陶源酒家

營業中

休息中

今天是本小姐的生日. 生日前一天,契姐一家便約我早上到茶樓飲茶.我們正在想,有什麼地方是在旺角區,但不用等位必有位的. 想想想,契姐便提意仕德福酒店低層的-陶源酒家.可能這酒家有點偏僻而且又不起眼. 無理由陶源酒家這麼出名,星期六這麼多空枱的,職員也完全不忙碌的,難度食物質素差?契姐向我說,她們也來過的.還主動介紹幾碟這酒樓的午市招牌菜,當中包括.1) 燒腩仔-$78雖然每件燒腩仔,真的是仔仔.細細件的.但真的好好味. 特別是香脆皮,脆皮是十分重要的.加上內裏的燒肉有適量的肥腩仔. 十分有口感. 2) 招牌鮑汁鳯爪-$38雖然鳯爪有一點硬,不太軟身.但這一個鮑汁真的好香口. 如果鮑汁裏添上一隻鮑魚,相信這一個汁更加是精華了.3) 一哥叉燒.這一個一哥叉燒是契姐的極力推介. 叉燒肉質肥美,林林軟軟的,每一口也是大大件的,十分有口感,加上有很多燶燶的地方,使這個叉燒再一次推上最高點. 這一個叉燒.可以說是我暫時人生中吃過最好味,最有口感的叉燒. 除了我契姐極力推介,也是本人的信心極力推介.我們還有order了兩小碟點心. 不過這些點心普通了點. 我也不多評論了. 在我這一個生日午市的尾聲前

呢日出旺角有事辦, 原本打算同男友仔早少少出黎飲個早茶~可惜...因為懶惰既關係, 結果變成午市... orz呢間陶源一直都未試過, 所以呢日決定一試嚕!位置響正 hotel 下層, 必貴吧~還好已經有左心理準備....殺入去!!@o@ 午市耶, 入坐率只有 2 成!?眼見場地唔大, 但係只有 5-6 台客仔, 驚驚....也對, 呢區係旺角嘛, 大把平靚正既野食, 一般都無必要黎呢度食嚕~唔理咁多, 一試無妨!真係咩都唔食, 都已經無左 $30....因為一坐低就先無左 $20 ($10/位茶錢), 之後就係睇紙仔既時間...侍應快手問左我地飲咩茶之後就放低左碟小小前菜 (所謂既酸菜, 咁又再無左 $10)~入座時間係 11 點 55 分, 早茶時間去到 12 點正...仲諗住o岩o岩好可以趕到早市, 平少少又多 D 選擇~點知.......部長話: 唔好意思, 而家已經入唔到早市單 =(唉....只怪我地太懶, 遲左出門口......望清楚個牌, wow 真係貴貴....唯有叫少少算 =(左睇右睇, 午市既點心紙上面既點心都無咩特別亦唔太吸引....既然如此, 求求其其點幾樣試下就

這天來到飲茶, 見到有新點心, 又試試看水準如何.奶黃壽包: 7分, 奶黃包吃得多, 壽包也吃不少, 兩者加在一起, 還是第一次食. 壽包的份量是比較大, 但配上奶黃餡好像不太匹配, 還是跟蓮蓉才是最上算. 這個大壽包, 包本身幾鬆軟, 不過奶黃不夠香.是日出這個食評, 哈哈, 時間剛剛好.

是日又來這裡飲茶, 吃的都是大路的, 之前吃過的, 不記了, 只想一記這客點心.鮑魚雞粒酥: 7分, 鮑魚酥都是不少星店的推介項目, 而這裡也有鮑魚酥吃, 就是鮑魚雞粒酥. 熱度欠了點, 只算溫溫的, 個酥皮是幾鬆脆, 鮑魚不算很多, 但就不會實實, 跟雞粒拼在一起, 用上葡汁, 都幾惹味.是個經濟得來但也有水準的點心. 這裡也繼續成為我們定期要來的選擇.

姊妹早兩天生日, 是日飲茶的時候, 亞妹就叫了兩隻壽包慶祝一下.祝壽桃包 $12: 8分, 大大個壽包, 只要$12一隻, 最底消費是兩隻, 也是合理及一般的安排. 包鬆軟, 蓮蓉好香, 加埋蛋黃, 吃得滿足.賣相也是幾靚, 如果各位要來這裡慶祝生日, 記得叫這個祝壽桃包吧.

