青花汾

營業中

休息中

同鄰居行山之前，搵咗呢一間食個early lunch。到店嘅時候佢都先啱啱開門仲驚佢未ready。點知店員超Nice，話可以隨便入去。四個人嗌四個唔同嘅嘢食，跟住就可以互相share試多啲。叫咗鎮江骨，豬軟骨，甜酸魚柳，同麻辣牛腱。我就自己轉咗個面底做刀削麵。 用砂鍋嚟上，啲湯keep住熱真係超出色，個湯有少少藥材味，最後都係飲晒。嗰鎮江骨d汁稀咗少少，如果杰d可以掛汁就更加好。豬軟骨啲軟骨進入咗化境，一咬即化係正㗎。甜酸魚柳個粉漿唔會做得太厚，酸甜度亦都剛剛好唔會過酸食到個胃揦住揦住。另外個麻辣牛腱就滷水味唔算有層次，但牛腱感覺健康啲，不過個麻辣汁浸住啲青瓜絲就咸咗少少。除咗呢一樣之外整體上都係性價比極高。另外嗌咗個小雲吞，細細口脆卜卜幾特別。事次用餐為自費。

今日喺中環街市逛逛街，發現翻身後嘅中環街市入邊有好多特色商店，仲有好多餐廳同小食店。今日想食中菜，所以揀咗上海菜嘅餐廳，店名好特別，叫做「青花汾」。首先，叫咗一籠「小籠包」，皮薄餡靚，熱辣辣，即叫即蒸，一啖食落口，入面有香濃嘅湯汁，非常推介，絕對可以媲美其他高級上海菜餐廳。接著，叫咗一份「口水雞」，微辣，而且辣椒油嘅味道非常香口，雞肉非常鮮嫩，而且仲好大碟，好抵食。仲有「糖醋排骨」，配合新鮮嫩滑嘅排骨，非常好味。另外，「咕嚕魚塊」, 酸酸甜甜嘅醬油，已經去骨，方便食用，魚塊非常新鮮及軟滑。最後，食埋個拉麵，已經好飽。飲品方面，我揀左熱豆漿，豆漿味道非常出色，充滿濃郁嘅黃豆味，非常新鮮，又唔會太甜。

間中經過中環街市, 見到呢間餐廳嘅名 清花汾, 覺得好特別同埋好優雅.今晚家人叫我加餸, 所以就去咗....🐔 寧波醉雞（倒牌）呢個雖然係屬於前菜, 但係份量都唔少, 而且雞件又大舊, 雞皮顏色好靚, 食落又爽脆, 雞肉好嫩滑, 酒味唔會太濃 味, 如果想酒味濃d 嘅朋友, 自己可以加d酒. 墊底有 d青瓜條, 十分 fresh 同爽脆, 咬落落索索聲.🐮 五香牛展同樣地都係屬於前菜,份量都唔少, 入口重蒜頭同醬油味, 牛展肉質唔會鞋口或者韌, 墊底有 d青瓜絲, d 蒜頭同醬汁入曬味, 呢個青瓜絲十分好味😋 如果再多啲就會更好😆家人好鍾意食呢個五香牛展, 我就鍾意食寧波醉雞 真係唔錯嘅加餸之選😄下次會試下麵或者水餃💙 餐廳內嘅裝修主要係藍色 加青花瓷裝飾地點方便又易搵香港站 Exit E（IFC一期）一入中環街市 左面第一間餐廳就係

天涼了，想吃熱乎乎的刀削麵，剛巧路過，來試試。點了醉雞配藥膳雞湯面，加4蚊升級做刀削麵。雞湯味香濃而不太鹹，有玉米粒和蔥花，湯是不油的清湯，吃了腸胃舒服，一點不膩，麵很有咬口彈牙，吃到最後麵也不會吸水發漲淋晒，慢慢食都咁好食。好👍醉雞是整隻雞髀，酒味不濃，青瓜不夠入味，這個一般。星期六的晚上，人不多。這裏啱口味，不嘈雜，坐得舒服，枱略細，四個人坐四人枱個枱面有啲逼，但都有得坐唔似附近有些食店要立食，價錢合理，100蚊落到樓，想食刀削麵又多一個好去處。下午去完離島，喺度食埋個晚飯先返屋企，好方便。

