雲南啊老表黑山羊湯鍋米綫 (已搬遷) 新店位置

一直都有聽過人哋講係佐敦嘅雲南呀老表黑羊湯鍋米線好好食，所以今日放工特登同男朋友去試吓，因為男朋友都鍾意食羊，但係我就有啲怕會"so"。我哋七點鐘就黎到所以都有幾多位。餐廳又唔係話有勁多種類嘅嘢食，我哋最後叫咗一個羊肉清湯米線同埋一個羊肉酸辣湯米線。小食就叫咗避風塘麻辣雞翼，同埋上湯生菜。我覺得佢嘅羊肉米線好好食，雖然我叫咗清湯，個湯好有淡淡的羊味，一啲都唔so，反而好鮮甜，真係勁好味，個羊肉又唔係太韌，都好食。而男朋友叫個酸辣湯都好食但係都幾辣。小食方面，個避風塘麻辣雞翼好惹味，我覺得佢個味有啲似土匪雞翼，啲雞肉好juicy,好滑，我哋都覺得好好味，而且個雞翼都好抵食，四隻都係$22。個生菜原來都係用佢嘅清湯煮嘅，所以都有淡淡的羊肉味，好鮮甜呀啲菜。野飲我就叫咗凍檸茶，男朋友就叫咗凍茶蜜，我覺得都ok , 茶蜜就係用菜蜜沖嘅。人均消費大概$80左右，我覺得以呢個價錢食到靚嘅羊肉米線都好抵呀。

呢間黑羊湯鍋米線係我係觀塘番工ge食堂自從冇係觀塘番工都冇食好耐呢一日特別想食 於是黎左佐敦分店食裝修都係走簡約路線牆邊貼滿佢地ge招牌菜野食選擇多左唔少記得以前淨係好似得牛肉羊肉揀而家多左好多我地依然都係食番羊肉淨瘦米線B先生話佢餓所以叫大碗我就要細碗另加左2個小食 自制豬手同滷海帶同熱檸水 凍蜂蜜仲有好多唔同調味俾大家加係食物度tim有蘿蔔 辣油 醋 好齊下羊肉淨瘦清湯米線（上為大碗、下為細碗）其實細碗都好大碗湯㡳好甜 帶有少少羊ge騷味 飲完一d都唔口渴 米線煮到仲有少少咬口 唔係淋晒 羊肉好淋一d都唔um 仲帶有少少so味Tim 好正自制豬手又係好好食 豬手好入味 肉質鮮嫩 滷海帶夏天至愛出街食涼拌 海帶係一絲絲ge 好爽口食落仲帶有少少辣味 好惹味 不禁令人一口接一口熱檸水同凍蜂蜜熱檸水就普普通通 凍蜂蜜有驚喜 b先生話飲得出用質素高ge蜂蜜黎沖 係好清甜 大家不妨一試

夜晚10點幾，晚飯都未食，勁肚餓，行過有間雲南黑羊湯鍋米線，乜都唔理衝左入去。內部裝修平民化一d，不過勝在地方闊落，坐得都算舒服。一睇倒個餐牌，牛羊米線？真係好想試下，大碗大個個洗面盤，我地梗係叫細碗啦～仲有$38去邊度揾？一人叫左個米線，我要【牛羊雙拼米線】，朋友仔叫 【牛腩清湯米線】、加左【避風塘麻辣雞翼】。【牛羊米線雙拼米線】，羊肉味唔會有陣騷味，食落感覺同牛肉分別不大，麻辣湯夠惹味，不過辣度唔太夠。【避風塘雞翼】，原本以為係好多炸蒜頭果隻，誤會了，食落好似煎雞翼咁。【牛腩清湯米線】，牛腩食落好淋，清湯味道一流。埋單$108，十分超值。

不得不給你幾個讚, 個牛肉同埋羊肉都好有味, 雖然肉的份量比較少, 但呢個價錢, 絶對喺番到兩個人食, 叫左個大碗, 再加個水餃, 一個嘢飲, 都已經好飽了埋單都係85, 真係抵, 只係地方位置要行多幾步, 如果喺正旺區, 相信應該要排隊了

一行入門口已經聞到好大陣羊味! 🤤 雖然我叫細碗, 但睇嚟老闆對細碗嘅定義同常人唔一樣, 真係想像唔到大碗份量會有幾勁! 🙈 清湯帶有一陣啖啖嘅羊味, 配有極多蔥花, 米線彈牙有咬口, 黑羊肉香而不膩、瘦而不韌, 好味道!! 愛食羊嘅朋友萬勿錯過!! 😋臨走先見到原來叫羊肉米線可要求羊肉要瘦不要皮, 啱曬怕肥嘅女士! 睇嚟老闆都幾細心, 其實買單有得揀size已經抵讚! (雖然佢嘅所謂細 碗都好大碗下) 🤣蔥花如果可以再切碎啲就更好!

