雲南小鍋米線

營業中

休息中

朋友推介這間米線，於是特意去試一試，地點偏僻，在大窩口再轉巴士。下午兩點到達，原來座位很少，而且天氣很熱，冷氣不夠，幸好再入面位置有位，終於涼到冷氣叫一碗小窩米線，然後再叫配料，特色是配料選擇頗有特色，例如有螺旋藻、冬菇，於是我點了小窩米線+冬菇+螺旋藻螺旋藻口感像海帶，不錯。冬菇值得一試，很入味👍🏻腩肉就沒什麼特別，不會腩肉本身有辣味，吃不了辣的就不要點辣，因為我不要辣都已經夠辣朋友點了腩肉螺旋藻蘿蔔，點小辣，已經辣到她吃不下，而且小店不提供水，要自己買加湯也不可以，最後她沒什麼吃雞絲腩肉小窩米線總的來說，米線不錯，但並不覺得這碗米線值得山長水遠過來吃，住附近的可以試一試

🍜📸#tagnshare葵涌篇.......................🆙媽阿~最近高妹真係終極忙⋯食左好多野都無時間PO😶💰 豬耳拼冬菇米線 $39🤤 望到都想食⋯🍄冬菇都依然係我既主打⋯煮得入味而且大隻厚肉⋯入左味既冬菇係可以食數唔多咁多隻ga🌝而我最近已經由腩肉變左做豬耳⋯可能天氣熱既關係🔥本身食辣已經唔係勁⋯宜家功力仲慢慢消退🌪當肉碎加埋腩肉既辣我已經食唔到⋯ 鐘意佢既湯底係偏酸令人開胃⋯配菜有韭菜芽菜就無乜酸菜⋯價錢唔貴同埋算係大碗👍🏻男士分量🙋🏽‍♂️都係ok⋯ 大家可以趁放假嚟試下⋯ #地點唔近地鐵而且座位較少 #大家要預留多d時間排下隊#開11至6咋#千萬唔好叫咁辣 好多個都話食唔到side哂d野就唔好la #對面個學生哥流住鼻涕咁食....……………💁🏻高妹小篇👇🏻地址👇🏻雲南小鍋米線梨木道112號地下5舖………………#hkig #hkfood #hkfoodie #foodpics #foodbloggers #香港吃貨 #uhkfood #foodig #相機先食 #相機食先 #香港美食 #葵涌米線 #雲南小鍋米線

不論身邊的朋友, 宣傳和雜誌都推介呢間外號'宇宙最強的米線', 今天小弟終於來到朝聖.同事住附近, 路都唔洗搵, 更好彩係唔洗排隊就直入, 可能因為臨近收鋪, 一坐低就叫左個四餸---炸醬, 腩肉, 螺旋藻, 雞絲小鍋米線, 中辣 (溫提: 呢間ge辣度請小心選擇)份量都幾大下, 而且賣相唔錯雞絲同個米線好鬼夾螺旋藻出面好少地方可以叫, 好爽, 幾特別正面相.建議食辣, 唔係沒左個精髓, 推薦!

今日食嘅係被譽為全宇宙最好味嘅米線係石蔭區受歡迎程度很高嘅一間小店店舖面積比較細，座位都唔係好多同埋坐得比較迫如果lunch黎食要有足夠嘅時間同心理準備去等位啦！腩肉+螺旋藻小鍋米線（少少辣要蔥）腩肉惹味得黎又帶少少辣肉肥瘦適中唔會太肥另外螺旋藻食落似海帶嘅感覺但比海帶爽口健康又好味螺旋藻+雞絲小鍋米線雞絲好多仲可以索晒d好入味嘅湯底一齊食順帶一提佢d辣都比較勁，如果唔係好食得辣的話建議食少少辣就足夠了。另外佢本身米線係冇蔥嘅，如果想加蔥嘅話要係落單嘅時候要講埋要蔥！