夜晚同老公去咗中環街市食呢間刀削麵，之前已經睇咗好多次，今日終於有機會嚟食我哋嗌咗一個酸菜魚米線，魚片無骨絕對加分！酸菜好多，配埋米線食OK 😘一碗份量超多食唔晒，可以分俾老公😂😂另外都嗌咗一份醉雞刀削麵，醉雞嘅雞件好啊，酒味都幾重面有少少青瓜做配菜。另外都麵份量又係好多，食落去好煙靭！個湯底都幾香😆小食叫咗海帶，佢唔會好辣，後面有啲青瓜一齊食好爽口！份量都大嘅，同米線食幾夾豆漿好飲，唔會太甜，有熱有凍，值得嗌！😉

最近我同朋友係中環街市行街，發現左一間唔錯嘅山西餐廳，位於中環街市二樓，環境以青花瓷藍白色嘅設計。🔶砂鍋雲吞雞份量超多，湯底鮮甜，雲吞皮薄餡多，雞肉好嫩滑，墊底嘅椰菜吸晒d湯，好入味，每一啖都令人感受到家常嘅溫暖，非常適合呢排開始轉涼嘅天氣。🔶 糖醋魚藥膳罐湯手擀麵糖醋魚的醬汁酸甜得宜，魚肉炸得外脆內嫩，搭配上新鮮清甜洋蔥青椒，色香味俱全。呢道菜唔會過於油膩，反而令人想再食幾啖。麵條有四種可以選擇，今次就揀左未食過嘅手擀麵，又真系有d特別！手擀麵由傳統嘅手工方式製作，經過多次擀壓，令到麵條的厚度和形狀更均勻，薄得黎但口感非常彈牙，令到麵條更能吸收湯汁嘅味道。而湯底係藥膳湯，非常養生，湯頭濃郁，帶有淡淡嘅中藥香氣，喝完之後成個人都暖笠笠🥰

係中環街市行街見到呢間麵店，藥膳拉麵幾吸引決定試下金菇肥牛藥膳罐湯拉麵 $89湯底融合了淡淡藥膳香氣，唔會太濃郁難以接受。金菇肥牛加上一啖麵一啖湯，感到養生和暖胃。拉麵偏粗，有口感，份量好多，可以兩個女仔一齊share。另外面底可以+4升級至刀削麵/手擀麵/年粒/圓圓米粉，有好多選擇紅油抄手皮薄Q彈，內餡飽滿，搭配野味嘅酸辣汁，好滋味另外職員推薦了小籠包，同樣皮薄肉嫩，咬下瞬間湧出肉汁餐廳環境雅致，服務人員姐姐態度好好，推薦菜式俾我地，無催趕我地落單及離開餐廳

店舖於中環街市2樓，位置十分方便；環境闊落，燈光光猛，亦有好乾淨嘅感覺，座位坐得好舒服，店舖嘅所有👫職員都好Nice🥰一坐低，店員就遞上餐牌，食物嘅種類亦都算多，而我哋就order咗以下食物👇💁‍♀️大理酸菜魚米線 HK$73-酸菜魚嘅魚好滑，而且份量一啲都唔少😁加 自家磨豆漿（凍）©$7-💁‍♀️上海小籠包（4粒） HK$52-小龍包即叫即蒸，外皮好薄，但夾起無爛👍💁‍♀️酒釀芝麻湯圓 HK$38-我哋攤咗一陣先食嘅，酒味好濃😆💁‍♀️麻辣豬肚HK$72-豬肚好厚身，辣辣地好惹味💁‍♀️自家磨豆漿（熱）HK$10-自家製嘅豆漿，豆味濃郁🥰🩷溫馨提示：餐廳需要加一服務費上菜速度好快， order完之後唔使等好耐就有得食😋可能我哋太夜嚟啦，本身想食雞絲粉皮，點知賣晒🙈，下次要再嚟試吓，同埋試刀削麵😂不過可能就係因為夜，好在唔使排隊🤗

