靠得住粥麵小館 (形點 II)

營業中

休息中

靠得住連續六年登上米芝蓮指南香港澳門必比登推介食肆，是首間獲此殊榮的粥品餐廳。我哋點晒餐廳招牌三寶：馳名東江鹽焗雞半隻：雞味濃郁，軟滑好食，油脂唔多，半隻份量都幾多，兩個人都唔係好食得晒。心肝寶貝粥 (豬膶、帶子)：粥底既製作相當用心，首先以新鮮既魚熬製4個鐘煮成魚湯，再加入粥底再煮，所以粥底夠晒綿滑，仲有軟滑爽口既豬膶同北海道刺身級帶子，唔使添加任何調味料，都已經好鮮甜。鮮炸油條(原條)：新鮮即炸不油膩，鬆脆可口，用嚟送粥，簡直無得輸。招牌雲吞麵：鮮蝦雲吞皮薄餡靚，麵質夠彈牙，店員會在上枱時先倒湯，確保麵線唔會比湯浸腍，保持新鮮味美。總結，米芝蓮級數果然係非同凡響，座位舒適，食物水準高，服務稱心滿意。

呢晚同家中兩老同女朋友一齊黎到元朗YOHO mall 2期靠得住，食餐老人家至愛既中式晚餐 近期餐廳推廣食客家風味套餐，爸媽見到就即刻話非叫呢個不可白灼薑蔥珍珠蠔珍珠蠔洗得好乾淨，白灼煮法如果就咁食會有d腥，不過點左跟菜上既魚露汁就會去除哂蠔既所有腥味，而且仲有提鮮效果連花生同芫荽一齊食香味口感更豐富真正東江鹽焗雞 呢隻東江鹽焗雞賣點係滑溜雞肉，雞皮滲出淡淡雞油味，配上特濃沙薑醬，係正宗既味道呀心肝寶貝粥 配 油條真係無改錯名，豬肝鮮味，重點係啖粥一放入口就感受到佢細緻綿滑既質地，而且粥底煲得好入味，配埋蘇脆油條食，邪惡都值得食呀酸菜魚初時好擔心會好大條食唔哂，但係估唔到呢度既酸菜魚係原條倉魚，size岩岩好，湯底味道偏酸微辣，魚先煎過再放湯煲，所以魚肉索味得黎唔鬆散手作煎釀豆腐鑄鐵鍋上菜鑊氣十足，釀豆腐舊舊都煎到金黃色，食落夠淋唔會一夾就散，配埋惹味黃豆汁，牙力無咁好既老人家食到笑哈哈客家冬菇紅炆豬肉冬菇腩肉份量相當多，炆到好淋身，燒汁完全比呢兩個極索味食材索到淋漓盡致，咁多惹味食材，食到要拎埋女朋友碗白飯扒先夠喉魚湯海味粉絲雜菜煲食左咁多肉，當然要食返多d菜咁先夠健康，呢個粉絲煲貌

平時經常都會幫襯呢間米芝蓮推介嘅餐廳,靠得住粥麵小館,餐廳位置喺元朗朗日路8號形點二期3樓#301A ,餐廳主打中式小菜,粥品。麻辣小黃瓜 22元,味道好清新,小黃瓜爽口清甜帶點麻香,食完特別開胃。客家風味酸蘿蔔 22元,口感非常爽脆,酸蘿蔔酸中有甜,甜中帶香,加上辣椒嘅味道,真係非常美味。真正東江鹽焗雞半隻 148 元,雞件分量都好多,味香濃郁,皮爽肉滑,雞味香濃,配上沙薑油鹽,風味極佳。雞肉望落去色澤微黃,皮脆肉嫩,連雞骨都有香味。手作煎釀豆腐 88元,肉嘅鮮味滲透豆腐,帶點鹹鮮味,口感層次豐富,煎香咗嘅釀豆腐軟硬度適中。酸菜魚原條倉魚 98 元,酸菜倉魚魚肉嫩滑,加上酸菜,香蒜,蔥花調味, 魚肉鮮味更加突出,湯帶點酸,微辣,惹味開胃,魚肉嫩滑得嚟又唔會散曬,食落去啖啖肉。白灼豬腰豬潤 68元,口感爽脆味鮮,食落去完全冇腥味,配上蔥花,薑絲,花生,增加味道層次同口感,豬潤軟綿又有嚼勁,回味甘甜。心肝寶貝粥 78元,粥底好綿滑,加咗豬潤同帶子味道更加鮮甜,配上條油炸鬼真係冇得頂。

