雲南小鍋米線

營業中

休息中

前陣子,網上瘋傳這是一家全宇宙最好吃的雲南米線小店. 對於我這個愛吃米線的人來說,簡直就是充滿了我的好奇心.由於我在午飯時間前到達所以不用排隊便有位子了. 店舖面積比較細少而門面也比較殘舊店內也沒有什麼裝修可言. 不過這也不是重點,我來的目的是要品嚐一下傳說中全宇宙最好吃的米線.點了一碗雞絲腩肉酸辣米缐(小小辣), 由於這店舖的特制辣椒偏辣所以其辣椒程度有別於其它米缐店. 等了大約十分鐘,熱騰騰的米缐終於呈現眼前.湯底看上去不算濃郁也不油膩. 先飲一囗湯,味道帶點甜,辣味比較出但酸味不夠重. 米線軟硬程度剛好.我最欣賞的是它們的雞絲,絲得很幼細像肉鬆般,浸在湯底令雞絲更入味. 另外的腩肉看上去是淡淡的,但味道比相像中入味. 整體來說,這家米缐的味道是還可以的但個人認為不是最好吃的那一家. 對不起我心目中的第一位還是荃灣德華公園附近的唯一雲貴川風味 

中學食到現家，最近有網上有文章介紹話係第一好味米線，就寫下d間。聽聞介紹後多佐好多人去食，排哂隊：（其實以前不嬲都多人排隊食架啦，特別係放lunch時候。我同朋友都鐘意叫小辣多酸！最好味係腩肉！！一定要叫！不過腩肉好快賣哂，雞絲都係！唔食得太辣既朋友如果叫佐本身係辣既配菜就唔好再叫小辣中辣個d，，唔係既話真係好好好辣。好好味！！！

早一排係facebook 睇到一個post，列出左「香港十大最好味米線鋪」，入面講到：－　如果未食過呢間嘅米線，就唔好同人講自己食過最好味嘅米線！－　呢間米線原來唔只係「全港最好食」，更加係「全宇宙最好食」就我黎講，post 入面有提過既另外 9 間我都有食過，唯獨是第 1 名既呢個，所謂「全宇宙最好食」既，我反而就未試過，於是就搵左對上個星期六去試下。由於我係衝著「全宇宙最好食」呢個朵而黎，所以係我講食評之前我要澄清返一樣野，當然，就係「全宇宙最好食」呢個名既「由來」，呢個名只係由文章作者"聲稱"係由網民一齊選出，換言之即係由作者 / 第三者們所導出，並不是由「店家」自己話自己係，所以以下我俾既評價係唔會有任何情感上既分數。Openrice 呢個食評制度我覺得幾無謂，佢分做「味道」「環境」「服務」「衛生」「抵食」，在於我本人黎講，我只會著重「味道」，在此之外，一切都係冇意思。我唔介意「用天價係大排檔俾班伙記插住咁食一餐正到無倫既美味」，但我不能接受「用超抵價係服務極好既五星級餐廳食一餐垃圾」，所以以下，甚至將來，我所寫既所有食評都只會評價其「味道」，咁樣對所有唔同級數、pricing

石蔭村這個地方是我以前讀書的地方，長大後因為搬屋已經好少再反去了，人大了自然會懷緬過去一番，其實米線四圍都有得食，但要排隊排一個鐘都咁多人食，我諗只有這裡才會可能發生！ 米線千篇一律只有清湯，麻辣，酸辣為何值得排隊都要食，乾坤在於雞絲系用手撕，腩肉炆得非常入味，有少少辣，木耳爽口，米線爽囗彈牙，精髓在於湯底，我要的是中辣，辣度破辣但沒有破壞原味，因為食的時候不淨只有辣而失去豬骨濃湯味道雞絲吸湯力一流，口感特別好有點似肉鬆口感，食好嘢系要付出時間，所以排隊也是值得難怪只有好評

