雲石小姐 (已搬遷) 新店位置

話說家人生日訂左雲石小姐既生日蛋糕打算一家人試試。早係一星期前訂，當時同職員講大約5-6 點去拎。到左拎蛋糕個日，下午2點左右打去鋪頭問有無得早d 拎，職員答話可以提早至4點去拎。4點準時去拎，一比張單職員佢睇一睇就話：你話5-6點拎，未整喎個蛋糕！ 當時即刻好驚訝，之後同佢地講已經提早打左黎更改時間而且你地同事話4點ok, 點知個職員話：咁都要等嫁！ 心入面已經覺得離譜，難道十五分鐘會整到個蛋糕？但亦無謂再爭拗，所以就等多二十分鐘先拎到個蛋糕。返到屋企一睇，外貌明顯係好求其好趕時間咁整，成個蛋糕一d 美感都無，寫既人名仲要寫得好樣衰，而且食落去既味道仲好普通，得罪講句美心西餅都好食過佢，完全唔值依個價錢。總結係明星效應下紅左多人訂但服務同質素完全係差劣，唔會再幫襯。

女仔朋友生日要買蛋糕真係一件好困難既事，又要揀個樣靚可以影相又要揀好食！最近係ig見到呢間流心雲石蛋糕好似幾出名，好多網紅都有買，而且女仔對雲石真係低檔唔到，所以就提早一個禮拜訂左流心雲石蛋糕！流心雲石蛋糕 6吋 $580 +生日牌$20內籠我地揀左朱古力味，老闆娘有提我地朱古力個流心效果會冇咁勁。不過我地個陣切開，係一d冇流心既，仲記得我地仲超級期待個個拎曬手機出黎拍片，有小小失望，同埋朱古力醬太小，唯一所謂既流心已經痴曬係蛋糕刀上面。蛋糕係戚風蛋糕，食落似係厚實版既海棉蛋糕，朱古力味都適中，但因為朱古力醬太小，所以個蛋糕食落就有d乾。外面個d雲石紋，食落冇咩味，可能係個朱古力味蓋過左。總括黎講，我同友人都覺得呢個蛋糕唔係好合我地口味，但生日個位朋友見到個蛋糕靚都覺得好開心！下次可能會試下佢個芝士凍餅，可能會合我口味多d～

家中不乏「芝士狂魔」，這夜，相約與阿叔一家人來家中聚餐，兼為九月之星慶祝生日，小妹就預先在「雲石小姐」訂了一個海鹽芝士奶蓋流心蛋糕。 位處尖沙咀山林道的店舖，裝潢走簡約夢幻的少女風路，以白色為基調，設有粉紅花牆，再飾以綠色畫作或盆栽擺設，供客人打卡之用。 海鹽芝士奶蓋流心蛋糕已經預先以一個透明的盒子，配以紅色絲帶包好。店員叮嚀一番後，小妹馬上小心翼翼地護送「它」回家去。 生日插牌$10，蠟燭配5叉刀碟套裝$12。 6"海鹽芝士奶蓋流心蛋糕$418，面層以果仁碎粒作點綴，據說蛋糕選用澳洲香濃芝士炮製。奶蓋流心蛋糕，糕如其名，蛋糕外層被牛奶團團地覆蓋著，一刀切下，內裏流心的芝士一湧而出。吃一口，蛋糕質感稱不上鬆軟，海鹽芝士流心質地細滑濃稠有餘，帶點淡淡鹹味，然，芝士味道不太突出或誘人。面層的果仁碎粒，稍嫌過份細碎，且不夠香脆可口，建議可配搭脆脆的杏仁片或薄脆片，更添口感與食味。

之前葵廣都見過雲石小姐間鋪， 依家搬左去尖沙咀山林道。今次訂左個字母蛋糕 320加小玫瑰 30轉Earl grey 底30生日牌 再加20Total 400個蛋糕真係好靚， 好有心機。 期待下次試埋流心個款。但係食飯間餐廳雪到啲cream 好硬。 大家記住唔好雪太耐。

