雲長小龍坎老火鍋 (已結業)

麻辣火鍋對好辣之徒來説 一向有著一種難以抗拒的魅力，那股麻辣紅油香讓人想起也垂涎三尺，而最近在銅鑼灣就有一間新開的麻辣火鍋店，據聞是歌手陳柏宇從內地引入的麻辣鍋名牌，蠻有氣勢的名字令人聯想起三國演義裡的人物關雲長，果然一進店內已感到那濃厚的中國色彩，天花掛著一個個的紅燈籠，牆上貼著大大幅三國演義裡的人物壁畫，加上古典懷舊風的木傢俬，連麻辣湯鍋的手柄也是龍頭浮雕來的，十分有特色，一枱一櫈都滲出了濃濃的中國小說風情。來到的時候尚早，望望手錶六時還未夠，想不到已有客人在烚下烚下，店內座位不多，而且不停聽到有人打來預約訂座，果然不愧為人氣小店。打開點餐紙，發覺這裡的火鍋配料選擇頗多，由豬牛羊到海鮮內臟，丸子餃類到蔬菜小食等均有供應，當中亦不乏一些搞搞新意思的新派菜色，就如紫菜響鈴、玫瑰丸子，和龍廚八寶摩天輪等，都盡顯了廚師的心思細意。店內角落處有張枱放齊了蒜蓉、炸蒜、葱、芫茜等配料可供客人自行調配醬料，而枱面亦放有一罐罐別緻的即開「油碟」，亦即是火鍋的專用麻油，加入到調味料中據說增添香氣之餘又可有助解辣。雖然感覺有點油膩，但入鄉除俗，當然要試一下，食材點上油碟，沒有預期中的油膩，反而添上了芝麻

見朋友 share 食好西相好有特色咁...仲要係陳柏宇有份開!!! 我呢個火鍋L梗係要黎食啦~ XD又係早食飯嘅好處...就係可以影到我最鍾意嘅沒人類相片... HeHe~好有古代古裝片的感覺...最中意睇武俠片, 入到黎感覺好正~有啲想埋去影相留念...(T^T) 後悔無化妝...除咗自行混醬外, 仲有一整罐麻油用來加落去調味料到~可以 緩和/中和 減啲麻辣感覺加啊~佢好鍾意食麻辣, 佢食得超開心, 猛話好味好開心, 所以我都好開心~我唔食得辣, 好在田園番茄湯底超好味, 推介!!!佢開心得滯 叫咗好多野食...我哋兩個飽得好緊要... XD我哋都忍唔住代入咗古人俠士...魚皮大塊 又夠脆索湯底正雜菜盤 新鮮足料雜菇盤 都係新鮮正斗比坊間一般店舖多種類極品手切肥牛 (大)食好味牛牛 佢超級開心, 佢係牛肉控~ ;)油脂比例夠均勻, 好味啊~肉味濃郁 又冧滑我都忍唔住食咗幾片呢個稻庭烏冬真係不得了!!!佢跟機 有埋個罩籬!!!唔使慌失失手忙腳亂去捉番齊啲烏冬!!!一邊煮烏冬 一邊繼續優雅打邊爐真爽皮!!!烏冬夠彈牙, 配埋足料蕃茄湯底, 係我最愛!!!我忍唔住自己食晒一客 2餅烏冬~

今晚同我的好姊妹又食好野，我地訂了這間在金百利7樓的雲長小龍坎。門面已經好特別好中國感覺。這裡的設計好中國感覺，有著掛燈籠，光亮典雅，更好多中式掛畫及擺設，連所有的用具及碗碟都是用中式的，其獨特一致性，可見老闆是好用心及好嚴謹的這裡的菜色及食材有好多選擇，也好有特色，不是常見的食材及製作，令我們好有驚喜及食得好飽足滿意！1. 湯底是紅油藥膳鍋（少辣的及藥膳鴛鴦鍋）辣味好香濃；藥膳清淡而又暖身（龍眼及椰子干）2. 圓肉蘋果茶好清甜好滋潤的蘋果茶，有甜甜龍眼肉的味道，好適合打邊邊減減熱氣3. 玫瑰豬頸肉好靚呀，玫瑰花的形狀！好有心思豬頸肉好香濃又厚身，爽脆有口感4. 龍坎排骨好入味，個汁好香，肉味濃郁，這個放在紅油湯底好配合，少少辣中特出排骨的香味5. 山藥片好新鮮，爽脆又健康的選擇6. 龍廚八寶摩天輪個名已經好特別，上枱真的比吸引了！好可愛！連其他客人睇到都覺得開心呀！都係色香味俱全，仲有得影哦 共8個小銀盤，每一個都有一片菜及一個食材，好有心思！有4種不同的手工丸（蝦、牛、豬、墨魚）及餃（韮菜、椰菜、水餃、雲吞）真係人手製，好味又多料7. 即炸紫菜響玲好香脆，紫菜同腐竹一齊卷好夾，紫菜