靠得住除左粥品頂瓜瓜，近年仲加入左客家風味小菜：客家風味酸蘿蔔：醃製過既蘿蔔，酸酸甜甜，爽脆開胃。馳名東江鹽焗雞半隻：著名客家菜，鹽焗雞皮軟肉嫩，香濃美味，又不油膩，加上秘製沙薑醬汁，超級好食。客家北菇紅炆豬肉：有個小火爐暖住，五花腩同花菇都炆得腍甜入味，撈飯一流。酸菜魚：原條䱽魚，肥美肉厚，仲加左好多酸菜、豆腐卜、木耳，湯底香濃，我哋點左唔辣都好惹味。魚湯海味粉絲雜菜煲：食材包括魷魚、木耳、小棠菜、菜芯、西蘭花、粟米芯、草菇、粉絲、大蝦米乾、雪耳、蟹柳，十分豐富。心肝寶貝粥 (豬膶、帶子)：粥品每日挑選多達40斤的新鮮魚來熬成湯底，烹煮連續4小時，所以特別鮮甜味美，每口粥都充滿著淡淡魚香，豬膶爽口軟滑，帶子鮮甜，真材實料，實在不容錯過。鮮炸油條(原條)，炸得乾身不油膩，外脆內軟，配粥一流。總結，食物美味，份量足，服務好，值得推介。

Throwback 食評✍🏻靠得住@Yoho mall試食指數⭐⭐⭐店舖衛生⭐⭐⭐⭐⭐侍應態度⭐⭐⭐⭐((每項5⭐️為滿分)) ·食咁多次都食唔到炒麵今日終於嚐到有啲乾有啲硬(唔係脆口硬)味道還是不錯的·煎蘿蔔糕冇乜驚喜而且份量少·水準保持得最好係雲吞麵粥都夠綿夠熱帶子鮮甜新鮮·無論大鋪小店我哋都會盡試盡講

今日和朋友喺元朗行街，到晚飯時間在附近搵嘢食，這間小館地方寬敞，而且乾淨。麻辣小黃瓜和客家風味酸蘿蔔，兩樣都很醒胃。酸菜䱽魚，湯頭味道好平衡，酸度同鹹味都恰到好處，然後食到魚嘅鮮甜。選用多肉少骨嘅䱽魚，魚肉嫩滑，啖啖肉又唔會散晒，食得出師傅功夫，而且酸菜同魚肉份量都好足，又酸又辣，鮮香味濃，冇得彈。魚湯海味粉絲雜菜煲，湯底用上鮮魚湯，粉絲吸收了魚湯，入口鮮甜，有很多材料魷魚，乾瑤柱，蟹柳，蔬菜。真正東江鹽焗雞， 入口雞皮爽脆，雞味濃郁，而且皮下脂肪很少，真正的走地雞。手作煎釀豆腐，豆腐表面經過煎封，煎到金黃色，入口豆腐嫩滑，很濃的豆香味，而且肉的味道滲透入豆腐中，好味道。雲吞麵也不錯，麵身煮得剛剛好，爽口有口感，湯底清甜，入口雲吞蝦肉爽脆和豬肉的鮮甜，很出色。心肝寶貝粥，入口粥底很棉，豬心，豬肝，材料豐富，加上卜卜脆的油炸鬼一齊食，正！很出色，會有下一次。

今日family day，帶埋父母出街食飯，佢地食唔慣鬼佬野，咁就帶左佢地黎「靠得住」食中餐入面環境好光猛，地方又夠闊落，坐得好舒服，而且格局裝飾都好中式野食價錢唔算貴，反而平過又舒服過酒樓，menu亦整得勁靚，圖文並茂鹽焗雞，肉質嫩滑好夠味，中意濃味啲既仲附上左沙茶醬，半隻份量都唔少，我地四個人食好夠分酸菜魚，呢到用左原條䱽魚，唔同平時食開個啲一片片切到好碎，配料好足，特別係啲豆卜索晒味勁好食客家釀豆腐，下面放左蠟燭keep住溫度，好細心食落好重黃豆味，唔會太咸北菇紅炆豬肉，個人覺得成餐最正係呢道菜豬肉半肥瘦，炆得又淋又入味，淨係聞都聞到勁香，差啲連啲汁都想飲埋用黎送飯一流！粉絲雜菜煲，食完咁多濃味野要飲返啲清既湯，入面加左好多海鮮，令成個湯勁鮮甜豬潤粥，可以話好食過好多粥鋪粥煲到好綿，調味得岩岩好少少咸，唔會好似白粥咁無味要自己加胡椒粉，豬潤好粉一啲都唔硬，亦無腥味，高質！配埋油炸鬼食無得彈！