之前買開東海堂，但是偶然想試試新款，又不想買太普通的水果蛋糕，經朋友推介下，結果買了幾受歡迎的雲石小姐，它主打的雲石鏡面蛋糕非常吸引，加上我是除了考慮味道之外，也看重蛋糕的「顏值」。不過我想特別一點，所以叫了奶蓋海鹽芝士流心蛋糕，是7天之前預訂。一到手，哇！包裝好靚，好像一個玻璃盒子，可以清晰看得到個蛋糕，米白色的蛋糕外邊像是滴下來的設計，垂涎欲滴，一邊拿著一邊引來了不少目光。市面上也較少有這個款，所以用來打卡也是不錯的。切下去是有流心的，很多！(但朋友吃得太快趕不及拍照...) 味道方面，鹹鹹的奶蓋有點像平時街上奶蓋XX的手調飲品，不過我覺得牛奶味可以再濃一點(如果有百味堂牛奶味咁重就好了haha)，但現在這個應該較適合不喜歡吃膩的女生吧！蛋糕蠻鬆軟的，一口蛋糕沾著流心芝士，奶味和芝士味在口中融化，點點鹹香也為蛋糕加上了層次。服務方面，店員很仔細地提如果不是立即吃的話記得放在雪櫃，還有，托住個蛋糕較好，因為絲帶可能會鬆脫。不過我沒有托住也順便利地把它帶回家。個人來說，味道也是滿不錯的，是除了水果蛋糕以外的一個選擇。p.s 下次會想嘗嘗數字蛋糕.它的decoration真係好靚，少女風

A while ago there was a craze of drip cakes and now the mirror glaze.Miss Marble specializes in Marble glaze on her delicious cakes.It was really difficult to choose which cake to get because purple sweet potato and Earl Grey were both good picks.In the end I chose Earl Grey.The cake came in a lovely box tied with my favourite pink and silver ribbons matched by the pink acrylic birthday plaque.We were told, it would be runny in the middle so we carefully sliced it and indeed there was creamy del

岩岩有左既好姊妹口味突轉，由唔好甜品變到日日都話想食蛋糕約埋班fd去探佢之前就拎蛋糕先準媽媽講過想試下流心蛋糕，所以我地提前一個星期訂左個“海鹽芝士流心蛋糕（六吋）”HKd$418店内有少量坐位可以堂食，亦佈置得好 fancy添去到之後講返電話号碼同對返名就好快可以拎到個蛋糕啦啦啦啦woooo, 店內有靚靚花牆，咁就順手同個蛋糕影返幾張沙龍先啦返到去我地就食蛋糕啦，蛋糕base都幾鬆軟，切開好流心但又唔會太膩，因為海鹽淡淡嘅鹹味剛好中和返芝士奶蓋既creamy，味道都幾夾

相信大家都經常遇上朋友生日要買蛋糕的煩惱，通常要買過好食嘅，又要靚，又要方便，又要大方得體，多要求但又要特別，要冇人食過，才是皇道。 要齊咁多要求，好難，要找到合心水的更難。 剛剛是媽媽生日，碰巧佢係最奄尖腥悶的人，買一個合心水的蛋糕更難。 本身自己有幾個心水，但都吃過，近來最喜歡的Vive cake bontiuqe ，不過身邊碰巧好多Blogger不斷宣傳大讚，實不想人云亦云，加上之前老闆生日都買了這個蛋糕，我實不想咁悶咁無新鮮感。 於是我決定再努力找合心水的蛋糕。 幸好皇天不負有心人，我找到了雲石小姐。 記得在IG一路找蛋糕的相片的時候，看到這間以雲石蛋糕來宣傳的蛋糕店，佐敦的分店原來是新分店，之前在葵廣原來已經是名店。 除了有本身的雲石蛋糕外，這裏的分店更大，更是一間甜品店。 這裡更有刨冰系列和梳乎里蛋糕食，如果你嘗試吃雲石蛋糕可以過來點一個小的先試味。 本身好想就地正法吃件小型的梳乎厘蛋糕，但可惜廣場和媽媽慶祝生日，攞個蛋糕便走了。 這裡提供的味道有金莎，伯爵茶，比利時朱古力，紫薯牛奶，咖啡，抹茶牛奶和新招牌海鹽芝士，樣樣都好似好味好可愛，又吸引。 我自己就選擇了最經典

