青森料理 (已搬遷) 新店位置

今日係本人生日,所以媽媽話請我食好野媽媽去左攞位,等左成30分鐘冇計啦,呢間幾多人食,加上鋪位唔算大入到去,叫左好多野食當然,呢間既特色就係埋單時會送上凍冰冰既雪米'匙'今餐好satisfy!

星期五放假前hea 下先，朋友話屯門有間叫青森，好食過板長，膽粗粗走黎試下先。由於7點鐘就到左，所以唔洗等位，但眼見到大約07：30就開始多人，開始等位。三文魚壽師好大件呀，有成隻手掌咁長，都算厚身＆新鮮甜蝦壽師都好大件，蝦頭有蝦膏，唔係細細隻個啲。海膽壽師，介辣8爪魚，料都好多，味道都新鮮試新野，芝士sushi,其實材料無特別，但佢每件都加左芝士，口感即刻增加左，不過都幾膩，食完已經飽左。火龍卷，內有炸蝦，好有口感，鋪係上面嘅蟹子多到瀉，一啲都唔覺得佢省食材

全部叫素食！雜菜天婦羅，燒茄子，中華沙律，粟米壽司，甜蛋壽司，日式湯拉麵(地獄湯底)侍應服務態度好好，除咗落order嗰位太急之外，其他都一流！特別一提，甜蛋壽司出奇的好味！拉麵水準好高！天婦羅略嫌粉厚咗一點點。。。全部加埋有90分以上！好滿足嘅一餐。

是日一早便陪同事到青松觀求籤(其實不過是中午12點)，求完籤問完該問的事，就要找個地方食個懶洋洋既Lunch。於是我地去到近屯門市中心既德政圍，果度有好幾間餐廳，價錢平而且質素唔差架。兩個人一坐低就點左兩個set lunch share，一個日式燒汁雞扒飯，一個雜錦壽司。首先黎左前菜同飲品，包括蟹籽沙律、中華沙律，同杞子菊花蜜。兩個沙律都中規中矩，而杞子菊花蜜就好正喇，非常清甜，d杞子仲大大粒咁，唔飲得都睇得。日式燒汁雞扒飯，主食雞扒夠味又唔會鞋口，個汁好食但略嫌太少，本來想話加汁架，不過到最後因為食唔晒d飯，所以唔加汁都冇咩所謂啦。雜錦壽司，有三文魚、帶子、甜蝦、三文魚子、吞拿魚反卷，名符其實係雜錦，而且都ok既，另有一海膽手卷，呢個就唔係咁得，因為海膽太 'lim'。最後，佢地唔記得上個三文魚刺身俾我地，諗住叫'埋單'前，好在小妹心水清，即刻睇下個餐牌，呢個刺身失而復得，因此雖然唔係特別肥美，但係就寧舍鮮甜美味。

是日一早北上工作, 回到屯門已是八點半有多想吃壽司又不想排餐朦, 男友便建議到新墟的青森輪候二人枱一般比較快, 只花十五分鐘左右就能入座, 不過座位的確比較迫, 不算太舒服因為搭了很長時間的長途車, 想吃點清涼的清新一下, 就要了中華冷麵壽司則由男友發辦, 點了黃金魷魚, 甜蝦和三文魚軟殼蟹卷各一客, 最後當然少不了每次來都吃的燒三文魚頭先來的是中華冷麵, 配料有紫菜, 洋蔥條, 蟹柳, 玉子和叉燒麵條用上幼身拉麵, 非常冰凍, 但不見冰塊, 入口帶爽, 而冷麵汁味道酸中帶辣, 很開胃的不過配料質素稍為遜色, 例如叉燒條太乾, 玉子味道有點人工接著是燒三文魚頭, 每次來都會吃的原因是這裡的魚頭燒得很香脆, 但裡面的魚肉仍保持嫩滑個人很喜歡吃香口食物, 平時不吃魚皮的我, 焦脆的燒魚皮則是照單全收而且在家自己弄魚頭比較麻煩, 所以還是上街吃好了最後上枱的反而是壽司, 坦白說這裡的壽司質素一般, 單看賣相已經知道師傅整得有點"求其"好像三文魚卷外的三文魚全都搖搖欲墜, 軍艦的紫菜又很濕, 完全不脆用來過口癮是可以的, 但建議還是點些別的料理一同吃會比較化算最後送上一人一粒的雪米滋, 為晚飯

