雲長小龍坎老火鍋 (已結業)

天氣咁凍，緊係同好朋友一齊打邊爐啦！今次我地選擇左食四川火鍋。雲長小龍坎老火鍋。嘗辣既我一坐低就點左個駌鴦鍋（紅油藥膳鍋），陣陣麻香味，令人食指大動。即炸紫菜響鈴平時食響鈴就食得多，但中間捲住紫菜就第一次食，放落啲湯汁度灼幾秒就可以食。入囗腐竹、紫菜味重，微脆香口。手打墨魚滑可以食到啲墨魚粒，爽口彈牙，一啲都唔腥，配上麻辣湯汁一齊食，好惹味。成都空運鮮毛肚一碟大概有7-8片，上菜既時候，店員再三提醒灼20秒就可以撈起，果然入口十分爽脆新鮮，一啲都唔嚡。極品手切肥牛（細）牛肉雪花分佈適中，放入湯度灼分半鐘已經可以食，入口牛味濃，肉質肥美帶軟滑。雜菜盤有皇帝菜、生菜、油麥菜、娃娃菜同大白菜。蔬菜種類都幾多，份量唔少而且都几新鮮。總括麻辣同藥膳鍋湯底味濃，其實唔駛點醬油已經夠味。食物都几多選擇而且食材新鮮。座位尚算寛敝，唔會人逼人。不過地方唔係太大，如果唔想等位，要提早訂枱。

麻辣火鍋店越開越多，最近我都食左幾間來自四川既火鍋店，今日食呢間好似係陳柏宇有份投資的，唔知明星效應下會唔會更好食呢？知道呢間座位唔太多，當然要先訂位啦！晚上8:30去到，可能上一場既人好多還左枱，所以我入座既時候未算多人，而座位間有好大空間，環境幾舒服！紅油藥膳鍋 $138我同朋友每次都點鴛鴦鍋，辣得濟起碼都可以過一過清湯！呢間嘅麻辣湯底唔會辣到飛起，可以令人享受辣嘅樂趣；而藥膳湯底清甜而帶藥材香味。《麻油調味》好多間四川麻辣火鍋都有麻油吊味。唔怕油既話將食物點少少麻油係幾香幾惹味。八寶摩天輪 $118見到隔離枱有呢個咁得意嘅摩天輪，真係好難唔點！摩天輪上面有多種丸同餃，建議大家由摩天輪底部開始攞丸，因為如果由上面攞嘅話摩天輪突然輕左就會旋轉。龍坎排骨 $98好抵食！相比牛肉，呢碟排骨雖然係平但質素絕對唔會比安格斯牛差。因為煮熟需時既關係，煮完之後肉質充滿麻辣香味，肉質非常軟腍，真係啖啖肉。即炸紫菜響鈴 $58必點！真心正！好好食～響鈴係即叫即炸，上枱時熱辣辣非常香脆！響鈴中間有紫菜既關係所以非常香，放入湯中數秒吸一吸湯更好味！鮮蓮藕片 $38每次我都會點蓮藕片自製麻辣蓮藕，蓮蓬煮到

食飯時間只有兩小時，對於打邊爐來說，是非常趕急的。沒有時間談天，只是急急腳把食物吃掉。還需要預留金百利等候升降機的時間。侍應亦不停催促，未夠鍾已不斷提點，令人食得很沒有癮。食材很一般，摩天輪及上上籤只適合拍照打卡，質素有待改善。平均價格約＄600 ,可選擇的餐廳有更多。馬勒亦沒有什麼特別，所提及的油不是特別香，還需要提早預約。不值得再來。如果真的要去，可嘗試牛舌，上上籤及摩天輪可免則免。每一碟食物分量亦很少，各人可食四至五碟。

