雲香園小鍋米線

營業中

休息中

今日約咗朋友收工後食飯，突然間好想食米線，朋友就介紹嚟呢間家族打理嘅米線店，話超級抵食，價錢平之餘份量仲要好大。牛腩小鍋米線要左少少麻酸辣加配墨魚丸，腐竹，燕皮肉餃同芥蘭。呢碗米線我覺得真係好出色，米線嘅口感好Q彈，湯底亦都好入味後來店員解釋話係佢哋特登引入廣西原產地嘅米線，所以米香特別濃，如果湯底就係每日用上6小時去熬製，難怪咁好味！另外有一樣嘢我特別欣賞嘅，就係雲香園嘅所有嘢都係比較清淡，感覺健康啲，但係當然喜歡較重口味嘅朋友可以點餐時另外要求啦！然後要埋個淨雲吞，要左酸湯加台灣腸，當然冇忘記點個招牌涼拌墨魚頭，呢個超級好食，夠辣夠爽口，醬汁好多蒜，加埋酸汁超開胃。飲品就要左凍菊花蜜同凍檸菜蜜。

同朋友去尖沙咀行街，諗住食碗米線醫肚，但尖沙咀黎黎去去都係星林居，譚仔同雲桂香，想試下唔同野上Openrice見到依間好似都幾多好評，咁就試下佢啦一黎到鋪頭好細，座位唔多，但都算乾淨企理，侍應就拎OR code俾我哋自己落單試咗中辣豬軟骨米線佢嘅中辣都幾溫和，大約喺譚仔小辣，湯頭唔算濃味，但都好順喉，豬軟骨就唔係我杯茶，我都係鍾意食啲骨煮到啫喱狀嘅，食完返到屋企都唔口渴，難怪店家話係慢火煮足6小時喺尖沙咀食米線又多一間好選擇

足料米線店, 小食大大份❤️這家米線店的米線是來自廣西原產地, 米香四溢, 能吃得出的Q彈感～超級爽滑😋軟硬度亦剛剛好👍🏻而且湯底更是每天花6小時以豬骨熬制的🐷我選的是酸辣小辣🌶️辣度是可以自選的～感覺這家的小辣是比平常吃的偏辣多一點點🥵🤏🏼如果不吃辣的也可以選擇清湯走辣哦👌🏻個人感覺如果湯底可以再酸一點就更加好吃😋～每一碗都有基本的芽菜，酸菜，肉碎，韮菜，蒽，芫茜，豬肉碎等等配料～ 「🍜小鍋米線」 / $32-🐔雞絲 / $9-🐔雞翼 / $9-🤍蘿蔔 / $7「🍜牛腩小鍋米線」 / $48-🤍雲吞 / $9-🐷豬潤 / $9-🐷秘製豬頸肉 / $48-🦑涼拌墨魚頭 / $47 （十分推薦！墨魚頭超級爽彈！很喜歡這口感好吃！伴的蒜蓉醬超級香！大愛❤️）-🌼凍菊花蜜 / $8-🍋凍檸檬水 / $8

呢間餐廳位於尖沙咀，餐廳主要係食米線同小食既，秘制豬頸肉係必食推介，因為佢份量多，食物即燒又切開一片片易食好味，肥瘦適中，而且好大碟抵食，加埋酸甜醬岩岩好。麻辣豬肚豬肚份量多，味道好香濃入味，入面裝飾既牆身都好靚，提一提呢度既食物份量都偏大如果唔太大食可以叫少米線，配料都係自己選擇。呢度特點係湯底無添加，湯底用左6個鐘以上熬制而成，我地叫左雲吞白蘿蔔，牛腩等等既餸，蘿蔔好甜。呢度食物款式多，小鍋米線好軟熟。

