霸嗎拉麵 (已結業)

今日放假同媽媽出銅鑼灣行街，近聖誕節有好多商店都有優惠，所以就去行下😊😊行到肚餓見到拉麵🍜店，之前係登龍街果邊，見搬左駱克道好方便，就行左入去食啦😄極上原隻龍蝦味玉拉麵 $128坐底左就點左碗期間限定原隻龍蝦味玉拉麵，好大隻，而且好厚肉肉質都很鮮味，配上櫻花蝦豬骨濃蝦湯底，好濃郁啖啖滋味！😋😋雞叉燒味玉雞白湯拉麵 $88另外就點了雞叉燒味玉，雞白湯都很濃味，雞叉燒好大塊又厚身，咁厚身肉質依然很嫩滑😋👍🏻

今日又要同隻小魔怪出銅鑼灣，出街去玩事少，搵嘢食就真係事大，啲小魔怪一唔啱食，就真係一啖都唔放入口，真係頭都痛埋~幾經辛苦小魔怪就話想食拉麵，我又要搵有兒童餐嘅拉麵料理。記起有間嘢嘅有兒童餐加玩具加朱古力!佢有佢兒童餐，我就嘆個限定龍蝦味玉先~為咗叫小魔怪坐定定，我決定叫個巨型紫菜。塞住佢個咀。兒童餐有豚肉或者雞肉揀，有另外果汁，朱古力，玩具都係個餐包埋，小朋友見到朱古力就唔食正餐嘅理念係非常之強，所以店員都好親切咁問要唔要食完先上玩具同朱古力，我梗係話好啦~感謝醒目嘅姐姐，如果唔係食到明年今日都未食晒...仲唔到我食...呢個湯底鮮到暈，食到係用勁多蝦去淆製而成，所以我飲曬~拉麵吸曬啲龍蝦味，真係不得了堅係原隻龍蝦上，啖啖肉仲有勁多膏。攞埋朱古力同玩具，我同隻小魔怪都超級非常滿足~

是日到銅鑼灣工作，大約兩點幾未食lunch，路過呢間霸嗎拉麵有空位就快快食個拉麵充饑～灸燒豚肉味玉拉麵 $88叫左少油，令整個湯底少左油膩感覺，而豬骨湯底味道更顯得濃厚自己本身不太喜歡粗麵，而霸嗎拉麵用上既係幼身拉麵，質感不太硬或軟，口感好彈牙叉燒真係好大份好足料，如果唔係咁晏未食野一個女仔都應該會食唔晒最開心係溏心蛋火喉處理得剛剛好～好多時拉麵既溏心蛋會令碗麵扣分，反而呢碗麵既蛋係加分之作有d意外無另外收加一，但侍應態度不錯，值得一讚～

先兩日至係電視節目睇到介紹日本人氣“龍蝦拉麵”，已經搞到我心癢癢，點知今晚搵嘢食時就比我見到「霸嗎拉麵」推出期間限定喇！就係😍“極上原隻龍蝦味玉拉麵”呀😋😋，店員話係每日限量供應㗎，另外仲叫咗個“雞叉燒辛辣雞白湯拉麵”添！龍蝦拉麵一上枱已忍唔住要幫佢影番幾張靚相，跟住更係飲啖香噴噴嘅熱湯啦，嘩⋯⋯湯底除咗有豬骨湯嘅濃厚味道之外，同時更有濃濃嘅龍蝦鮮香，熱湯掛滿係每條彈牙嘅拉麵上面，再食啖龍蝦，🦞肉質彈牙又夠豐滿，味玉（溏心蛋）就唔使多介紹啦，都係一樣咁好味，好👍🏼好👍🏼好👍🏼正😋呀！“雞叉燒辛辣雞白湯拉麵”嘅湯非常清甜，望落好似油多咗d咁，但其實食落唔覺油膩，反而覺得帶陣陣辣油嘅香，好醒胃喔！👍🏼👍🏼👍🏼