一家人食飯，想食中菜，以往主要到靠得住吃午餐粥粉麵，今次第一次到靠得住吃晚市。食得比較豐富，擺滿整張枱點了兩個前菜麻辣小黄瓜 $22很爽口，喜歡吃辣的應該覺得不錯客家風味酸蘿蔔$22 第一次吃到這種酸蘿蔔，平時吃白色的酸蘿蔔的是比較酸，但這種有調過味美的很好吃，有少少辣手作煎釀豆腐 $88推介菜式，豆腐很滑，配上調味的黃豆，很有特色，下面有小型蠟燭保溫真正東江鹽焗雞半隻 $148雞很滑，濃郁雞味，配沙薑醬配白飯一流酸菜魚 (原條倉魚) $98性價比很高的酸菜魚，大大條的䱽魚。這個價錢如果到一般有茶餐廳供應小菜都不只這個價錢。豆卜吸收湯的精華，正！魚湯海味粉絲雜菜煲 $88白灼薑蔥珍珠蠔 $68我加入粥吃不錯心肝寶貝粥 $78粥很綿，粥底調過味，不是一般白粥的味道。帶子煮得剛剛好，不會過熟。豬潤令我十分驚喜，平時吃的豬潤「鞋口」，但這個十分滑。平時不吃豬膶的，我也覺得好味。油炸鬼脆卜卜，不會覺得放過來太耐過軟招牌雲吞麵$55湯另上，面就不會歌淋。雲吞都幾大粒。香米白飯 4碗 $48蘋果紅茶(每壺) $18

YOHO型點已經變成元朗新嘅聚腳點，我和朋友嚟靠得住粥麵館食晚飯，最初以為淨係食粥麵，原來仲有好多唔同嘅餸菜可以選擇；所以我哋就選擇咗東江鹽焗雞，家鄉北菇紅炆豬肉，原條倉魚嘅酸菜魚和一些小食；個東江鹽焗雞，完全係冇骨嘅，除咗雞翼嗰度有少少之外，真係啖啖肉，啲雞做得好軟滑，好有雞味，用嚟送飯就真係一流啦! 而嗰個家鄉紅燒炆豬肉，亦都做得剛剛，豬肉入口即溶，食過真係讚不絕口！原條倉魚嘅酸辣魚，真係比較特別，條倉魚可以攞出嚟放喺碟度或放喺湯裏面浸住嚟食亦都可以，明顯條魚係煎過再擺落去湯煮，所以索曬啲湯味，食落十分滋味！而小食方面哩，個小青瓜同埋酸蘿蔔做得亦都唔錯，整體嚟講呢間真係唔係一間粥麵小館咁簡單，直情係一間小菜館嘅級數！

麻辣小黃瓜爽脆可口，醬汁入口微辣，不錯。🥒🥒白灼薑蔥珍珠蠔口感十分鮮甜，加入薑蔥白灼令清香的味道更突出！🦪🦪心肝竇貝粥好大煲又軟綿，加入了豬膶、帶子等食材，口感豐富，鍾意食內臟的人必點。🥣🥣招牌東江鹽焗雞是我最喜愛的菜式，份量多，鹽焗後咸咸地，沾上特製醬汁別有一番風味🐥🐥手作煎釀豆腐太好吃，豆腐切片後外皮煎得香口，內裏滑嫩，用新鮮豬肉做成的內餡非常juicy。海味魚湯雜菜粉絲煲也是我的最愛，長時間熬製過的魚湯味道甜美，加入瑤柱、墨魚、蟹柳、蔬菜，豐富又有營養！🐟🐟招牌酸菜倉魚非常吸引，酸菜味道酸酸辣辣，倉魚相當大條，骨不算多，魚肉鮮甜，非常開胃，令不喜歡吃海鮮的朋友也相當感興趣。🐠🐠

嚟到元朗YOHO靠得住粥麵小館，當然要試下佢嘅粥和麵啦，佢嘅豬潤帶子粥，豬潤煮得剛剛好，帶子亦都淋和鮮味，粥底亦都唔錯；而雲吞麵方面，啲麵除鹼除得唔錯，雲吞雖然細細粒，但係好有傳統廣東雲吞嘅風味，再加上大地魚湯，好有懷舊雲吞麵嘅感覺，食落昔日情懷全部湧現！而送粥又點可以冇油炸鬼呢，佢哋嘅油炸鬼新鮮滾熱辣，剛剛炸完出嚟都仲有煙㗎！用嚟送粥一流，鬆脆嘅油炸鬼索滿濃濃嘅海鮮粥！滋味十足，食落回味無窮！小食方面嗰個蠔仔花生小食，大大碟超多蠔仔，用嚟送粥簡直冇得彈，再加上一個海鮮粉絲煲，海鮮嘅鮮甜味被粉絲索曬，令到粉絲十分和味，啲湯亦都超好飲，飲完完全冇味精嘅感覺，真係唔錯!

