青葉海鮮酒家 (青山公路 - 新墟段)

營業中

休息中

11:30叫個早市優惠套餐，皮蛋瘦肉粥加點心，點心上晒，粥都未到，原來無出單，搞到點心唔識送！野食等左好耐先有，點心黎到都凍！海蜇拼燻蹄d肉勁韌，又無味，質素下降！個汁等左10分鐘先有，已經催佢地拎黎，話黎緊，點左5分鐘都未有！梅菜肉餅飯唔香，唔好食！蜜汁燒骨長期都無貨，黎5次食5次都無！鴛鴦燒賣及皮蛋瘦肉粥就一般，正常杞子桂花糕，多杞子，但落左勁多糖，好甜，鐘意食勁甜就岩！唯一煎薄罉好食，料夠多，夠香口！唔推薦大家黎食，又漏單，食物黎得勁慢，等職員黎加水等好耐

天后誕完畢去慶祝, 來呢度食。雖然5知咩價錢,但呢度D 菜式有驚喜WOR乳豬: 脆脆的, 5太肥, 好食炒雙蚌: 有2款蚌, 5知咩蚌黎, 一種爽口, 一種煙UN, 幾好食炸奶伴炸蝦: 呢個幾得意WOR, 用D 薯絲包住隻蝦來炸, 好似食緊薯條咁, 未至於脆,但都5係林, 如果薯絲再脆D 更好, 蝦炸得剛好, 又5會好油膩。炸奶用的應該係蜜瓜奶,因灼係蜜瓜味,我中意奶味多D,但呢碟菜係幾得意GE。節瓜瑤柱: 正常翅: 5知真定素翅, 正常蒸龍DUN: 我至愛, 皮滑DD, 肉又多。炸子雞: 皮5算脆, 雞5算滑, 一般

提早同屋企人做冬，叫咗半席乳豬宴$800, 已包括茶位加一，包六罐汽水或獅威啤酒，我們再加特價龍蝦$48一隻，兩位用，四人可叫兩隻特價龍蝦，如此類推，我哋八個人叫夠四隻，好抵食！龍蝦新鮮，真係即刻喺魚缸撈上來的，即劏蒜蓉清蒸，蒜蓉味超香，龍蝦肉鮮甜又爽口，大大嚿啖啖肉，食半隻其實都夠，食得多怕滯。因為叫半席，所以乳豬是半隻，真係細細隻的baby Pig ,皮燒得脆，又唔係淨得肥豬肉，而係有嫩滑爽口的豬肉，超好食的乳豬！碧綠珍珠帶子鳳片， 鳳片即是雞柳，珍珠帶子份量算適中，翠玉瓜爽口鮮甜，配埋紅色燈籠椒，賣相靚，整道菜味道清甜。東江走地雞半隻，都唔算細，啖啖肉，肉質滑，味道都有雞味。芹香腰豆蚌片， 用腰豆嚟炒菜，覺得有啲奇怪，所以最後大家都食淨曬啲腰豆，不過又唔係唔好食，只係好少食菜會用豆炒。蚌片份量都唔算少，好爽，西芹新鮮冇渣。脆奶拼蝦丸， 已經食咗幾粒先至影相，因為太吸引了煎炸嘢。蝦丸非常好味又爽口，似係炸蟹鉗口感的蝦丸。脆奶即是炸鮮奶，內裡 是密瓜味餡料，食落肚似食蜜瓜雪糕咁，好香好甜。菜粒蛋白炒飯，呢個飯媽咪都讚好好味，因為啲蛋白分佈均勻，每一啖都覺得好有蛋香，而且炒得夠乾身，菜

