韓讚 (已結業)

見完客5:30提早同朋友食晚餐。叫左3樣食物。1)韓式芝士炸雞芝士好快乾，炸雞淡而無味，好乾，麻麻地，唔太建議食，可能我重口味2)海鮮豆腐湯味道唔錯，夠辣，海鮮有蝦，蜆同魷魚，都足料3)韓式炒粉絲(牛肉)味道啱啱好，牛肉亦落得唔少，份量亦充足，呢樣我覺得最值得order4)韓讚生果茶每人叫了一壺，味道唔太甜，水果亦放了不少原先只可享用1.5小時，最後冇咩客關係，冇趕我地走。服務都可以，雖然餐廳有點似食快餐，都抵食，每人150元。

見openrice做緊promotion6點有50%off! 我同為食朋友就決定黎試下呢間韓式料理😋地點有少少難搵，其實就喺燈籠洲街市對面一幢新的大廈，附近有好多間台式珍珠奶茶外賣店😂，見樓下有不餐廳廣告，這大廈應該有不少新進駐的食店，有時間可來這裡試試！朋友怕熱氣，所以今次無選炸雞，決定食芝士鍋！上到餐廳,由於未到晚市，所以食客不多，可以慢慢揀食物，由於半價優惠，揀貴啲食都唔怕!睇左一輪餐牌，最吸引係芝士鍋😍身為芝士控如我一於叫佢！朋友就揀左烤海鮮拼盤🍤等左陣，店員推住架車仔喺我地面前，佢來佢會逐樣材料幫你放入鍋煮同炒，好貼心👍🏻煮到差不多，最期待的芝士出場了🧀店員喺鍋邊倒滿碎芝子，芝士鍋就大功告成！😋唔好睇個樣好細碟，材料有紅蘿蔔薯仔豚肉洋蔥菜仲有年糕！對於兩個人來講好豐富！連埋烤海鮮拼盤我估我2個人食左3-4人份量😂食每件豚肉時都可以捲起啖啖芝士拉絲！真係好邪惡！見隔離枱叫咗原本我地想叫的芝士溶漿炒飯，佢哋個炒飯頓時失色不少😂建議各位芝士控記得叫芝士鍋！簡直係視覺同味覺享受👍🏻之後就上埋海鮮拼盤：有鱈魚，大蝦，帶子同魷魚...可惜魷魚佔咗大部份..我哋都唔鍾意食，仲有成盤都好咸😂

不錯的一餐。因為見到上網見是新餐廳，而且六點前入座可以有半價優惠，所以就book位舉家去試試。餐廳位置是於銅鑼灣新起的大廈。到了餐廳，感覺十分開揚，亦有一些位置給大家拍照，環境屬於中上。點了數款食物後，大家走到外邊的佈景影了一會兒相，然後食物就到了。我哋點了雞蝦牛，感覺上並沒有因為半價而章就分量（值得一讚）。味道方面，算是中規中矩。比一般連鎖店好一點，當然還有一些進步的空間。好像我們點的雞煲，在旁有一些芝士，但因為有火不停熱住的緣故，啲芝士容易變乾，食到後段時間，根本點不到。而且芝士的味道也是一般，這個要值得留意。職員服務方面，亦算一般般，可能太早的緣故，他們總是圍在一起談話，單是舉手是叫不到他們的有空可以再來一次。

見有個app可以有7折，所以就book咗黎食。佢啲嘢整體都好好食，嘢食嘅選擇又多，唔錯嘅環境，坐得又舒服。佢有一個二人餐menu，有沙律、煎餃子、牛肋骨、炒粉絲、炸雞、海鮮煎餅、海鮮豆腐鍋同埋甜品...好多野食，加上份量又大，兩個人真係食唔晒，但係都只係$600，不過就唔可以用七折優惠。所以我同朋友最後單點左炸雞、芝士熔岩飯、同埋海鮮煎餅，埋單都係三百幾蚊，因為七折左，所有野都好好食，特別係個海鮮煎餅。

環境可以，不太滿座，也是好事，不會太嘈吵，食物可以，但可惜服務一般，用openrice 訂位有8折，落單後才通知套餐冇優惠，算吧! 我們order咗套餐和水果茶，但埋單時竟然冇上到甜品給我們 😡😡😡，太可惡了