今日好開心同屋企人去咗元朗YOHO Mall嘅一間餐廳，一間餐廳食咗真係一定要推介俾朋友，因為呢間餐廳嘅食物真係好高質素，服務一流，好有親切感，而且環境書房，寧靜優美，一定要泥試呀，首先呢一間位置在元朗YOHO Mall，好容易搵，而且呢一間好多分店，所以保證有專業嘅質素，而且呢度嘅事情都好好服務，全部都係有笑容，而且好樂意服務客人，呢個係我最欣賞的地方，而且餐牌嘅食物都選擇好多，有粥類，有炒飯炒麵，我最開心係食到佢個雲吞麵，真係好好食，佢個湯係另外用人手到落去，真係好有特色，而且佢哋嘅雲吞麵都係好大牙，份量十足，而且仲有重慶酸菜魚，真係好好食，湯都好入味，而且佢哋個心肝寶貝粥到好好食，啲粥都好麵，好好食，而且呢度個雜菜粉絲煲都係好好食，仲有個豬肉配埋飯真係一流啊，所以我覺得呢一間食物真係好好食，嚟到元朗朋友一定要試呀！

今日食評✍🏻靠得住@yoho mall試食指數⭐⭐⭐店舖衛生⭐⭐⭐侍應態度⭐⭐⭐((每項5⭐️為滿分)) ·今日午餐點咗1️⃣帶子粥配油炸鬼有5粒鮮甜帶子抵食。2️⃣細蓉配油炸鬼(落錯單，本應叫炒麵)細蓉冇失準👍🏻油炸鬼幾新鮮3️⃣鰻魚雞粒炒飯配熱豆漿炒飯賣相靚偏咸飯太乾身兼硬熱豆漿太甜·我唔茶，白水唔收茶介(讚)全單加一249

有時放假都會嚟到（靠得住粥粉小館）食返碗熱辣辣豬潤粥見到餐牌晚市既小菜好吸引，今次就約埋同事試下佢哋嘅晚餐🥣麻辣小黃瓜及客家風味酸蘿蔔這兩款都是開胃的小菜，小黃瓜好清爽，孫蘿蔔好開胃👍馳名東江鹽焗雞半隻鹽焗雞是一道非常受歡迎的菜色，具有濃郁的口感和香氣，雞的肉汁和味道鎖住，雞肉的口感也更加鲜嫩多汁。魚湯海味粉絲雜菜煲魚湯清香濃郁，海味粉絲和雜菜的搭配也非常恰到好處，口感豐富，菜同粉絲煮得好淋，吸入魚湯食唔口。客家北菇紅炆豬肉客家北菇紅炆豬肉是一道傳統的客家菜，以豬肉為主料，搭配北菇去燉煮而成。豬肉的口感鮮香味美，肉質軟嫩多汁，入口即化，冬菇入口多汁爽口，超好食👍重慶酸菜魚濃郁的湯汁、鮮美的魚肉和綠色的蔬菜，口感酸辣鮮美，魚肉细嫩，口感爽滑，加上酸菜令味道更加提升，配搭白飯一齊食一流！白灼薑蔥珍珠蠔蠔肉粒粒脹卜卜，好新鮮味道濃郁，加入少量辣椒豉油一齊食味道更加提升。心肝寶貝粥(豬膶、帶子）粥底熱辣辣軟綿綿，豬潤厚切爽口，帶子大大粒好清甜，整個粥底都好足料👍

今日同朋友打完麻雀，我哋就四個人去咗yoho嗰度食晚餐，我哋想簡簡單單食一餐家常便飯，所以就揀咗呢間位於Yoho mall入面嘅餐廳，果然冇令我哋失望，食物質素非常好，果然係米芝蓮推介嘅餐廳真正東江鹽焗雞，鹽焗雞做到鹹鹹嘅效果，配上砂薑，同埋油鹽一齊食味道非常出眾雞肉非常鮮味皮爽肉滑，每一啖都有雞汁配埋白飯，真係令人回味無窮心肝寶貝粥，粥入邊嘅配料非常多，有帶子又有豬膶，豬潤煮到剛剛好，鮮甜嫩滑，帶子亦非常新鮮，味道可口，配上綿綿嘅魚湯粥，每一啖都好好味，粥上面仲有一層豬膶嘅黃油，非常香口，真係食到停唔到口麻辣小黃瓜,我就最鍾意食呢個涼拌菜,入口黃瓜爽口脆嫩,味道清新帶少少麻香味,越食越開胃。重慶酸菜魚 ,原條黃立倉,魚皮經過煎香把魚肉肉汁鎖住,魚肉入口特別香嫩幼滑,酸菜同其他配料令到魚嘅鮮味更加突出,味道層次豐富,酸酸辣辣用嚟送飯真係一流。另外豆卜同牙菜吸收咗魚嘅精華同酸菜嘅香味,入口特別惹味。客家北菇紅炆豬肉,賣相相當吸引,炆豬肉分量好多,入口非常惹味,有層脂肪食落去特別爽口,醬汁真係好入味,豬肉同冬菇味道好夾,令到大家嘅味道提升,另外側邊度菜索咗啲肉汁,食落去特別香