住喺附近三十幾年，今日先第一次嚟試12:45喥到，門口已經勁多人，附近近打磚坪街工業區，好多OL Lunch都會過嚟，除左好多人攞飛排隊等堂食，叫外賣嘅人更多去到，樓面有2個姐姐，一個年紀大少少講唔正宗嘅廣東話+普通話，一個廿零歲嘅樓面通常呢啲米線店姐姐都有啲惡死+無禮貌，但呢度出奇地2個都好好，好有禮貌，廿歲姐姐仲好有笑容等左45分鐘，終於入得，喺等嘅過程，會先幫你落定單，一坐低唔洗5分鐘就有得食我叫左碗腩肉、生菜小鍋米線（小辣、走芽菜），辣比起其他同類舖嘅小辣辣啲，腩肉只有2、3塊大少少，其他都好細塊呢碗叫俾阿囝嘅，所以走辣～魚蛋、生菜小鍋米線（走辣、芽菜），完全的一個兒童餐，我囝好鍾意食麵，都食左大半碗，我試過個湯底，濃味嘅總括嚟講，好味，但比起荃灣某間老字號我覺得荃灣好味啲

今日同老婆專登去試下地上最强，鋪仔細細，對住大路，又比太陽曬，等咗成個鐘，其實都幾辛苦，難得中途有小妹妹幫手落單先，真係好貼心。講返個麵，係好食嘅，個腩肉有特別香味，炸醬有炒過，好香雞絲好絲，感覺上想你浸湯食，好有心機，好有heart，螺旋藻好新鮮，麵質同湯底就水準之上，一家人打理百零二百尺地方，感覺乾淨，天氣需熱，但服務態度有禮，地方雖小，但人情美濃。

呢間米線經朋友介紹 形容為最強米線一試之下 真係名不虛傳雖然環境比較一般 服務亦唔算太好(唔係好多員工)但性價比絕對值得當日同同事一齊買外賣已經見到門口排哂長龍 入面都坐滿哂,以為叫外賣都要等好耐啦點知都係大約等左10分鐘左右返到公司即刻試下呢碗絕世米線..果然名不虛傳米線湯底明顯用心機煮  食得出係逐碗逐碗煮十分足料  米線質地亦出色但配料方面更值得一讚炸醬 真係不可不試炒香哂先拎去做炸醬 淨係呢份心機出面都食唔到相比譚仔果D 一PATPAT既炸醬 呢度既炸醬真係無得比對於一個米線控黎講 呢間絕對係必食推介

如果係住係石籬，安陰，石陰區域，相信好多人都會認識呢間雲南米線，店舖小小，人手都是老闆一家人打理，好多時路經附近，都會見到大排長龍由細食到大，今日揀左230左右時間來到食返碗米線，因為平時6點收工返來，舖頭已經關門，以工作後，都少左好多機會來呢度食本身想叫腩肉豬紅，但可怕豬紅已經賣晒，咁早就賣晒最後只好換做腐竹味道依舊好味，又大碗而同伴就叫配左腩肉炸醬，同我一樣都係叫左小辣，但係佢果碗比我紅得多，因為炸醬都是有辣的呢，但食起上來都相當惹味天氣凍既時候，食返一碗熱辣辣，又好味既米線，十萬個

早前在網上被捧為宇宙最強米線，其實我喺安蔭讀中學，中學時期已經食過，亦係好多同學仔lunch不二之選，但可能自己唔似一般港女咁好米線，所以我對佢食味印象唔深刻。不過見網上吹捧得咁勁，又順路返去成長的地方恤個髮，就食吓啦閒日三點左右，都每枱有客，11~6的營業時間，好舊式家坊店鋪，留一點生活給自己，不用賺到盡店員們都很有禮拜，笑面迎人。叫了小鍋+炸醬小小辣$32。香而不辣，炸醬有鑊炒過的焦香，味濃，以瘦肉為主，與小鍋湯底已包含的肉醉質感和味道完全不同，肉碎以肥肉為主，比較大粒沒有太重的調味。芽菜份量多反而酸菜韭菜比較少。湯底偏清。

最近時間真的好像永遠都不夠用，趁著放假，在床上盡情頹廢之餘，打一打食評顯得自己沒那麼廢吧親愛的小男友住在葵涌，恰巧最近小妹最近在葵涌上班所以就算休假，有時候都會在葵涌附近游泳、閒逛，拍拍拖第一次去雲南小鍋米線是在附近游泳池游完早水所以去補充一下剛剛所減的卡路里(這才是吃貨生活)店面小小，12點前可以避開排隊時間 眼看餐牌好像不太便宜，但是上枱時就知道相當足料 暫時吃過的餸，小妹認為必點的是，乍醬、腩肉、豬肚螺旋藻亦不錯 但注意的是，本身辣度比較辣，假如餸選擇乍醬會再辣一點。大約比平常辣度減一度便可以個人認為，酸辣的話，選小辣便可以嚐到當中的酸，太辣的話會蓋過酸味。腩肉則煮得非常入味，乍醬則真的是炸過螺旋藻就好像海帶一樣，而豬肚則相對上比較清清微鹹計小妹話拉個男朋友嚟，點5~6款不同的餸，再交換吃就最perfect份量女生應該可以吃不完所以把吃剩的留給男朋友就最好