今日買外賣試吓中環街市間<青瓜汾> 係一間山東刀削麵 食物款式都唔少 有酸辣湯拉麵、藥膳灌湯拉麵、青花粉飯餐、涼菜、砂鍋藥膳灌湯雲吞水餃等佢哋嘅特色就係砂鍋罐湯 可惜我係外賣 冇得用砂鍋食🙈湯底係藥膳味道啱啱好 特別好飲 呢幾日開始有啲凍 飲返一碗養胃又暖身☺️個人覺得花雕雞嘅酒香味爭小小 唔夠入味 雞肉啖啖肉 肉質嫩滑 每一啖都有藥膳清香味 配埋涼拌青瓜 咬落去好爽脆 夠晒開胃 跟餐有一杯冷/熱豆漿 自家磨豆漿香滑又重豆味 必飲必試如果想品嚐有特色又好味嘅藥膳湯底拉麵 呢間<青花汾>餐廳絕對係一個好選擇😉

呢間刀削麵我嚟食過兩次，第一次嚟睇見餐牌上有獅子頭，立刻叫嚟試吓，但好可惜1:00嚟已經話賣晒。咁就叫咗醉雞。佢嘅煮食可以叫拉麵或者刀削麵，我係比較鍾意食刀削麵，所以就叫咗。醉雞食落唔係十分夠味，不過肉質好滑，食落唔會起渣。個刀削麵食落有啲煙靭，越照越過癮，照吓照吓居然成碗麵食晒，但係份醉雞居然係食唔晒，其實係因為佢真係好大份。食刀削麵其實個湯底好重要，佢個湯係有幾濃嘅藥材味，算係幾有水準。第二次再去就早咗去，所以食到獅子頭。食物到嘅時候見到個賣相相當唔錯，獅子頭個表面炸得好靚，亦炆得好入味。我會覺得呢間刀削麵整體都唔錯，只係地方較窄，而且侍應打點唔細心，所以個地方有啲唔係咁整潔。如果真係鍾意食刀削麵都可以嚟試吓。見到有其他食客批評食物質素差，我相信係因為廚房出品狀態有參差。

青花汾 地址: 中環皇后大道中93號中環街市2樓201-204號舖電話: =====================呢個星期工作特別忙同多事情煩，今日放工都無力成個人好，趕快買晚餐回家吃休息。吃飯要了咖喱豬扒飯$89，拿點家一打開蓋，咖喱香即飄出來，撈飯食辣得來好開胃，食到個人都精神🤩 $38 五香豆腐乾點多份，慰勞下自己辛苦做野。重五香味，豆腐又夠吸汁！另外呢間都幾出名水餃，下次再來試#yummy #delicious #inner

經過呢度，決定買個外賣返去食，時間係平日嘅晚市，都幾多人去食，主打上海唔同嘅傳統麵食大理酸菜魚米線這道大理酸菜魚米線選用了鮮嫩的魚片，搭配酸菜，湯底酸辣開胃。米線滑順，能夠充分吸收湯的鮮香，魚肉鮮嫩，酸菜的清爽讓整道菜品口感層次分明，是一道非常適合喜愛酸味的食客的選擇。上海獅子頭罐湯拉麵肉質鮮嫩，湯底濃郁。拉麵彈牙，吸附了湯的香氣，讓每一口都滿足。獅子頭的肉香與湯的滋味交融，帶來家的溫暖感酸辣湯菜肉雲吞每一碟有八隻，而且份量非常多，搭配鮮美的菜肉雲吞。湯品酸辣平衡，雲吞的滑嫩與湯的鮮味相得益彰五香豆腐乾點咗呢度小食，份量非常多，而且好入味，不錯