其實早喺今年年初，就已經聽朋友提過葵涌廣場有間叫「Miss Marble」嘅人氣甜品店，據說店子主打雲石流心戚風蛋糕。喺 Facebook 同 Instagram 睇過啲蛋糕相片，面頭嘅雲石紋超治癒，用嚟打卡呃 like 一流，所以已經即時將店舖放咗喺 wishlist。最近聽朋友講，店子搬咗去尖沙咀山林道，地點更加就腳，所以即刻靜雞雞訂咗個蛋糕，打算同妹頭預祝生日。「雲石流心蛋糕系列」有 4吋mini/6吋/8吋 3 個 size 可供選擇，而口味就有：比利時72% 特濃朱古力、金莎黑朱古力、Twinnings 伯爵茶、炭燒咖啡、伊藤園抹茶牛奶同紫薯牛奶。原來連雲石顏色、蛋糕形狀同蛋糕面嘅裝飾都可以自己揀；顏色除了黑白色，仲有 Tiffany Blue、天空藍、BB 粉同迷人紫等。見人少少，就訂咗個 4吋紫薯牛奶配迷人紫 ($440)。聽說蛋糕係到取前一個鐘頭前先至做，由於比預訂時間早到，所以嚟到時，店員說要請我稍等。趁空檔睇下餅店嘅環境。入面地方不大，但佈置勁 fancy，除了有一大幅粉紅色嘅花牆外，店內仲設有座位供客人等候、用作堂食又或者坐低傾下偈，做法非常窩心。蛋糕做好後，店員

貶眼間又到了小伙子的生日，太座為他訂了蛋糕，今次不在連鎖餅店購買，想試試這間雲石小姐。店子細小，但取餅當晚，卻有三數人在輪候。等了數分鐘，終於可取到蛋糕，這是8吋海鹽芝士奶蓋流心蛋糕，用透明膠盒載著，用湖水藍絲帶綁好。帶回家後，淋在上面的岩漿似的海鹽芝士奶蓋漿已傾瀉至四周，上面還有些榛子碎。為小伙子插上蠟燭和生日牌後便唱生日歌，之後便切蛋糕了。蛋糕是海綿蛋糕，基本上是鬆軟的，配了鹹鹹地的海鹽芝士奶蓋漿，味道不錯，口味算是特別，小伙子很喜歡。透明膠盒及絲帶的包裝很華麗，惟價格稍高，取餅地點不近地鐵站，不太方便。

最近呢度既蛋糕頗有名氣 因為連何超蓮都訂黎賀朋友生日!🎂 見呢度有細件cake賣 一於就黎試下😆Twinnings伯爵茶雲石流心蛋糕 ($78)論外觀簡直就滿分啦! 係雲石紋啊😍 切開未見到流心 但都係軟心既~ 面頭既"雲石"其實係用棉花糖整 呢份香甜同蛋糕既伯爵茶味好夾 令蛋糕既伯爵茶味更香!😱 不過我覺得茶味可以再濃啲😉海鹽芝士奶蓋梳乎厘蛋糕 ($58)唔好睇呢個外觀平平無奇 其實食落好正!😛 海鹽令芝士既鹹香更突出🤤 連埋鬆軟既蛋糕一齊食 一啲都唔膩☺️ 不過蛋糕如果再厚啲棉密啲就perfect啦😛不過呢度店比較細 座位得幾個 想坐得舒服既朋友仔可能要外賣去其他地方食啦

屋企人生日, 也會買個特式蛋糕來簡單慶祝一番. 今次我就選了位於尖沙咀雲石小姐的蛋糕. 這裡的蛋糕大約提早兩星期預定. 最後, 我選了雲石流心蛋糕系列 Marble Lava Cake Series的比利時72%特濃朱古力. 另外, 加錢轉了雲石紋理為紫色. 由於係訂咗時間前一小時才做, 我早了少少到, 所以稍為等一下. 這個蛋糕一返到屋企要盡快食, 記得唔好放入雪櫃, 否則就沒有了流心效果. 返到屋企, 第一時間切開試下. 流心程度唔係想像中咁勁. 朱古力味道相當濃郁, 啱晒愛食朱古力的我地全家人. 我本身食得偏甜, 而外層的雲石紋理甜度比我想像中無咁甜. 屋企人當中有人唔食得甜就會覺得偏甜一點, 其他人話可以. 而蛋糕質感再鬆軟一點會更好味.

