陶源酒家

營業中

休息中

2023年的大閘蟹季節又開始啦！陶源酒家推出2小時大閘蟹放題！隻隻大閘蟹黃脥膏鮮！我們一行二人惠顧了大閘蟹放題 $528@**另收茶芥$15及原價加一服務費(以每位計算)放題有有3種口味可以無限任食，包括✨清蒸大閘蟹､太雕蒸大閘蟹及油鹽焗大閘蟹 ！✅全部即叫即蒸除了無限追加大閘蟹之外，還可以任食京式片皮鴨及多達20款小菜，主食及各式甜品！🌟每位更額外享特盛三式一份，包括鮑汁扣原隻鮑魚伴百靈菇、金湯小米燴遼參及蟹粉扒豆苗！非常豐富！大閘蟹以其獨特的外觀而聞名於世。這些螃蟹的外殼呈現橘紅色，並帶有斑點和細碎的紋路。在大閘蟹放題中，我看到了一大盤盤色澤鮮豔的大閘蟹，它們個個體型豐滿，肉質飽滿。大閘蟹的口感優雅細膩，絲毫不會有腥味。無輪是清蒸、太雕蒸或及油鹽焗的大閘蟹，只需輕輕一吸，蟹肉即從螃蟹的螯中脫落。入口後，蟹肉散發出濃郁的甜味，質地鮮嫩，令人陶醉。此外，大閘蟹的蟹黃更是令人驚艷。金黃色的蟹黃散發出濃郁的奶油香氣，入口即化。酒樓迅速上菜，確保食物保持熱度和新鮮度。大閘蟹放題是一場讓人陶醉的味覺之旅。這種美味的海鮮擁有獨特的外觀和優雅細膩的口感，令人回味無窮。無論你是海鮮愛好者還是想要嚐試

大閘蟹嘅季節又到喇！🦀🦀朋友知我鍾意食❤️一知道陶源有放題即刻帶我嚟「拆」餐勁～2小時任食，除左蟹其實都多野食，不過蒸蟹需時，叫蟹嘅話一般都叫到2-3轉喇👍🏻整體任食嚟講，都多野食質素屬中上～由前菜到甜品🍮食到你飽飽，抵食又滿足😌「特盛三式（每位一份）」🌟鮑汁扣原隻鮑魚伴百靈菇🌟金湯小米燴遼參🌟蟹粉扒豆苗🌟花雕熟醉蟹⬆️每一位計，冇得再order～全部都係不過不失之作，豆苗太老鞋口但味道唔差～花雕蟹花雕味唔夠，但蟹夠甜又爆膏～「🦀大閘蟹（油鹽焗、清蒸、太雕蒸）」目測每隻大約3両到，唔大隻但都有膏👍🏻清蒸同太雕蒸基本上冇乜分別，因為太雕都係冇乜酒味～唯一特別啲有油鹽焗，帶啲鹹香，會惹味啲😋至於蟹嘅質素，可能未到最好嘅時期，我覺得都係普普通通叫過下口癮～「🥢任叫系列」片皮鴨🐤絕對比我想像中好👍🏻👍🏻我冇諗過任食都有呢個質素～都算皮薄鴨靚，餅皮都高質，抵食之選🌟至於小菜，涼拌菜款款都好食又唔會好辣，夠曬開胃～至於甜品方面，紅棗糕必點👍🏻薑茶地瓜都要叫，因為要驅風驅寒（薑茶唔算好辣），香芒布甸質地似啫喱多啲但味道都ok 呀～

終於過咗最熱嗰個月，秋風起又係時候食我最愛嘅大閘蟹。中菜放題好少見，️陶源真係做得好出色大閘蟹放題 $528除咗三款大閘蟹任食，仲可以無限追加片皮鴨同多款主菜、甜品另外仲會送每位一份鮑魚、遼參、蟹粉豆苗，酒店及水準，但抵食過酒店中餐，仲可以食到飽🤤🌟大閘蟹有清蒸、太鵰蒸同鹽焗，個人最鍾意鹽焗口味，外殼鹹味微微深入蟹膏同蟹肉，每一隻打開都滿有蟹膏超正😍🌟片皮鴨放題任食終於唔使就住就住，一塊皮包勁多鴨都得，鴨皮油香味重，配上京蔥青瓜更清新🌟鮑魚呢個每位一隻果然重手足料勁大隻鮑魚，厚身又嫩滑，鮑汁調味剛好突出鮑魚鮮味🌟開心大壽包咁啱朋友生日，呢個放題有壽包當然要打卡慶生。熱辣辣皮薄餡靚，除左蓮蓉仲有大大粒蛋黃😙

