雲南小鍋米線

營業中

休息中

大約在一年前開始吃, 第一次吃簡直驚為天人, 因為無EXPECT係呢D街坊鋪可以食到咁好味, 之前覺得佢有少少似尖沙咀星林居的湯底, 不過最近湯底好像沒有以前好吃了....希望佢地可以KEEP住水準有次想夜晚去吃, 點知原來佢收好早.....真係唔憂做....無食過的可以一試, 腩肉好味

vinega spicy noodlessoup base is ok, just like 當地風味....but if vinega and spice can be more strong then better!well there's some pork, 芽菜, 九菜 inside,,,,but not muchnoodles portion is ok, well is Al detal, so not too soft and not too hard....quite smooth...soya milka bit too sweet and not much bean taste,,,,quite dilutewell $19 is not quite worth as not much 配料

下午1時許，店門已經排了一條龍……幸好等了一會就可以擠進去了。酸辣米線好辣啊……雖然我已經叫了小小辣，但一邊吃一邊流淚是怎麼回事OTZ不過很喜歡～酸菜不太鹹，微有甜味，不錯芽菜很爽口肉燥（？）也是炒香了的米線不會太“林”，彈牙的～湯底也很香，只是油多了點。要批評的話……就是（1）午餐時間要排隊，有機會被插隊……（2）店子的員工都不太會廣東話……（3）店鋪鋪面較小，建議外賣。

外賣等0分鐘是因為我地小息打電話去落單佢lunch送到黎佢生意超好,d單好難落架,多幾碗佢都唔送,所以d同學成日都會鬥快打電話去落單...言歸正傳,我中一二開始食佢,果陣佢d面都好好味架,日個星期最多試過幫襯佢3次.唔知係唔係愈黎愈多人ge關係,d湯底煮唔切,佢愈落愈多味精...食完佢成個下午都係咁飲水佢d野食煮得好重手,味道好濃,唔係咁健康...但係食一次半次都唔錯ge.如果你中意食濃味ge食物呢間真係唔錯,但係如果係中意淡味ge呢間就唔好係o岩了.唔建議外賣黎食,D面"諗"晒會冇咁好食.佢真係好多味精......如果少D會好食好多

搬入呢區已9年, 晚晚都經過這店, 但就從未試過(因這小店朝11晚6, 星期日休息), 上星期日見到佢開門營業, 原來依家改咗假期都開。11點20分去到, order 腩肉, 大腸, 小辣酸辣米線。切晒絲既腩肉和大腸, 好入味。小辣湯底適中。11點35分已全店坐滿(22個位), 果然名不虛傳。

心裡經常想幫襯, 可惜時間撞唔岩(晚上唔開,星期日又唔開).....一個月都係食到,一二次咋,真巴閉 , 哈哈.最鍾意點:豬腸, 因為冇肥膏係裡面螺旋藻,黑木耳

食第3次!!本身唔係住附近..所以覺得有d唔就腳!!不過好好食..都值得特登去叫左雞絲腩肉腐皮米線個人認為腩肉係必食!!另外佢d雞絲好特別..吸左d湯好正$31食到飽好味好味推介!!!!!

由於住得近 所以 一到周末 就會心思思想黎食而我鍾意係2點鐘之後黎食 少人D我唔係好食得辣所以 次次都係叫小鍋湯底($19)湯底本身都有少少料 不過 通常都係食到底先至會發現我大多數會叫三餸($4 / 餸) 其實對我黎講已經好full不過 就係想試多d一直以黎 最支持是腩肉+雞絲腩肉 睇落似豬頸肉(薄片版) 但食落又唔似總之就好食啦 本身腩肉有少少辣浸係湯度 啱啱係我能接受到既辣(去食米線一定要帶紙巾 一定會食到流鼻水)雞絲 佢呢度既雞絲好唔同本身 係冇調味的 (我覺得啦)但係 佢既賣相 係整到好似肉鬆咁真係一絲絲 所以 浸係湯到索左d味 就好正!最近新寵 木耳係過左年先開始賣既餸我本身鍾意食木耳 所以必點最後 提醒鐘意食蔥既人你唔同佢講要加蔥 佢係唔會主動加或者問你要唔要但 食雲南米線 就係要加蔥至好食丫

我中一開始食呢間,開頭小小辣都覺得好辣,食好耐都唔完但依家中五,小辣已經完全無難道,哈叫外賣番學校,小辣,一如以往的好,沒失望米線軟硬適中,芽菜唔多唔少食落去唔係淨係辣,仲有小小麻,正正正唯獨湯底酸左d?可能師傅咁岩重手左...

葵涌的小店(雲南小鍋米線)，門面很殘舊，雖然經常在附近出沒，也未曾考慮在此開飯，某次無意中看到開飯啦食評中共有21評，得3.8分高分，一個喊面都無。今天與太太剛好在附近，便一起同往午餐，她吃的我沒試吃過不作評論，我吃的如下。豆漿是(正遠牌)豆漿樽庄，味道ok，{70分}腩肉小窩米線，腩肉似是豬頸肉，跟南記貨色差不多，味道不比南記差，很好吃。{80分}這裡環境較擠迫，午飯時間要輪隊，雖然環境差些，腩肉米線味道唔錯喎，比多個笑面啦！

有一次上網睇下石蔭(因為我住附近)有咩好食,所以上左openrice睇下葵涌區有咩好食,點知睇見呢間野係排第二,咁應該有返咁上下,所以叫個fd一齊食,點知一到都幾多人排,所以就今日再黎,好彩今日早左所以有位,入到黎其實都幾細下,一坐落諗左陣,我就點左酸辣小,腩肉,魚蛋,我個fd就點左酸辣小,雞翼.小酸辣米線:真係唔錯,真係食返以前長沙灣間四川既酸辣味,但我覺得呢度再好d魚蛋:普普通通冇咩特別腩肉:真係唔講得小,食落同其他米線鋪唔同,實在唔識點講!呢間可以成為我既新寵,可以的話都成日黎食但同名深水埗既分店好似唔同內容!!!!!