喺尖沙咀果頭放工。嚟到呢間閒雲南啊黑山羊老表雲南米線。個名夠晒曬長。非常引人注目， 6點嚟到時有幾台客人。看見店內海報主打推薦羊湯。由於我比較少食羊，我點了朱豬大腸清湯米線。而朋友則點了羊湯米線，我試咗一啖湯，非常鮮甜亦有羊肉味道。而我點嘅大腸清湯米線用豬骨熬制十分清甜。枱面有數種不同的調味醬，方便客人調味。啱曬重口味或清淡口味嘅人士。小食方面點咗個美味口水雞同涼拌木耳，美味口水雞夠曬大碟。以麻辣汁調味。涼拌木耳好爽。飲品方面點咗凍檸茶。一杯凍檸茶裏面差不多有半個檸檬，夠曬解渴。

雲南啊老表🤣個名好搞笑呢間日日都排隊🤩趁有時間放長lunch即刻去食！！羊肉清湯米線🤤🤤🤤🤤🤤超大碗！！好底食🤪羊肉嫩、啖啖羊味❤️香港好難搵湯底清甜，米線爽口🍜成碗野簡單但出色！一啖接一口好快食哂👍🏻👍🏻👍🏻👍🏻👍🏻朋友叫左酸辣湯底👍🏻試左幾啖好惹味！喜歡多層次d既必點重點係米線即叫即煮🤩羊肉都超新鮮，啖啖都食得出小店用心製作！👍🏻👍🏻蒜泥白肉🥓 正，蒜泥打得好幼，好香檸樂🤩🥤解解膩，爽！冰杯分上⚛️感覺更冰爽見到好有風味既餃子🤪下星期再黎食🤤🤤

連鎖米線店食得太多，已經食到開始有d厭，時常諗香港有無d好似中國大陸開到成行成市既清真羊肉面店呢，今日路經佐敦，有幸俾我見到呢間店，我當然二話不說就衝入去試下啦！羊肉米缐 (大)由於好肚餓既關系，今次一定要食個夠，而呢個羊肉米線既份量真係大，大到差d食唔哂，呢個羊肉湯真係好清甜，食落一d都唔覺得有任何味粉同味精，羊肉好淋好有羊味，最重要係d米線唔係淋到無咬口個隻，係好爽口仲有少少彈牙，無得頂！餃子呢個餃子都算係邪惡，表面睇上去無乜特別，但真係我最鐘意既size，一口咬落去，我當堂嚇一跳，心諗點解會咁甜，落左糖？食真d原來係d肉汁既鮮味，老實講，我真係無食過咁好食既餃子，好想問下佢地究竟係點整，嘻嘻！麻辣豬耳講食麻辣野，普遍黎講，上至四川下至香港，要好食黎唔開就係落大量既味精，每次食完都要開消防喉飲水，講返呢個小食，食落唔覺有味精，麻同辣既程度恰到好處，豬耳係有豬味架，香料既味道無喧賓奪主，但又保留定麻同辣既層次，正！

由於我好鍾意食羊肉，所以早早就食過呢間主打羊肉米線嘅餐廳，之前係觀塘食過，今次唔洗去咁遠都有得食喇~ 分店係佐敦，接近尖沙咀方向，估唔到星期六晚都有唔少人食，睇黎大家都好識食，哈哈~ 雖然之前有食過，但係都係好耐之前喇，記得觀塘店係有羊尾食，不過就係限量供應，所以都無食過，係呢到就見唔到有，無得試下…..食野之前先黎凍飲，睇落就係可樂，無咩特別姐，NOOOOOOO，佢其實係冰啡樂黎，照字面解釋就係咖啡加可樂，估唔到係呢到都可以飲到，如果未試過真係可以一試，咖啡嘅苦澀味可以平衡可樂嘅甜味，味道更加濃厚，唔錯唔洗揀都知會叫一碗雲南黑山羊湯鍋米線(酸辣湯底)，但係就猶豫緊要大定細，我最後決定要碗大嘅，不過我實在低估咗佢嘅份量，大碗係真係超超超超超大碗!!!! 兩個人食一碗再加啲小食就已經好飽喇，其實真係幾抵食嘅。講番碗麵先，湯底雖然睇落唔太深色，唔似好濃味，但係飲一啖就知味道好濃郁，成碗都充滿酸辣味，同時仍然可以飲到肉湯嘅香，湯底真係好刺激味蕾，配埋米線一齊食真係會有少少中毒嘅感覺，因為湯底熬得太好喇!! 而羊肉方面，同之前比，皮相對比較少，羊肉肉質幾嫩口，不過我個人認為羊羶味可以再重啲另外

老表呀山羊原來在佐敦開了分店幾年前在觀塘吃過已印象深刻那是覺得有個老外親自招呼覺得很有趣今天來到佐敦又再回味他們的味道當然是點他們的招牌羊肉米線點了細碗但送上的份量令人嚇了一驚羊肉帶點脂肪連帶筋位口感很柔軟羊肉味很濃郁嗜羊的朋友定必瘋狂愛上湯頭口順建議點原味就好口水雞米線酸酸辣辣來這裡還是點羊肉米線吧小吃雞翼煎得有點乾餃子要白菜和韮菜兩款餃子皮很薄餡料味道不俗凍檸茶是用不鏽鋼杯保冷一流回憶裡的味道今天可一一再嚐

