雲南老巷

營業中

休息中

呢間地方唔大叫咗酸辣米線，中辣餸方面叫左蘿蔔，金菇，腩肉，肥牛！肥牛同蘿蔔都幾好食，蘿蔔又無渣唔錯腩肉就一般，佢個樣似火腩甘既款，麻麻！佢個碗真係好大，份量都多不過中辣都係唔辣的不過味道都OK啦！另外叫咗小食，麻辣牛肚，估唔到咁多好滷水好有味，幾好食拍青瓜就正常，冇乜特別

很有懷舊氣色的小店，門口都冇乜裝修, 啲野都係舊舊地, 入面燈光都係暗暗地, 有個大電視比客人睇. 12點半入到去都冇客人, 即刻嗌咗碗秘制醬汁撈紅薯粉條,  冇加其他食物喇.嘩, 個碟好大, 大過我塊面, 本來諗住咁平會好細碗,  好鐘意個碟!我叫咗少少辣, 但係對我黎講辣咗D,  紅薯粉條太煙UN, 咬唔開, 吞晒,~~D 一粒粒花生好奇怪, 係反光的, 唔係一般花生.整體黎講個醬汁唔特別, 就似係一般撈汁

成日經過呢間充滿懷舊氣色小店，都想入去試一試，趁前排天氣凍冰冰行左入去試，估唔到帶黎驚喜。懷舊老店門面，裝修充滿舊式風格，店內整潔，但座位很少，繁忙時間大多都要排隊。一入座嗌左兩碗「秘制醬汁撈拉麵」，同埋「北菇滑雞煲仔飯」。秘製醬汁味道濃醇，拉麵軟硬度適中，份量十足，細胃口既兩個人食都足夠，但醬汁份量略少，可以向店員拿取額外既醬油，如果同我一樣咁重口味，記得攞多碗汁啦，哈哈!!!店員仲提醒我地等兩分鐘，一打開蓋，已經聞到陣陣香噴噴既飯香味，雞肉肉質嫩滑，飯粒軟硬度適中，食到煲底仲有脆脆飯焦，可以成塊整出黎食添，正呀!整體而言，冇令我失望，價格尚算合理，可以一試，尤其適合天氣凍冰冰個陣去幫襯呢!

小妹對於雲南米線一類食物非常喜愛，適逢最近去長沙灣多咗，發掘一下周邊美食，不難發現呢間雲南老巷。門口淺窄，店員正正安排我坐腿都不能伸直的巷口位。為了吃，我能屈能伸！(笑)叫了個紅薯寬粉麻小辣，配鴨血豬軟骨。首先份量是大的，猶如一個面盆，這個份量我很滿意，因為我食得晒(笑)呷一口湯，花椒香麻味突出，紅薯粉甚有嚼勁和彈性，而且掛湯。有什麼比紅薯粉配麻辣更惹味的呢？抱歉，寶寶暫時想不到。至於鴨血，其實好少粉麵店有得食，作為鴨血lover, 一見好投緣，即嗌唔洗諗。這裡的鴨血未算特別出色，不過都算新鮮好味，口感不錯。豬軟骨亦夠腍夠入味。最終一大碗粉只是$43，食完忍唔住即刻whatsapp住長沙灣既朋友，叫佢去食。同時見到呢間嘢居然咁少正評，太過分了！要推介一下！

本來沒有想到要走那麼遠，打算去到興華街那間「雲南風味館」，打算外賣一試，怎料到，七時許，裏面已經差不多關燈，好像準備打烊，只好下次再試。但是為了在本年度內再添一點新意，於是就差不多，由西九龍中心，走到來明愛醫院，橫跨很多個街口🚶🏿‍♂️。之前經過這間店舖，都已經覺得非常之有風味，看餐廳裏面，又是那一種看似舊式的裝修，或是古早風味。但是外面又有幾個煲，好像在煮港式煲仔飯，融會幾種特色。由於走到過來都已經有點炎熱，餐廳裏面又好像有點焗，於是也外賣🥡了。點了個本人最喜歡的撈米線，然後加了個13味雞肉，還有腩肉，之後想想，反正這麼遙遠走到來，就一次過試多啲吧，反正再來的機會也不高，再加了大腸。不算等得太久，期間也看到少女，只點了一個外賣便離開，難道這兒的麻辣小食也這麼吸引🤔？米線那邊的選項，也有很多其他不同款式，就連涼拌的菜色，或是煲仔飯，也可以吃到。餐牌上已經列明，撈米線裏面有炸醬、芽菜、花生、芹菜、蔥花、芫茜。店員一開口就問要多少辣，我認為它可能很難，就叫了店員小小辣就可以了。打開碗子，發覺和普通的川味賣相好像差不多，米線份量也差不多，不會太少。雞肉的味道亦非常之多元化，與其名稱差不多，名稱