位於翻新後嘅中環街市，青花汾係一個不可錯過嘅美食選擇，周圍有好多小店，行完返嚟食啱啱好！呢度嘅價格相對中環其他餐廳嚟講十分平價，適合想享受美食又唔想破產嘅旅客我首先試咗「砂鍋罐湯水餃」，一份有10隻，價格合理。水餃皮薄餡多，餡料鮮美，配合砂鍋裡熱騰騰嘅湯底，湯底有杞子、當歸、沙參、玉竹，好補身❤️家鄉雞絲冷麵搭花生醬：呢道冷麵口感滑順，雞絲鮮嫩，花生醬嘅香味更係提升咗整體味道。冷麵嘅清爽同花生醬嘅濃郁相互交融，十分滿足。我叫咗「豆沙鍋餅」，外脆內軟，豆沙餡料甜而不膩餅嘅口感非常好，咬落去時會感到香脆嘅外皮與柔軟嘅內餡相互碰撞，帶來愉悅嘅口感最後，我點咗「掠拌靑瓜」，呢道菜清新可口，靑瓜爽脆，配上特製嘅醬汁，令人胃口大開。呢道菜令整體餐點更添清爽感，特別啱喺炎熱嘅天氣享用👍🏽

今日朋友說想吃想吃上海菜，於是我們便來了這餐廳吃飯。砂鍋雲吞雞（$198）砂鍋的使用使得食材的風味更加集中，湯底清爽不膩，完美襯托雲吞的口感和雞肉的鮮美，讓整道菜的味道層次更加豐富。雲吞皮薄有彈性，內餡選用新鮮的豬肉，蝦仁，口感滑嫩，與湯底的融合度高。咬下去時，感受到內餡的鮮甜。搭配的雞肉肉質鮮嫩，經過細火慢燉，肉質軟嫩且入味，和湯底相輔相成，非常好食。上海小籠包（$52）小籠包外皮非常薄，不僅能包裹住豐滿餡料，還能在蒸熟後保持餡料的鮮汁。小籠包的靈魂在於內餡中的湯汁。小籠包使用新鮮的豬肉搭配上高湯，經過長時間熬煮後，與肉馅混合，使其充滿香氣。非常好吃。自家磨豆漿（$10）：自家磨的豆漿更加新鮮，口感滑順且濃郁，豆香味特別突出。

呢間位於中環街市嘅手工拉麵店,真係好值得一試!我同男朋友今日來到呢度,試左佢哋嘅幾款特色手工拉麵同刀削麵,真係大有滋味!一入門店,就感受到一股獨特嘅氣氛。店鋪裝潢簡約但又設計感十足,寬敞明亮嘅用餐空間,加上店員專業又親切嘅服務態度,令人感到特別舒適。首先上桌嘅就係我哋點嘅「醉雞藥膳手工拉麵」。一碗熱氣騰騰嘅拉麵攞到枱,看到麵條韌性十足，醉雞肉質嫩滑，份量十足。我哋一起試完之後,發現湯頭濃郁滋味,入口回甘,仲有淡淡中藥嘅香氣,配合彈牙嘅麵條,真係完美配搭。緊接著我哋試左「酸辣湯手工刀削麵」。每根手工刀削嘅麵條都有一種粗獷感,同濃郁嘅酸辣湯頭交織一齊,味道獨特而又醒胃。湯頭煮得好到位,酸辣剛好,微帶一絲辣意,麻麻辣辣,令人有一種食慾大開嘅感覺。再加上彈牙有勁嘅手工刀削麵,每一口都充滿層次感。最後,我哋仲點左一份「五香牛𦟌」,肉質鮮嫩多汁,佐以恰到好處嘅五香醬汁,簡直太過癮了!