尖沙咀雲南米線除咗譚仔，仲有呢間雲香園，雖然距離尖沙咀站有點遠，但都有客會突登入去食。我嗌咗個豬肚雞絲米線小麻辣，豬肚份量多👍🏻，雞絲吸晒湯汁但係比較鞋口，建議試其他嘢，湯底辣度正常，小辣都夠辣架啦。另外特登嗌咗個涼拌墨魚頭，墨魚🦑係凍食，爽脆彈牙配上香蒜汁好惹味，如果諗唔到食咩餸，可以就咁叫魷魚加米線🤣🤣。埋單人頭$65，夠晒抵食，入邊裝修都認真，有霓虹燈壁畫裝飾等等，冷氣夠大，食得夠舒服。

店內環境企理乾淨，燈光光猛座位唔算多，平日夜晚都見有人排隊由家族打理嘅足料米線店，湯底喺每日花6個鐘用豬骨大火熬制用QR Code落單，客製化選擇米線軟硬、少米線、走蔥和飲品甜度冰度等等✾ 雞絲螺旋草米線 $50腩肉+$10｜麻酸辣（小辣）米線採用廣西產比較Q彈，湯底濃郁唔油膩入口酸辣帶啲麻香，配餸份量好多鋪滿米線雞絲完全吸曬湯汁；螺旋草爽滑；腩肉厚身大塊✾ 熱拌紅薯粉 $37生菜+$7｜豬軟骨+$10｜台灣腸+$10 ｜麻辣（BB）紅薯粉煙韌彈牙有嚼勁，配料有炸花生、榨菜、鹹菜、肉碎，拌勻醬汁鹹香帶啲啲辣味生菜新鮮爽脆；豬軟骨入味；台灣腸正常✾ 蒜泥白肉 $43推薦比重口味同愛蒜朋友仔腩肉片大大片肥瘦相隔，肉質軟嫩富油脂香表面鋪滿大量蒜泥，將腩肉包住蒜泥一齊食蒜香十足，相當惹味✾ 熱菊花蜜（跟餐） $7✾ 熱檸檬菜蜜（跟餐） $11

今次嚟到呢間家族打理嘅足料米線店 ✨雲香園小鍋米線 ✨一上台見到哇哇聲😲😲3碗米線唔係得嗰碗大，係入面嘅餡都大㗎！牛腩小鍋米線 $48.00🔹麻酸辣湯底，甜得來帶點麻辣🔹牛腩經過炖煮，肉質鮮嫩多汁，值得一試。雲香園米線 $64.00🔹小朋友食，我選擇咗清湯，走辣走酸。🔹豬骨湯底，搭配左唔少蔬菜同肉類，例如冬菇、滷水雞翼、雞絲、魚片頭等，非常健康，兩兄弟一齊食。雞絲螺旋草米線$53🔹我鐘意酸辣口味，加上薯粉煙靭嘅口感🔹酸辣香氣撲鼻，大量雞絲螺旋草，健康之選更有多款大大份小食，超抵！涼拌墨魚頭 $47炸雞中翼 $31秘製豬頸肉 $48

以前係附近番學成日食今日黎懷緬下😌⭕️ 雲香園米線 ($64)好！大！碗！ 勁多料😋好豐富面頭海量螺旋草同雞絲😍比得超慷慨餸有台灣腸、冬菇、雞翼、魚春卷 每樣兩件當然仲有腐竹、芽菜、酸菜、韭菜、蔥、芫茜等配料但重點係個湯底好好味🤤唔似係味精湯 應該足料熬足5-6個鐘 好正🫶🏻⭕️ 熱拌紅薯粉 ($69)+墨魚丸+蘿蔔+金錢肚另一碗叫左撈紅薯粉 個汁又係好正好惹味😌要讚下蘿蔔超大舊 似好乾但食落又係好juicy多汁💧金錢肚份量都好多⭕️ 秘製豬頸肉 ($48)有驚喜 比佢個樣呃左以為好乾好柴 點知一咬都幾淋身半有油脂 好鬆軟 最緊要點埋個酸辣醬味道會再提昇👏🏻⭕️ 熱奶茶(跟餐加$7） / 咸檸七 （跟餐加$11）杯茶好得😳👍🏻茶香味好濃老板用左幾款茶葉溝埋黎沖 好正宗茶餐廳果啲風味👏🏻