琴晚我地一家十一口去左依間食飯, 入到去見幾full, 好彩訂左位, 但係我地原本想坐邊位都冇喇間野話冇得散叫,一定要叫套餐, 我地最後要左個有蟹肉翅既餐!乳豬拼盤: 啲海蜇淡左小小, 但幾爽口, 义燒啱啱燒好, 好香珊瑚蚌炒西芹甜豆: 不過不失, 比平常大碟左啲 沙律海鮮卷: 有啲滯, 麻麻地=="蟹肉翅: 最驚喜既一味, 好多蟹肉好多翅, 個湯底好正蠔豉炆花菇: 嗰汁咸左啲, 好彩蠔豉同菇都入味砵酒焗生蠔, 成日想食但好多地方都整得唔好食, 依間整既有中上水準, 炸到脆脆地, 過癮p淸蒸老虎斑: 冇「握」秤, 不過好似剛剛熟, ok啦炸子雞: 食到尾已經飽飽地, 但見佢炸得好似好脆, 就食左件, 味道不錯但凍左小小總括而言, 依餐飯食得好開心, 啲野食比想像中好, 啲阿姐又幾好禮貌, 雖然人多但唔係好嘈, 一家人去食都係一個幾好既選擇

26/4(一) 8pm踏入4月,時間總不夠用,趁還可分身,請母親大人到此酒家吃個$198一位的鮑魚,龍蝦,燕窩餐.菜單如下:素鵝及燴鴨胸,松露花膠燴燕窩,蠔皇鮮鮑魚伴掌,高湯焗乳龍蝦,翠盞龍躉球,火龍藏錦綉,燕麵素皇包及鮮果拼盆.這菜單看似矜貴,材料卻是下等貨,扣鮑魚,焗乳龍蝦及龍躉球水準不怎麼了,火龍藏錦綉及燕麵素皇包更是馬虎了事,提不起胃口的菜式.唯獨松露花膠燴燕窩濃稠足料,味道真實!$198一位的套餐,大概值$98吧!

蛋白杏仁茶是小弟其中最愛的一個中式甜品/糖水. 這次, 就寫寫近日吃過的兩家店的蛋白杏仁茶, 作個比較.逢星期日, 頌揚們總會在中堂來個早餐, 而這裡, 也是我們常來的一家店. 是日吃完點心, 小弟想加碼, 就要了客糖水分吃.蛋白杏仁茶 $22: 8分, 茶市吃只要$22一客, 都算相宜的價位, 不過份量也十足. 這裡的蛋白杏仁茶有相當的杏香, 蛋白也足夠, 幾滑, 但偏稀. 整體來講是有相當水準.吃完糖水, 也是時候回去練歌了.

星期日飲茶真多人 一向食開陶源他覺得唔錯又幾平唔駛等位就真係無得頂啦 可能因為係間唔起眼嘅酒店地庫啦服務殷勤不過會sell野 但唔算好煩叉燒包好好味 但有小小偏咸鮑魚雞粥好食好濃雞味 好次飲緊鮑魚雞湯咁 粥底就都係咁樣啦廚皇炒飯好食但可以再炒得企身小小未夠火侯 味道唔錯 一粒粒嘅唔知乜好有口感 但食食下又有d un胃鮑魚燒賣好貴 基本上唔想食片鮑魚 唔知有無普通燒賣 燒賣就大大粒 好好食柚皮蒸排骨幾好味 無色但好夠味

朋友提早替我慶祝生日，來一個鮑參翅燕餐，聽個名好豪咁喎.......高湯黑松露花膠翅蟹肉大大粒，有數條粗翅，但唔多見花膠，可能太肚餓，略嫌細碗。蠔皇南非鮑魚伴金柚主角出場，有期待………!鮑魚有口，蠔汁好味但勾芡太厚; 金柚即碌柚皮，冇乜味，伴碟條菜凍冰冰，美中不足!砵酒焗北海道元貝賣相完全唔得，兩隻元貝夠大但找不到丁點砵酒味，而且上面舖了點類似泰國甜辣醬味，與其東洋名字有點格格不入。蝦籽扣遼參遼參入面釀了一些蟹肉﹑馬蹄﹑豬肉，可用刀叉吃，但又係太細舊，唔夠喉囉!生拆蟹粉扒荳苗五人份量一碟上，呢個最似樣，荳苗不會太熟，有真蟹粉，上湯味道不錯。秘制小欖乳鴿皮不夠香口，但肉質及味道都OK……… 吃到此時，朋友望望菜牌，聲稱全部熱盤已上檯，心想………..大鑊，至此，仍未見有飽感喎，係咪應該仲有碟炒飯未上呀?桂花榚燕窩榚上錯佐桂花榚，侍應本想幫我地換過，當然給我們一人一把嘴，叫佢送埋比找地食喇…..多謝!宫庭燕窩榚有幾粒疑似”碎燕”物體，口感似嚼有少許椰汁味的大菜榚，一般!鮮果栟盆五片橙﹑十片西瓜蛋白杏仁茶不太甜，杏仁味很濃，有很多大大塊蛋白，最正反而是這個店長送的甜品。吃罷這甜品，最終才有六

朋友介紹去陶源酒家食午餐, 話有個商務午餐可以一試, 於是一齊去食二百七蚊左右, 連加一, 有老火例湯, 五個小菜同生果盆, 以一間食餐飯都過千的酒樓, 價錢就唔算高了, 不過沒有山珍海味, 只有咕嚕肉, 四條雞絲春卷, 最"名貴", 係煲炆魚而已!不過味道唔錯, 最好味的, 我覺得係煲湯, 木瓜煲豬展, 真係夠哂火喉, 另外炆魚都唔錯, 啫啫的做法, 件件魚仲幾好肉, 雞絲春卷只係一般, 春卷一d都唔脆服務都係一般, 侍應忙於預備酒席, 反應比較慢, 不過都唔係無禮, 只係唔夠緊張吧!

