青葉海鮮酒家 (青山公路 - 新墟段)

營業中

休息中

做野辛苦，有時都要慰勞下自己，收工仲要煮飯好累的，落街食唔洗諗唔洗做有人招呼，我首選青葉海鮮酒家。椒鹽鮮魷$78，見到即刻開胃，因為賣相炸得金黄覺得會好味，會想像食薯片咁脆卜卜，食落口感又如何呢？真係堅炸得脆，即炸即上無放過時，因為試過等得耐先上桌，脆皮就會淋左，椒鹽又香又惹味，整支啤酒飲啱晒！呢度最出名的$10 東江走地雞，是一隻，不是例牌，街坊識得食一定來食，絕不欺場。雞肉好滑有雞味，肉質真係食過幾次都咁有口感，益街坊得來是高水準的，俾埋兩碟葱蓉你點，咸咸地餸飯一流！$58特價小菜，茄子豬軟骨煲，俾好多茄子落去煮，上桌時，茄子剛好夠淋，不會煮過龍，令我覺得呢度廚師真係有真材實料，掌握煮食時間很準確！而豬軟骨唔洗講，炆得好腍，骨都食晒，蒜蓉汁入味，呢個餸味濃d , 叫碟清清地的走地雞配合食，係我真心推介！之前係送糖水的，今晚太夜食，無晒糖水，部長送個椰汁紫米糕俾我地食，好香椰汁味，紫米煙韌有嚼勁，好味！又好開心！覺得招呼好好，好有親切感！所以真係要讚一讚呢d良心食肆，平價得來，明碼實價不取巧，一定再幫襯！

收工好累啊！唔想做煮婦啦，揾間酒樓食餐舒服飯啦！去左青葉海鮮酒家，冷氣夠，因為天氣熱，侍應特登揀個冷氣吹到正的位俾我地，真貼心！兩個人點左三個餸好夠食啦，最正係益街坊$10隻東江走地雞！真係全隻雞無取巧！而且好大隻唔係迷你雞。特登食雞胸睇下係咪好「鞋｣，原來唔｢鞋｣之餘仲好咬口，越食越香，雞脾肉就真係超滑，少少咸味，好有雞味！椒鹽鮮魷$78, 因為上菜快，即製即食，外面炸得脆，鮮魷仲係好滑！飲啤酒餸口唔錯！茄子豬軟骨煲$58，蒜蓉汁味道濃，豬軟骨炆得好腍，唔好怕肥，要連汁食，好惹味餸飯食好開胃，茄子又唔會太腍，因為上菜快，預你慢慢食，在熱辣辣的煲內會再煮腍些。仲有糖水送！有紅豆沙同綠豆沙，我喜歡後者，臭草味超香！紅豆沙都有陳皮香，煲到起沙超正！喜歡幫襯良心食店，街坊有口福，呢餐埋單加埋茶位$172,好抵食又好味！隻雞食唔晒添！大滿足！

晚飯超抵食的$10一隻雞，真係益街坊，梗係要多多幫襯，2-6位可以叫一隻，7位以上可以叫兩隻。除左$10雞，再點多碟椒鹽焗鮮魷$78。仲有茄子豬軟骨煲$58。呢度的雞係有品質保証，食左幾次，每次都係肉質嫩滑，不會熟到d肉老晒，佢會淋上沙薑汁，好香，要唔怕肥點埋葱蓉，d葱蓉是調味的精華所在，因為d葱蓉好新鮮，清新帶咸，點在雞肉一起食，令淡淡的雞肉加添惹味。椒鹽鮮魷今次失手啊，之前食外層炸得好脆口，外脆內滑，今次上桌時，外層脆皮已經淋左，同鮮魷已分離，吃時感覺是一堆淋淋的粉醬了，不過味道是可以的，椒鹽咸咸地微辣，炸蒜蓉好脆。這是特價小菜$58 茄子豬軟骨煲，d豬軟骨好正！炆得好腍，軟骨全部可嚼碎吞吃，味道是超入味，有大大粒蒜子爆到香，夠咸有鑊氣，是抵食之選，我最喜歡有茄子，不會煮得太淋，一咬滿是茄子水份流出，好惹味！送糖水，有麥米粥或紅豆沙選擇。我們二人一人一碗唔同味可以試下。兩種糖水都超多料，我好喜歡食甜品，足料的紅豆沙有陳皮，滿足口感又有陳皮香，甜度適中。麥米粥會再淡d無咁甜，因為真係要淡味的，咁多麥米真係煮到開花了，夠淋又有嚼勁，味道清甜，夏天食很適合，不過可能會飽些。加埋茶位$5/

