雲龍軒

營業中

休息中

平時去開香港迪士尼的酒店都是吃西餐，這次來吃中菜。雲龍軒位於迪士尼探索家度假酒店內，是以承傳古代中國智慧為主題的中菜餐廳。餐廳樓底很高，有飛龍在天作為裝飾，牆上也掛了一些水墨畫。晚餐是下午5點半開始。話說這間中菜餐廳有口感甘潤的烏龍茶提供。首先點了三款雲龍軒的招牌菜。花膠陳皮鴨肉凍 (HKD 198) & 豉油珍菌爆牛柳粒 (HKD 268)在鴨肉凍上的是醬油啫喱，吃落口感豐富和清爽的一道菜。後者很濃味，不論是菇還是露筍都十分入味。軟嫩的牛柳粒也很惹味。不過由於那個碟子不保溫，凍得太快味道沒那麼好。糖醋咕嚕豆腐 (HKD 188) 是米奇頭的豆腐。香脆的豆腐配上糖酸汁都幾惹味。旁邊的米奇手是醃製的瓜類。之後再點了一個時令限定料理，只在晚市供應且去到7月7日喔。避風塘鮮魷蟹油炒麵 (HKD 208)對比前三款這個沒找到米奇頭，而且賣相也超普通。鮮魷幾彈牙但沒有味，炒麵吃落有點微辣，但味道就普普通通。最後還點了甜品 -  香芒雪梅娘 (HKD 55/四件) 皮較為厚身，芒果則帶甜且微酸。

喺張迪士尼會員證就嚟到期之前，過嚟食多次，用盡佢啲優惠。6:30去到餐廳，得一至兩台食客，有啲可悲，因為呢間餐廳嘢食唔差，一定好食過迪士尼樂園入邊嘅餐廳，服務亦都一流。坐低咗之後，叫咗個蛋炒飯俾小朋友。個蛋炒飯好有鑊氣，炒得好乾身，而且非常之大碟，小朋友食得好開心。再叫咗燒味拼盤（有乳豬、叉燒同白切雞）。乳豬燒得好靚，叉燒都係半肥瘦。另外叫咗個Wasabi雲耳，Wasabi味道略嫌太重。再叫咗個西蘭花酸辣炒班球。連埋會員優惠優惠，人均大約$400

🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：8/10去迪士尼玩好多時都會比較晶荷軒同雲龍軒。雲龍軒裝修格調同埋價錢都比較平民，但係菜式絕對唔差！一樣都有片皮鴨，雖然冇晶荷軒嘅荔枝醬，但一樣熱辣辣脆卜卜，不錯！推介呢度嘅滷水拼盤，特別是滷水墨魚，滷水味香濃，墨魚爽口，食極都唔夠！仲有個私心推介羊肚菌燉湯，清甜香濃，小朋友都追住飲！仲有雲龍軒炒飯炒得乾身香口，推介！

因為入住迪士尼探索家度假酒店，佢個plan包左2位成人自助早晨，所以就係果度食自助早晨。先唔講食物，但就佢嘅自助餐限時一小時，我就覺得好唔滿意，佢個價錢都唔平，酒店包2位成人，小朋友就要另付，連埋加一，小朋友都一位都要HK$350,又鬼死咁多人，一d受歡迎嘅食物排隊拎食物都無左2，3個字，仲要限一個鐘，真係好唔低。跟住講下環境，都乾淨企理，但就迫左少少，如果計五星級酒店餐廳黎講就真係迫左d。食物方面，都好多種類，比一般酒店早餐算唔錯。味道不過失，但d煙肉，炸野就有d炸過籠，d蒸點心都唔錯，不過蝦餃皮就厚左少少，味道唔錯。最值得推介就係個師父即煮嘅粉面，牛腩正。另外即煎個奄列都好味，加左芝士，食果陣都有拉絲D水果都新鮮。另外食自助可憑入座卡可與迪士尼人物合照一次，相信最可心就係小朋友。不過唔知係米會轉人物，我果日就係高飛。

一早訂咗去迪士尼酒店玩返一個週末，點知好唔好彩，遇着颱風，仲要打到9號風球困獸鬥留喺樂園酒店，唯有食樂園酒店嘅晚飯，所以嚟試咗呢一間餐廳可能本身冇期望就冇失望，餸菜我覺得比想像中好食叫咗兒童套餐比幾個小朋友，佢哋都食到津津有味因為太興奮嘅關係，所以都冇影到相之後大人就叫咗咕嚕豆腐、燒味拼盤、西蘭花炒蝦球、炒飯個咕嚕豆腐，估唔到係用米奇老鼠嘅樣，小朋友見到好開心，明明唔食豆腐都爭住食😬個雲龍軒炒飯冇影相，不過比想像中好食嘅而家有迪士尼會員卡，有discount就抵食好多，冇嘅話就唔太建議