放假去酒樓飲茶，冇乜要求，去啲街坊酒樓，貪佢夠平，雖然特價點心選擇不多，但係比起其他酒樓都要平。特價點心，有$12.8和$9.8 的選擇，會不定時轉下特價點心款式。 優惠孖寶都有兩款價錢選擇，$20.8和$28.8 。流沙奶皇包，賣相好靚，蒸得啱啱好，包皮沒有蒸到林曬。趁熱食，裏面的確流心，味道都夠蛋黃香味。 煎蘿蔔糕，正常都係有三塊，佢呢度嘅size唔算細嚿，而且煎得好靚，外面金黃香脆，點甜醬同辣醬食，係我嘅至愛。不過蘿蔔糕嘅餡料好少，粉多。淮杞灌湯餃，即是淮山杞子做的湯，浸住灌湯餃。灌湯餃裏面有好大隻蝦，餡料豐富，淮山杞子味則不算突出，以前是瑤柱湯，感覺瑤柱湯好味過淮山杞子湯。免治牛肉腸，都算大條，見佢肥嘟嘟，應該幾多餡。 免治牛肉腸，是用蒸牛肉的牛肉做餡，感覺抵食過一籠蒸牛肉，因為仲有腸粉包住畀你食，粉皮係厚啲，但係好滑。欖角排骨飯，好細碗，如果分量多返啲，感覺抵食啲，因為 一個人已經可以食曬呢盅飯。 欖角好香，用來蒸排骨一流，排骨仲有蒜蓉味，就係份量少咗啲。欖角蒸排骨都真係好好食。埋單$76,兩個人食個早餐，嘆餐茶，唔算貴。

放假又要去飲早茶啦，青葉嘅點心都唔錯，佢有個孖寶，都幾抵食。過咗新年咁耐竟然有蛋煎年糕食仲要係特價$9.8,一定要點啦！下午茶優惠孖寶，有A孖寶$20.8, 同埋B孖寶$28.8揀咗風味臘味飯，配瑤柱灌湯餃。灌湯餃大大隻，賣相唔錯。裏面好多餡，有蝦，有蟹柳，有火腿，豬肉，少不了就係瑤柱湯底，真係食到一絲絲瑤柱在湯內，用料充足，上湯味道鮮甜，推介！另一個孖寶，柴魚花生粥，配流沙奶皇包。柴魚花生粥裝滿一大碗畀你，諗住咁平，都竟然有咁大碗。用料豐富，有大大粒排骨煲埋落去，唔怪得啖粥咁甜，仲有好多花生。流沙奶黃包，賣相靚，包皮冇蒸過龍，幾好。趁熱食裏面就一定係流沙，味道香甜，正常質素。風味臘味飯，估唔到竟然係 一條潤腸，一條臘腸，咁大條畀曬你。通常都只係切幾片擺落飯度，呢度用料真係唔慳皮，抵食！蛋煎年糕，煎得好靚，外面脆卜卜，裏面煙煙韌韌，好好味，有椰汁香，過完年都仲有得食，點都要幫襯下。

平時唔煮飯，晚餐就係去青葉酒樓食飯。佢啲小菜煮得幾好味。水煮牛肉$78,完全唔係我認識的四川麻辣水煮牛肉，不過味道係ok嘅，辣就一啲都唔辣，牛肉都算新鮮，幾滑，整咗啲翠玉瓜喺度，有啲奇怪，因為四川麻辣嘢絕對唔係咁嘅樣，只可以話呢度加入咗廣東菜元素。牛肉新鮮， 翠玉瓜爽口清甜，呢道菜要當佢廣東菜咁食，咁就冇咁失望。京都豬扒$72, 啖啖肉分量酸ok大碟又唔係不過味道好好甜酸汁煮得恰到好處 菠蘿完全不吝嗇畀好多你食豬扒肉好爽口，走過油，所以好香，餸飯好開胃，因為酸酸甜甜。東江走地雞$28, 真係一隻咁多，雞肉還可以，幾滑，不過肉質就唔夠結實，但係28蚊算係好抵食。呢間街坊酒樓，如果唔係要求太高，食物味道都算唔錯，埋單二百蚊有找，算係咁啦。