火鍋店在內地甚有名氣，所以特意帶媽媽黎試下。一進門就聞到麻辣鍋味道，四周環境裝修得古色古香，非常中國風。🍅田園蕃茄鍋 $128好想試下麻辣鍋，但媽媽唔食得辣，所以叫左田園蕃茄鍋，唯有下次同朋友先過黎試。味道微酸帶甜，好開胃，d蕃茄粒比我食哂😂。🥢手捲牛舌花 $78玫瑰花造型精緻，牛舌厚度適中，灼20秒鐘就可以食得，牛味濃郁嫩滑有嚼勁。🥢自制韭菜餃 $68有八大粒，皮薄粒粒飽滿，韭菜新鮮，味道略咸左少少。🥢手打蝦滑 $88新鮮蝦肉口感彈牙，味道鮮甜。🥢皇帝菜 $38🥢金針菇 $38蔬菜新鮮。🥢紅糖糍粑 $58用紅糖、糯米制作既一道福建省傳統小吃，煙煙韌韌，綿軟口感唔會太甜。

之前想食好耐小龍坎，今日終於嚟到喇可能因為名人效應呢間餐廳都幾受歡迎！限時兩個鐘，五點半左右去到已經差唔多滿座啦！不過餐廳空間唔算話好大！唔算話好好多張枱！不過如果多人嚟嘅話可以包一間房！🧐🧐🧐我哋叫咗個鴛鴦鍋一邊係紅油麻辣火鍋另一個係藥膳鍋！有辣有唔辣😂😂😂有辣有唔辣！識得四川火鍋都知道要有一個精油作調味！冇咗呢一個精油，就冇咗四川麻辣火鍋嘅精神！💪🏻💪🏻💪🏻我哋挨住我細份靚牛，分量唔算話少但係二百幾蚊都唔算話好平，仲有竹苼釀魚滑同黄喉，呢兩樣都係我食火鍋必食！😂😂😂👍因為太油你啦我哋都要帶返個蔬菜拼盤原來呢一個招牌菜響鈴！但係我覺得味道還好啦🤭💪🏻🤭總結: 唔算話食咗好多野兩個人埋單要＄800！其實唔算話好平！但可以一試！

食過大陸既小龍坎(之前有介紹) 先知香港既小龍坎貴呀因為好友係柏宇bb既超級粉絲 呢間香港雲長小龍坎係佢開既, 所以朋友話要上去食睇下撞唔撞到佢! haha.4個人食 發現原來茶位🍵連加一已經過百不過去到都興奮架 因為裝潢真係好靚好有中國特色 好古代既感覺😀😍牆上會掛上古代既圖畫🌄🏞🎑 好似身處係武俠小說入面😂而坐既都係木櫈 之後侍應姐姐會一人俾一條好得意既圍裙👗我地著住 免得彈到啲湯係件衫度😃細心!.湯底必食四川紅油湯 佢既辣度係中辣咁上下 而我地揀左另一邊係藥膳 清清地又養生, 好香既藥材味 2邊都好食!正!..🌟推介鮮毛肚同鵝腸😋毛肚係指牛既瓣胃 灼10多秒就可以食 一啲都唔韌又唔鞋口 入口好爽脆冰鎮鵝腸大大條 好新鮮 好正😋💕..🌟羊肉片唔會話好so 而且大大塊 加上辣油一齊食 食完暖粒粒❤️💨..🌟鮮鴨血厚厚一大片 餐牌上寫推薦煮2分鐘 但我個人覺得煮得越耐越正 吸收曬麻辣湯底既味 食落好惹味..🌟手打墨魚滑可以食到墨魚粒 加上面頭既蟹子 爽口彈牙 而且唔會腥❤️..🌟我地無叫肥牛片 因為有朋友唔食得牛 同埋怕太多 只叫了牛牛粒🐮 都有14粒左右 一人幾粒岩岩好😃雪花牛粒好香好濃