聽聞呢間野自己開咗好多年，頭嗰幾年完全唔出名所以冇乜人來食，但呢兩三年期間忽然間有人幫佢買下廣告又或者係人搭人介紹囉，所以就非常之多人，又開舖到收鋪都係需要排隊先至可以食，繁忙嘅時間排隊差唔多都要35分鐘左右認真辛苦(我都試過幾次。。)仲要和提提大家呢度嘅外賣都係要等好耐先至有嘅，而且同大家講呢都係收六點左右，一般來講早半個鐘頭就唔比客人入去食，只做外賣。間嘢有無特別？甘多人食？我覺得係睇當日水準，試過幾次個味道都有d唔同。湯底應該係偏淡的湯，食落去味道可以話係剛好。但拒嘅酸味重，中意食酸嘅人必選。送嘅選擇唔算多十二三款左右，但係佢呢啲款式可以講話係比較懷舊嘅款式，唔似而家出面有咁多新野，但係佢呢啲懷舊嘅嘢食，有時候又做得幾好食。例如佢個炆冬菇咁樣懷舊得來又真係有用心去炆舊東菇，又真係好食。推薦的食品仲有，雞絲同埋螺旋藻，佢個雞同出邊唔同感覺，就真係用手去撕啲雞絲出嚟，比較有口感。同埋佢d雞絲係比較乾身少少嘅，食落去好有雞嘅味道。螺旋藻就係一種健康嘅食品，唔知大家有冇食過，食落去嗰種味道有少少似濕咗嘅紫菜，配埋落個米線度食都幾好，又健康。呢度個份量都ok，但係佢送就真係比出面多少少嘅，

平日返屋企經過附近，常常見到好多人排隊，因為怕等位，最後都冇去，今天難得放假，一個人單拖去試試，坐低左環境較迫同小，叫左個酸辣乍醬雞亦米缐，叫左一陣就到，個米缐份量都不少，唯獨欠一點裝飾，但個湯底都真係吾錯，酸酸甜甜，好開胃，仲有乍醬，炒得好香好野味！最後雞亦，只是普普通通吧。但係個湯底我真係好鐘意，下次會多D來食。

呢間米線 係經過身邊鍾意食辣既人介紹個時第一次食小學四年班 一試愛上 食左8年每次放假都會食 ，後來識左班朋友都係食辣嗜好者 ，就每日放學都去試一試～最鍾意就係佢個腩肉 而家太搶手多數3點已經無曬 湯底好夠辣 d肉碎好食到次次都想食曬成碗佢 令人上引既辣味 米線軟硬度岩岩好 值得試下架！

自問係一個米線痴，聽到呢度話係全港最好食，成日心思思想黎，無奈真係好遠又唔識路，今日去開葵芳做嘢，搭的士過來只要20幾蚊，就試下你先餐牌寫住推介，咁就食推介嗰啲啦腩肉炸醬冬菇米線中辣。(order時侍應提我話係比較辣嫁，我平時食星林居中大，譚仔大辣的)好啦~~麵到了試啖湯先>>唔覺得辣，都幾鮮甜，好彩啲酸菜吊返個味，救左佢腩肉~偏甜好入味，正炸醬~係炒過，不過太乾唔夠香，正宗要有番少少肥先好味冬菇~香甜厚肉，如果抆下入味啲會更好米線~彈牙不錯湯底~好濃郁酸菜~好好味，正宗雲南米線酸菜整體來講-吸引唔到我再專登黎食，只可以俾70分#星xx好食啲

好食過譚x,雲x香，雲貴x既米線，勁鐘意食米線既我終於去咗食第二次，間鋪好偏僻下，人好多要排長龍的，第一次食時咩招牌送都冇得番餃子同炸醬，勁香勁好味，餃子係人手包勁好食好新鮮，第二次就食腩肉走芽菜，少咗芽菜就會俾勁多米線，腩肉係醃既好正好入味，好正正子，湯底好濃小小辣，好正，食完會好想再食多幾次😍😍😍😍