來來來😳係米線關注組發現左一間出色米線，果然利害，未到7點全場坐滿🫡門口等已經聞到陣陣嘅米線香👍🏻終於入座啦！叫左兩碗小鍋米線，個湯頭堅出色勁順口，一啖接一啖，仲有肉碎，酸菜，芫荽，芽菜同韭菜做配菜，好豐富😃再黎啲配料都好正，豬紅、豬腩肉、墨魚春卷、同豬腸都好正，份量好足🥰值得推介❤️另外米線嘅軟硬度適中，唔會過淋🤩我哋仲叫多碟小食係炸雞翼，佢哋係即叫即炸，新鮮熱辣辣上枱，外皮勁香脆，入邊啲雞肉又勁Juicy🫶🏻配埋我最鍾意嘅甜酸醬，完全💯無得頂！正正正！

朋友介紹我嚟食呢間呢間排隊級嘅米線小店，食物份量超足料, 絕對係大大份，CP值好高，怪不得咁多人食！湯底係每天大火牛6小時嘅豬骨湯！ 而且係用廣西米線，我都聽到隔籬枱讚啲米線好得～牛腩小窩米線加豬腸，配料嘅份量都冇同你慳，出面好少可會俾咁多餸你🥹而且牛腩同豬大腸都非常入味！另外一個係雲香園米線，啲配料真係多到嘩一聲，入邊有海帶、雞翼、雞絲、冬菇等等～小食叫咗涼拌墨魚咀同埋炸雞翼，個人大推涼拌墨魚咀，上面勁多蒜泥，而且調味都剛剛好！即叫即炸嘅雞翼非常Juicy，落去仲有好多肉汁！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8.5/10服務： 8/10環境： 7.5/10CP值： 9/10推介值：9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾俾個心心+分享給愛吃嘅朋友仔啦( ´͈ ᗨ `͈ )◞‎♡⃛

喺尖東搵嘢食真係好頭痛，一街都係食肆，完全唔知點揀。經過雲香園門口，啱啱有客人食完出嚟，聽到其中1人講：啊呢間真係唔錯喎，個酸辣湯底唔係死酸死辣果種，味道夠濃…………。既然講到咁，我又未諗到食咩，一於試吓先。叫左個小鍋米線加左腐竹、魚肉春卷；另外再叫埋蒜泥白肉、芥蘭，加埋杯大檸樂消暑降溫。 小鍋米線真係如剛才嘅食客所講，湯底味極濃，微微帶酸，而我揀左小辣，相比起其他米線連鎖店呢度小辣彷如bb辣，極易入口，下次可以挑戰辣度再高一點。講返個湯，牆上寫明係老火慢熬6小時，我相信都應該係，因為飲得出唔重味精，唔會涸喉，而且帶有肉香味同重香料味。加上酸度適中，湯底真心高分。魚肉春卷亦值得一讚，因為勁大條，咬落又唔會覺得剩係得舊粉團咁，味道都ok。 小鍋米線縱然都算係高分之作，但本人今餐至愛係蒜泥白肉。d蒜蓉真係多到嘩嘩聲！真係名乎其實嘅蒜泥，完全把豬腩肉蓋過，我呢個蒜頭控一見上枱，已急不及待𢳂了滿滿的一啖蒜蓉送入口，勁香蒜味，雖然顏色幾深，但又唔會好鹹喎，鍾意食蒜嘅記住一定要帶香口膠，因為真係好多蒜，食唔停口。食左濃味嘅小鍋米線，仲有重口味嘅蒜泥白肉，芥蘭就刻意要左走汁，清清爽爽，平衡返口味至得