基本上所有小食都係辣既，但唔係死辣，夠辣又唔會辣到食唔到，平時食開都好油膩，食多點都無罪惡感，今日叫左尖椒皮蛋，口水雞絲粉皮，看似一樣，但食味一點都唔同，好似我唔識揸筷子，粉皮一塊塊實在難攪，平時芫荽我唔食，食材新鮮唔會有臭草味個超級腊味飯又係無得頂，真正煲仔飯睇住係門口整，無得呃人，有少少飯焦超香，腊腸有拖過水，唔會油笠笠，個腊肉唔係平時果d,好似义燒咁，雖然係半肥瘦，肥肉金香，個甜豉油都校得唔錯 (我又撞親個腦唔記得影相)三個小女生主理，真係值喝采，叫多2支豆漿，2個人都係162蚊埋單，抵食! 係坐得迫點

是日經過長沙灣，想話快快手食碗麵翻屋企食物種類唔算話特別多勝在價格不高，店的重心似乎在於＂秘制醬汁＂老實講環境真係唔係好得，一入到去聞到陣雞欄味。而且唔知點解好嘈，想快Ｄ食完拿拿聲離開柏葉豬紅撈河粉　中辣甜醬油，辣油，花椒等作為醬汁味道香辣帶甜，相當不錯。柏業爽口，可是豬紅一夾就散而且份量蠻多的。十三香雞肉腩肉湯粗薯粉　中辣湯底普通，有微微酸菜味，不夠辣腩肉不入味，肉質偏實。應該是未煮淋，上色度都不夠十三香雞肉好重八角味，仲食到好多香料係雞肉外面薯粉真係好粗好大條非常有咬口，好似食緊大條蒟蒻但我覺得撈既粗薯粉會比較好吃薯粉本身冇味，撈的話較易掛汁希望能夠改善貴店環境情況否則下次都係外賣就算😂😂

第二次來這間店，今次吃的是寬薯粉，一碗是酸辣湯的，另一碗是秘製醬汁撈的。先說湯的，酸辣夠濃，雖然只是小辣，但已十分惹味，配料點了雞翼、蟹柳及雞肉，除了蟹柳味道淡外，另外的都好食，因為湯底夠味👍🏻👍🏻而且寬薯粉口感不錯，又夠飽肚感。另一碗撈的，醬汁也很惹味，也是小辣，但比湯的辣得多🌶，但依然不減美味。這碗配料有豬軟骨、牛栢葉和墨魚丸，三款都不錯👍不太吃到辣的建議點小小辣就好兩大碗加兩杯飲品不用一百元，而且質素高，值得一試!唯一不足的就是店內冷氣太弱...吃辣時邊吃邊流汗...

真心推介平靚正小小店！😈裝潢好古色古香，木枱木凳，就連個餐牌都成本武林秘笈咁！😂好想帶走佢d碗碟番屋企😍「鳳爪排骨煲仔飯」即叫即整，有飯焦🤡⚡️ $58最最最抵食係信鑼咁大盆嘅「秘製醬汁撈米線」$22😍有辣有唔辣，個秘制醬汁濃郁得來甜甜地，好野味～ 總括嚟講其實個米線同煲仔飯份量都幾大，兩個人食哂真係幾飽都！！！好抵食～-👅請俾分：7.5/10-🎏雲南老巷 (長沙灣)長沙灣元州街473號地舖🍳YouTube: Happy Amy👉🏻Facebook: Happy Amy👉🏻Instagram: Amylaceous