呢間米線店好巴閉，每日只開 7 個鐘 (11:00-18:00)，過年、清明... 分分鐘關門成個星期唔做生意添! 不過真係好好食呢~~ 抵佢巴閉 D 既~ 呢度真係好細，大約只有 5 張檯，次次黎都滿晒人! 今日 1 點半去到，不單坐滿，連外賣都有好多人等，好彩住得近，於是買外賣返屋企食!米線 $18 + 腩肉 $4 + 雞絲 $4，外賣加 $1 --> 共 $27米線可以揀「小鍋」或「酸辣」，因為腩肉本身已經辣，所以我無揀辣湯底，「小鍋」底有芽菜、韮菜、肉碎，都有 D 酸酸地~腩肉係呢度既招牌，好多人都會點，切得好薄，炆得好香，其實幾辣下，一路食見到好多辣椒籽，不過食落又有少少甜，真係好惹味!! 連埋米線食越食越辣、但越辣越想食!!雞絲係我必點既配料，唔係切出黎既絲，而係好似用叉慢慢梳出黎咁，好幼細，所以食落完全好似係溶入個湯底咁，本身無乜味，夾埋腩肉食就好正!!

係米線鋪食米線都食左2年la...由$3一個餸食到依家,以前因為要經常去個頭而成日去食, 依家唔洗再去但有時都會為左一碗米線特登去食....食左咁多年都好有經驗,最好12:00-12:30 之前去咁就無咁多年...放飯時間起碼等十五分鐘先有位食左咁多次有都少少心得,有時候d 人唔識叫會叫到好辣,但其實你叫左腩肉你就唔洗再講少少辣,因為腩肉本身已經辣,你同佢講要腩肉個d 辣就ok....而且,唔係好食得辣o既人淨係要肉碎d 辣就ok, 如果你想要清湯o既話就話走肉碎就得架la~而且你唔係好食得酸就唔洗叫多酸因為真係會好酸佢o既米線有時會軟d 有時會硬d,但一樣都係好「in un」的佢o既菜肉雲吞同水餃係無分別,不過個皮都幾厚,但我個人喜愛再加上成日食所以轉左口味成日叫但唔係好多人叫總之真係好好味,我都食過同區荃灣好出名個間,但我覺得相比起依間真係差好遠,早排經過又去食依照都好多人,但係佢為左做多幾個生意已經唔能夠keep 個質素,預先煮好令米線太軟而失晒分,所以我依家都唔會再去荃灣食lor....@@~如果依間米線鋪開係d 人多或者旺區我相信佢可以做出名la....!!!希望佢有成名o既

今日約3點半去食米線,舖頭只有5張圓抬~地方較窄(如多人時需背對背坐!)而衛生不太好~望向擺材料和處理材料地方就在廁所旁,那處地方的確較殘舊,令人有點不安!服務方面:店舖明顯做街坊&熟客生意!老闆有笑容既服務!其他員工應該都係同鄉人講國語&鄉下話,但識聽廣東話...食物叫左:酸辣米線+多蔥+炸醬+腩肉+雞翼尖(小辣)碗麵一到已知冇多蔥~算吧!湯底香味又濃,帶點微酸正。辣度接受,下次可升級挑戰。而今次米線煮我唔夠透~有點硬!炸醬入味咸已帶辛辣味~只欠食落肉碎較"鞋"口。腩肉煮得夠淋夠入味(小辣),一點都唔韌,但可能我遲去到d腩肉大多得好細片...而雞翼尖明顯地煮得未多入味,只有外皮食到有滷水味,,,,可是雞翼尖都幾大隻的!!最後加包檸檬荼~正注意:因為店舖係做街坊&熟客生意!所以都較早關門~今日我食到一半(約4點)店舖已開始關門!但都有好多人入黎賣外買!也因為早關門原因,所以3點開始D餸都有D買哂啦~總結:店舖細而窄, 食物~正,有獨特風味,但要早D去食!!服務滿意

近日在呢頭返工, 這間米線似乎挺好評價, 我之前係譚仔米線FANS, 所以都想發崛新寵兒~~~我怕多人要等位, 所以選擇在下午兩時多才來! 很多人推介腩肉及豬大腸做配料, 故我點了 腩肉+ 豬大腸 酸辣米線(小辣)!~~~ 齋看已覺得湯底很濃郁, 橙橙紅紅色的湯底, 配料豐富, 起初以為好辣, 但其實不太辣, 而且好香濃, 我通常會先試試湯底的味道, 然後吃配菜, 再吃米線! 老實說, 湯底的確香, 但我略嫌咸一點, 可能因為腩肉已醃夠味, 把本身恰到好處的酸辣湯底再重味左, 所以覺得咸左一小點, 但卻因為咁, 吃米線的時候, 不用連湯一併吃, 也好夠味而且米線很爽口~ 那裡老闆都對自己做出來的湯底頗有自信, 我想加番少少清湯來減味, 但老闆堅持說他們做的湯底味道是剛好的! ...就當每人口味唔同, 原諒我冒昧吧, 請給我加點湯... = ="整體來說, 那裡的米線值得一試, 挺有風味的! 不過提提大家, 那裡好像沒有什麼特色小食提供, 純粹吃米線!