靠得住粥麵小館 (德福廣場2期)

營業中

休息中

4大人一BB,一到去就坐左張4人卡位, 好迫, 連BB都放唔低, 咁我地就同阿姐講話一陣有位想轉枱, 阿姐諗都唔諗就話度度都一樣(但明明就有D位係沿住牆嘅長櫈)… 好快就有人走有位調, 但D阿姐勁唔helpful, 我同佢講我地調枱, 佢聽到都冇反應, 咁我地都冇理佢, 自己調… 當我地諗哂食咩準備落單之際,  突然有人大嗌”所有粉麵停”…. 睇睇錶, 8:00都未到, 乜料呀?! 咁都要食架啦, 就重新再揀過喇心肝寶貝+鹹肉粽餐- 呢間野係以咸肉糭打響名堂,果然名不虛傳!! 好香糉葉味, 而且夠多綠豆又結實!! 心肝寶貝係淡淡的鮮帶子加大大塊黃沙豬膶, 鮮帶子輕輕帶出鮮甜味, 豬膶唔鞋仲好彈牙!!珍珠蠔仔粥(唔記得影)+紅油水餃 – 脹卜卜嘅蠔仔觧甜冇沙又唔腥~只係唔算突出; 紅油水餃皮滑餡靚, 對唔食得辣嘅我而言, 有點太辣梅菜扣肉菜飯- 普普通通, 略為偏甜, 菜飯偏油咸蛋肉餅菜飯-普普通通…都明知呢度唔係食呢D飯類, 不能有高要求…有D可惜, 食唔到個麵...唯有下次再試!!不過服務真心有待改善...

聖誕假期正式開始，昨晚做冬，食得太飽和膩，今天 lunch 想食清淡些，家人提議去食粥， 專程去淘大花園這間米芝蓮推介的靠得住。店舖唔大，似快餐店形式，但都有侍應招呼。午市有飯餐供應，但我們叫了出名的粥餐。原條泥鯭粥 + 鹹水粽粥算大碗， 有兩條泥鯭魚， 粥底軟綿但太漿口和杰，果皮味淡， 泥鯭魚腩有少許苦味。鹹水粽不過不失，如果有白糖做佐料更好！狀元及第粥料多，有豬潤、豬腰、豬肉丸、粉腸和生薑絲， 豬腰太粉口唔夠爽， 其他沒有什麼突出之處，跟一般粥舖分別不大，似乎是名過其實。呢餐唔平，都要過百，但太失望了！！

雖然我喜歡食雞，我無雞不歡，但是有些食品，我不是什麼時候都能食到雞肉，粥品就是最好的例子。當然，我一早已經知道了，香港有一些地方盛產「雞粥」，例如大圍，只是直到現在我還是未有太多機會品嚐雞粥。後來有一天下午，我在九龍灣德福廣場漫無目的地散步，不知道是興之所至，還是平日見得太多又未食過，忽然令我對「靠得住粥麵小館」產生了興趣，我在橫衝直撞的情況下發現了「靠得住」的「鮮味雞粥」。你無聽錯，「靠得住」餐牌上寫的菜式名，的確是「鮮味雞粥」。當然，要煮好一煲有濃郁鮮雞味的雞粥，不同的食店會有屬於自己的方法。小時候對雞粥的第一個印象，是沙田大圍的「雞粥」。到我現在長大，吃得最多雞粥反而是晚上在西貢小巴總站，「林X小食店」旁邊的那檔流動小販，那小販以往有時會賣雞粥，味道也很不錯的。現在我來到九龍灣德福廣場，光顧「靠得住粥麵小館」的下午茶，本來只想吃個尋常的「艇仔粥」或「皮蛋瘦肉粥」。但是「無心插柳柳成蔭」，給我無意中發現了「靠得住」的「鮮味雞粥」，味道我還接受得了。至於「靠得住」下午茶配「鮮味雞粥」的小菜，今次我反而只是選擇了一客，坊間很多平民小食店，都可能會有提供的小食，「豬腸粉」一碟。「靠得住」