環境4分：比起之前去開果D拉麵店大，樓面夠高，好光猛，又唔算係特別迫，可以畀四分。衛生4分：筷子喺個木箱入面，枱面Ｄ碟仔，醬油，配料同牙籤都好乾淨下，又有任用紙巾，一樣可以畀四分。服務5分： 排完隊等位，帶位個夥記客氣到呢，第一句先話唔好意思要等咁耐，全程態度超級誠懇，動作又快，抵奬佢兩分，畀滿分。味道5分：1)      叫左碗炙燒豚肉海苔味玉拉麵，個豬骨湯底呢就好濃好香，大大塊紫菜都有成三塊，Ｄ幼麵都好煙韌，隻蛋夠溏心，塊豬腩肉真係好厚切，咁樣咬落去先至係食緊豬肉，一定會返轉頭再食，畀硬滿分。2)      碟野菜成座山咁高，份量真係好足。Ｄ芽菜超爽，一滴油都冇，好健康好清，但係都好夠味。3)      碟十蚊味筍好大碟，Ｄ筍好清爽。4)      唐揚炸雞有五大隻，佢咁大隻Ｄ肉都仲好軟熟又多汁，出面就好乾脆，都係加分位。5)      燒餃子都係有五隻，個韮菜料真真好香，又脆喎，層皮薄到呢，唔使講嘢，睇相就明，衣Ｄ咪叫皮薄餡靚lor。抵食5分：一舊水左右碗拉麵已經做左定位，所以$98唔使加一算正常。Ｄ十蚊廿蚊配料足料又好味，可以加佢一分。最抵就係果兩碟日式炸雞同燒餃子，三十五蚊大

呢排秋意味濃，即刻諗到食一碗熱騰騰的拉麵暖身，霸嗎拉麵的餐牌圖文並茂，拉麵店通常是豚骨湯底，不過該店有豚骨湯和雞白湯選擇，雞白湯未試過，所以點了雞叉燒味玉雞白湯拉麵餐點紙資料清晰，麵的質感，走配料，甚至少油都有得選擇，當然要點少油上檯時湯面果然鋪滿香蔥同木耳先飲一啖雞白湯，好清帶點雞肉香雞叉燒共兩片，原來是醉雞卷的道理，雞肉捲成圓條，然後切，雞肉咬一口沒有散開，而且味道十足，平時食開叉燒，今次食雞叉燒又好特別麵質選擇適中，有口感帶點煙靭味玉是每次吃拉麵必點的配料，咬一口糖心蛋的蛋黃汁自己流出，真是很美味辛口燒餃子，日本餃子就是連帶著一層香脆的薄皮，餃子是菜肉餡料，辛口主要是餃子面的辣油，如果再多一點就更惹味，一客五隻最後點了一枝山梨県的桃汁清酒，酒精含量只有3%口感較淡身，帶點清清的桃香，它註明是用京都伏見水釀造而成的，值得一試

昨天我去了這店點了一碗拉麵做午餐,食物質素算ok,很快吃完後到收銀處埋單,當時那位收錢的員工行開左,我在那裡等候,收銀台放了一大疊寫住感謝祭三週年的coupon,我在看張coupon寫什麼,跟著個員工經過,我就叫了她埋單,之後佢行過來替我埋單時我繼續看coupon,然後拿了一張看背面的條款,我覺得這店的食物質素ok所以打算帶朋友一起來吃.員工找錢時我說了一聲唔該，但她說了句類似唔好亂攞,我聽不清楚因為我說了聲唔該,之後我行去門口走時,那位員工很大聲地態度十分惡劣地説未問過人d野亂咁攞!!我十分憤怒!那疊coupon好大疊像宣傳單張一樣放哂出來,沒有寫明不要取,而且我只是拿了一張!有很多歺㕔也會這樣放,有些職員會呼籲客人取添.如果這些coupon不是給客人用,我取來看時,她可以說明這張coupon不能給你,我反而接受!而不是在店內極大聲和帶憤怒話我!這好像我偷了店內東西咁!!這感覺很差!難道你放店內的紙巾牙籤取來用也要問過你嗎？!那位員工的態度簡直係趕客!我朋友聽後很想去那店跟她理論!因為實在令人髮指