國慶日前夕，有朋友推介迪士尼探索家酒店中菜餐廳雲龍軒，剛推出中式點心放題。由現在開始至11月26日。每個週六、日及公眾假期。成人價$328 加一，小童價$198 加一，六十歳長者如持有樂悠卡或長者卡，都可以用小童價，去享用兩個半小時中式點心自助餐。午巿服務時間是12:30 至15:00。心想疫情之後都無飲過茶食個包。國慶當日走去探索家酒店去食返餐。我自己打去酒店預先訂位。食客可以上Openrice雲龍軒專頁去訂枱或登入官網訂枱。前往探索家酒店，可乘搭港鐵至迪士尼站。再轉乘接駁酒店穿梭巴士。每十分鐘一班車。遊客請看清指示牌，是次出發去探索家酒店。如是自駕遊人士，酒店消費滿五百元有兩小時免費泊車服務。到達大堂後往下層就係中菜館雲龍軒餐廳。目測下好多枱客都係一家大細，家庭聚會式去飲茶食點心。如是想搞私人包房，都有包廂房提供。參觀完個Buffet Line，發現雲龍軒中菜館，可以將傳統廣東人飲茶文化提升至另一個境界。員工全部穿上整齊制服。廣東式擺設放係枱上好親切。連舊式涼茶舖個擺設都有，還原返放係枱上。自覺走進時光隧道，重返中上環一帶既涼茶舖、點心檔及大排檔。因本人自少在中西區長大，八九十年代

第一次去迪士尼酒店食野，抱住好大期望但係都幾失望。前菜啲叉燒又乾又硬，燒鴨全部都係皮，冇肉食片皮鴨要加錢叫，層皮勁厚，厚到好似食包咁，而且鴨肉唔熱，肉質都有啲鞋。咕嚕肉個汁唔夠酸甜，炸皮厚，冇豬肉香味。荷葉蒸雞冇荷葉味，個雞完全冇味，肉質都明顯係急凍雞肉，食落仲有啲酸酸地🤢🤢流心奶黃包一啲都唔流心，而且唔熱，冇煙出，望層皮都知係蒸完放左係到好耐再返蒸個啲。Overall啲野食都唔好食，中菜嚟講都唔平，人均$550，而且間野都冇乜迪士尼氣氛成餐飯最好食係個楊枝甘露🙃🙃

話說疫情幾年申請咗張金卡，趁住仲未過期，享受下夜晚套餐買2送1嘅優惠。訂六點，估唔到都已經大半場全部爆滿個套餐叫咗乜都有啲，最靚係咕嚕豆腐，其他都係普通嘅中菜，味道都中上嘅。但係最鍾意嘅，係價值$188嘅迪士尼朋友奶皇包，都係貪得意，同埋同行者有小朋友，等大家開心吓，佢都係用咗乾冰，出下煙，小朋友都幾開心嘅，不過全晚最好食嘅，我覺得係雲龍軒炒飯，其實佢係一個蛋白海鮮炒飯，唔知點解佢炒到啲魚非常彈牙，可以話係必叫。四個大人兩個細路，食左$1600。

Staycation package 已選擇好的2人晚餐套餐，由前菜食到甜品，仲要係每人一份，好豐富啊😋雲龍三小碟《滷水鵝，滷水金錢展，滷豆腐》～前菜打頭陣係滷水食品，每款各幾件，味道唔錯👍🏻🥣黑松露花膠蟹肉羮 ～如果再煮熱些，會更好味🤤，蟹肉🦀清潔得不太乾淨，有小小透明蟹碎片，但味道ok 的自家製香辣🌶️銀魚醬炒蝦球 ～ 賣相靚，微辣，但接受到，反而吊起個味，呢碟熱焫焫，我最喜歡這碟餸菜，非常好味😋 糖醋咕嚕豆腐 ～ 用米奇老鼠作模，用青黃椒🫑做其手掌🖐️，有趣😆，只是味道一般😑清炒時蔬 ～ 嫩綠色嘅菜心，配蠔油，連蠔油都係米奇老鼠嘅頭像🤩👎🏻自家制香辣銀魚醬蔥油撈麵🍜拼 生煎韭菜鮮肉水餃🥟 ～ 這味菜最難食😤，撈麵太乾身，醬料完全唔夠，乾爭爭咁，非常失望😑。 反而，韭菜餃🥟就好好食😋，兩份撈麵都係食咗一兩條便放棄了👎🏻👎🏻雪燕楊枝甘露拼奶皇菠蘿包 ～ 呢款甜品好正，奶皇菠蘿包個模都係米奇老鼠呀，好得意😎美中不足的是～😱上菜速度快到可以媲美茶餐廳😤，一次過堆3款菜式上枱，及後要跟服務員💁🏻要求，不要那麼急速，才稍稍放緩😫