這間日本餐廳係屯門係第一位的,聽人講係好味的,所以就同朋友嚟左,冇得訂枱,嚟到要等一陣先有位,都幾旺場喎,店子好小的,我地七個人都叫左好多嘢食,刺身失敗,唔新鮮的呀! 蝦有雪味,其它的帶子,三文魚,北寄貝,海膽都唔夠新鮮,有點腥味及雪味.最出色的竟是蟹子沙律,夠大份,夠多醬,夠細絲,好味. 其它的有金菇服牛都好味及好香的,牛肉粒都好淋身入味的,海鮮pizza好好味,好多料及好薄,正呀! 帶子一般,下面既洋蔥係生生地既,但都好爽甜的,仲有金龍卷以為係推介必定出色,但係都唔係好好味喎,一般啦,天婦羅唔得,因個粉醬太厚,厚到冇心機食隻蝦,南瓜蕃薯都ok,炒食都好味及多料的.可能對呢度期望太大,所以有點失望,唔係話唔好食,但係普通唔會好有驚喜呀!店子太小,坐得好唔舒服.

朋友成日都話青森個蟹粥好好食, 攪到自己成日好想去試, 終於搵左一日同三五知己走左去試下, 當然一坐底即叫蟹粥一鍋先啦, 再來其他想食的日本野...海膽壽司, 朝鮮鍋..等等的美食, 不過坐得就唔係好舒服, 好想食完快D走人..

節錄自2005-10-08的開飯報導:品質高，價錢平，環境靚，選擇多，夠就腳，服務好) 合而為一，成為一間「六神合體」日本料理。]時間流逝,六載光陰之後,那群從事日本料理多年的熱心人士,熱情亦己跟隨時間消逝!以往最盛之期,在屯門置樂亦有一間青森店.不知是經營不善還是出品品質日差,以致屯門區僅餘下一新墟店.在晚市時段還可以算是有足夠客量,不知午間又如何?我且作一試!未夠十二時入內.小店經營,非但並沒有侍應店員齊聲叫歡迎光臨(日文).而且居然對我這個客人來個發呆的表情我進入之時明明見到營業中的木牌,亦見到有客人己在進食......為了證明我不是中了幻術,我舉一手指,明言我是一位.這時店員才示意為我安排位置.坐下後店員送上熱茶一杯後,又急急腳走回其他侍應堆中聊天.稍看餐牌後隨即落單,舉手良久才被發現(我的忍術到了如此高的境界?!)點了一個壽司定食(e)($80),及自家製燒玉子!($25)飲品要了芒果紅茶(其他選舉有麵豉湯,柚子茶及各式汽水!)再環顧四周等食頭上那部大電視不單吸引食等食的顧客,而且更令全部店員一齊追看"尋秦記"的劇情.劇中林峰剛登基為秦王,店員就送上我要的芒果紅茶.呷了一口.

傍晚入左屯門同個fd食下飯gathering下....去食大家都like既日本野........青森就係最佳之選啦....19:30左右來到，都要等20mins左右先有位呀...@.@....可能咁岩週末啦...地方淺窄，都係拿拿臨落單先啦！叫左蟹籽壽司、墨魚壽司、三文魚壽司，至愛佢呢度既長長三文魚壽司喔！so far黎講，3款都fresh，yummy！仲叫左玉子及鰻魚壽司。玉子壽司係我個fd推介，果然冇介紹錯呀，大大塊既玉子又熱呼呼喎，good!!....鰻魚都唔錯！之後叫既煎餃子拉麵，餃子煎得香脆可口，但一定要趁熱食囉，所以我地都掛住食，食到一半先記得影相！仲叫左個天婦羅炸蝦湯烏冬！烏冬幾彈牙，份量都幾足！食得超飽呀，埋單仲送上2粒雪米糍

舊同學生日飯, 又唔想食火鍋咁燥, 又話要響屯門市中心附近設宴.我靈機一動~ 就諗起呢間青森日本料理.唔係經常黎, 但最鐘意呢度既沙律, 青瓜很爽~雖然地方唔大, 但5個人的話, 最好都係黎呢d舖頭仔食野~絕對唔會趕你走~~~~今次好彩, 完全唔使排隊, 入到去仲有張檯岩岩夠5個人坐之餘仲有個位可以放衫放袋.落單~ 我地叫左個肥牛菇鍋, 牛油果軟殼蟹卷, 三文魚壽司, 玉子壽司, 甜蝦壽司, 曼魚壽司, 帆立貝壽司, 蟹子沙律先黎肥牛菇鍋, 煮法有點特別, 唔係有個火響鍋底果種, 另外個汁結結地, 味道可以.牛油果軟殼蟹卷......個軟殼蟹硬到好似紙皮咁, 仲有放頂既飛魚子好腥.....所以呢個唔好叫喇下次....仲要唔抵食....人人都鐘意既三文魚壽司, 冇錯雖然好長, 好大件, 不過三文魚味好淡~ 冇左果重甘香 @@玉子壽司都係我既至愛!! 呢度$15蚊2件係貴左少少, 不過絕對抵食!!!!!!另外個甜蝦壽司....好大隻, 大到一d都唔係正統既甜蝦....不妨一試.最後唔夠飽再叫左個煎餃子, 味道可以.仲有最重要係encore 個三文魚壽司同埋玉子壽司.因為舊同學生日自携生日C

