靚粥工房 (已搬遷) 新店位置

佢算係粥底火鍋既始祖哦！雖然佢面門唔搶眼、裝修唔靚，但食物水準保證超高！諗諗下好似四五年前己經開始食佢啦！當中當然有食過其他粥底火鍋啦~但始終都覺得佢最好食同最新鮮呢幾年佢都無加過價算係好有良心架啦大約四五年前都係$200內 到依家都無變呢個真心令我好驚訝！！之前係唔BOOK位食唔到，最近幾次去食我都可以好好彩walk in到有位服務都唔錯架 會教我地要淥幾耐 落咩先 睇個樣以為佢地好惡 其實好好人每次黎既野食都會有少少唔同 但佢一定會揀最新鮮既海鮮比大家食一開始食住啲油炸鬼先啦 就咁食又得 點下粥又得 仲有啲配菜 都好鮮甜架老闆話啲南瓜要最後先落 等啲粥吸曬啲鮮味~ 再用黎煲南瓜粥食 但要一路攪 如果唔係會痴底每樣海鮮上到枱都仲係好生猛好新鮮鮑魚好有咬口！又有鮮味 真係好好食！！啲蜆又大粒又脹卜卜咁 一咬開仲爆汁添呀蟹同魷魚筒 蟹同魷魚筒都係好鮮甜  彈牙隻蟹係實既 唔係果啲一煮完入邊都係水!聖子 魚蛋重點推介下啲魚旦啲魚旦好彈牙 點啲鼓油食~勁好食蝦同魚一樣啦 新鮮到爆炸~ 呢個唔記得左係咩 好似有一塊係蝦滑真係打出黎 打到漿狀咁 仲食到有原隻蝦肉 勁爽口彈牙雞塊 唔洗講啦 好滑！

久仰呢間粥店平靚正成間舖僅有五張枱 感覺都有少少殘舊啲人係keep住行入黎但冇book枱就被避要行返出去啦野食係冇得揀既 粥底就有得揀湯 我地揀魚湯講左四個人 就每人比返大概二百蚊就有好多海鮮放出黎影漏左兩條泥鰍 墨魚滑 鯪魚滑 冇影既三樣係超級好味！有魚皮 油炸鬼 人均鮑魚 雞 蟹 人均蝦 蟶子 蜆 魚蛋所有料都好新鮮問唔知老闆定員工 佢話係每朝去塔門買料職員好親切 會過黎教我地先食咩咩咩嗰啲全枱都係餸一路食 會有人不停幫手加粥水同平時只加湯加水唔同！到最尾食到咁上下 就加埋南瓜冬菇落去食埋個粥底 好正海鮮最緊要食新鮮 就已經好食估唔到每人兩百食到咁多海鮮同食到抱住個肚走真係平靚正！

自從大學同學帶過我黎呢間小店，食過一次粥底火鍋之後，我係坊間就再未食過咁好食既粥底火鍋，完全番唔到轉頭😋呢間小店舖面唔大，亦都無好靚既裝修，枱既數量唔多，正宗貴精不貴多。一晚都只係番一兩轉枱。我地一行8個人，要早成3個月book枱先得，不過絕對係值既👍🏻聽老闆講，啲海鮮係每日係塔門運出黎，保證新鮮！呢度係八人份量既野，望落其實初初會擔心唔夠飽，不過食下食下其實都滿足。最重要係，所有海鮮都好新鮮好鮮甜！😍

今日去了海鮮粥火鍋店，真的名不虛傳，用粥做湯底，個粥底是綿綿的，名副其實海鮮餐，因為海鮮種類很多，有貝殼類海產、蟹、泥孟魚、鮮鮑魚...等等好鮮味，牛肉入口也溶化，雞肉永遠放在粥裡都是最好配搭，雞肉好有拗口，仲有潮州魚旦非常彈牙，大家一定要試吓。

之前朋友介紹，知道要預約先有得食，去到舖頭比我相像中還細，不過食物新鮮，價錢又抵就夠啦咁多海鮮之中我最鍾意貴妃蚌，其次係蝦2個食到飽住走，見隔離檯都係2個人，但食剩好多就話飽了※9點後每位$168免加一