位於香港迪士尼探索家度假酒店的雲龍軒中菜廳。食物味道唔錯😋不過作為迪士尼酒店嘅餐廳，略嫌少咗啲迪士尼嘅元素。自選晚市套餐每位 $468 頭盤🐷明爐燒乳豬乳豬脆卜卜，好味。🐮滷水牛小排滷得好入味，牛小排好腍。🦆香辣醬油滷鴨舌鴨舌同樣滷得好入味😃不過唔係好食到辣味。湯羮🦀黑松露花膠蟹肉羹花膠蟹肉湯羹味道鮮甜，蟹肉份量都幾多，不過松露同佢哋好似唔係好夾🤔好彩只有一片黑松露🐔姫松茸筒膠燉雞燉湯清甜👍🏻花膠夠腍無腥味家常小炒🐷冰梅欖角骨推薦😃欖角骨外皮微脆，外層包左一浸冰梅同欖角煮成嘅醬汁，酸酸甜甜開胃又惹味。🦐自家製香辣銀魚醬炒蝦球香辣銀魚醬好香，係類似XO醬嘅醬料加左炸過嘅銀魚仔。蝦球亦都好彈牙。蔬菜及豆腐類🥬雪蓮珍菌浸時蔬用雪蓮、蝦肉、菇菌、蛋白煮成嘅芡汁，幾清新，有鮮甜味。 飯麵類🍚雲龍軒炒飯瑤柱蛋白蝦肉炒飯，炒得好乾身，粒粒分明，唔會油膩。Menu幅圖好有型🤓用個金色嘅碗裝住，下面有乾冰噴氣出黎，可惜現實是沒有的。甜品🥭雪燕楊枝甘露楊枝甘露唔會太甜，芒果味唔算好濃🤏有一小撮雪燕係上面，本身想試香芒雪梅娘，可惜賣晒。🍹小探索家特飲雜果賓治一杯🥹menu上面見到有米奇形狀嘅西瓜，出到黎變咗

完成迪士尼10公里比賽，第一時間去咗探索家酒店既雲龍軒餐廳食中午自助餐。我一個月前訂咗個慶祝蛋糕及自助餐。個蛋糕係美女與野獸士多啤梨忌廉蛋糕，$550一磅重。好多士多啤梨係在蛋糕上面。雲龍軒自助餐成人$448加一。食用時間一個半小時。雲龍軒將會在復活節4月7至10日再次舉辦中午自助餐。到時會有駐場迪士尼朋友同食客見面及拍照。成人$488加一。如欲知訂枱及詳細收費請致電熱線。此中午自助餐，勁多新鮮海產。長腳蟹及青口足夠供應給全場食客。其次中式自助餐有北京填鴨。因為此京填鴨好飽肚。個人只點了一片。第一碟水餃麵。因為遲排隊進場，Buffet line好長龍。水餃麵無人排隊，先食碗水餃麵醫肚。水餃鮮甜。幼麵彈牙。第二碟新鮮海產。長腳蟹好鮮甜。青口美味。大蝦好甜。上等食材。煙三文魚入口即溶。第三碟中式。煎水餃、小籠包、春卷及叉燒腸。温度適中，北京填鴨，個肉片尺吋剛好，隻鴨烤得好正宗。第四碟炒飯、炒麵加咕嚕肉、墨魚片及鴨胸肉。炒飯及炒麵好重鑊氣。咕嚕肉微酸帶甜。墨魚片及鴨胸肉屬上等食材，美味可口。第五碟烤魚、烤雞及越南米紙卷。烤魚及烤雞肉質鮮嫩。越南米紙卷入口清新。中式甜品，紅豆沙及熱豆花。兩者都

先去酒店check-in，之後就入迪士尼樂園玩咗一日，因為太攰，所以都係叫外賣返房食，到第二朝就去中菜廳食早餐啦！本來對個早餐冇乜期望，諗住都係啲例牌嘢，點知份早餐上到嚟之後，又有啲驚喜喎！竟然啲點心都幾好食，隻茶葉蛋都好好味，但係我其實係最鍾意嗰劈辣椒醬，知道成個米奇老鼠咁嘅樣，即是勾起晒我啲童心！雖然我哋食早餐嘅時候都好人，但係啲侍應都好盡心幫忙，我哋要啲咩佢哋都會好快幫手！所以如果我下次再入住呢間酒店嘅話，我都會book埋早餐！

