韓讚 (已結業)

星期五晚，同朋友剛聽完學校簡介會打算找地方吃飯，就在不遠處見到Pennington 二樓掛滿星星，就走上去試一試。一進去，清新的藍色裝修讓人感到舒適自在，窗邊掛著的星星，讓人感到夢幻。枱上放置的餐具整潔而又有品味。看看餐牌後，我們選了芝士溶槳牛肉炒飯，餃子拼盒及明洞炒雜菜。明洞炒雜菜$78炒雜菜清甜美味，雖然是炒菜，但一點也不覺得油，好吃得讓人一口一口的吃下。芝士溶槳牛肉炒飯 $128十分吸睛，待應在我們面前用火槍熱溶芝士，再按客人口味加入泡菜，蔥和芝麻。芝士溶化後與炒飯拌勻，鐵板上的炒飯既熱辣辣也香噴噴的，芝士味不算濃烈，加入泡菜後，又辣又惹味。餃子拼盤$128四款口味，口感豐富，煎得很香脆。愛吃辣的必定喜歡泡菜豬肉餃子，極具韓國特式，又辣又香口，激發味蕾。埋單共$367， 價格也合理吧！

知道渣甸街有好多新食肆，二話不說上左呢間新開韓式餐廳食晚飯。餐廳格局以星星同波波燈為主，幾潮！地方又大，L型式好舒服又光猛。先泥一碟韓式壽司-黑豚肉。餡料正常，黑豚肉幾入味。但飯嘅口感唔得，感覺比較濕而且上碟時係凍嘅。韓式芝士炸雞，一個比較失望嘅選擇。覺得似炸雞柳，粉漿唔脆，雞肉唔入味，芝士亦都一般般，食唔出特別，最弊唔熱。海鮮煎蔥餅。餡料晤夠多，剩係食到蔥同魷魚。上碟冇三分鐘就凍哂，基本上又係唔夠熱。南瓜碎蛋沙律。菜係新鮮但食到水，沙律醬偏甜，碎蛋太多蓋過南瓜。綜合水果茶。檸檬丶青檸丶士多啤梨、菠蘿。可能放太多菠蘿飲唔出茶味。呢餐性價比較高食物一般，希望餐廳可以改善丅。

同朋友相聚，見呢間韓食係新開，食評又正面，所以試吓。我哋一行3人喺閒日嘅7:00左右到達，可能位處嘅大廈仲係新，所無乜人知，上到去唔駛等位環境唔似一般韓食餐廳，反而覺得裝修有點格格不入，不過最緊要啲食物質素啫。由於呢間係新開張，就叫「服務員」介紹吓啲食物啦🤗終極叫咗沙律菜、牛肋排、海鮮蔥餅、人蔘雞湯、韓式炸雞。食物質素真係麻麻地，無乜驚喜之餘仲非常普通，希望之後會改良一下。值得一讚係店員服務非常好，又有禮環境都算寛敞

女朋友話好掛住韓國既人蔘雞湯，搵左幾間，終於黎到呢間！新開張，一於試下！裝修幾Colorful，比人一種好fresh既感覺！我女朋友本身只係為左人蔘雞湯而來，黎到見到咁多選擇，咁就揀左10分鐘! 揀左4樣野食!高麗人蔘雞湯，濃郁既雞湯加上釀糯米雞，淡淡地，不過女朋友好鍾意，話咁就無味精，好健康！不過，的確係幾香甜，雞肉都好滑！DIY現榨果汁好明顯就係比我女朋友影相呃like，識揀一定要揀全部係生果，顏色靚之餘，會易入口！開機搞左15秒左右就飲得!

見到新開左間韓國菜一於去試下。一上到去，見到裝修都好特別，好relax，好似café咁。Menu上都有好多款式比人揀，飲品都好多款！仲有三文治同甜品！真係想同朋友食Tea，打卡既好選擇！天氣咁熱，我叫左個水冷麵試下。麵質好接近韓國，加埋冷麵汁，好match，入口涼浸浸。最欣賞佢既白蘿蔔，酸酸甜甜，醃得好入味！我朋友就叫左個人蔘崧子雞粥，熱辣辣！！加埋崧子，蔥落去，超好味！！粥好綿，第一次係香港食到韓國弼，幾特別！