一個價錢，食咁多樣海鮮，無論多人小人都無問題！粥水湯底本身已經好香淡淡地咁，煮左咁多海鮮之後個粥簡直係甜到無得彈啊！最抵讚個鮑魚上枱之後仲係到跳舞架當晚book 七點但因為遲到食得有啲啲急，因為限時架！下次一定會準時到慢慢再品嚐下

上次同 fd 講起粥底火鍋呢間好好食，但佢見到好似執左，嚇到即刻同另一個 fd 查證，發現只係裝修，現已重開，就即刻 bk 埋枱止癮。圖中係 5 人份量，我地食頭圍所以 $168 一個。食 3 個鐘架~ 海鮮係每日去塔門採購架，有蝦，有鮑魚蟹蟶子沙白泥鯭貴妃蚌新鮮就必然既，重點係其他配料都好食啊嘛！墨魚滑有咬口，鯪魚滑難得唔覺得腥仲食左幾舊魚蛋超好食好彈牙🤤 油炸鬼同粥底超夾，有個默默地自己啪左半碗😆 魚皮夠脆又好食佢本身無肉既，可以加錢要牛同豬圖中係 $50 牛，$10 豬🤣質素還可以啦，食肉獸就應該唔夠，我地覺得唔加都可以，因為食埋個粥其實好飽。我次次都打包埋個粥第二日 lunch 有著落😍

天氣凍梗係要打下邊爐啦 因為朋友介紹所以先知道呢度有間食粥底海鮮火鍋呢度嘅海鮮火鍋要預訂嘅，來到先知道有啲乜嘢海鮮食我同朋友二人來到，一坐低 就會先攞粥底出嚟之後會陸續來海鮮， 我哋兩個人 竟然成枱都係 真係幾多嘢食， 而且海鮮都好新鮮 朋友之前食過大尾魷話好正，不過今次就冇！ 原來佢哋啲海鮮次次都唔同， 新鮮時令先會畀我哋呢度真係好抵食9:00pm後每位只係168蚊， 埋單嘅時候仲發現佢哋唔會收加一雖然呢度坐位比較少， 坐得唔係好舒服， 但係呢個價錢， 食到咁多海鮮 真係好超值，所以一定會encore

凍冰冰好想食粥底火鍋，上網搵極都係貴夾粥水既蒸氣鍋。無意中睇x假期見到呢間，有米粥既粥底火鍋，新鮮海鮮放入正真既粥底，先係我想要既。本來頌諗街坊小店，未必有得訂位。但到場先發現，唔本應該冇可能食到。一坐低，老闆已經準備好曬食物。唔洗諗冇得揀，全海鮮，隻隻識郁。雖然望落好普通，價錢又好平，野食又冇得揀，老闆睇落頌有d惡。😠😠但碟碟都係新鮮生猛既海鮮，老闆頌會留意住，不停加粥比我地。打完邊爐之後，個粥真係不得了😱😱😱😱

每年天氣轉涼，我都會推介朋友黎食「靚粥工房」，抵食又新鮮，勝價比高！今年黎到，仲見佢裝修左，有疏化櫈坐，舒服！book位話比老闆知人數，佢就會幫你安排好份量同食物架喇～老闆每日去塔門拎海鮮，book左位唔好隨便放飛機呀～～黎到唔洗再落order，有咩海鮮唔食，記得同定老闆講～枱面放滿食材大約有10多樣食材，蜆、貴妃蚌、鮑魚都好正！邪惡炸魚皮有兩種滑～蝦滑（呢個）同鯪魚滑油炸鬼送粥，perfect match蟹仔～細細隻，但幾鮮甜！貴妃蚌，離殻就食得架喇，勁肥美鮮甜！鮑魚，overdone左都唔會難咬～好滿足！周年慶免加一，飲埋可樂每人都唔洗$200！