話說就黎打風，男朋友話打風都出唔到街架啦叫我不如今晚放工出黎食飯見一見面，由於就返佢返工地點所以又係出返銅鑼灣食。喺某e訂枱app見到7:30pm仲有得book位有7折，再加上本身lunch的韓燒因為某啲同事唔想食而取消了，於是就決定試下呢間韓食補返數。我地行得好快7:10pm就上到去，餐廳話冇所謂照俾我地入座，去到時餐廳大約1/3滿。快快睇咗個menu，食物選擇比較少，老實講有啲揀唔落手，但都入咗黎就照食啦！於是就叫咗2款主菜同飲品。先黎咗一道牛肉韓式飯捲（$88），唔知點解會跟wasabi同日式豉油... 我又真係手多走去點，結果變咗日本壽司味。後尾果啲照正常食，味道較淡，而且飯比較濕。另外仲叫咗韓潮春川黑豚肉芝士鍋（$318），會有staff即場幫我地先將材料炒至半熟，再加芝士喺爐邊先上枱。芝士鍋我真係第一次食，中間個炒黑豚肉帶點微辣，不過食落去都係覺得有啲淡，撈埋芝士一齊食叫好少少。不過食食下都已經唔想再點個芝士，因為佢冇咩芝士香味，不過都食到奶香味，所以食食下都冇心機再食個冇咩芝味嘅芝士，淨食中間啲食物。不過中間啲薯仔煮完幾好食。飲品叫咗夏日柚子青檸梳打（$38），落咗好多柚

一早經openrice訂位，有7折，所以嗌左唔少野都唔係好貴，建議有折先黎食﹗店員一開始話得個半鐘可食，但最後叫埋甜品都未有人趕我地走。一開始佢會上配菜，有泡菜同羅白絲同荷蘭豆，泡茶幾好食，配菜可以無限添，我地都添左好多次，仲有暖水都可以叫佢無限針。甘點左芝士炸雞同海鮮煎餅，可惜令人有D失望。先講炸雞，芝士係好夠，但記一上枱就要食，唔係D芝士好快就結左，炸雞夠脆夠嫩，但調味不足，冇咩味，朋友都覺得炸雞冇味。至於海鮮煎餅令人最失望，冇咩海鮮又冇咩味，點左提供既汁都係冇咩味，懷疑係低鹽煮食。全晚最好食就係呢個鐵板牛，牛夠味得黎又夠嫩口，上枱果時熱辣辣。就算擺左一陣凍左都仲好好食。部隊鍋足料，味道不過不失，唔辣岩哂唔食得辣既人。芝士海解炒飯岩哂芝士控，灑上大量既芝士，食前店員會用火槍燒熔芝士再拌埋，食前就先黎感官上既刺激，相機準備好拍片。到佢拌好，芝士熔哂，撈埋海鮮炒飯，超creamy，勁好食。最後，叫埋甜品先走。窩夫有驚喜，外脆內軟，唔會過甜，綿花糖烘得岩岩好，雪糕食到有士多啤梨碎，擺碟又靚，俾滿分既一道甜品。整體，服務唔錯，不過可能太旺場，人手唔夠，有時都要叫幾次先叫到店員加水/配菜，但

三個女仔相約Friday Night，於Openrice見到這間「韓讚」有7折優惠加上好評不少，便立刻選定這間。為免和其他人在7,8點時間人迫人，所以相約大家6:00pm開餐。我們入座時由於時間尚早，到達時只有2,3枱客人。一到店員先送上前菜，然後我們也點了3道菜：海鮮豆腐湯、韓式芝士炸雞和芝士熔漿炒飯。海鮮豆腐湯配白飯 - 每份湯都會送飯，而我們點的這份海鮮豆腐湯豆腐滑溜，湯底香濃又不會太辣，送飯食非常開胃。 韓式芝士炸雞 - 影完相已經即食，但芝士底極快凝結，加上炸雞油份極多，令吃了一點便感到極肥膩。芝士熔漿炒飯 - 店員會在你面前先用「噴火槍」現焗焦香芝士，然後在你眼前為你拌飯。吃的時候每下拉起，都可見到千絲萬縷芝士絲，讓我們吃得津津樂道。可是大約吃到6:50pm，店員見我們停手無食，開始問「係咪食完？」，想出手清枱。雖然當刻有感被趕走，但我們沒有為難店員，亦禮貌地表示可以收走和把食剩的打包。打包後不久，店員7:00pm就過來問可否先結賬（我們其實當刻只是剛食飽，就被催埋單，但店裡根本只坐滿7成）我們亦配合先結帳。結果結帳後不夠5分鐘，店員就立刻來清場，我們亦非常無癮決定離開，當

星期日同朋友行到過哂時好肚餓朋友即刻搜查睇下有咩食店有優惠點知就見到呢間食店經某訂位平台訂仲有8折唔好諗即book, 半個鐘後有得食。心諗：「星期日8:30pm可以即book有位仲要有折，會唔會係伏」去到成間店未計我地...有5枱客...心諗：「大鑊！樓下d野食都排隊，呢間竟然有位即入」不過算啦，太餓啦，死就死啦！拿拿聲叫左3樣野食...1）芝士炸雞2）鐵板牛仔骨3）石頭飯三樣野都好好味，唯獨美中不足就係果個芝士雞...由於店鋪冷氣比較勁，果芝士底好快凝結左搞到芝士同炸雞分開左，一口炸雞一口芝士呢個真係有待改善有折去食覺得性價比ok如果正價就可能會覺得貴左少少啦🤪