放工因為要買野，所以要黎德福食，老公話要食粥我即刻say no,因為池記一啲都唔好食！佢話朋友介紹左間，靠得住！新野，既然係禁就試下啦今日有啲懶，隨便打，有咩就睇單啦，難得張單有影相咸肉糭足料，味道好，連唔中意食糭既我都話正雲吞炸醬麵係我中意食酸甜個種，唔係咸個種而且麵質靚，好爽口，係啲雲吞麻麻地！香脆油炸鬼魚腩肉丸粥我對個魚湯既粥底麻麻地，老公話好食，不過魚腩大大舊，滑！粒肉丸好食，老公話係蝦肉丸喎滷水雞翼係甜尌油，肉質同個汁都一致覺得麻麻地蘋果茶我覺得好香好好飲喎老公講左句“蘋果味同茶味囉”男人同女人既口味，就係差禁遠架啦呢間有下次

跟閨蜜看演唱會，比平常晚餐時間早，又不想太飽，便到這家店。點選兩個粥配小吃的餐，心肝寶貝粥+混醬腸粉、狀元及第粥+麻辣豬耳爽。這次真的不用多解釋說明，靠得住，真的靠得住。心肝寶貝粥+混醬腸粉，巨型帶子配爽滑豬肝，粥底味道一流，腸粉沒有太多油，更是無懈可擊。狀元及第粥+麻辣豬耳爽，手打肉丸爽口彈牙，麻辣豬耳麻辣度適中。或許有些人認為這裏粥品價格算是貴，但我個人覺得以品質來衡量，算是可以。環境：4心肝寶貝粥：4混醬腸粉：5狀元及第粥：4麻辣豬耳爽：5侍應/服務：3價錢：3

中午同事們想食清淡d, 諗諗下間間餐廳都好難清淡, 除非你食沙律/食粥~雖然天氣好熱, 但日日出街食又容易有肚腩仔, 所以決定去試下食"靠得住" 原來靠得住九龍灣開了2間 - 淘大 & 德福.....有冇咁好生意先?!餐牌右下是米之蓮公仔, 相信呢個係佢的賣點不得不讚下個餐牌的設計清晰, 價錢一目了然2個同事都分別叫了粥, 他們說食落普通咁, 唔會太差, 又唔會話好好味我叫了雲吞麵, 雲吞, 湯, 麵食落都係一般, 一食就覺得唔夠池記好食....但價錢又差不多, 咁點解我要食佢....同事另外叫精選要了個粽....說好的減肥呢....粽也是不過不失, 不過夠晒飽首選有豬潤食最平的特色小食有豬耳爽, 麻麻地

今日去左德福搵野食，想食清d就走左去依間米朱連粥舖食粥，點知入到去先覺得貴而唔值😣朋友叫左碗出名嘅心肝寶貝，盛惠$62，其實就係豬潤配一件一開三嘅帶子粥，但個粥底的確太稀了；自己就叫左碗魚片醉牛粥,價值$38，入面有3件普通厚度嘅魚片，但醉牛我相信真係好醉，醉得完全搵唔到，旁邊的同我講上次佢叫左時都覺得要搵放大鏡先可能有機會搵到，咁點搞呀，其實有定冇真係廚房大哥先知了但依個粥底就好過另外一碗的，最少唔會好似水一樣稀先咁樣冇左一條魚😣😣會再嚟先算

差不多餐廳收工時候，餐廳無乜人，今天叫了水餃麵加咸肉糭套餐，另外叫了碗靠得住鮮雞粥，3樣食物，3個的分量也太小了。水餃麺有四粒水餃，出面一般得3粒，不過唔可以話好吃，沒什麼特別，麵質彈牙，但份量太小，應該要吃2碗才感覺到飽。咸肉糉好細隻、有原粒鹹蛋、肥豬肉，但糯米好淋，可能蒸得太耐，同時尺寸太細隻，一定食你唔飽，同樣要吃2隻先夠。靠得住鮮雞粥，d雞唔鞋囗，算合格，粥底軟綿，都係果句，實在太細碗。兩個人共叫了3樣食物，都冇飽的感覺。平均每様食品30元以上，加埋一確實貴咗d。要吃飽必須叫2樣食物。

今日同爸爸媽媽出去食下午茶，搵到間食中式既粥品同小菜+飯，就入去試下~呢個就係下午茶既餐牌~ 咁我地就叫左秘製牛腩飯同荔灣艇仔粥啦~秘製牛腩飯牛腩有少許唔夠冧，而牛筋係勁正，成碟牛腩同牛筋非常入味，送飯一流荔灣艇仔粥個粥底非常綿同滑，個味道亦適中，唔會太鹹，又唔會唔夠味，啲料都幾足，有牛肉、豬皮、同埋係有魚片（取代左魷魚）。唯一唔好既就係佢話係荔灣艇仔粥但又唔用魷魚而改用魚片，而無係餐牌提及過有魚片呢樣食材。 最慘既係魚片都碎骨，所以整體黎講我唔太鍾意，但個粥底係真心唔錯而個下午茶餐仲可以比你配樣小食，咁我就揀左腸粉，碟腸粉幾滑，配埋甜醬、花生醬同辣醬食，簡直係一流