星期六兩個人去食lunch，叫咗個魚生飯同普通麵，麵就當然普通，無驚喜；旦個魚生飯就真係.......個吞拿魚「梅」既，又未完全解凍，食第一塊唔知，點知第二塊一樣最後冇點食就走咗。huffy:平還平(其實屯門仲有好d既平價選擇)，好唔好食因人而異，旦食物質素係點都唔可以求其。

上個星期六，難得喵小姐岩岩肚痛好返，廢事佢舟車勞頓，決定入屯門近近地陪佢食餐好d ge。=)都唔係第一次黎青森食野，不過真係覺得佢ge質素係屯門黎講都真係一流，比起板長，北海道活壽司享負盛名ge連鎖式壽司店，只此一家ge青森更可以享受到更高質同好味ge野食。黎左咁多次，都係叫返最好味個幾樣：沙律 (8/10): 真係超大碟得黎又好味ge沙律，黎青森必食。三文魚(7.5/10): 唔錯唔錯，三文魚係超長版加幾新鮮，但價錢略貴。鰻魚滑蛋飯 (7.75/10): 正常得黎又真係幾好味咁。牛油果炸蝦卷 (7.5/10): 幾好味咁=) 份量足夠曬飽。雞軟骨(7.75/10): 個人偏好lee道菜，炸得幾好，係唔錯ge選擇。喵小姐同我都食得非常滿足ge一餐=) 200蚊未到就可以埋單。食完之後第二日喵小姐又開始肚痛，睇黎未斷尾，真係嗚乎哀哉以後要小心d身體=.= 睇黎都要戒口多一段日子la=.=”””

有兩個朋友仔入黎陪我睇醫生~睇左兩年~終於好返~超開心~同佢地一齊黎依度食野~仲記得上次睇完都係黎依度食~今次叫左滑蛋鰻魚飯、豬軟骨飯同埋照燒雞扒飯鰻魚飯入面d鰻魚真係好唔掂~同出面食既滑蛋鰻魚完全係兩樣野~豬軟骨好好多~因為整得好腍雞扒亦都好夠味跟餐既有蟹子沙律、三文魚刺身同一杯野飲個蟹子沙律同三文魚都係一般野反而我叫個杯野飲真係令我會一去再去~個杯係菊花杞子蜜~好好飲~杯野好有菊花既香味~成杯野都覺得好清甜~真係為左佢可以不停咁黎依度食飯~

我也是閱畢這裡的食評還不錯，結果跟我的朋友膽粗粗去試試。結果當然是失望而回。先讚一讚三文魚，很大件、新鮮、口感不錯。但老實說，二百元刺身拼盤真的難食得嚇人，尤其是海膽刺身，甚至有點壓味。蟹子沙律亦出奇地帶有苦味。總之，價錢與食物質素不成正比。

睇完醫生~搞到好痛好辛苦~適逢朋友出院~就算幾辛苦都要接埋佢啦~之後再約埋另一個朋友一齊去食野醫治下早上經歷完既痛楚~因為要搵間坐得比較舒服既餐廳~所以黎左依度~三個人~一人叫左一個定食~再叫多個壽司定食黎share~咁我地就叫左個滑蛋鰻魚飯、滑蛋雞扒飯同埋豬軟骨飯~定食又包埋三件三文魚刺身、蟹子沙律同埋野飲而個壽司定食就有三文魚、北寄貝、手卷等等首先我朋友個滑蛋鰻魚飯d鰻魚瘦到冇人有~仲要畀佢開半~份量超少~失望~佢都係用d飯黎搭夠返個份量~而我個滑蛋雞扒飯既蛋冇咩蛋味~雞扒唔夠滑~豬軟骨飯睇落d色就唔錯~而D壽司都係一般野~不過有D直頭一夾就散~刺身算係OK少少~但係個蟹子沙律既沙律醬又唔夠~所有野都係差少少咁~但係又唔係好差個D~可以話佢既價錢岩岩等於佢個質素而已~~~