢度都可以見到。潮州菜一定要試滷水鵝，滷水鵝件係有骨嘅，佢個滷水唔會太咸。而佢啲我肉唔會太肥，睇佢嗰層皮都知道呢隻鵝係瘦底，啱晒我呢啲太怕食肥膏嘅人。另外一樣一定要試嘅係蠔餅，佢個蠔餅都炸到脆卜卜，但係又唔會俾人感覺好熱氣。而且佢啲蠔仔都唔算少，每隔一夠都會有蠔仔喺入邊。另外仲有煎蓮藕餅，呢個蓮藕餅絕對係送酒推介。外層都係煎到脆卜卜，但係佢個味道比較濃，而中間都有粒粒蓮藕，口感幾豐富。最後試埋佢哋個潮州白粥，不過比起正宗潮州粥我嫌佢啲米煮到比較爛，可能因為係米嘅關係，食唔到潮洲白粥應有嘅米嘅香甜味。兩個人食三個餸已經好足夠，因為佢每一碟嘅份量都唔少，而呢個價錢我覺得都OK。

對上一次食潮州打冷已經係十幾年前個時仲讀緊中學幾個月前見到一條youtube片介紹呢間餐廳去開呢區探朋友，於是約佢黎打冷😂😂原來佢都幾多分店，不過好似係食唔同菜式今次我地2個人叫左四個餸滷水鵝件 鵝肉香 個汁夠入味啖啖肉鵝髀 正👍👍我唸係必叫蝦腸釀大腸我個人唔多好大腸朋友就話幾正😂😂我食左2件蝦膠 大腸由佢搞掂幾彈牙的點個汁幾夾煎蓮藕餅呢個爽口又彈牙 點個汁又係可以食成碗飯 唔錯唔錯 咬落索索聲😋😋😋鐵板啫啫通菜 夠火力 個蝦米好香👍👍👍師傅又幾後生，斬鵝夠功架👍👍個晚見老闆與食客都好好傾見到d潮州凍蟹好似好正下次多人食要試試😙😋😋😋😋

新蒲崗越來越多嘢食，位於大街小巷可找到不少傳統美食或餐廳，經常行過見到不少餐廳都係陳儀興，今晚一去探個究竟。原來係食潮州打冷，總共有三間店舖，但都坐無虛席。打冷必叫滷水，所以叫左個滷水鵝片拼盤，包括有滷水蛋、魷魚、紅腸、滷水腩肉、生腸頭和鴨腎，非常入味，第一次食生腸頭，超級夾口猶如海哲，還叫左水煮魚雲，配白飯，辣得來有點麻，非常開胃，配多兩碗飯都冇問題，魚雲好滑溜，配菜有牙菜、中芹，木耳，一大鍋份量十足，另一小菜係招牌蒜香排骨，炸得好香口，半肥瘦排骨充滿肉汁，撒上乾蒜更香脆。兩人叫左三樣小菜已經好夠食，餐牌仍有好多新鮮海鮮，避風塘菜式，潮洲菜式，四川風味等，非常多選擇，樣樣都好吸引，難怪高朋滿座。要試曬全部菜式，相信都需要好長時間。

今晚收工夜咗同事話想去食潮州打冷， 佢哋話一定要食老字號， 陳儀興飯店🍚我哋八點半去到過咗晚飯時間人流依然都係好多 不論係堂食定係外賣都有人～ 幸好我哋只係等咗 五分鐘就有位喇😗😗餐枱都好大張，唔迫， 一張大圓枱～店內的潮州打冷小菜 種類繁多，我望下牆上面嘅相， 就諗到食乜嘢啦～滷水拼盤， 鹵水汁香料十分濃郁， 有雞腎雞蛋 腸頭 紅腸墨魚片 等等蠔餅炸漿吾厚😗，好香脆！蠔仔夠多，新鮮油炸 脆卜卜，好大碟，好抵食！！！

今日同老婆係mikiki睇完戲，就去左新蒲崗老字號陳儀興打個冷滷水拼盤 $98呢碟滷水拼盤好豐富同抵食，入面有滷水蛋紅腸五花腩墨魚片豬大腸腎豬頭肉每樣都有6-7舊 個汁香料味濃郁 唔會好咸 墨魚片新鮮爽口 大腸林身又入味 五花腩唔算肥好多肉 必試首選滷水鵝片 $125有十幾舊薄切鵝片 好爽口入味同甘香 配埋滷水豆腐再點一點辣椒油一齊食簡直係係絕配潮式炸蝦棗 $98新鮮打起整成丸既蝦膠十分新鮮，薄薄的一層炸粉，咬落爽口彈牙，出面真係食唔到d咁既質素豉汁蒸白鱔 $118白鱔一食就知新鮮，爽口得黎又充滿油香，一碟有十幾舊，個汁配埋白飯就真係一流