媽在廣告見到鮑魚、魚翅餐很抵食, 只需要每位$218, 所以一試。我去到發現食客不多, 可能因為環境較為偏僻, 不會嘈吵, 所以坐得幾舒服。套餐包括:高湯黑松露燴翅－雖然我食不出黑松露是什麼味道，但翅的味道及濃度都很好，有水準。蠔皇鮑魚伴玉掌－這間陶源聲稱是鮑魚專門店，我不是吃慣鮑魚的，所以認為鮑汁和鮑魚都一流。築地蒲燒鰻魚－很脆，燒汁也很美味頭抽煎大虎蝦－賣相都不俗，味道也可以蟲草花泡翡翠－應該是最普通的菜式了瑞士釀鳳翼－我最愛的一道菜，雞翼皮薄但脆，咬下去裡面的糯米又軟軟地，然後咬咬下又感到有硬硬地的雞軟骨，很特別美點－好似是椰汁糕及水果，不過沒有特別蛋白杏仁茶－加＄１０，伙計推介，自家磨的杏仁茶，味道又真的不錯，很香的杏仁味，但又不會很甜總括而言，這裡的食物蠻算有水準，不過適逢套餐特價就更抵，好似做到５月底．．

今年老豆生日~想食中菜岩番屋企人口味...見陶源$1880個餐有魚翅同鮑魚都幾好咁,同埋亞妹個friend食過另外一間分店都唔錯...所以就book左一家人去食喇!如果話食物既話其實都可以既,無話難食亦無話特別好食!個餐本身係有一條清蒸石斑既,點知到叫左個餐之後就話個日無入石斑喎......就話轉個西蘭花炒斑片比我地!咁屋企人鍾意食蒸魚,問佢如果轉其他魚幾錢喇...個女經理就話:其他好大條嫁喎!成600幾錢喎!(大大聲咁講)又話轉個d係龍"等"黎嫁...好新鮮咁喎咁老豆話由佢喇!就咁轉炒個個算喇...點知黎到既時候...淨係得好大碟西蘭花上面得4-5舊所謂既龍"等"片...用條石斑黎換依d比人...真係唔該晒!唔明點解我亞妹晏晝去訂位同訂依個餐個時又唔同佢講明無呢...明明都即日去問嫁喇!係咁叫我地試埋其他單點呀...又話最出名係叉燒...叫左個$98既得番半份咁照叫左個例牌...黎到都唔覺得好食...另外到服務...真係無諗過會係咁囉.....傳菜既放低就走,又唔叫人黎上菜...就咁放係後面張枱到等到有人發現先黎上...個經理一路係到整熱d鮑魚個時一路係到同人傾計...d口水係咁飛.

今日放假, 同母親大人走左去飲茶, 都有好幾個月冇飲過lu,今次走左去一間叫陶源既酒樓試試, 之前都未去過...一試之後......共試六款點心:1/ 雞粒酥 -- 一開始黎既呢個雞粒酥唔錯, 鬆化, 味道適中2/ 鮑汁义燒包 -- 一開始算不錯, 但食食下怪怪地, 又過咸又過甜3/ 蝦蛟 -- 太散, 唔夠口感4/ 带子鳳眼蛟 -- 皮過多, 雖皮軟, 但唔會想食晒5/ 千層糕 -- 失望到極點....豪無誠意之作6/ 泰王mug mug糕(唔記得左個名) -- 呢個又係, 又係唔知食左d mug, 一樣是皮過多一試之後....簡單! 下次幫親第二間!

記得晚上上去陶源酒家食飯,時間約晚上8時30分到,先在帶位到,等了1分鐘先有人理你,帶埋檯後,就開茶,然後選菜,先選2位餐($328)2位起,叫部長來寫,問部長要個2位餐,但乳鴨可否換半隻燒雞,部長話唔得,都唔緊耍,跟住問海上鮮是什麼,清蒸紅魚,即時覺得個套餐非常唔好,所以唔要,再考慮下.跟住要雞煲翅,另選小菜,再叫部長來寫菜.先叩一煲雞煲翅,部長話冇,但當日做雞煲翅推廣都冇,唔緊要,再叫燉白肺湯2位用,部長話燉白肺湯一定是4位先有,都好如果有冇所謂,叫砵酒蠔友冇,最後加4款小菜,等了5分鐘,部長過來講白肺湯都冇,跟住我就埋單走唔食.