朋友特登來探我，happy Friday, 帶佢去我最喜歡的酒樓食好野。$10 一隻雞，真係益街坊，不是細隻雞，是啖啖肉的大雞，皮肉都好滑，絕對有雞味，沙薑汁淋在雞上好香，碟葱蓉平時好少食，但呢間酒樓的我會食，仲要食晒，咸味得來薑葱新鮮，帶點清新感覺。$58 特價推介，茄子豬軟骨煲，茄子煮得不會過火，還帶點爽口，豬軟骨炆得好腍，個汁有黑椒加葱蒜蠔油味，屬濃味的小菜，配食飯一流！椒鹽鮮魷$78，洒滿炸蒜蓉，炸蒜蓉好香口咸咸地超惹味，鮮魷炸得不會太乾，仍有適量水份，外脆內滑有嚼勁，喜歡食食香口野的老公必點。京都豬扒$68, 水準keep住好，汁的酸甜適中，又不會成堆汁水流流的，沾在豬扒上令豬扒成為開胃小菜，豬扒肉新鮮爽口，沒有太大條骨，啖啖肉，厚些，食肉獸老公都覺得物有所值。送的糖水是麥米粥，微甜，落足料煲，喜歡淡口味，清下喉嚨，一流！還有紅豆沙，超足料，果皮味都有，送的糖水都很認真不欺場。計埋茶位加一，埋單每人$86,好抵食！

星期六放假，通常都會同屋企人飲早茶，樓下好多酒樓，但我喜歡青葉海鮮酒家的點心，又平又好味。星期一至六都有特價早茶，所以價錢唔貴，做街坊生意。免治牛肉腸，牛肉唔算多，但腸粉皮滑，話明免治牛肉，牛肉是蒸牛肉球果種牛肉，如果要求高的人可能嫌外表唔夠靚同不是鮮牛肉，但我喜歡佢口感軟滑，同價錢平，$8.8 而已。呢個係孖寶的，我揀皮蛋瘦肉粥配奶黄包。是流心奶黄，熱辣辣，小心食，一咬流晒奶黄出來灼親個嘴。包皮非常軟棉，奶黄香，唔會太甜，不會覺得膩。皮蛋瘦肉粥足料，一大碗可分成兩個酒樓細碗，有好多皮蛋、咸蛋、肉碎，味咸香，粥煮得綿，夠杰身，我本身唔鍾意食好稀的粥覺得無口感，呢個粥多料又有口感，啱廣東人口味，早餐食返碗清腸胃。古早糯米雞，$11.8 ,唔算好大隻，睇下材料同味道先。有肉碎，冬菇，一粒鵪鶉蛋，一粒臘腸，咸味適中，用料不算多，糯米煙韌。懷念以前細個食的糯米雞有隻雞中翼在裡面的，現在一般都無。不過呢隻價錢平，都食得過，一個人食都會飽滯。我好鍾意食呢間的粉果，都係$8.8潮州粉果足料大隻，喜歡它咁多材料一齊食時，好有層次感。鴛鴦燒賣，必點，因為抵食，$11.8燒賣是基本茶樓都應有的，唔可以唔好

今日之所以黎，完全係比佢$10羊腩煲同A~F孖寶張大海報吸引左嘅。唸住A~F都好平好抵食！今晚一定可以平平地喺屋企附近食餐便飯。。點知坐低左叫左個羊腩煲之後發現A~F居然無個啱，最後都係散叫第一味上枱嘅當然係今晚嘅主角，其實好細煲，一個人都食得晒，味道好好！$10買碗淨牛什都無可能。。所以咁嘅size同好味道！完全超值！嘉士伯買2送1！平冰鎮咕嚕肉！好味。。不過份量都係算少扇貝大粒！好味鮮鮑魚$98半打黎講真係有點發育不良。。最後埋單2個人$400有指，所以其實唔算超平，不過味道我覺得幾好嘅

