雲貴川風味 (已搬遷) 新店位置

現今雲貴川已在北帝街站穩陣腳,不時也來刺激一下,獨自來尋開心.上一次寫過小鍋米線,今次自然地寫回店內最有名的麻/酸辣米線,在口味方面,個人是偏向麻辣,多過酸辣.不過,雲貴川的麻辣不麻,基本上同酸辣相近,論味道深厚刺激有層次,辣味不是一步到位.小辣程度對我是剛好應付.這次的配料除必備的芽菜,酸菜之外,豬潤同豬大腸一豬兩味.前者爽口,帶有鮮味.而豬大腸夠肥美,做得很入味,當然沒有臭味.米線入口爽滑,同時亦索到汁.住在土瓜灣,愛吃米線的人可以說是有福,吃黃鱔米線可去雲軒居,如果想刺激一下,不作他想,還是雲貴川.

朋友唔同我地一齊食晚飯，得返我同親愛的２個燦台腳，我就叫親愛的揸車去左北帝街，因為果度選擇多；而我又知親愛的鍾意食米線，所以我就話要食米線！不過一條街有成幾間鋪都係食米線，【雲貴川】親愛的話好出名，仲話第一間鋪係荃灣，日日都排哂長龍，咁唔駛諗啦，就呢間。※打開ＭＥＮＵ有６款唔同米線，湯底自行選擇小、中、大、勁辣。※仲可以係隔離版比錢加自己想食既配料。※米線唔夠，可以另叫小食！我地小食叫左一碟【紅油拍青瓜】青瓜好爽口，不過我覺得個汁喊左小小親愛的：酸辣米線 配雞中翼 + 凍奶茶我：酸辣米線 配麻辣腩肉 + 凍檸賓我地２個都係選擇【酸辣】湯底既米線，個湯底好好味呀，湯面滿滿是油。親愛的問我：知唔知點解成碗麵都係油呀？我：係辣油，咁先辣！親：（親愛的用筷子攪開ｄ油）見唔見到好多煙走出黎呀？我：見到呀！親：其實係保溫架，因為北方天氣比較凍，陣油係面可以保住米線唔會咁快凍。（每當ｄ油走返埋一齊遮返住碗米線，又冇煙出啦，我又攪開ｄ油，ｄ煙又向上霧。）

這地區中以往一向不乏米線店，然而自從雲貴川進駐後，戰況明顯一面倒傾向雲貴川。自己幫襯過幾次仍有意欲再去，所以此米線店已成主場首選。最喜歡吃這裡的酸辣米線（小辣)．湯底本身已幾好味，再輔以芽菜、酸菜、韮菜、肉碎，酸度及辣度皆適中，配以豬潤更帶出豬潤之鮮美，不失為一個好配搭。然而除了幾款米線及飲品，此店似乎欠缺一些小吃，例如雲南米線常有的特色雞翼、皮蛋等等，如有則更佳。此外有時檯面抹完後仍有一層油，這點亦應作改善。

雲貴川呢個名，我細細個就聽過喇﹗冇耐性嘅我，冇可能試到荃灣正舖，最近係土瓜灣開左分店，試吓先﹗我叫左魚旦同豬耳中辣米線，幾分鐘就有得食﹗一睇個湯，已經唔多LIKELY，又係個D好多椒皮係個湯面浮動個款，都算，試一口中辣湯，好彩有辣味，不過同自己期望差好遠﹗魚旦係黃色個隻炸完好耐，又放湯個隻來貨魚旦，可以有什麼驚喜？豬耳係麻辣豬耳，有辣味，但唔係麻辣（寫到呢度，突然想起長沙灣的餃子店，佢嘅麻辣豬耳真係一流）可能係先入為主的關係，見到椒皮都已經打左折，所以對成碗米線來說，可以話係機械式動作，冇乜感情分係度，既然冇感情，亦都唔會再黎﹗

行過北帝街, 見到新開間米線鋪, 裝修招牌又唔錯, 決定排隊貢入去醫肚!! 叫左中辣小鍋米線, 配料要腩肉, 炸醬同豆卜 (雲南米線絕配三寶). 伙記好快送到, 大大碗, 賣相都ok, 不過相比x仔就遜色少少. 先飲淡湯, 辣得黎超開胃, 忍唔住狂飲幾淡先食米線. 米線好特別, 好耐未食過彈牙既米線!正!! 最有特色係湯入面有好多肉碎, 暫時係其他米線鋪都未見過, 算係一大突破. 食完好快就走, 因為門口有好多人, 唔好意思hea. 伙記勁有禮貌, 總體黎講好好, 以後又多一間正米線鋪啦!