呢間石蔭小窩米我自從中學食咗一次之後就番唔到轉頭！佢間鋪好細，一眼睇晒，但日日都好多人去排隊等位。佢地係一家人黎，老闆請親戚幫手，連個仔既女朋友都系度幫手其實佢地有好多款唔同嘅配料可以選擇，但腩肉係一定要叫（要食得辣），因為會有少少辣但係又有dd甜！因為我好中意食芽菜所以就叫左一份！其他果兩碗係我既朋友既！佢地既湯底唔知點解就係好好味！不過我覺得唔辣無咁好食總之就絕對值得一試！

呢個唔介紹唔得！！// 照舊～雞絲腩肉米線 // 這碗米線絕對會上癮的！！如果唔係朋友自細食到大，我都應該唔識去到個到搵食。順便提下大家，要留意下～1730後只限外賣，太遲去仲會無晒最正的腩肉😍隔一排就要黎過下口癮！！如非葵芳地鐵站仲要轉程巴士 (31M/ 235M 梨木道落)，應該會成日都走過黎，小店應該會多人到爆炸...店面很小，只有六張圓枱，主要捧場客都係呢頭街坊，這個價錢這個份量抵食不用說，雞絲同腩肉係每次必點，雞絲丫～這種才算真正雞絲～索晒酸辣汁之後真的食到反白眼！P.S 姐姐們都是雲南人，都好有性格，又會同你開玩笑/串下湯底個辣是摸不透的所以最好叫個小辣試下先，老闆親自煮個個會辣啲濃啲，平常姐姐煮有時又會清啲，不過都無減我喜愛～米線質地好彈牙，加上配料十足，可以揀的菜都好多，仲有啲出面完全搵唔到既，例如我係雲南食過既螺旋草，香港第二到都無見過了。所以，中意米線既朋友一定要試下！

如果唔係女朋友中意食米線，根本唔會知呢度有間如此受歡迎既鋪頭。為左食呢間米線捐左黎葵涌,時間唔多又唔熟地頭，好彩有揸車。去到門口真係完全唔起眼，只見鋪頭細細但不乏有心人冒雨等待。店員都好友善，街坊生意，環境麻麻，但食物搭救。 小弟唔食辣，女友食小辣。我叫左走辣走肉碎（小小辣），要雲吞加墨魚丸。酸菜味煲晒入個湯度，超級好飲，係我飲過最好味既米線湯底，麵同配菜份量都夠，唯獨是雲吞同丸真係少得可憐，味道都普通。麵唔會淋到一pad,都係上品。餐牌上推薦配菜堅係推薦，因為份量會多好多。女友叫左腩肉，螺旋藻同雞絲，堆到成碗滿晒。腩肉經過七七四十九小時既清湯淨化之後我都試左啲,真係幾好食。

聽聞梨木樹有間隱世米線，趁星期日得閒特登渣車過黎試下下午兩點仍然坐無虛席喎！好在等左十分鐘就有位喇店內只有五張檯所以大家要坐得親密的 配菜除左螺旋藻其他都係大路野。老闆娘話呢到既辣比出面更勁，所以辣度要調整一下 我就叫左雞絲腩肉螺旋藻小鍋米線小辣睇落好似幾大碗！飲一啖湯，又酸又辣正呀佢既酸度比出面更酸，辣度似乎係正常雞絲拆得好鬆，唔會太鞋但吸湯一流！腩肉唔會好多肥肉，較薄身又香又稔。螺旋藻就係出面麵豉湯入面的海帶，又係好吸湯幾好味！米線煮得岩岩好，唔會太淋但又夠滑再加左支凍豆漿，唔太甜幾香豆味，好解辣！另外友人點了墨丸菜肉餃清湯米線。墨丸同餃得兩隻，味道普通但就唔抵食了！整體黎講米線幾好食！如果開係屋企附就好了！哈哈