小龍坎老火鍋-冇錯啊又係食麻辣火鍋🤗，冬天啊嘛，今次試既又係另一間過江龍。-紅油藥膳鍋($138)司令當然係要大辣啦🤘🏻，紅油個邊味道偏鹹，比一般食到既麻辣鍋重口味，味道似紅燒+麻辣，滾完啲野食好夠味，配佢地既麻油食就岩曬。另一邊係藥膳湯，咁既天氣可以暖一暖身😘，食物煮完有陣係好香嘅藥材味，鹹度足夠，味道清清地，另外仲叫咗個醉雞件($98)，配埋依個湯底食簡直一流呀！-食材方面，當然唔少得食牛🐂，叫左個細既極品手切肥牛($198)，滿足下食牛肉既心嘛！然後內臟類必叫啊，試左黃喉($98)，滾一滾就食得，好爽口新鮮。比較有驚喜既係土豆片（$58）同萵筍片($58)，切得好薄所以煮一陣就食得，放落麻辣湯超惹味🤤，正！

咱們三兄弟自入蜀後就愛上麻辣火鍋。素聞銅鑼灣有家開業半年的火鍋店，以咱們三兄弟之事跡為主題，還以吾字 - 雲長命名。咱們三人多年來各自征戰在外，聚少離多，適逢寒冬，三人不約而同想起四川火鍋，就決定相約去一探究竟。火鍋店地處銅鑼灣Sogo旁的金百利廣場。甫出升降機就望到大紅燈籠高高掛，大門則以古代書法體刻了【雲長小龍坎】幾個金色字，甚是搶眼，連書法精湛的三弟都大讚。室內裝潢亦延續了中國古風，餐桌餐椅皆為木製，碗碟則為青花瓷器圖案，像進了古代客棧似的。重點當然是牆上的掛畫，主角全為咱們三兄弟，有征戰沙場時英姿勃勃氣勢磅礴的場景，三弟看到即熱血沸騰，滔滔不絕。另一幅則是咱們三人初見後意氣相投，桃園結義的情景。三人盯著掛畫良久，遙想當年青年力壯，志向遠大，如今白髮漸長終略有所成，甚是感觸，大哥甚至還有點眼泛淚光。不過還是肚子最誠實，聞到旁邊的火鍋湯底的香濃氣味，三弟終按捺不住就座要開始點菜。這火鍋紙也挺有意思，以吾之畫像做封面人物，這沒辦法，誰叫吾在三國人物人氣榜長期佔據榜首，相信大哥三弟不會妒忌的，對吧？火鍋料選擇不少，不過有些火鍋料的名稱改得稍嫌花巧，猜不到是甚麼，建議店家可加些備註提示食

慶賀新年約會舊同學聚會，飯前有空即與其中同為收早之班長先黎個歡樂時光，真係估唔到銅鑼灣通居然會選擇「雲長小龍坎老火鍋」玩打邊爐。位於金百利廣場o既火鍋店極富中國色彩，天花上o既小紅燈籠及雀籠配上竹門、牆上o既古代畫品及散座o既枱櫈真係令XO仔有種以為自己喺度拍緊古裝片o既感覺。店子o既用餐大堂寬敞開揚，就連廂房都一樣咁有風味。話明係黎歡樂時光喎，埋位當然係先啤一啤佢啦，；一人一枝，唔洗爭，哈哈哈！由於兩口子都唔辣得，而且一同有下場，所以就點咗個「清香藥膳鍋」（$128/鍋）。奶白色o既靚湯有龍頭照住，當真夠哂氣派！因深知空肚飲酒容易醉，兩口子早已諗定要以炸魚皮及餃子送啤酒。店子o既混醬為自助式。即炸魚皮（$48）：意外地，魚皮當真為熱辣辣之即炸貨色！入口香脆鬆化，送酒一流極！手打四寶丸（$98）：手打四寶丸包有豬肉丸、蝦丸、墨魚丸、牛丸，每款兩粒。丸物以海鮮代表蝦丸及墨魚丸最為潤口彈牙，而豬肉丸及牛丸則多份肉香，可謂各有特色。自製韭菜餃（$68）：韭菜餃放咗喺湯滾完之後，就連藥膳湯底都鮮濃不少，真係一啲都冇誇張架！韭菜餃皮薄餡料脆嫩飽滿，惹味非常，勁啱細佬口味！多得老友好介紹，方知歡樂