成日經過都見到排晒隊今日都諗住一齊排埋一份因為都好想食拉麵雖然好長條隊但係等嘅時間都唔係太耐可能因為入面都幾多位而且啲人食拉麵都食得算快唔會慢慢係裏面彩傾計今次叫咗檸檬豚肉拉麵 係期間限定既豚肉好足料 半肥瘦幾好拉麵份量大大都彈牙加左海苔同溏心蛋但湯底加上檸檬 我唔太鍾意依隻味既拉麵一個人嚟食淨係叫咗一款拉麵貪新鮮試咗依隻檸檬味拉麵個人唔係咁鍾意酸酸地嘅拉麵湯底好似好唔match下次會再試返其他正常嘅湯底可能會好d

隨心走入銅鑼灣霸嗎拉麵🍜試一下。自己✅order紙，我點咗一個雞叉燒味玉🐔白湯拉麵🍜$88，✅麵軟硬度要適中及✅湯底要少油。首先試飲一下湯底，又咸又油👎🏼，之後食味玉🥚，蛋外面帶有少少啡色，但食落完全無咸味，不過糖心蛋效果做得不錯👌🏻。麵度我✅適中，佢哋用幼身日本拉麵，不過我食落覺得偏硬。重點係件炙燒雞叉燒，其實係兩件烚雞，完全無燒過的效果及香味，同埋味道帶甜，個人覺得完全唔好食👎🏼。

今日行去Dji望望，望完行出來見到佢，就想起佢嘅濃郁湯底拉麵，而唔似尖沙咀個邊咁多人排隊，於是便衝上去，店員安排了座位後，就點了個其間限定檸檬豚肉拉麵$78，見到都係濃湯底，早上吃了個肥肥早餐，所以點了個開胃醒神口味嘅湯底，而且追加埋栗米粒$10，同埋一隻味玉$10，除此之外亦點了份羽根燒餃子(5件)$35，最好就係份燒餃子，呢份餃子雖然只得五只，但每隻都有塊薄脆跟住，就好似隻餃生了隻翼咁，入口香脆，內裡充滿肉汁，加埋個餃子汁，十分好味！而主角碗檸檬豚肉拉麵上枱，跟埋啲額外配料，栗米、味玉等分上，本身碗檸檬豚肉拉麵上有三片檸檬，中間當然就係塊肥美嘅炙豚肉，還有好多櫻花蝦仔，同埋啲爽口嘅木耳絲，當然第一時間要試吓過湯，入口有香濃嘅豬骨濃湯味之餘還有帶點酸嘅檸檬味道，一個湯底兩重感受，十分清新醒神，而個拉麵亦十分煙韌彈牙，而追加嘅味玉，咬口中間流心嘅感覺十分之好，最估不到係份栗米，超大份，絕對唔會在麵中落幾粒就話係追加份量，栗米本身亦爽口甜美，唔放湯就咁食亦得！最後點了枝靜岡蜜瓜梳打$28，中和一下今次個檸檬豚肉拉麵湯底，同埋塊肥厚嘅炙燒豚肉！

專程去銅鑼灣剪髮, 扮靚靚之後去咗食人氣拉麵，離遠望到門面已經感受到廣島的氣息。店內環境裝修都好有日本風味，裝修以木為主調，裝飾配搭色彩繽紛，進食環境10分輕鬆。坐低自己畫好點菜紙，好快就有得食！上次食過豚肉今次就試吓雞啦⋯⋯果然都有驚喜！雞叉燒味玉雞白湯拉麵 $88，首先品嚐一口濃郁香潤的秘製 廣島雞白湯底，啖啖鮮甜濃湯好味道。再夾一箸店家最強自家製拉麵，硬度適中的拉麵口感軟滑又彈牙。配合溏心蛋，重點在於夠哂流心，蛋味出色，口感勁正！我仲追加左粟米 $10 同埋味筍 $10, 令到成碗拉麵整體感覺更加豐富。雞叉燒一樣突出，肥美肉厚，散發炭火焦香，咬一啖入口融化，真正的超級美味。唐揚炸雞 $35，外皮炸得脆卜卜，肉嫩多汁值得一試。燒餃子係拉麵個 friend, 辛口燒餃子 $38, 皮薄餡靚，初時以為唔係好辣，點知一口咬落去真係不得了，個辣椒油好刺激，連續食咗幾隻之後要馬上叫嘢飲救火！既必點之物，因為佢總係可以燒到有層脆皮脆卜卜，而且餡料份量都多，唔會得層皮。信州蘋果酒 $28，冰涼透心，香甜嘅蘋果味加上 cider 有少少氣真係好爽！