荃灣米線名店"雲貴川"首度落户於土記食街，令這條本身已有數間店舖有雲南米線供應的小街，更添多一分競爭意味....太座的米線癮又發作，剛巧路過，從前在荃灣總店門外永遠都有一條人龍的，要吃到真的需要有一點耐性，難得這新分店不用排隊，實在是方便不過了....最近跟太太吃米線的習慣是來一碗二人份量的過橋米線，這樣既可省一點錢又可試多些花款的配料。碩大的一碗米線端來，但配料沒有想像中的多，不過基本的雞肉、酸菜、腐竹及韭菜等還是不缺的。先喝一口湯，味不太夠鮮，但沒有像其他同行般下很多師傅去"吊味"，這已是很不錯....米線雖不過淰，但總覺還是欠了些咬勁，比起三哥的，仍是差了一皮....配料清單上說有自己最愛吃的腩肉的，但不斷的用筷子撈啊撈，卻是遍尋不獲；雞肉稍嫌不夠嫩滑，比起景霖的又是差了一班；酸菜是真的酸得令人"咪"眼，若能多點鹹味就更好；腐竹是太硬的了，很難"嗦"味，又怎會好吃 ? 相比之下，真正嗦了湯的豆卜就更好了；後加的豬脷說是已加辣了，但吃落卻是毫無勁度，温温吞吞的，幸好質地不算太硬實，還得下的；同樣是追加的黑椒豬肉丸不是自製的，咬落覺爽口，但黑椒味不重，牛味亦不足....當然不可以說

星期六中午收工後, 又要到土瓜灣上課, 今次選了這間新開了不太久的雲貴川幫襯. 這間前身是日本料理的小店, 現化身成為賣雲南米線的食店. 中午一時多, 人客也頗多. 店內環境也很擠迫, 與其他食客一起擠在一起, 感覺不大好. 看過餐牌後, 本來也想試試辣味的米線, 但可惜帶點熱氣和病, 不便吃辣的東西, 所以點了清湯米線加菜肉雲吞. 米線過了一會才送上. 原來另加的菜肉雲吞一共有四隻, 一般大小. 可是皮卻太薄, 還未夾上來吃時已經破爛了! 味道一般水平, 有點後悔點了這個! 清湯米線本身也有酸菜, 芽菜和韮菜. 酸菜的量最多, 不算很酸, 吃起來酸酸甜甜的, 不錯! 芽菜和韮菜卻只有幾條而已, 連是甚麼味道也吃不出來! 清湯也不是清的湯, 而是表面浮了很多油的湯! 湯可能因為放了酸菜, 所以變得帶酸味又很多油!! 最讚的就是米線, 又滑又煙韌, 量又多, 十分飽肚!!總的來說, 其實水準一般而已, 實在不明白到底為什麼那麼多人排隊!!!

都好鍾意食米線....今次去開呢頭上堂,見鋪頭光鮮又話荃灣有本店...所以試試...配料豬腩肉.湯底要酸辣,另外叫了個雲吞。來到既時候覺得好大碗呀!!!都算抵食!個雲吞既配菜多到不得了....成碗都係芽菜.....味道好濃好和味,米線爽身而不糊口D湯都好味...飲左好多...因為我好鐘意食酸野....呢碗真係好開胃呀....豬腩肉軟稔稔又入味,都OK既...不過男友話....都係譚X好食D...而我就覺得....都係南X好食D....哈哈....心中都有至愛...不過呢間真係值得一試呀!P.S....不過呢度既厠所真係亂左D...令人唔開胃...

在荃灣賣麻辣米線賣到街知巷聞的"雲貴川",現今開到去土瓜灣.位置在北帝街與新山道交界,即是"味王拉麵"的舊址.記得上次在荃灣雲貴川,事後辣到烈焰紅唇,極待撫慰.連柔情慾望,也迷失得徹底.今次是早上十一點多前來到,不敢亂來.反正在荃灣點吃過辣,今次就試過不辣的小鍋米線.配料要豬腸,豬腩肉.湯底雖然沒有辣味,味道同樣濃厚.因為有酸菜在內,所以喝到結尾帶一點點酸味,挺開胃的.米線爽身而不糊口,亦能夠索到湯汁的味道.豬腸頗肥美,入口彈牙亦沒有異味.豬腩肉肥肉同瘦肉位分明.軟稔鬆化兼入味.是次不辣之後,下一次來到雲貴川,便要來個麻辣米線.現今在土瓜灣,連去紅墈分店的車錢也省卻.隨時也可以用麻辣,來自我刺激一番,真好.