🍲雲龍軒​📍香港迪士尼探索家度假酒店2/F​👉🏻👉🏻menu​📢酒店除左2樓三間餐廳之外就冇其他野食（酒店都幾偏僻）📢如果唔想係酒店食，最好係出面食埋先入黎（唔知外賣送唔送😂）​晚市自選套餐，加一每位$515，包括：三款頭盤、每位一款湯羹、兩款家常小炒、一款蔬菜及豆腐類、一款飯麵類&每位一款甜品​圖1️⃣ 三款頭盤&每位一款湯羹😋三款頭盤都好食：1. 明爐燒乳豬：燒乳豬切到好薄，又脆又香，又唔乾2. 五香滷水墨魚片：墨魚片好爽口(有滷豆腐墊底，都好食，豆腐好滑)，唔會過鹹3. 五香滷水金錢展：都有豆腐墊底，第一次食到咁腍既金錢展，唔會過鹹​😋兩款湯羹都好飲：1. 菜膽筒膠燉竹絲雞：好多花膠，好足料，湯好清甜2. 黑松露花膠蟹肉羹：啖啖蟹肉，好濃稠​圖2️⃣ 兩款家常小炒1. 濃湯翡翠龍躉球：龍躉球肉質鮮嫩唔硬，唔鬆散2. 茶樹菇爆牛肋肉：牛肋肉完全唔韌，又冇筋，好腍，茶樹菇炒到入晒味，又夠腍​圖3️⃣ 一款蔬菜及豆腐瑤柱竹笙浸時蔬：正常發揮，冇特別​圖4️⃣&5️⃣ 一款飯麵類滑蛋海鮮脆伊麵：帶子好好食（第一次食到咁好食既帶子）好腍，好軟，但滑蛋湯汁唔夠熱，搞到伊麵食既時候唔夠淋（有d伊麵硬有d就淋）係敗

期待再訪雲龍軒帶夫君吃美味中菜今次特意揀未嘗過菜式找到驚喜味道亦有水準飄忽之作黑松露花膠蟹肉羹💯食材好配合成是晚亮點墨魚頭伴薑蓉好吃涼拌的雞就鞋咗d乳豬聲稱係星級推介皮脆肉香不錯米奇豆腐點甜酸醬👧🏻亦愛不釋手主菜試咗龍躉球但煮過火有點老反而欣賞青菜湯汁🥬哩個其貌不揚冰梅欖角骨好好味😍外皮有點脆肉嫩而且入味剛好炒飯就太鹹失手吃不到一半甜品陳皮紅豆沙亦無陳皮味😂係哩隻兔仔棉花糖令人心情愉快！整體菜式水平有好有壞不過欣勤服務依舊👍喝著不差的普洱坐得舒服都係難得嘅

酒店內只有一間中菜餐廳，一間西餐廳同一間咖啡廳，我們分別都有用餐。先講雲龍軒，地方寬敞舒適，入到去就見到高掛了一條好有氣勢嘅白色飛龍，栩栩如生好吸睛🤩✨️自選晚餐🍽非常豐富又美味: 包括頭盤、湯羹、家常小炒、蔬菜/豆腐類、飯麵類、甜品🔎🔅頭盤:🔸️明爐燒乳豬~熱辣辣夠香脆🔸️蜜汁叉燒~大大件肉好嫩🔸️鹵水墨魚片~彈牙又入哂味🔸️海蜇~超爽口夠惹味🔅湯羹:🔸️黑松露花膠蟹肉羹~大大碗，蟹肉份量多又啖啖肉，鮮甜美味🔅家常小炒:🔸️自家製香辣銀魚醬炒蝦球~蝦肉大大隻又彈牙，自家製香辣銀魚醬超惹味🔸️鮮淮山蘆筍炒帶子~帶子也很厚肉鮮甜🔸️茶樹菇爆牛肉~牛肉炒得好有鑊氣好軟腍🔅蔬菜/豆腐類🔸️糖醋咕嚕豆腐~米奇造型豆腐好可愛，一上檯又嘩嘩聲，豆腐外脆內軟，加埋醬汁好好味🔅飯麵類:🔸️滑蛋海鮮脆伊麵~可愛嘅漢堡包造型，伊麵炸得好香脆，入面放了滿滿的海鮮，既精緻又美味🔸️雲龍軒炒飯🔅甜品:🔸️雪燕楊枝甘露🔸️香芒凍布甸㊙️依度嘅員工係我全個Staycation之中遇到最有禮又貼心的，已即填意見表讚揚