今晚老公生日，去酒樓食餐飯慶祝，平時老公都好揀擇唔啱出街食，唯獨青葉酒樓的晚飯小菜，佢肯一食再食。首先講羊腩煲特價十蚊一細煲，上次的食評已寫過唔多講，今次再食都係好足料，比上次入味。京都焗豬扒，$58, 都係每次都要食，抵食大份，甜酸度適中，唔會太漏，又d豬排肉質算新鮮爽口。粟米斑塊，$78, 呢道菜唔會再點了，炸完的斑塊，因為d粟米汁煮得太淋，皮唔脆唔緊要的，但粉皮淋晒變成白色粉漿在斑塊上面，入口就是食緊一pat淋淋的漿，口感差，味道一般。茄子豬軟骨煲，$58, 好味抵食，茄子去左皮，有黑椒青紅椒，煮到好入味，豬軟棉又炆得夠腍，軟骨都吞埋，好香口。椒鹽鮮魷$78, 不過不失，香口野送酒，炸得都脆，魷魚爽口。仲有糖水送，今次有兩款，紅豆沙上次食過好味，今次揀南瓜西米露，好好味！好香甜南瓜味，西米唔會太淋，推介！有供應就要試呢個！

呢日氣溫急降，為食豬知道呢間酒樓有特價羊腩煲就嚟試下係咪咁抵食。為食豬叫咗羊腩煲另加生菜，同京都焗豬扒，再加兩個白飯，兩個人食剛剛好。羊腩煲(假日$38，加生菜$38): 羊腩煲價錢雖然平但份量都唔少，羊肉唔算中舊但都有10舊8舊，仲有大量為食豬最愛嘅枝竹，對得住呢個價錢。味道方面，羊肉唔夠騷但都有羊味，湯底唔會太咸，餸飯啱啱好。生菜份量都幾多，可以自己落，啱晒鐘意食嫰菜嘅為食豬。京都焗豬扒: 雖然一啲焗嘅跡象都冇，但都幾惹味又係好適合餸飯嘅一味菜。豬扒厚薄適中，件數都唔少，仲有啲菠蘿做配菜。調味係8成似咕嚕肉，都係咸咸甜甜酸酸咁。

慶祝結婚週年紀念，同老公去左屯門青葉酒樓食，因為老公想食乳豬，我想食羊腩煲，呢間酒樓就有齊兩個願望啦！點左3道菜：堂剪乳豬半隻$208, 京都排骨$58列牌，特價羊腩煲$10 (加生菜$28一份，星期六日假期$38一份，如果我無記錯的話)乳豬以前食過好味，今次再幫襯水準依然好!皮脆唔洗講，最喜歡佢多肉食，有d酒樓供應的乳豬是肥到皮下就只有肥膏無咩肉食，但呢間青葉好有良心，乳豬是瘦的，脆皮下見到的肥膏少到唔覺得肥，仲有肉食，可以成隻食晒剩得幾條骨果種，雖然瘦，但肉質都滑，咸味適中，因為兩個人食，我們只叫半隻$208, 抵食！羊腩煲$10 超抵，係比平時細煲d, 但完全無偷工減料，我呢煲數過有8舊羊肉，5塊枝竹，兩片冬菇，兩片馬蹄，生菜要另加$28 一份，認為唔需要可以唔加的。不過因為太多人叫，1-2人可叫一煲，3-4人可叫兩煲，賣得太快，變左d羊肉唔夠入味，不過炆得都腍，煲汁都夠味。$10 超值！京都排骨，甜酸味適中，豬排肉爽口新鮮，食得好開胃，要餸飯食。除乳豬外，最好味呢道菜，別以為它平凡菜式，就是平凡中食得出佢同別人的不同，新鮮、肉多、肥膏少，都是因為酒樓算有良心，入貨都揀d好少少嘅

一次在青葉海鮮酒家買了瑤柱貴妃雞回家。雖然只是外賣，但賣相非常吸引，一打開盒，香氣撲鼻，師傅排得很整齊👍🏼，份量比其他酒樓多。雞腿非常嫩滑、咸咸啲非常美味。通常雞胸肉，比較駭口，但出奇地雞胸肉不駭，好有雞味。此雞配以黑啤洒，非常滿足😋我們預備下次光顧堂食晚飯。

木瓜煲豬展湯湯水清甜, 湯料還可以伴吃鮮戈腐竹紅燒豆腐冬菇海參鴨腳煲冬菇和海參也完全吸收了醬料的味道咕嚕肉味道不錯可惜用了豬頸肉,以致肉太少,粉太多西蘭花炒蝦球蝦球很新鮮爽口!