同屋企人提起新蒲崗嘅打冷鋪，佢馬上就知道我講緊「陳儀興」！滷水鵝片🥢潮州菜當然唔少得滷水，鵝片厚薄油脂適中，肉質有彈性😋底下嘅滷水豆腐滑溜入味古法缽仔焗魚腸🍲好耐冇食過焗魚腸喇～～全因爲製作依道菜好花時間同功夫，越來越少地方有得食，魚油滲透蒸蛋，味道甘香，本身已經落咗薑癖味，怕腥可以再加胡椒粉🧂香煎沙尖魚🐟沙尖魚建議有兩種食法，一係就較傳統嘅做法用豆醬煮，一係就較新式嘅做法煎香再蘸豆醬，我哋揀咗後者沙尖魚煎得金黃香口，難得魚肉仍然夠滑，因為豆醬本身偏濃味，分開蘸醬可以自己控制份量，想食原味又得，想蘸醬惹味啲都得👍店舖屹立幾十年自然有佢嘅魅力😎

朋友介紹我到呢間新蒲崗50年老字號潮州菜館，可以食到超正宗潮州菜。我同朋友主要點左佢哋嘅人氣熱賣，我哋點左三個菜，一個甜品。食老字號潮州菜不可不點滷水鵝片😋😋滷水鵝肉鮮嫩，好入味，份量又足，十分抵食！椒鹽炒海蝦一想點已經聞到嗰陣鑊氣，唔係間間可以整到，盡顯師傅工架，海蝦鮮味又好大隻、仲要係椒鹽唔會蓋過蝦嘅味道。正。另外，我哋叫咗蒜蓉炒豆苗我哋選咗時令嘅豆苗，個人覺得豆苗炒得好滑，但略嫌豆苗稍為細碟，但整體講也十分不俗。最後我哋叫咗個甜點，係部長介紹嘅，蒸芋泥記得以前好似喺鄉下食過， 10分有風味，而家好少搵到家鄉食品而又做得好食，最緊要佢唔會太甜但係你又食到佢哋用新鮮芋頭整做，這個10分推介

潮洲打冷小菜相信好多人都好鐘意食我亦都唔例外可惜疫情關係，政府再一次禁6點後堂食本身約好左既飯局都要一一取消但都無阻我想食潮州菜既決心😂決定要外賣番屋企食🍽滷水鵝件一直都覺得要做有水準嘅滷水一定要色香味俱全其次就係用料今次鵝件切得厚薄適中亦都相當入味不過要挑剔嘅就係碎骨多咗少少🤏🏼🍽潮式炸蝦棗唔係淨係蝦膠仲加左馬蹄令到炸蝦棗更加爽口🍽潮式炸蠔餅蠔仔多到我都數唔到淨係覺得炸得好鬆脆又唔油膩💬如果有得即場食就更加好🤤

唔好以為我成日食日本菜、西餐咁就以為我唔鍾意傳統嘢wor~ 😁其實我好鍾意食潮州打冷㗎！講到食打冷出名，就梗係不得不提新蒲崗嘅✨陳儀興飯店啦！👍🏻呢間老字號紮根係小社區多年，唔止係區內出曬名，好多人仲專程揸車過嚟呢度幫襯ga！同2個朋友都約咗一段時間話要嚟呢度打冷，🙈不過限聚令下就要分枱坐了....當然無損我地食好西既決心😂餐牌上的小菜過百款，亦有海鮮同川菜，😜然後我哋都係order說好的潮州菜～ 起菜👇🏻胡椒豬肚湯🐷超足料！大量豬肚，配以豬肚、腐竹、鹹酸菜、鮮菇等配料，最正係胡椒夠多，呢幾日天氣凍返，飲完真係成個人暖晒！鵝粉肝配鹵水鵝件大家見到鵝粉肝都即刻😍心心眼！粉嫩軟滑、入口即溶果種感覺無得輸！鵝件肉香濃入味得黎唔係得個鹹字，正！潮式豆醬黃花魚🐟平時我係屋企一d都唔食煎魚同蒸魚.... 因為好怕腥，🙈就算新鮮買返嚟都硬係有d腥，但呢碟魚我真係爭住食😂 侍應叔叔話佢地做法係半煎煮，首先煎香咗d魚先，煎到金黃再加其他醬汁配料落鑊煮～ 食既時候蘸小小豆醬更加match!潮式炸蝦棗🦐潮州名菜之一！唔好以為佢係普通嘅炸蝦丸喎，以蝦膠為主，配以馬蹄、肥豬肉等多種配料製成～ 要炸到粒粒均勻金黃