係九公游完水，係附近見到呢間正宗雲南人開的黑羊湯鍋米線，好有特色，主打黑山羊，坊間少見，真係要食下。cp值很高。雞肉酸辣米線 ($36) 加豬大腸(加 $6)菜脯微辣爽脆，加麵裡吃增加口感。如果能吃辣，可以加點酸菜。有很多葱，小碗也是很大碗，已經feel到好正宗，上次係太古食雲南米線又係超大隻碗。清湯底加酸菜，味道很香，酸度比較自然，坊間是加了很多調味令酸味變得有點人工，這個吃起來很舒服，不會太辣，可以自己再加辣。豬大腸沒有滷過，清淡的，很乾淨，沒有腥味，處理得很好。米線口感不錯，很Q彈。凍奶茶(跟餐加$8)麻辣豬耳朵 ($25)很爽脆，辣味有後勁。涼拌土豆絲 ($18)爽脆，小辣，很開胃。雲南豬肉米線 ($38)雲南豬肉片以為冇咩色會冇咩味，原來出奇好味，質地軟滑，沒有一片是柴的，想偷食譜！雞件是帶骨的，肉質超嫩。竟然有豬油渣，很有特色，又有嚼勁，都幾好味。下次要試下黑山羊。凍檸樂(跟餐加$10)

為咗睇醫生空肚左成朝，拿拿聲在佐敦搵食，11時多很多茶記已沒早餐吃，眼見［雲南啊老表黑山羊湯鍋米線］樓面姐剛啱在門外打點，試吓啦，米線已經有得食了，隨便坐。還沒有時間研究什麼黑山羊湯鍋，心想都係米線嗰啲，見佢主打羊肉牛肉，就點了個招牌清湯羊肉米線。確係有點出乎意料，我叫的是小窩，上枱卻是是大大碗，我心裏已在暗讚，讃的不是抵食夾大件，讚的係小店明白食湯麵之真理，我從來最怕個碗細細，麵線佔了一大半空間，少少湯一下子已被吸乾，見微知著廚師用大碗上一定是想食客多嚐一口湯，果然不負所望，羊肉清湯羊味濃郁，沒有丁點兒肥膩感，伴着米線真的好好吃，香蔥韭菜配上羊肉清湯，突顯香氣，確係一碗非一般的米線。另一碗是豬骨湯底的豬手米線，同一道理，豬骨湯味濃郁，清湯沒帶一點油，豬手很有誠意！原隻滷水再泡油，有點吃鳳爪的質感，我們兩碗都選擇了清湯底，其實還可以自選酸辣湯底，自由組合出唔同嘅配搭。小食也做得不錯，麻辣豬耳爽脆入味，調味適中，涼拌小小辣很開胃加埋避風塘雞翼，成個米線餐生色不少，街坊小店收費相宜，食具環境感覺乾淨，很不錯的午餐，想不到高手原來真的在民間

見到佐敦有間評價唔錯既羊肉米線就決定一試 (三哥，雲南米線等比較少有羊肉)。可能太早去到，6點左右都只係得幾枱客人。當日唔太餓，2個人叫了一碗羊牛雙併大碗米線($60，加$1要酸菜，再加$8一罐可樂)，雙併唔需要加錢，第一次食緊係要試哂2款酸菜係餐牌上無既，都係睇其他食評推介落單過左幾分鐘就有得食，大碗米線比三哥過橋米線仲大碗，米線份量都好足夠，羊肉牛肉條都好多，好似食極都仲有咁。個人覺得帶皮羊肉比牛肉好味，羊肉煮到好"諗"，無羊羶味。相比下，牛腩就有d遜色，好似食緊豬肉咁，但又唔係真係好差。不過下次應該都係叫單餸羊肉米線$60既價錢有尼個份量同質素真係好抵食另外見列有食評介紹餃子都好抵食(好似係大概$30有10隻餃子)，下次一定要試下。仲想試埋加$1既酸辣湯底侍應上菜時主動拎左２隻細碗俾我地唔好既係門口長期開住，冷氣唔係好夠涼。食野既時候仲有幾隻蚊滋仔飛過...

平時我少食羊，今次陪老公來食。我地要個大羊肉($60)，真係勁大個！😱😱😱羊肉幾好味，有啲好滑，有啲部位就鞋少少，可能痴住啲皮。但個羊湯底真係精華所在，好濃郁，仲要一啲都唔騷！正👍🏻叫多個麻辣雞翼($22) 一齊食，麻辣得來有少少酸，唔算好辣，有啲似屋企整既feel。見好多人講口水雞，下次可以試下！

己經食左兩次~每次去都必食清湯羊肉米綫,清湯好有羊味但ㄧD都唔酥,細碗己經好大份,羊肉份量多同埋D羊肉係帶皮,比出面食果D好有咬口,羊肉愛好者必食,諗起好想再去食