今年第一次食大閘蟹放題,就試下旺角陶源,諗住靜靜地,估唔到連啲伙記都好靜,仲有d呆,落親單都漏單,追又,冇反應,每樣嘢都要追三四次,追到我要問佢使唔使入廚房幫手,先嚟第二轉,加咗錢任飲,連飲品我都要問佢係咪要自己去攞,先攞嚟,唔識做放題就唔好做放題啦,又或者佢哋太識做放題,真係賺死佢,兩個鐘放題,食咗少少就夠鐘,真係冇下次.如果唔講服務,啲嘢食係ok,啲大閘蟹,雖然得三兩咁上下,但啲蟹膏幾好幾多,花雕大閘蟹都幾好味,如果換咗啲夥記,評分應該可以高好多.

♡♡♡📍陶源酒家 (旺角)旺角豉油街118號仕德福酒店地舖大閘蟹嘅季節又到啦🥳🤩！陶源酒家又有大閘蟹放題！上年都有試過，所以今次都唔例外🤣🤣🤣。但係今年有凍嘅大閘蟹都真係第一次試，之前都未試過有呢個體驗🤤😹，所以都幾特別😲🥳！大閘蟹有三種口味可以選擇😎，分別有清蒸、太雕蒸以及油鹽焗😚😚；三款嘅大閘蟹都各有千秋，而我最鍾意嘅就係太雕蒸大閘蟹，覺得呢種口味嘅大閘蟹口味比較濃郁，突顯到大閘蟹嘅鮮味😝；大閘蟹嘅蟹膏相當之濃郁，色澤亮麗，真係令人垂涎三尺🤤🤤🤭！相信大家睇到大閘蟹嘅蟹膏之後就明白㗎啦！因為真係有相為證，而且味道鮮美！令人食過返尋味🥰🥰～除咗大閘蟹之外，酒家仲會提供左唔同嘅主菜、小食以及甜品😆。主菜當中嘅蟹粉扒豆苗我哋就相當之喜歡！蟹粉嘅份量好多，份量多到係可以覆蓋到豆苗，當豆苗沾上蟹粉嘅時候🤤，味道相當之濃郁，而且惹味😚😚。另外喺眾多嘅小食當中最鍾意嘅就係麻辣土豆絲，因為麻辣土豆絲十分之爽脆😆，加上麻辣嘅味道真係好過癮，覺得作為小食都幾出色🤣。食甜品嘅話又點少得楊枝甘露🤣！楊枝甘露嘅味道適中，覺得好合乎大眾嘅口味😝。而且色澤亮麗，大人小朋友都會鍾意😍😍🥰！

今晚同太太突然間好想食蟹😂經過旺角果邊就見到呢間「陶源酒家」做緊大閘蟹放題呀😍我哋即刻唔理三七二十一就衝入去啦😝原來除咗大閘蟹，仲有片皮鴨都一齊做緊放題呀🤤成人$528/位(星期一至四)有主角大閘蟹 同 片皮鴨之外，仲有多款小菜 同 甜品🍮，大閘蟹有幾款口味任君選擇，有清蒸、太雕蒸、油鹽焗，一開波仲有鮑汁扣原隻鮑魚伴百靈菇、金湯小米燴遼參、蟹粉扒豆苗各一😊大閘蟹鮮味十足，而且好多膏，非常之當造！要食就趁當造季節食啦😬P.S. 放題任點任食2小時，有足夠時間狂食😝

不知不覺，又到踏入品嚐大閘蟹的季節，買蟹最怕不懂挑選，但去大品牌酒樓吃，就有專人揀靚蟹，方便多了～大閘蟹任吃套餐，除了任吃大閘蟹，還有金湯小米燴遼參、 鮑汁扣原隻鮑魚百靈菇、蟹粉扒豆苗，會送一次性附送外，其他的甜品、主食及小菜都是任吃，多達24款～鮑魚的更是黏牙有海水鹹香，蟹粉扒豆苗蟹肉更非常足料，金湯小米燴遼參也有數件在碗內～而大閘蟹的，我點了12隻，每隻都十分飽滿又多膏，自己去買也沒這質素～跟餐的還可選任吃片皮鴨，鴨肉香而不太肥，吃起來較舒服，我一人都吃掉兩碟，太抵吃了～甜品當中有番薯湯水，薑味十足，可當作吃蟹後的薑湯喝，很方便～