呢間潮州菜已經屹立喺新蒲崗50年咁耐，有好耐歷史，喺呢度可以食到超正宗既潮州菜。呢日同屋企人過黎呢度食dinner！我地點左三樣菜，黎食潮州菜點少得滷水鵝件呢！呢度既滷水汁好正，鵝肉好入味，而且份量都好多，幾抵食！另外仲點左潮洲春菜，呢個春菜係加左腩肉入去一齊炆，非常入味，好有潮州特色！最後點左個炸蝦棗。炸蝦棗炸到脆脆地，入面啲蝦肉新鮮又彈牙，點埋醬汁一齊食好好味！我地仲點左一碗飯同一碗粥再加兩枝氣水黎配呢啲菜，真係一餐完美既潮州打冷啊！

想食正宗潮州菜 一定要去試下新蒲崗呢間陳儀興飯店🤤 佢地係新蒲崗有好幾家店食唔同既野 不過最為人熟悉都係呢間打冷☺️要知道一間打冷好唔好食 一定要試吓佢地既滷味 我地今次就揀左滷水鵝件拼鵝腸😍 呢到既滷水汁真係一流無得輸 唔會死鹹 唔會蓋過左鵝既味道同時又好入味👍🏻 鵝肉肥瘦適中 鵝腸清潔得好乾淨 無味又爽口 點少少醋食 送啤酒一流👅另外 我地仲話左店員推介既薑蔥啫啫魚標同普寧浮豆腐🤩 薑蔥啫啫魚標鐵板上 超有鑊氣 魚標平時我都比較少食 不過呢到既魚標好爽口入味 加埋豆卜索哂d汁超好送飯😋 普寧浮豆腐好大碟 外皮超香脆 裡面既豆腐好嫩滑 點埋個韭菜鹽水汁食好惹味丫🌟

行過見到呢間店有滷水鵝肝，所以就買咗一個外賣！128蚊，大概有八片，每塊都算大片，份量還可以食落去好淋，亦都好入味，入口都有即溶嘅感覺！ 不過對比以前食過嘅滷水鵝肝，反而就太重滷水味，冇咗鵝肝應該有嗰陣香味！ 總的來講都唔錯嘅，下次有機會都會試吓其他嘅滷味！

講到新蒲崗嘅潮州菜，相信大家都會話位於崇齡街嘅陳儀興飯店。對新蒲崗嘅老街坊嚟講，陳儀興飯店可以話係無一不知，因為佢哋喺新蒲崗已經幾十年，當中以秘製螄蚶、生瀨尿蝦、凍蟹等最為出名。往日喺新蒲崗長大，今日經過都倍感親切，所以都入去點三兩個小菜，食個便飯。鹵水鵝件潮州鹵水好多地方都有，我就認為一間潮州餐館所賣嘅鹵水，最重要嘅係鹵水要夠味，不係偏鹹，而鹹味一定不可以蓋過鹵味本身嘅肉味，陳儀興嘅鹵水就恰到好處。食鹵水鵝，大多數人都會選擇鵝片，因為無骨淡淡肉，但我反而喜歡鵝件。雖然骨較多、但鵝件所吸收嘅香料味同鹵水味比鵝片更香更好味。潮州炸蝦棗潮州炸蝦棗喺我兒時好喜歡嘅食物。佢同炸蝦丸好相似，將蝦膠搓成球再炸至金黃。陳儀興飯店所煮理嘅炸蝦棗炸皮唔厚，食落外皮酥脆，蝦肉鮮甜彈牙，你再配搭返潮州甜醬同辣醬，非常有潮州風味。潮州蠔仔餅蠔餅煎到兩邊金黃色。而且都相當大塊，蠔仔一啲都唔細隻，隻隻都肥美圓潤。食嘅時候狗少許魚露，可以提升鮮味，食起嚟更加滋味。