同屋企人黎依度食晚餐，屋企人好欣賞依度既魽魚❤️又滑又有鮮味，仲要唔係間間分店都有🙈每晚都只係有限量供應，辣椒蒸魽魚，更加好味😋另外，我地都叫左咸蛋蒸肉餅同腐乳生菜😊肉餅比較薄身，但都幾滑，可惜分量實在太少，好快就食完😕生菜都幾新鮮，我最愛將生菜點腐乳，但都係太少啦😭

野食係唔錯服務態度就麻麻地事情：首先叫左一碗粥+牛排葉=$74 之後+$8 野飲後來叫多碗面 要求將$8野飲➕去呢度結果服務員竟然話 入左單無得改其實香港好多都有得改，連茶記都可以要求更改，竟然米芝蓮餐廳話改唔到單

中午時份，點了魚鮫粥，魚肉粉紅色，用湯匙攪一下見血水，撈起魚鮫一看——唔係未熟，而係未煮過，成件魚鮫是生的！換過一碗及第粥，講明「走腸」，張單都寫住「x長」，但上枱時一樣有腸！總結一句：出品差！

德福二期裝修了一段時間, 終於有新食肆開業、有多一點選擇。“靠得住”與同集團的燒味快餐店為鄰, 門面雖是分開出入, 但內裡走廊/廚房是相連的。靠得住店內環境潔淨、光線充足、整體算是舒適的粥麵店。下午茶餐有麵食及粥品兩款, 湯麵餐配飲品, 靚粥餐配小食。店舖標榜粥品遠近馳名、又曾獲米芝蓮推介, 所以二話不說就點算靚粥餐配小食。這天點了 “魚片碎牛粥”及“紅油水餃(走油)”。先講“魚片碎牛粥”, 粥底有鮮魚味、不太稀但可以再多一點米再綿一點、生菜頗多、魚片又薄又通透很鮮味、碎牛不夠多味亦略為太淡、整體不錯, 可惜粥只是温暖未夠熱。再講“紅油水餃(走油)”, 上菜的侍應很好很細心, 主動問我可要豉油點吃。這個水餃內有蝦、肉、木耳, 味道不錯, 水餃皮包得結實, 不會一夾就散, 值得推介。P.S. 餐廳堂食全日均需要收取加一服務費

近排德福廣場裝修左之後，喺第二期多咗好多食肆，其中一間就係米芝蓮一星嘅推介，這就是靠得住，靠得住嘅價錢同太興嘅價錢有得揮，我發現到太興原來係同靠得住係同一間公司靠得住嘅下午茶算比較實惠，19蚊就有一個銀芽炒麵，炒麵嘅麵底非常之特別，有咬口，再加埋香蔥，加啲辣椒醬，撈埋一齊食，口感非常滿足，十分滋味另外就係佢哋有個蘋果紅茶，一壺蘋果紅茶價錢大概20蚊左右，畀你係咁飲，大概可以飲到六七杯，非常超值，佢個茶包係來佬貨，蘋果嘅香味， 非常之特別，好好飲，又可以解油

此店第11間分店開業，推銷珍珠蠔仔鮮魚粥。超低特價（沒有加一），完全沒有將貨就價，份量和質素甚好！此店一向標榜每日用40斤鮮魚，煲4小時，製成魚湯做粥底。用作豬潤，雞粥……，效果不大，成敗在於米花爆開情況，生料新鮮程度，師傅功力。鮮魚粥用於珍珠蠔仔粥便十分合拍。同屬海鮮類，蠔仔味不霸道，沒有搶佔鮮魚的風頭。有蠔仔約10粒，十分鮮味。宜長期供應此物，勿聚焦在貴價粥。此店沒有粉麵，食品類別太狹窄。連早餐也不供應。三大皇牌之中，我還是喜愛吃粥。心肝寶貝粥其實是豬潤粥，幾年沒有吃，味道依舊。用了靚豬潤和帶子，但是，索價62元（還有加一），太貴了。