星期五晚7點拎係銅鑼灣，諗唔到食咩下就揀左之前排隊排到傻既霸嗎，之前做宣傳無限追加味玉同麵條，即刻由早排到晚當然我無排哈今晚唔使排隊直入，同門面一樣，入面日式裝修，和風拉麵店，靚既，同其他霸嗎分店一樣，加埋半開放式廚房，可以見到師傅整係正啲既不過就大部分既座位都望唔到座位相對真係幾迫，有啲大舊既男人都坐得好辛苦，唔至於唔舒服不過你知唔會坐好耐枱上面有晒應有既調味，一味粉、黑椒、蒜粒、餃子汁，仲有凍水，典型拉麵店既擺設餐牌主打當然係拉麵，不過都有好多小食，因為有集團式既味道所以選擇多啲，又鍾意點配都得最重點推介既就係醬油濃骨湯，另外亦可以選擇雞白湯，仲有得揀麵既軟硬度同配料最好建議係出面睇左圖，入黎畫就得，唔係就要係淺窄地方拎住超大個餐牌先黎辛辣炙燒豚肉味玉拉麵，食日本拉麵，第一樣梗係試下佢個湯，入口口感濃厚豚骨(豬骨?)味同醬油味平衡得唔錯，由於叫左辛辣飲唔到肉湯既甜味，如果你叫唔辣可以再品嚐下，整體而言個湯幾唔錯麵係正常度，軟硬算適中，麵身偏幼而無乜蛋味既，無話好定唔好既，麵既選擇都好個人，不過麵質同風味唔算突出，都好味既之後就到佢強推既炙燒豚肉，佢話係用上等豚肉低溫浸煮超過十小時再

霸嗎拉面, 同D同事久唔久都有去食開, 因為地方就腳，係正銅鑼灣地鐵對面！👍🏻👍🏻👍🏻 九州既味道一直都係我日本拉面既心水選擇🇯🇵🇯🇵🇯🇵, 霸嗎拉面湯底做得好出色, 我通常會叫佢"炙燒豚肉味玉拉面" 佢個湯底好豐富既豬骨味, 好濃, 你係會FEEL到佢好多骨膠原, 因為個湯都好有膠質, 👍🏻👍🏻👍🏻😍另外佢入面塊日式叉燒煮得好林, 仲勁厚, 上枱前又會燒一燒等佢有多一層焦香既味道~ 溏心蛋每次都要加多一隻先夠喉, 個蛋黃好紅, 一睇就知係靚日本雞蛋做~ 好入味~ 正~ 值得一食再食既日本拉面~👍🏻👍🏻👍🏻👍🏻🍜🍜🍜

A simple ramen which shouldn’t take long but now it has to wait for 30 mins for the food. Meanwhile when we ask about the food progress, the cashier man showed a “I don’t care face” with bad attitude, very ignorant. The food is expensive, price does not reflect the food quality as well. Very poor experience. If looking for food ramen with better price and experience. Not this one.

上次試左原味湯底，今次試試個辛辣湯底啦🔥🔥辣味唔算太香，唔夠惹味啊，我都係喜愛原味豬骨濃湯🙈麵條既硬度依然好喜歡！我就鐘意硬既，因為口感較好，較煙韌同彈牙😁厚厚既豚肉🐷係霸嗎既賣點，我今次就較唔好彩啦，無上次的咁林，肉較瘦所以有d位會較硬，不過最中間都有少許肥肉，即刻唔同左口感，食返我鐘意既感覺！😄九月頭時仲有限定優惠：無限追加原隻溏心蛋且同拉麵底❣️我就再加左蛋🥚🥚大家可以期待下下次優惠呀😁