星期六放假，去飲茶，但唔想去啲人多出名嘅茶樓，唯有就係去街坊茶樓。我幾鍾意青葉海鮮酒家，佢嘅食物無論係飲早茶、下午茶、同埋晚飯小菜，水準都可以保持到。特價點心每款$9.8起，見到炸菜魚滑腸$12.8,未試過，就試下啦。亦有優惠孖寶，$20.8起，我點咗鳳爪排骨飯配金沙奶皇包$20.8,同埋皮蛋瘦肉粥配瑤柱灌湯餃$28.8。榨菜魚滑腸，賣相好靚，每條腸粉都幾大條。腸粉皮好正！蒸得剛剛好，質地軟滑有彈性，最像怕上次，去另一間酒樓食，啲腸粉皮是蒸到林曬的，今次可以補償返上一次嘅失望了。鯪魚滑 打得幾滑，榨菜是切成細細碎碎的，混在鯪魚滑中，食落口感軟中帶爽，榨菜的鹹味剛剛好為清淡的腸粉增添美味，我幾鍾意！皮蛋瘦肉粥，裝滿一碗，可惜也是不夠熱。但用料充足，見到皮蛋和鹹蛋份量非常多，瘦肉也不少，一絲絲的混在粥裏，每一口都是豐富的用料 。粥是煮得較濃稠的，剛好合我意，因為不喜歡吃稀粥。 鳳爪排骨飯，比較失望，這個迷你碗的鳳爪排骨飯仔，比一個豉油碟仔大一點的size, 只是碗口大點而已，如果用作孖寶優惠點心，我認為應該是平時見到的盅頭飯size, 而不是迷你size。 不過味道方面也是不錯的，甜豉油

另一半喜歡食中餐，如果我唔煮飯，唯有就係到附近酒樓食中菜，為咗要似住家飯吖嘛，今晚去咗青葉海鮮酒家。過完年，通常所有食肆都會加價，呢度嘅晚飯有特價小菜，原本係十蚊一隻雞，而家變咗係$28一隻雞，不過都係抵食， 另外再點了京都焗豬扒$75,同埋椒鹽焗鮮魷$88。隻雞真係成隻俾你㗎，你話佢質素係咪最好？當然唔係，但係以28蚊嚟講都算唔錯，雞肉都幾滑，要特別一提佢嘅葱蓉微咸，連雞一齊食非常好味。京都焗豬扒，另一半最鍾意食，因為啖啖肉，佢唔會好似用醬汁浸住豬扒咁樣，而係適量嘅醬汁，掛在豬扒上，味道酸甜適中，好味！椒鹽鮮魷，炸完熱辣辣上桌，外層炸漿炸得脆，裏面鮮魷都幾滑，味道咸咸地，又香口，外出用餐通常都會食，開胃嘛！最後還送糖水，保証你夠晒飽！埋單$210,晚餐兩位在酒樓食小菜算平啦。當然唔好要求太高，呢度的中菜已算平民得來有水準。

夜晚唔煮飯，就一定係要落街食，但係都要搵啲好食嘅餐廳，唔係就好虐待另一半。青葉海鮮酒家嘅小菜都食過幾次，真係幾好味，當咗係飯堂咁嚟食啦。蜜椒薯仔炒牛柳粒，78蚊，真係有蜜糖味㗎，啲薯仔粒走過油，外層有啲香脆，裏面嘅薯仔就好粉，真係好香口惹味！又有黑椒、紅椒、黃椒、洋蔥等配料，炒出嚟非常香。牛柳粒嫩滑新鮮，份量都唔少，呢度菜可以填飽個肚，因為有薯仔，而且好好味。 晚晚有著數嘅十蚊羊腩煲，羊腩都有四至六粒，上桌前灑上京蔥，仲有幾條枝竹，兩粒馬蹄，十蚊都算係咁，而且味道唔錯，炆得好林，柱候汁亦都幾香，俾個火你熱住嚟食，冬天真係好啱feel! 呢個都係特價小菜，豬軟骨煲，我配茄子煮法，因為鍾意茄子有啲爽口感覺，而且可以去油膩。蒜蓉汁煮得非常香，大大粒蒜子，爆香咗超好味！豬軟骨炆得好淋，軟骨都食曬落肚，呢個煲份量夠大，好味而且抵食。埋單加一兩位共食咗176蚊，平均每人唔使一百蚊，真係非常抵食，份量夠，同埋仲會最後送糖水，不過糖水送完即止，要早啲去食啦，行過路過，都去試下呢度既小菜啦。