最近迷上吃米線，尤其特別喜歡那些可以自行選擇不同辣度的小鍋米線，之前經常因為葵涌太遠的關係，一直都未有在那邊用膳過，近日找了比較空閒的日子，不惜坐了個多小時的車程就是為了一碗－雲南小鍋米線。＊＊＊＊＊＊＊＊＊＊＊＊＊＊＊＊＊＊＊＊門面不太顯眼，入內也只是放了兩三張圓枱，下午茶時間人流不旺，可以不用吃得太趕急，是一件樂事！牆身簡單的貼上餐牌和一些特色招牌菜小鍋米線（炸醬｀雞絲｀腩肉｀冬菇）小辣配菜還有芽菜，腐皮，小量辣肉碎 等－大大一碗份量可算是相當十足先試一口米線，軟硬適中，亦夠彈牙很多雞絲，混在一起吃，便會沾上湯底的酸辣，每一口都非常好吃冬菇較為失色一點，味道比較淡和入口有點硬身反而腩肉醃得十分入味，少少辣又不失本身的口感但是小妹則認為炸醬更勝一籌，炸得不太油之餘更是爽脆很香口整碗米線沒有可彈之處，滿足。＊＊＊＊＊＊＊＊＊＊＊＊＊＊＊＊＊＊＊＊下次又不知道是那年那月才能再來吃上一碗如此出色的米線，很期待下次再光顧。＊＊＊＊＊＊＊＊＊＊＊＊＊＊＊＊＊＊＊＊Miss F

位於梨木道山腳的雲南小鍋米線，看店面完全不起眼，破舊的裝潢應該嚇退不少食客如我，縱然偶爾會到附近工作，亦未考慮過進食。男友素來知道我喜歡吃米線，在機緣巧合下他在網上看見不少人都大力推介這間米線小店，遂拉我一同品嚐。午膳時間前來，小店門外已經人頭湧湧，等候的人多為學生和在附近工作的人，有部份等候堂食，亦有叫外賣的。我們若等了15分鐘，便獲安排在近門口的位置坐下。畢竟是peak hour，膊頭貼膊頭的情況亦在所難免。米線的配料跟一般米線店大同小異，但有一道叫螺旋藻的配料頗特別。看店裡的介紹說是對身體好云云，不知是否真的呢？最後我選擇了最多食家推介的雞絲和腩肉。雞絲腩肉米線（小辣）吃慣譚仔中辣的我，本想叫中辣，卻被伙記姨姨制止了，說："中辣好辣架！" 只好打退堂鼓，先吃小辣。果然姨姨沒說錯，小辣已經很夠辣和夠味了先說配料，這兒的雞絲真的是一絲絲的，像吃肉鬆那樣，吸湯一流，暫時在同類型店找不著。看其他食家留言說，雞絲是員工每天在店營業之前一手一手撕的，單是這份心思，已經值滿分！至於腩肉，肉的部份並沒有伴隨一大片脂肪，入口卻軟綿無比，肥瘦均勻，而且醃得非常入味，有點像日本拉麵的叉燒，甚至比其更為

中學畢左業 都好少翻黎呢一頭了 但難得黎到 當然食下呢間米線店出名好味 出名人情味 出名要等位 同埋出名細 但要食好野 多多人都等我今次一個人去 所以好快就搭枱搵到位當然叫翻平時叫開既雞絲小辣 因為呢到得米線  所以叫雞絲小辣就係人都明了老闆娘係四川人 成日都會同客傾計 充滿住人情味 另外既係味道 啲辣好香好正宗 雞絲都已經好難再見 因為真係絲黎既 吸埋啲湯 正😳😳。除左環境同等位外 真係冇幾多野可以挑剔既