係facebook度見到介紹呢間店，就由荔枝角行過黎試下叫左個酸辣炸醬拉面 豬軟骨同蘿蔔 唔好睇少豬軟骨同蘿蔔 睇一間店做得好唔好 就係睇呢2樣整得好唔好小妹係唔食得好辣但想試下，所以叫左「小小辣」個碗勁大 大約比一個籃球再大啲啲見到咁紅 心諗今次大煲啦 唔理啦食左先講啲面一食就食到鹼水味 唉～～～～～2舊蘿蔔 硬既 個心仲係白色 唔係透透地 3細舊豬軟骨 啲骨硬既 同食雞翼無咩分別（中間果3舊）雖然個碗變哂紅色 但無辣味 酸味都無好多油呢度除左湯面仲有撈面食 有機會就再黎試下啲裝飾都唔錯既坐既位置睇落已經有好多年歷史

叫左碗酸辣湯米線，湯底根本係滾水加酸菜同炸醬所混合而成，加辣只不過係將辣油加上面，求其至極。隨便一間雲南米線都好食百倍。本來諗住支持小店，但點知比集團式米線更加難吃。裝修更保留舊舖的一部份沒有任何翻新及新配置令人覺得無心經營，寧願食返舊舖的牛腩河。

平時甚少寫食評。不過見友人FB有提過呢間鋪頭, 而今日咁啱路經果頭, 所以即管去試一試。本人對食物要求唔高,只要唔難食就得。我點左麻辣的米線,配以魚旦,腩肉,肥牛,牛丸。各款配菜都唔錯,至少係食唔到雪味。其次係湯底, 呢個真係要讚.因為佢個碗係超大,我飲左大半碗,都無口渴. 我唔肯定講有冇味精, 但至少個湯底係用料唔係差先。價錢,真係平。普通餸都係$4, 係D肥牛其他肉類先$6。而家講梗出面食普普通通車仔麵都甚難有呢D價位。唯有要彈就係冷氣唔夠,食到汗流浹背

雲南老巷開左唔係好耐，有一次同事買左碗撈拉麵黎食，一試就鍾意左，我地都食得幾頻密下，好味到上左癮咁樣。不過撈拉麵食得多好油膩，近排轉左叫湯薯粉唔辣，一樣好味。究竟好味在邊度？我覺得係因為佢落左好多香菜芫荽，好有風味；D配菜我叫得最多既係雞翼，因為佢既雞翼係非常入味，完全食到老抽既味道；第二就係海帶喇，海帶煮完都好有彈性，幾好咬口；湯呢，雲南湯底就一定油D架喇，尤奇是叫辣，真係落好多辣油，所以怕油叫唔辣啦，都OK

呢間舖先前係新之城粉麵都開左好耐，日前行過知道轉左新食店，打算揾日來試。由於估計食物水準不會太差，沒想過寫食評，所以沒有影相。店內裝修保留上手地磚，牆上裝了木的設計突顯舊店，不錯！ 换了木枱木椅是新的，不過排得太密，根本起身座底撞到後面。點了一個撈米線，如果大家有食開長沙灣另一間川味，應該基本上有秘制佐料，點了小小辣及3樣餸。很失望，辣只不過是加辣椒油，而不是雲南的辣，餸料份量很少，大腸切得薄薄冇咬口，牙菜煮得不透。店員不太熱誠招呼顧客，有改善空間！

今天新開張，見店前門頂有很多越南斗笠的燈，以為是越南菜，細看店名是雲南老巷，是雲南菜。店前的煲仔飯香氣樸鼻很想試試，但店內真的小巷格局，加上新開張，人多爆滿，店員說需等10分鐘，可惜天氣冷唯有放棄…今次先叫外賣，秘製醬汁撈紅薯粉條配腩肉，薯粉柔軟，富有嚼勁，撈勻其他佐料（炸醬、芽菜、葱花、花生、芫茜等），每條薯粉也沾滿肉燥，辣中帶鹹，加上配菜腩肉軟腍惹味，口感豐富。 美中不足是花生好似焗熟左，不夠香脆。整體味道不錯，份量十足，但個人還是喜歡四川／重慶的酸辣粉，酸辣中帶麻的風味。