最怕食啲麻辣到無晒感覺，完全食唔到食材鮮味嘅麻辣火鍋。我都算食得幾辣，但因為唔想太傷腸囧，都唔會博到盡，始終食辣只係個人喜好，唔鍾意同人鬥，贏咗，輸咗健康就唔好。食辣，完全係為咗過吓口癮罷了！而呢度嘅麻辣鍋就正合我心意，小辣都唔會好似走辣咁，吞嚥時都會帶有後勁，而且麻嘅時間唔會太長，令我可以感受到食材鮮味，特別係食牛肉呢啲主要食食材鮮味嘅配料時，呢個辣度就更加適合。牛舌花係幾有心思，一片兩瓣，周邊拼至中間，再卷起中間。厚度剛好，30秒可食用！羊肉都好夠鮮，份量剛好。呢個丸子摩天輪就最吸睛！

全國風行名火鍋店，今日慕名而來，裝修特別，古色古香～一坐低，就俾呢個龍頭吸引住～一幅幅桃園結義畫像喺你眼前～小調料，自己任拎，任調... 仲有全罐花椒油供應～見到隔離枱碟牛好靚，忍唔住都即刻嗌一碟，碟碟都咁靚... 肥瘦均勻～😍😋點麻辣鍋都食出香濃柔軟～呢碟花形豬頸肉，搶眼之餘又爽口，爽口滑溜啖啖肉～手打肉丸，款款試哂，各有特色入邊啲餡都唔一樣，但味道都香濃～紫菜腐皮卷，食落去好香紫菜味，果然名不虛傳，碟碟精品～

一大班朋友冬天食飯，緊係食麻辣火鍋啦☺️。今次試既又係另一間過江龍，聽講評價好高嫁！-紅油藥膳鍋紅油整體味道比較偏鹹，比一般食到既麻辣鍋重口味，味道好似紅燒嘅味道，再加上麻辣，滾完啲野食好夠味，配佢地既麻油食就岩曬。另一邊係藥膳湯，咁既天氣可以暖一暖身，食物煮完有陣係好香嘅藥材味，鹹度足夠，味道清清地。-極品手切肥牛打邊爐就緊係要牛肉啦，今次就試下佢極品手切肥牛。望落油脂分佈好靚，食落牛味好濃，而且口感嫩滑，值得推介！-另外內臟方面仲試左黃喉同埋毛肚，兩樣都可以話係麻辣火鍋必點嫁啦。整體食材新鮮，處理乾淨，而且價錢唔貴，我覺得性價比幾高嫁。

天氣轉冷...又係到火鍋既時候啦(借口黎既姐~其實凍唔凍都可以火鍋嫁啦)~之前朋友介紹呢間店~話個麻辣湯底好正~好辣既我~更係要黎暖一暖胃啦~唔知點解覺得呢個名好有氣勢~店內環境都幾古色古香~用上木傢俬又有調味料比你調醬~其實我都係聽朋友講先知油碟原來係四川火鍋必備的~落在調味醬裡真的較香.有麻油香味！點了紅油藥膳鴛鴦鍋 ($138),  配料就點了自制韭菜餃 ($68), 極品手切肥牛($288), 玫瑰豬頸肉 ($58)和手打牛丸($88)紅油麻辣鍋 - 很到我的口味.慢慢慢慢變成麻.好正！藥膳鍋 - 上枱時飄來震震既藥膳味！和朋友不停添飲！以龍頭做手柄極品手切牛肉.雪花紋分明..充滿油脂很香牛肉味自制韭菜餃 - 平時都喜歡食韭菜餃.可惜唔係人人岩.難得同行友人都喜歡.冇理由唔點吧！太有驚喜了..裡面是滿滿的韭菜！皮也得薄！玫瑰豬頸肉 - 很美很有心機既包裝..包成三朵玫瑰.每朵也有四至五片！肉質也很爽口！手打牛肉丸 - 牛丸有肉汁.很彈牙.

寒冷天氣🌬❄️，緊係同好朋友一齊去食四川火鍋啦！嘗辣既我一坐低就點左個駌鴦鍋（紅油藥膳鍋），陣陣麻香味，令人食指大動。極品手切肥牛🐃無論係牛肉雪花分佈，厚薄度適中，入口牛肉味濃郁，肉質鮮嫩。成都空運鮮毛肚灼十几秒就可以食，一啲都唔韌同嚡口，入口十分爽脆新鮮。手打墨魚滑🐙爽口彈牙，一啲都唔腥，配上麻辣湯汁一齊食，好惹味。即炸紫菜響鈴腐皮中間捲住塊紫菜，放落啲湯汁度灼幾秒就可以食。入囗腐竹豆香味重、紫菜味濃，入囗微脆可口。雜菜盤蔬菜種類都幾多，份量唔少而且都几新鮮。🥒🥕🌽總括員工服務不錯，會主動推介新鮮食材，亦會提醒食物應該灼幾耐，先可以保留鲜味。個人認為湯底味濃，可以唔駛點醬油已經好夠味。食物都几多選擇而且新鮮。