🦀食大閘蟹嘅季節又嚟啦🦀是關雨神好中意食，今次見到陶源酒家🦀大閘蟹放題🦀兩小時無限任食多種煮法‼️包括清蒸、太雕蒸及油鹽焗；仲有多款小菜主食+甜品！梗係要心懶懶叻booked定枱，等佢讚下me la🤣—✨ 每位送一份花雕熟醉蟹 + 特盛三式 ✨🦀星期一至四 ＄528/位🦀星期五、六、日及公眾假期 $588/位(小童1.4米或以下 7折)—✨特盛三式（每位一份）✨🦀鮑汁扣原隻鮑魚伴百靈菇🦀金湯小米燴遼參🦀蟹粉扒豆苗🦀花雕熟醉蟹花雕熟醉蟹以陳年花雕酒秘製，蟹膏都多，食落除咗蟹鮮仲有油香醇，味道層次豐富—✨無限追加✨🦀大閘蟹（油鹽焗、清蒸、太雕蒸）3款味道都各有特色，但雨神私心最愛油鹽焗😍蟹味比清蒸更濃🦀北京片皮䳭任食嚟講真係交足功享有突，即叫即片，鴨肉熱辣辣上枱，果種鴨油香，絕啊！配上京蔥 +青瓜條，再加秘製海鮮醬，超滿足—🦀小菜、甜品小菜叫咗手拍青瓜、椒鹽海中蝦、麻香四季豆、脆滷豆腐、香辣萵筍絲；甜品就有養顏紅棗糕、呂宋香芒布甸，當然唔少特薑茶地瓜，用嚟驅一驅寒氣～🦀主食生炒糯米飯、上海菜肉包、鳳城雞包仔朱古力黑煮奶黃包、流沙芝麻包、蟠桃大壽包—Overall 嚟講人均5百左右，價錢中等，

平時間中去陶源飲茶，喜歡點心有創意又好吃。今天因為時間問題，試左下午茶時段，覺得非常超值，想推介一下。下午茶時段由下午二時開始至三時三十分，不單只是平日才有，更是星期一至星期日。如果周末瞓晚啲，來個brunch正好。今天本來想點“精點薈萃”，但只有兩位亦食得不多，留下次再試。“精點薈萃”有七款點心，包括：棗王糕、菜苗餃、天鵝酥、鮑魚燒賣、小梨子鹹水角、金箔蝦餃，及朱古力奶皇包，每款有兩件。這些點心當中，有些是陶源得獎、獨渾之作。現時這款“精點薈萃”大賣半價，原價268元，只需138元。如果想食飯麵，有多款選擇，只是58 元至68元，反而點心相對選擇不多，尤其是蒸點，而“精點薈萃”內的點心並沒有單點選擇。今天點了四款點心，有京式菜肉包、香茜牛肉腸、懷舊鷄絲春卷，及手拍青瓜海蜇。菜肉包不是一般酒樓有提供，肉質嫩滑，菜和肉的比例洽到好處；春卷熱騰騰，非常脆口。四款點心連茶位費用、加一服務費，一共120元，非常抵食。

鄰住買買左隻片皮鴨外賣，買時已經要揀好日子幾點黎拎。到當日去到先話賣晒，要我第二日再黎羅，本來預左隻鴨做節，會無貨就唔好要人預訂啦。嬲到震。仲要系入口度等成20分鍾都無人理。

其實之前都嚟過幾次飲茶，幾次都不太滿意，不過今次真係太差啦，不吐不快！1. 幾次都係午市飲茶，每次都有打電話訂枱，聽電話個姐姐好正常有禮貌，有講係旺角嗰間，但係每次嚟到酒樓都搵唔到我哋嘅訂枱，跟住安排枱就會大混亂，指完東嗰張，侍應又會叫你去西嗰張，每次同老人家去都俾佢點到行嚟行去。2. 早兩日訂咗8人枱，人都未嚟齊，啲侍應用怪責嘅語氣話我哋坐咗喺個上菜位，仲要兩個一齊討論我哋點解唔坐去枱嘅另一邊？其實我哋張枱唔係近牆邊嘅枱，任何一個位都可以係上菜位，同埋我哋幾個家庭，唔通要就你個上菜位打散啲家庭成員嚟坐？啲侍應完全無禮貌，個上菜姐姐上菜完全無問題，佢係最尊重客人同友善嗰個。