雲香園小鍋米線尖沙咀漆咸圍1-3號多福大廈地下B號舖經開科學館嗰頭，老友想食米線，帶咗我去附近嘅雲香園，配料新鮮，湯底冇味精，好chill。😸雲香園米線配料夠新鮮，醃得夠入味，款式夠多，好有層次，有台灣腸、冬菇、雞絲、雞翼、魚春卷、螺旋草、腐竹、芽菜、酸菜、韭菜和芫茜，我追加了金錢肚😋。湯底夠清甜，我揀咗bb辣同bb酸，比較輕鬆，下次嚟試吓小辣先。🤤涼拌墨魚頭爽口煙韌的墨魚頭原汁原味，加埋大廚調配的秘製醬汁，好惹味，食到停唔到。到中段可以加醋，更加開胃。😻檸檬可樂冰底夠正，檸檬新鮮，飲完好爽。😄雲香園小鍋米線 食材新鮮冇味精，份量十足好抵食，侍應服務態度好，喜歡小鍋米線的朋友不能錯過。🤘🏻😎

🦑涼拌墨魚頭（$47）份量十足，出面比較少機會食到用墨魚頭做嘅小食，墨魚頭爽口彈牙，加上滿滿嘅蒜香，本身已經好入味，但強烈建議點埋個醋一齊食，個醋簡直係將成個墨魚頭嘅味道升華🐖秘製豬頸肉（$48）豬頸肉即叫即製，需要少少等候時間；上枱熱辣辣之餘仲要食到外脆內juicy，個醬辣辣地好惹味🍲 雲香園米線（$64）坦白講，我無諗過咁大碗同咁足料，如果比較細食嘅真心可以兩個人share；入面有台灣腸、冬菇、雞絲雞翼、魚肉春卷，螺旋草同腐竹，米線用左廣西原產地嘅優質米線，食落去Q彈唔會太腍，而湯底就係每日用左6個鐘大火熬制嘅豬骨湯，今次我叫左BB辣，食落口味道啱啱好，唔會好似平時出面食米線咁會食到好口渴🍜熱拌米線（$37）我地叫左酸辣小辣，平時最怕食辣得個死辣，呢度嘅酸辣係食到有層次，而唔係側重哂系任何一邊，不過如果份量再多少少就完美啦雖然今次無叫到野飲，不過聽講雲香園係使用自家拼茶葉，茶葉味道更係全港獨有！下次會嚟試下

作為靈魂嘅湯底好唔錯，加上配料份量多又足料，值得回訪👍🏻🍜小鍋米線 (豬耳 + 腐竹 + 腩肉) $88揀咗酸辣的小小辣，配料有芽菜、酸菜、韭菜、蔥、芫茜。湯底幾鮮味香濃，又唔會太咸，唔係味精個種，好唔錯😋！豬耳彈牙，腩肉都大大塊👍🏻🍜小鍋紅薯粉 (螺旋草 + 豬扒) $85依款揀酸辣BB辣，似唔辣。豬扒都幾大塊，加埋螺旋草好爽口清新。薯粉煙韌彈牙。🥓秘製豬頸肉 $48外層香脆，肉質彈牙鮮嫩，有肉汁又唔乾身，好好食！🤤☕️美利奶茶王 +$7茶味濃郁醇厚。

經過尖沙咀食晚餐，朋友忽然想食米線就揀了這家～ 店家介紹係用廣西米線，口感會更Q彈～🥢雲香園米線（酸辣@小辣）大雜燴好多材料，台灣腸、冬菇、雞絲、魚春卷、螺旋藻草、腐竹～ 湯底原來係用豬骨大火長時間熬製～難怪非常惹味～ 整體感覺同平時食開，大牌子嘅米線店有得輝🥢涼拌墨魚頭墨魚條的質地爽脆，口感十分爽口，而墨魚頭部分則帶有濃郁的鮮香氣息，兩種口感層次分明又Q彈。再加入微辣和酸酸地嘅醬汁，讓整道菜的滋味達到了一種恰到好處的平衡。🥢秘製豬頸肉豬頸肉像是燒到脆邊再切片的。肉質緊實彈牙感。最關鍵是秘製醬汁，味道滿滿的鹹香再加有點點辣味。惹味又會令人回味無窮。🥢炸春卷新鮮即炸，正常發揮🥢最後仲食多個通菜同凍柑桔蜜，兩個人勁食到勁飽