第一次來這裏食晚飯, 價錢已冇之前咁抵食, 因之前未搬過來呢度係三免的, 依家係免加一. 我們點左幾個餸. 有紅燒豆腐, 生炒排骨, 咕嚕魚柳, 油麥菜, 仲有胡椒豬肚同埋涼瓜班腩. 紅燒豆腐都好清的, 豆腐都滑及好味道, 配小唐菜, 同埋笋及菇等, 幾好呀. 生炒排骨好味, 酸酸甜甜, 排朤又唔會好肥的, 好味, 菠蘿, 青椒, 紅椒都好味, 仲有洋蔥. 咕嚕魚柳都好味, 不過其實個味同生炒排骨差唔多的, 但都有好多魚柳, 都好滑同埋有蜜桃, 好甜呀. 油麥菜都好甜的.咸菜豬肚係一個鑊咁上的, 用火熱住, 夠晒熱呀, 都好多咸菜, 腐竹及豬肚的, 胡椒味道唔算好濃, 但都好味呀, 咸菜好味, 唔會好咸好似冇浸過水咁, 豬肚ok唔會有種酥味.涼瓜班腩, 好香的, 涼瓜唔苦, 都好爽口, 班腩大大件, 啖啖肉呀, 好味, 用豆豉嚟煮好入味及惹味的.還有紅豆沙送的, 但好稀呀.

這間酒樓本來在屋企樓下, 後尾搬了過來景峰, 之前有來過食一次下午茶, 價錢都好抵食的. 今次再嚟. 我們點左點心及套餐, 還有一碟椒鹽豆腐, 好味, 出面脆, 入面軟, 好滑的.雙色燒賣, 有燒賣及乾蒸牛肉, 都幾好味呀, 燒賣唔會好肥的, 有蟹子係面, 牛肉都乾身呀, 唔粉.鮮蝦豆苗餃, 大隻, 個皮唔會好痴住. 乾身的, 入面有蝦好爽呀, 仲有豆苗都好味的.套餐, 燒鴨, 油菜, 米線, 好抵呀, 90元左右, 燒鴨有半隻的, 好味, 唔係好肥, 啖啖肉呀, 正. 油菜係菜芯, 都好大碟的, 米線仲誇張, 成窩架. 三個人都食唔晒呀.

一行八大一細黎慶祝父親節，呢度以前係老人院，改建為酒樓，太好，平民化價錢酒樓屯門區唔多，仲要唔駛加一服務費，邊度搵啊？金粟魚肚羹：質感不太稀，還有些＂棉＂。乳豬拼盤：燒味偏鹹了些許。芝士焗海蝦伊麵：芝士濃度不會蓋過了海蝦味。古法蒸多寶魚：肉質滑溜，軟熟。雲耳勝瓜炒豬頸肉：太多數食過泰式豬頸肉，今次中式煮法也很夾。錦江海皇豆腐煲：還有其他配料，似是雜錦海鮮煲。蜜餞鎮江骨：酸甜好配合，encore。蒜蓉炒莧菜：不過不失。送：－壽桃包：外皮好鬆化，綠豆沙：甜度適中，起沙。

屋企樓下的酒樓搬左去景峰, 都未嚟過, 今日突然想試下, 2點左右到, 已有人等位, 咁有生意, 這裏的環境都幾舒服, 門口等位的地方有一個開放的空間, 唔算好熱, 幾舒服的感覺, 坐坐下見到全日免加一的字眼, 原來唔使加一, 唔怪得咁多人啦.等左唔算好耐有位, 呢度係分開三個大廳的, 我們去另一個大廳. 入面的裝飾都幾靚喎. 我們坐在一張大枱上面, 大枱撘左好幾家人架.  食物選擇都多, 有一張特價點心, 只係10.8元, 好抵食. 我們叫左咸菜豬肚, 芋頭糕, 皮蛋廋肉粥, 雙色燒賣(燒賣及鯪魚球), 欖角排骨飯, 雞包仔, 原來唔覺唔覺叫左咁多嘢食. 味道, 咸菜豬肚都OK, 唔會好辣的, 都足粒, 有咸菜, 豬肚, 都爽口的, 雞包仔好味, 個皮蒸到好軟身, 入面D雞肉都唔肥的, 粥夠綿, 唔多料的, OK, 芋頭糕都香, 有芋頭粒, 但唔夠熱, 燒賣一航啦. 個飯可以. 欖角好香的.價錢及質素都成正比的.