久不久也會到這兒吃晚飯，因為食物水準不俗，環境不錯，服務也好，而且有時還會推出優惠，那就更加吸引。這晚又到來，因為從報章上看到店家又推出了優惠。原本想吃$188一條的東星斑，可惜入座後，侍應說東星斑已售罄，唯有改點同樣是推廣價的上湯澳洲龍蝦伊麵，另外又點了海蜇燻拼蹄和鮮茄雲耳勝瓜泡魚肚。海蜇燻蹄先送上，有幾片的燻蹄缺去了部份的肉，賣相欠佳，幸好，燻蹄的味道不錯，海蜇也爽口，伴隨的辣椒蒜蓉醋，味道很好。最期待的龍蝦也送上了，龍蝦肉比想像中的少，伊麵則多得很。吃一口龍蝦肉，立即覺得很失望。因為一點龍蝦的鮮味也沒有，而且肉質需也和應有的爽口彈牙相去甚遠。最後送上的是鮮茄雲耳勝瓜泡魚肚，份量多，勝瓜爽口，味道也算中規中矩。雖然海蜇燻蹄和鮮茄雲耳勝瓜泡魚肚都算是好吃，但是龍蝦伊麵令我對這次晚餐的評分大打折扣。

媽咪見到報紙賣廣告，特登起年三十晚走去訂外賣🥡網購價加上外賣會平過原價▶️ 上湯開邊龍蝦 伊麵底 ($218)一買買咗兩盒隻龍蝦真係超級巨型🦞暫時見過最巨型嘅龍蝦佢真係原隻上不過開咗一半，等我哋容易啲起舊肉出嚟的確可以成條龍蝦肉咁起出嚟龍蝦咬落彈牙爽口，啖啖肉👍🏻▶️ 發財糯米豬 ($638)成大隻脆皮乳豬上個皮一切好香脆，不過肉唔算多另外配左呢個炸饅頭包糯米飯饅頭表面脆卜卜，最中心嘅糯米飯已經炒埋咗好多唔同嘢例如花生🥜幾惹味可惜攞返嚟食凍咗，所以好硬，變咗唔好食🙁▶️ 瑤池貴妃雞 (+$28)呢個好抵食，喺發財糯米煮加$28就有啦但係係成隻雞咁俾你🤯骨唔多而多數肉🐔肉質比較鬆散又腍，只係略略乾咗啲 (不過就冇咁油膩)因為份量真係太大，最後食唔晒，可以留返聽日再食😂食足三餐都得-非常非常之豐富嘅一餐，另外屋企再煮咗個鹽焗雞、上湯炒豆苗、白飯、真鮑魚、花膠螺頭豬肉杞子湯🤰🏻全部嘢都大大份，我哋六個人食，除返開每人大概$200，都合理間唔時慶祝節日或者團年飯，叫下呢啲豐盛嘅餐都OK嘅

張紙就話片皮鴨自取，出到去又叫我入紙，坐咗半個鐘入咗三次紙，都冇拎片皮鴨過嚟，於是同行嘅人自己出去拎，其他枱嘅客人多次同侍應講片皮鴨未到。由於漏單嚴重同其中一位職員講，態度惡劣串我地未食完片皮鴨就想拎，問題係我哋入單嘅全部冇送過嚟，枱面嗰一碟係我哋自己出去拎先有得食，我哋只係要求佢幫我哋跟進一下。到大閘蟹雖然唔係大隻但好多膏，整體都好鮮味好好食，但係琴日出出下之後，除咗我哋嗰枱全部人都等唔到大閘蟹，大家坐左半小時職員一直話等吓，之後有一個高級少少話，話個爐忽然壞左叫大家忍讓下，呢個時候想食大閘蟹，由於冇大閘蟹係冇落單嘅情況下，不停拎片皮鴨過嚟。杏仁茶就只有一盤，冇晒就冇晒㗎啦，呢樣有少少失望嘅，整體我比60分。

今次齊齊訂了klook陶源酒家任食90分鐘大閘蟹！見網上評價都唔錯，啲蟹都幾多羔，唯一見到comment話上菜較慢，自己親身去到，的確人手唔係咁足！雖然啲蟹好細隻，但好彩都幾多羔，整體食物質素都唔錯👍但因為安排有啲混亂，限時但啲嘢又唔及時到，成日要崔崔趕趕咁，所以感覺似打仗！😅除咗食蟹之外，都有不同任食小菜，最鍾意係生炒糯米飯，每人一隻鮑魚都唔錯，片皮鴨都幾好，但因為等得耐，所以都係食得兩轉，而最後嗰轉啲薄皮已經變得硬身了，包落去隻鴨就算靚都失咗分！週末要額外收費，而且講明每人包括一隻蟹粉小籠包，我哋四人，最終到時間都只係送上兩隻，所以朋友覺得唔係咁抵食！綜合以上，收取服務費但又混亂，就算嘢食唔錯，每人六百幾就唔再回頭了！