位置方便，在銅鑼灣站渣甸坊F1出口，幾分鐘步程座位舒適，價格很便宜，用了Openrice的app訂位，下午茶時段2:30-5:30，有5折，我們一行6人5:30入座服務可以算是一般般，眼前2個服務員，做哂落單、收枱、接待、上菜、埋單.....我們6個人叫到超飽，都係$924，所以，對服務已經沒有要求最重要是食物不錯，而且今尚叫多了，吃淨左，有點浪費，失策😅還有韓式牛骨湯(配白飯)由於是第一樣上的菜，太肚餓，忘記影相，真材實料，值得一試。飲品叫了：🥤宇治抹茶十勝紅豆特飲 x 2🥤Oreo朱古力沙冰 x 1🥤朱古力恐龍 x 1

除咗呢度噤多個好評 我屋企人食過都話ok 但我去嘅時候就唔係咁覺得啦...我地早食晚飯 所以好多吉位... 只係被安排到一個D姨姨唔係好留意到我地嘅位置 想叫野食 加水 埋單 都花咗一段時間我地叫咗牛肋骨湯 芝士泡菜煎餅(無相) 呢兩個都不過不失 但唔覺好好食...最最最失望嘅係呢條飯卷 kimbap... 我當然知道唔會係熱食 但估唔到係冰架!! 明顯係雪櫃攞出黎 D飯濕泣泣... 一間韓食餐廳 最基本嘅kimbap都噤鬼樣 真係俾唔落好評甜品都係中規中矩啦... 個雪糕唔錯

係銅鑼灣行街行到晚上九點半先覺肚餓，用預訂app 見到宜間有8折就立即訂位。去到無乜人，好驚中伏，但野食一點都唔差，可能係我地太晏去姐。首先，宜度同韓國餐廳一樣，會有前菜，如果想添既話，同侍應講聲就得。不過，不建議添太多次，因為主菜份量都唔小。兩個人叫左一個春川芝士鍋，侍應會係你面前整俾你食，見佢一路整，我一路流口水。芝士可以拉到成尺長，芝士剛好中和一點辣味。 份量十分多，未食個韓國麵已經覺得好飽好飽。

呢棟aura on pennington 係新開既基本上而家都係得三四間餐廳進駐咗其他大部份樓層都係仲寫住coming soon 今晚落哂雨咁 所以見到有呢間韓國野食 就上去食啦棟大樓既lift都好大好快，有別於其他大廈嗰啲等好耐又多人排隊，個配套做得幾好！因為又落雨又熱既關係，我同朋友揀咗個韓式冷麵食，然後再叫咗條燒靖魚。本身想試下佢個炸雞，見隔離枱既炸雞都唔錯，但佢啲野既份量好大份！！！！ 我地兩個人都係啱啱食得哂....... 最後就冇辦法叫炸雞嚕唯有留待下次再試

今次已經係我同同事第二次黎食team lunch, 因為環境舒適、易book位、同覺得要second try⋯⋯仲有食$400平$100優惠劵。 說真的，我地都覺得未必會黎第三次。上一次我地都覺得味道真係唔夠，唔入味，連配菜都唔夠入味，包括kim chee... 上次叫既牛骨湯唔夠味。所以今次叫石頭窩飯配牛肉，飯有點”林”, 之後我再加辣醬，加左好多次都唔多夠味，而且醬唔辣，偏甜。 而其他同事有叫冷面、炸醬麵同石頭窩飯，大家都對第2次既嘗試較為失望。 今次值得讚既係進步左既服務態度同速度！上甜品亦快左！

雖然坊間愈來愈多訂枱apps，為了吸引食客往往比巨大折扣優惠大家，今晚就再次中伏。九點鐘訂咗枱兩個人來到韓讚，裝修其實幾有少女特色，座位都闊落。有a la carte 50%off，主菜點了豬牛雞燒肉拼盤，味道好普通，雞有酥味不新鮮，牛和豬的調味一模一樣，其實分不清楚，總之就是很濃味， 但不屬於好食，而且超多油。傳統芝士泡菜蔥餅算是不過不失，泡菜足料，而且芝士味香濃，但食完成口油，半價後仍然覺得不值。炸醬麵的醬料很像759買到預製袋裝醬料，很咸，雖然薯仔和洋蔥和椰菜到煲淋了，不過味道真的麻麻，面底亦太淋，有點煮得過久。只是三款主食埋單都要每人＄120，但很多街邊韓式料理質素更加高、定價便宜、份量亦更加多，如果唔認真改善味道，應該撐不到多久。