天氣話凍就凍，夜晚收工又攰，好多人都落酒樓食飯，我都唔煮飯喇，結果去到酒樓，真係要等位，不過都唔係等咗好耐，等咗十分鐘左右，執完枱，就即刻比我入座。入座後，二話不說即刻點菜，因為在等的時候已在外面睇曬餐牌，街坊酒樓有個好處，就係晚晚有著數，實會有啲特價嘢益街坊，點咗羊腩煲，特價十蚊一煲，兩個人可以叫一煲，另外再點晚市特價豬軟骨煲62蚊，可以揀蒜蓉、茄子或黑椒煮法，還有水煮牛肉 78蚊，我選大辣，因為天氣凍想食辣嘢。因為呢晚真係好多人，上菜慢少少，之前食過知道有糖水送的，請侍應可否先上糖水，侍應服務好好，即刻裝兩碗糖水畀我哋頂肚先。羊腩煲到啦，十蚊一煲都算畀足料你，有六嚿羊腩，好多支竹，兩舊馬蹄，在臨上菜前灑上京蔥 ,附有腐乳醬，視乎個人口味，需要才點來食啦。羊腩已經炆到好林，上菜仲可以用火慶熱食，在冰冷的天氣，實在好溫暖，推介！抵食！水煮牛肉大辣，好失望！因為知道呢間酒樓煮廣東小菜係唔錯的，但係，做川菜實在太差了，完全不是那回事，我期望是滿江紅，有辣椒，有花椒八角，浸住牛肉，可以辣個夠，但是點了大辣，都只有小辣，而且邊度有水煮牛肉係用翠玉瓜來煮的？不過牛肉質地還好，是新鮮的，幾滑，沒有

做冬食好啲，所以去咗酒樓買隻外賣乳豬，價錢只係428蚊。佢堂食都一樣價錢，而且堂食係可以食半隻，半隻價錢都係200頭蚊，所以如果人多，食到一隻的話，係超抵！乳豬手，腳，頭，都可以拎走，留返嚟煲粥。乳豬本來包裝用紅紙，肚下面就係乳豬醬，佢係原隻上，唔會幫你斬件，但堂食就會在你面前幫你斬，俾你睇到係全隻。自己斬開都好容易，因為乳豬皮燒得十分脆，讚嘅係佢唔止係脆皮，裏面仲有啖啖肉，因為試過有啲乳豬脆皮下面就淨係得肥膏，但係幫襯過幾次青葉海鮮酒家的乳豬，有肉食而且大大隻，好抵食，超推介！

喜歡飲早茶，今日真係八點鐘就起咗身去攞位，去咗青葉海鮮酒家 ,轉咗新餐牌喎，早市孖寶唔同咗，等我試下先!特價點心都係$12.8同埋$9.8 一籠。皮蛋瘦肉粥係孖寶之一，用料不算多，但味道都很足夠，皮蛋比較碎一點，瘦肉絲也少一點，但粥底就不錯，不太稀也不太稠。免治牛肉腸$12.8, 腸粉皮十分軟滑，這是很多人很喜歡的原因，免治牛肉餡份量少一點，但它的質地就像牛肉球一樣，所以我覺得這個點心就等於食牛肉球加拉布腸粉。金沙奶皇包也是孖寶之一，熱辣辣所以餡料也是流心的，夠熱就是賣點，軟綿綿的包皮，金沙餡不會太甜，不錯。臘味糯米飯也是孖寶之一，在天氣凍的時候特別好吃的， 糯米飯軟綿綿充滿臘味油香， 臘腸的分量也不算少，味道就是香。鴛鴦燒賣$12.8,沒什麼特別，就是抵食，因為有齊兩樣燒賣。最推介瑤柱灌湯餃，也是孖寶之一， 首先上湯十分美味，鮮甜啲清雞湯，煮上大大隻的灌湯餃，裏面餡料豐富，有原隻蝦和肉碎，蟹柳等，重點要吃完所有的湯，才知道原來瑤柱都沉在湯底，無論湯、餃都非常好味!