首先，各位來食粥底火鍋，記得要先訂位喔。 咁多間粥底火鍋，係得呢一間宵夜時段有特價168/位!!， 所以就嚟平平哋試下。 呢間嘅粥底係皮蛋粥， 同其他一般淨粥水不同。 未開始前，試一試個粥底，真係好淡，只有淡淡米香味。然後老闆好快就擺d野食在枱面，有鮑魚，魷魚，蝦， 泥鯭 ， 魚滑，蝦滑， 貴妃蚌，白貝，蟹仔，雞，魚皮，魚蛋，油炸鬼。我們好快先放晒d海鮮先 本來拿左d 豉油， 但發現最後 只係用嚟點咗啲泥鯭， 其他海鮮根本就不用豉油， 已經好鮮味。d雞好滑，記住唔好淥太耐呀。煲緊 中途， 老闆會不斷幫你加粥，又同你傾下計。最後，落埋送粥的菜浦魚乾， 呢個先係精髓 連埋油炸鬼送粥，又一餐食到頂住個胃啦！

之前其實食過一次，叫人回味，上次四人出席，今次帶多兩個朋友，六個人大戰粥底火鍋，分兩節時間，我哋就食第二節同其他粥底唔同，佢唔係一開始就用粥水，直接用粥，所以可以打打下都食碗粥其實呢道係中式omakase,店主會依照當日海鮮市場走勢嚟決定食咩海鮮，有d就會一定有，如上圖魚皮鮑魚仍然係大大隻，新鮮今次有貴妃蚌，生猛白魚旦其實係我嘅最愛，爽口彈牙，魚味濃，大推滑佢有蝦滑同魚滑，幾好食食下途中佢會不斷加粥，而唔係粥水，保持住粥嘅質素，大讚

這是一䦔海鮮粥底火鍋，但為我們做了一煱五色素食粥底火鍋，有蔬菜，瓜果，豆腐，油條，還特別買了素丸，素餃子等，食用了五色均衡食物，好美味好窩心好感恩沒有五辛，太好了，期待再次光顧

有天，一路以為是去佐敦的鍋心打火鍋，結果才發現，原來只是自己一心以為去鍋心，結果是來這間靚粥工房😆😂。店子少少，應該只有四五張枱，而我們坐近廚房。據說鯪魚滑的質感特別🤔，好像一層一層，但我吃過之後，還是吃到有骨😒，不喜歡；墨魚滑則好一點，味道比較香，比較滑溜。原來這個是廚師發辨式港式粥底火鍋，利用粥來做湯底，最後就可以吃粥。鮑魚，份量非常多，好像一盤，每人可以分到兩隻，算挺多。而貴妃蚌就比較出色，因為比較鮮味，貴妃蚌是比較出色的一道。蝦，在顯得比較少了，因為只有人頭每人一隻，而且不覺得特別出色。其餘還有雞，但是份量也不太多，大概每人只會係到一兩件雞，味道也普通，不覺特別鮮味。結果最尾喝粥還是有點海鮮鮮味，還算小確幸。雖然不用貳佰元吃到粥底火鍋還算抵食，但是就份量而言，的確不算太多，可能只是緊緊夠飽，未能大魚大肉，也沒有吃到牛肉、羊肉。

係飲食雜誌見到呢間粥底火鍋覺得好吸引所以一試BOOK了5位，198/位，可惜有位朋友黎唔到，所以就4個人食5人份量啦!好豐富的一個SET，份量已經定好了的，皮蛋粥水鍋底，呢個粥底火鍋賣點是超新鮮海鮮每人一隻鮑魚，加一蚊多一隻，鮑魚真係好新鮮，上檯見到識郁的一個字﹕正!蟹雖然細細隻但有膏肉甜，蜆都好肥美冇沙的泥鯭朋友食過話好新鮮啦!魚滑、蝦滑 - 呢隻蝦滑係我既最愛極力推介好味!白魚蛋都好好味!仲有脆魚皮、蟶子同扇貝黎個大合照!店主都好好人!幫我地睇下D野食熟未，提我地唔好咁早落南瓜，因為會整到成煲痴底!打到差不多，店主就幫我地落粥底 (之前的是粥水)，加埋D南瓜冬菇，仲有魚皮油炸鬼送粥最後食唔哂D野勞煩店主幫手打包個粥底，呢個海鮮粥吸收哂所有海鮮既精華真係好濃味好甜，唔哂野所以比我打包左做早餐!而且因為都係海鮮為主，所以一D都唔肥膩!會再ENCORE啊!雖然地方唔大得四張檯，但都坐得舒服，食物又新鮮足料乾淨!