好久之前第一次吃過這家{雲南小鍋米線}, 自此以後久不久便會專程乘車到這裡來光顧它。 市面上充斥著大大小小的米線舖, 可是這裡的米線味道和用心卻是獨一無二的。點了我最愛的「炸醬雞絲小鍋米線」(小辣)。首先說說「炸醬」, 市面上的米線舖, 炸醬都是比較濕軟的, 質感呈"醬"狀, 有些米線舖為避免炸醬未上枱已溶混於湯中, 所以會把炸醬另外用碗盛載, 與米線分開。可是這裡的炸醬, 是經"炸"過的, 所以每顆小肉粒都比較硬身比較香口, 當配上湯汁吃時不會溶於湯中, 亦能清楚感覺到炸醬的味道和口感。至於雞絲, 不但雞味濃郁, 而且是店家每天清晨時份親自用手逐條逐條撕開, 有時候更可以看見雞絲被撕得非常幼細, 一口吃下, 口感味道特別好。米線方面粗幼適中, 質感爽滑, 份量也充足,與芽菜一起吃也有助增加米線的爽口感。湯底偏酸的很開胃, 辣度可自行選擇, 酸辣混合得很惹味。雖然{雲南小鍋米線}店舖面積狹小, 人多的時侯不免覺得擠迫, 不過從它每天客似雲來回頭率又高, 就知道它的米線有多好吃!推薦大家前來一試!

隱世得黎好囂張嘅米線！唔係人地話我知佢好食真係唔會行入去，環境真係好麻麻，舊裝修睇落無咩吸引力。不過佢陣香味未行到過去舖頭就聞到。腩肉又香又辣，薄切但好咬口，肥肉唔多但都有（唔肥唔只叫腩肉啦，哈）。雞絲都不得了，好fine，個日見住老闆娘親手撕，手功都係返到。日日開十一唔到六點就收舖，逢大時大節就早收（六點咁早都仲早收...）甚至唔開，好囂張嘅開放時間。忙起上黎唔俾加底！佢囂得起，因為佢真係好好食。不過都有d嘢食我覺得麻麻地，雞翼有d老，丸嘅數量少。不過黎得都係叫腩肉，哈哈！好想食呀依家...

由中學食到而家都重係咁正，雖然店仔細細，次次都要大排長龍，但如果唔洗趕時間既我都會等，有時候ＬＵＮＣＨ　ＴＩＭＥ只得一小時，排都排左１５分鐘，但好彩一邊排，阿姐一邊會落單先，一入到去坐就有麵食，湯底味道可選不同辣，少辣有肉碎，野味香濃，加少少酸菜更加好味，我最喜歡配腐竹同埋腩肉～堆單三十多元，阿姐重會叮囑Ｄ學生哥唔好浪費食物，從小時候陪養唔好吃剩野既習慣真好！

難得平日放到假，下午起身孤身一個去咗石蔭嘅米線舖開餐！係附近讀過書同番過工嘅朋友仔，應該都知道呢間舖嘅魔力去到已經下午三點，無記錯嘅話，呢度應該係下午五點幾就準備關門，要嚟覓食嘅，就要調啱時間喇！等咗二十分鐘先有位，入到去即order，要快手先得，因為啲料好快售罄嫁！要咗個木耳雞絲腩肉中辣米線！第一次食呢間嘅中辣，之前都係食小辣！今日嘅我好lucky我聽到我叫完之後，雞絲同腩肉都停買喇！驚無得食嘅，真喺要再早啲嚟先得！上檯喇！呢度嘅好，就係你叫幾多款料，都會俾足你，唔似其他舖，愈多款就每款愈少！抵食！先講番雞絲，同出面唔同，真係幼到絲噤人手真係唔同啲！搞「雲」完個米線之後，雞絲完全索哂啲湯，超正，亦都超辣！差啲唔記得講番個湯底，辣得好正，湯都係一啖一啖嘅飲落去，有少少唔好就係，木耳用得太鹹喇，令到成碗湯好鹹，影響成個湯，下次叫另上好過！木耳除咗偏鹹之外，食落係爽口嘅腩肉就好入味，唔單只令個湯更甜，食落都係肥瘦剛好，不過超怕肥嘅女仔可以就會怕怕喇！建議大家怕肥就試吓叫肉醬喇，都好ok嫁！米線大大碗同我幾年前食到嘅水準差唔多，無退步