麻辣配清湯湯底，麻辣揀左最辣，完全係有少少麻痺左條脷既感覺，亦好香牛油味，食列全身暖笠笠！每項配料都睇得出師傅有用心喎，呢點好值得加分作為薯仔控，咁切法真係好方便。夠薄快熟，唔洗次次打邊爐都食到飽晒先可以食薯仔同普通炸響鈴唔同，中間加左紫菜，好香口，成舊食落似小老闆紫菜既味，好特別冬天都係揀返啲養生飲品，清甜帶蘋果香，解渴朋友點既牛肉，中間包左芹菜，食落會有兩種口感必點既牛肉！好香好香牛味，而且脂肪分佈平均豬肉片都唔錯，每塊份量多爽脆黃喉，唔多地方有得食，打邊爐見到都係必點極足料韭菜餃，肉菜比例平均，咬落有肉汁甜品點左黑糬糍粑，好好味！好Q彈，仲要配上甜甜黑糖，必點

今次食呢間麻辣火鍋店係藝人所開設，早排鋪天蓋地咁宣傳，今日終於同家人去咗食了餐廳室內環境好有古裝嘅特色，係用上歷史人物關雲長做牆上圖畫呢到呢到緊係要點佢個招牌麻辣火湯底，湯底好重牛油香氣，食落好香麻帶微微辣，唔算太刺激死辣，食食下仲有陣陣羶香，可能是牛油比較多手切本地牛肉排得像小山谷般，牛肉雪花分佈非常均勻，焯一陣剛轉色就食得了，牛脂的香氣加上入口即溶，當然唔少得麻辣得油香，非常美味滿足另外仲點了一些大路火鍋料，烏冬好彈牙，吸埋麻辣湯汁好夾啊皇帝菜都好新鮮夠嫩綠

天氣凍冰冰，個個都爭住去打邊爐。我最鍾意就係去啲新開嘅火鍋店試下。呢間充滿中國裝修嘅打邊爐舖好似幾掂喎。田園蕃茄湯 ($128)呢個普通嘅蕃茄湯底唔算平，但勝在蕃茄味好夠。最搞笑係個鍋有兩個龍頭，果然氣勢迫人。小龍上上籤拼盤 ($128)名就好有趣喇，原來係將火鍋食材變成串燒，倒插係碎冰上面。呢個 Idea 幾好，令人食得好方便，又唔怕跌咗落爐底執唔返。材料都好豐富，有墨魚仔，鮑魚，芝士腸，手打丸同鮮蝦。玫瑰豬頸肉 ($58)賣相好花心思，睇落以為得三舊豬頸肉，其實分開後會好多件。豬頸肉好爽口，有啲肥紋，好高質。花雕雞件 ($98)用花雕浸住嘅雞件上面仲放咗杞子，雞件非常入果，而且仲好鮮甜嫩滑，啖啖肉好掋食。翡翠豆苗 ($38)打邊爐點都要食返啲菜，唔好成日娃娃菜、油麥菜咁悶，冬天嘅豆苗好靚，好嫩口又無渣。

位於銅鑼灣的新開火鍋店名字很有氣勢，叫「雲長小龍坎老鍋」。一岀電梯已看到其中國風的裝修，上面掛著紅燈籠，牆上掛上古代的圖畫，真令人有種身處在武俠小説裡的感覺。餐廳更有可愛的圍裙提供，很細心唷。因為怕生病，所以沒有點辣湯，反而叫了個清淡健康的田園蕃茄湯 ($128)。有蕃茄粒在內，蕃茄味濃郁夠味。大的極品手切肥牛 ($288) 鮮甜嫩滑，有美麗細緻的雪花紋，牛脂味濃郁，有入口即溶感覺，相當高質。大 Size 就算二人吃也可以。龍廚八寶摩天輪 ($118) 玩味很重，把自家製的餃子和手打丸放在摩天輪上，轉來轉去很吸引眼球唷。也因為是自家製的關係，所以丸類也是大大粒，而且爽口彈牙。餃子也做得皮薄餡靚，材料豐富，漲卜卜的餃子裡面還包了黑木耳和椰菜，口感爽脆。把野生竹笙 ($88) 浸在火鍋裡把蕃茄湯的精華完全吸收，爽口好味，是我每次吃火鍋也必吃的。甜品紅糖茲巴 ($58) 有驚喜！其實是炸年糕，外面炸得非常香脆，內裡軟腍煙韌，沾上糖漿，十分滋味。一份有八件，二人吃未免太多了，但也是必叫之選。