一直都很喜歡在Instagram遊覽美食照片，但近期留意到不少雲石賣相的蛋糕相，實在美得不行不行（台語腔）。趁著這個八月，剛好有兩位同事生日，決定買個靚靚的蛋糕一起湊湊熱鬧。Miss Marble位於尖沙咀的山林道，除左在門市訂蛋糕外，還可以利用電話WhatsApp落單。像我這些太心急、早有準備的人，事先在一個月前已急不及待從WhatsApp落單，幸好機主回覆迅速，聲稱落單後大概一至兩個星期就可以完成，非常方便，溝通期間的語氣還很友好。當天在尖沙咀店舖取貨才正式看到餐廳的實景，地方細小但五臟俱全、左右兩邊的牆身都設計得十分花巧，左邊牆盡是落地的粉色系花牆，右邊則以簡潔的純白色配襯小型的裝飾和紙牌，再配襯餐廳的主題蛋糕，打卡實在一流。先要介紹一下店舖的流心蛋糕，蛋糕可分為件裝蛋糕、四吋、六吋或八吋裝。而內饀的味道十分多元化，包括有伯爵茶、炭燒咖啡、比利時72%特濃朱古力、金莎黑朱古力、伊藤園抹茶牛奶、紫薯牛奶。至於外層雲石部分，連顏色都有得揀，除了黑白雲石不用加錢外，Tiffany Blue、Sky Blue、BB粉、迷人紫只要加$20，只要加多點點價錢，就可以換取到自己所喜愛且獨一無二

上次同朋友經過山林道巧見雲石小姐既小店（之前一直係IG SHOP見到都想試）雖然肚飽飽都去左試咗佢嘅海鹽芝士奶蓋疏乎厘$5x芝士味岩岩好 有淡淡既海鹽係入面個醬好出色唯獨是係佢個疏乎厘其實係佢嘅戚風蛋糕😂😂不過蛋糕地啦 唔夠鬆軟 口感一般 有啲啲啲啲啲啲「鞋」但由於個醬出色，就比左個藉口自己訂左係蛋糕幫朋友慶祝生日啦 哈哈！不過醬是唔錯 但蛋糕馬馬既原因 應該唔會再試啦😂😂加上價格偏貴，呢個價錢的話 應該要再好食啲😂

另一半生日，除了吃飯逛街看電影等節目外，生日蛋糕當然少不了。今年的生日蛋糕，得友人介紹，說這兒的質素不錯，便決定一試。這間名為「雲石小姐」的蛋糕店，顧名思義，主打的是「雲石蛋糕」，不過老婆仔不大喜歡「雲石蛋糕」，便捨雲石蛋糕而取「海鹽芝士奶蓋流心蛋糕」（$418/6吋）作為這次慶生的蛋糕選擇。店舖位於尖沙咀山林道，舖面地方不大，佈置簡單，以粉紅調為主，拿過裝載著我的蛋糕的透明蛋糕盒子之後，便快快回家，放進雪櫃，留待之後食用了。這賣相都幾漂亮的「海鹽芝士奶蓋流心蛋糕」上的奶黃色海鹽芝士奶蓋早已如火山上凝固了的溶岩一樣在啡褐色的蛋糕外層形成漂亮獨特的圖案，把蛋糕切開之後，也可以看見裡面的海鹽芝士流心，雖然不算十分澎湃，仍可見到。至於味道方面，這鹹甜夾雜的蛋糕，雖然老婆仔不算特別喜歡，但是我喜歡的味道，而在口感方面，這蛋糕就稍嫌不夠鬆軟，如果可以鬆軟點的話，就會更好吃了。 無疑，這蛋糕的賣相是吸引的，不過在內涵方面，還可以再加強些呢！