天氣涼左，酒樓開始轉餐牌，見到有我最鍾意的羊腩煲，仲要益街坊$10煲，點都要幫襯啦！預左$10唔會好大煲，但唔係啊，都有6,7舊羊腩，枝竹都唔少，又有兩舊馬蹄，真係俾足料啊！羊腩炆得好腍，好入味，啖啖肉，唔會俾晒d 骨你食，點佢d腐乳醬食仲香，不咸，有點甜味，真正平靚正！推介！椒鹽鮮魷$88，咁大碟！炸得脆卜卜，椒鹽味剛剛好，不會太咸，食到唔停得口！每舊都炸得乾身，但內裡的鮮魷還是滑嘟嘟有水份，呢個餸一定會再幫襯！茄子豬軟骨煲$58，好多茄子，d豬軟骨又係好入味又夠腍，抵食推介，唔洗叫菜都得啦。腍到d軟骨通通食得晒無痴牙，正！仲送糖水，不得了！渣渣和紅豆沙，兩個都足料，甜味適中，送晒就無，要早d去食。兩人食三個餸，埋單先$182, 抵食又好食！勁讚！

同自己屋企人做完節，又到同奶奶做節。奶奶偏愛中菜，所以揀左「青葉海鮮酒家」。入到去，要再經一段路，先見到間房。堂剪BB乳豬 (半隻)乳豬皮脆，唔油膩。但略嫌呢隻乳豬比較瘦，所以欠缺咗油脂滲出黎嘅油香。鑊仔鹹菜豬肚用火爐熱住~ 熱辣辣，豬肚易咬好食，湯內有黑椒粒，越飲越辣，好惹味。冰鎮咕嚕肉好食+吸精~咕嚕肉用冰鎮住，夠特色。肉質表面被冰糖包住，咬落脆卜卜，外凍內暖，口感好正，食唔停口。梅菜扣肉煲越唔健康，越好食。但一次半次唔怕啦~ 扣肉入口溶化，啖啖都好甘香。梅菜吸晒扣肉嘅晒甘香，餸飯一流。翡翠螺片炒鳳片翠玉瓜爽口，鳳片即係雞肉，炒得剛剛好。麥米粥 / 紅豆沙飯後仲有甜品送~ 味道唔太甜。

9號風球做咩好，本來要早起身返工，醒左都知8號風球，但訓唔返，估唔到等陣就9號風球，真係邊度都唔會去啦，但姣婆守唔到寡，為食的我都落左街飲早茶。點知飲飲下茶就掛10號風球，今日真係要留係安全地方。揀青葉海鮮酒家，因為佢真心平靚正。有單點特價早茶和早晨孖寶，單點全部點心都係$11.8 和$8.8。免治牛肉腸$8.8, 腸粉超滑的，趁熱即食，免治牛肉是牛肉球的肉，等於叫一籠山竹牛肉球但是包左腸粉皮，哈哈，抵食！要加豉油先好味。孖寶$18.8, 揀左咸魚肉餅飯加流沙奶黄包。個飯都俾足料你，咸魚超香俾得夠大舊你，餸完飯都仲有剩，肉餅不過不失，比較薄身，質地較腍。流沙奶黄包一定要食，好正呀！d奶黄流晒出來，熱辣辣，又香又甜，包皮軟綿綿的，口感十分好似食蛋糕，最推介！蠔皇鮮竹卷$8.8,抵食，蠔油入味，餡多。木耳絲、蘿蔔絲、椰菜絲等，令鮮竹卷很爽口，加上豬肉彈牙，好有嚼勁。鴛鴦燒賣$11.8,有蟹子燒賣和牛肉乾蒸燒賣。蟹子燒賣有蝦仁，豬肉爽口，雖不算大粒但好有香味！乾蒸燒賣好多芫茜，牛肉打得爽口，點喼汁食好正！加埋茶位兩位，加一，食五個點心，埋單$64,超抵食！