吃火鍋往往是迎接冬季到來的指定動作，是晚到銅鑼灣一帶消費，選了這間叫雲長小龍坎的火鍋店用餐，店內四週滿佈關雲長身影的畫報餐桌椅子用上木器製造，款式懷舊典雅餐牌設計簡潔，品種都是一般的火鍋配料我們選了清香藥膳鍋上檯時清香撲鼻，配上一對龍頭手柄，氣派非凡火鍋必食之選極品手切肥牛腋(小)看油花裹滿肉片，色澤亮麗，入口綿滑，毋負極品之名白鱔片魚肉雪白結實用料新鮮穀飼黑豚肉肉質爽而不膩，也是精選手捲牛舌花手工之作，賣相吸引，沒有雪氣和羶味，如果厚切一點風味更佳唐生菜棵棵菜膽，加點桌上放置的麻油同吃，平凡的蔬菜也顯出眾。，

辣妹子又出動了作為麻辣火鍋掃食者，務求要食哂全香港既麻辣火鍋！！！！今次黎到大明星陳柏宇同朋友一齊開既四川火鍋店～雲長小龍坎老火鍋呢間樓上鋪係一開時，由於明星效應，報導多到好似米芝連甘！過左甘多個月，今日係無訂位既情況下去試一試。好好彩地店內唯一一張2人枱依然空著。中式的設計，雖然餐廳內比較細，大部分都係大柗，有一個包廂。枱面有一罐麻油，話時話，食開四川麻辣鍋通常都唔會用醬油，會用麻油~加上蒜加香菜&少少醋會比較好，唔會甘辣又無甘易傷胃。熱愛麻油既我想同大家講～食到最後都會覺得自己飲緊油，所以呼籲大家唔好一次過落哂成罐。------------------------------點餐時間~~~~好值得一提，點餐單上每款食物下都有一個時間，唔係幾多秒或分鐘內會送到上枱。而係每樣食材最佳的烹煮時間，大家可以參考一下。~~~~~~~~~~~~~~~~~~~~~~~~~~~~~~紅油蕃茄鍋(鴛鴦)($138)湯底有紅油麻辣，田園蕃茄，清香藥膳。今次就揀左紅油蕃茄鍋。鍋既設計好重中國風，有個龍頭做鍋柄。影相呃Like一流湯底煲滾既時候先發現店員無問過我地要咩辣度，所以可能店內只有一款辣可以選擇！

尚未有幸光顧小龍坎傳說中幾時都需要排隊的成都本店或深圳店鋪，只曾慕名透過天貓網購了不少鍋底在家DIY打邊爐。昨日總算第一次幫襯堂食了！長話短說，香辣過癮！好吃！我竊以為乃是hands down香港地最好吃最正宗的四川火鍋！店面不大，L型大廳，紅紅大燈籠，簡單裝潢，有一個10人大圓檯VIP房。開店來說layout/面積/容量都perfect！我一直好鍾意小龍坎專門的油碟，店舖裡有一面牆全部都是它！就是下圖紅紅亮亮的小罐子構築成的牆！（店舖環境來講，我睇來不足之處就是洗手間，同一層樓幾個店鋪合用的簡陋老舊污糟洗手間。。。惡夢！）香港目前有的幾家四川/重慶火鍋例如渝味曉宇、蜀大俠、二家姐等都有提供個性設計的一次性圍裙，這一家當然也不例外。哈哈 只是我不懂這句話？！火鍋太美味，忘記一一影相... 不食辣的朋友avoid招牌麻辣牛肉！太太太太太變態辣絕不可嘗試！小酥肉幾好！

今日同朋友嚟到銅鑼灣呢間主打麻辣火鍋店食，聽聞是由內地經明星引入香港餐廳環境好有中國風，都係以劉關張做牆身畫作調味料可出去攞，而麻油都是一罐自己開先點了紅油藥膳鍋，是由麻辣火鍋併藥膳鍋，麻辣偏重牛油香，滾滾下仲有陣羊羶味段，都幾香中帶麻辣，而藥膳鍋都幾清，唔算好重藥材味手切肥牛擺得幾靚，雪花幾平均，食落好腍身，牛本身幾香，再配麻辣幾美味白膳片好新鮮，魚仲有一點爽身膠口，味道不錯皇帝菜用嚟放藥膳鍋最好不過，淡淡清甜又有菜本身甘味

食過咁多間麻辣火鍋呢到既麻辣湯底係最香而且材料賣相別緻 打卡一流 而且非常新鮮而且食麻辣火鍋 薯粉真係非常重要！！呢到會有個掛住既不銹鋼籃子比你去煮薯粉非常貼心 方便 值得一讚

呢間麻辣火鍋一早就想試，之前一直book唔到位，而家終於book到，即刻去試。一去到門口已經聞到超香嘅麻辣火鍋未，仲要好重牛油味嗰隻。一食落口，個湯底真係好香牛油味，仲要唔會影響辣。建議唔食得太熱嘅人要點一點麻油先放入口。重點推介冰川鵝腸，超正。

工展會又來了，之前沒有去過，諗住去趁下熱鬧，掃下平貨，所以不惜千里召召來到銅鑼灣。誰不知，現場人多擠到水洩不通，大會還要實施分流措施。激死! 如想要買到平嘢的話，除非，自信能夠攻破班大媽手拉車和行李喼嗰戰陣，否則都好難買到心頭好。非常無癮，惟有，提早去吃飯。天氣急轉冷，最好就是吃火鍋。幾經艱辛才能夠穿越人群，真有從煉獄折返人間的感覺。好不容易來到港鐵E出口，轉個彎，來到金百利廣場樓上的四川火鍋店。店子雖不算大，門面及店內卻見講究，有古雅之感。主題是三國人物關羽關二哥關雲長，所以，店內有很多關於關二哥和三國時代的畫和古式擺設。忽發奇想，如果剛才可以好似關二哥咁，拿著青龍偃月刀站在工展會會場內，那份殺氣必能逼開那個大媽陣，那時想買什麼就買什麼，爽! 哈哈!侍應姐姐很欣勤地招呼我們到一張靠近窗邊一角的桌子。坐下，向窗外望，街上人流不絕，跟這裏的環境相比，是兩極世界。 侍應姐姐給我們泡了壺香茶，並介紹該店的招牌菜: 極品手切肥牛和內蒙羊肉片。好! 既然侍應姐姐極力推介，就每樣來一份吧! (相信關二哥都是這樣的豪情吧!) 再點一個龍廚八寶摩天輪、一個清香藥膳鍋做湯底和一支青島啤酒，今餐應該會是無

今日同幾位邊爐腳黎試一試呢間雲長。環境：3.5食物：3服務：3.5其實整體食物，環境，服務都唔錯！ 但由於限時兩小時，實在嚴重破壞打邊爐既意義。打邊爐就係三五知己，或一大伙朋友，可以求其所好，食肉的食肉，食丸的食丸，要辣有辣，要藥善有藥善。 慢慢滾慢慢傾。 但由於限時原因，兩小時內連order 的食物都完全未食完，有幾碟仲要未食過，就要埋單交枱。我絕對明白香港租貴人工貴，想做多一轉生意。 店鋪對客人有要求係可以理解，但叫碟牛都要成15分鐘先送上，其他配料亦不算快， 客人縱使想配合交枱時間亦非易事。希望改善一下限時的問題！ 試問店主出外作客打邊爐都未必接受兩小時還枱的規定。俾您每晚賺多一輪，但輸左返頭客又有咩用。想信做生意眼光唔應該放得太淺！ 短期內唔會再試。

平平無奇！服務態度極差！食物沒有特色！味道沒有驚喜，湯底好油！不要抱太大期望，因為你一定會失望！我們一行12人食了$7000,但只可以座二個半小時。地方很窄，枱很細一點也不舒服，份量也很小，上菜速度也很慢！最重要是不斷吹你們走，但根本沒有人等位，一班人食得很急！根本大部份食物都食不到就要你們走，絶對不適合一班人的聚會。一班人想傾吓計千萬不要選這間餐廳😡不會再幫襯！如果這個價錢有很多其他選擇！記住check 單！