又有好嘢分享喇，朋友介紹兵家必爭之地銅鑼灣的一間新開的韓式餐廳。為咗食多啲，但又唔太增磅，一於四人齊齊去。餐廳裝飾很吸引，一大班朋友坐吓、食吓、飲吓同吹吓。傳統韓國菜的飯前小碟。南大門鹵豬蹄肉（半份），好耐冇見、好耐冇食喇！！豬蹄肥瘦分佈還可以，女生們不要怕肥，配上生菜，減少肥膩感，增加了清新感，而且很入味，不知不覺，連骨都清埋。韓式壽司（牛肉），韓國菜的一款入門菜式，用料多，仲可揀豬、牛、雞，適合不同客人要求。雜錦海鮮鍋，主角出場，海鮮排場爆燈，有青口、蝦、蜆同原隻魷魚。煮熟後，海鮮很入味。牛油果檸檬特飲，是讚的飲品，牛油果配上檸檬，超出奇的“正”！！

之前食過同一棟的泰菜，今次再去試下同樣新開的韓國菜，原來係同泰越概念同一集團。 環境同樣舒適，地方寬敞，食物選擇挺多。甫坐下，就送上一碟兩格的前菜—泡菜和薯仔，還可以不停refill. 店員更極力推薦韓潮春川芝士鍋。既然如此，我們也來一份！ 🍲韓潮春川芝士鍋🧀（黑豚肉🐷）（$278） 🍜配韓國麵一份 等了一會兒，店員便把爐和鍋送上，再將食材排列得非常精緻，送到桌上。 相機食先後，店員便逐一把食材放入鍋內，先把蒜蓉、洋蔥、菜等炒熱，非常香，再把肉類放入鍋內，一會先就煮好了，爐邊還鋪滿了厚厚的芝士，超級邪惡！ 吃完芝士鍋後，店員更準備了一碗辣湯，加入後送入拉麵，香香辣辣，很惹味的！ 這個韓潮春川芝士鍋經乎是每枱必點的，店員逐一幫客內煮，褂常細心。 🇰🇷🇰🇷🇰🇷 🍯杏片炸雞🍗（$98） 杏片炸雞份量挺多，炸雞外層脆卜卜，肉質嫩滑，非常香口。杏片用蜜糖煮成，香脆又好味，配在炸雞上一流！ 🍌🍫香蕉朱古力雪糕鬆餅🥞（$68） 鬆餅有四小件，鬆脆香口，蛋香味濃，配上濃濃的朱古力雪糕和香滑的香蕉，超美味！

崇韓夫婦約食生日飯，朋友好喜歡食炸雞，而小弟就比較傳統愛吃人參雞。得知銅鑼灣最近有棟新商廈進註了間韓國餐廳可以滿足到兩個要求，那生日飯別無他選了。地址不難找，就在十字路口附近，商廈門前已放有宣傳stand。一出𨋢便已是餐廳，非常充分利用空間。四周牆身都是鮮色，沒半點韓國風氣。唯看到牆上的食物圖片才確認沒來錯地方。坐下來後，實在太餓了，極速點菜！上菜速度亦很迅速👍🏼先飲杯果汁，我點了杯蘋果/青瓜/水耕菜混合物，店員以揸汁機形式遞上再在客人面前倒入杯內，一個杯還載不完呢南大門鹵豬蹄肉 (半份) 用生菜包著有厚度的豬蹄肉，肉味出聚，肉質清涼，充滿骨膠原的豬皮煙靭嫩滑。加入青椒、麵豉醬、蒜等伴食，令其更美味接著暖乎乎的高麗人參雞湯來囉，有整整一隻雞在鍋內，煮得非常入味，而雞肉亦保持嫩滑。雞肉原來包有糯米、紅棗、蒜等，當中的糯米非常腍，盡吸精華，很賣座呢💯湯也充滿人參香味，很清甜，十分足料然後又是雞，沾滿甜辣汁的韓潮炸雞，越食越辣，但啖啖都是嫩肉啊

朋友介紹我來呢座新建築物 入面好多食肆 仲有保安係下面原來有間新建築物我都唔知一上到無門口 餐店直接同升降機大堂連接空間感都幾舒服 仲有餐桌係個度tim餐廳內環境舒適 座位寬敞裝修簡單又好睇一坐低就有泡菜食朋友左叫呢杯有cream 係上面我就係芒果冰沙 幾好飲 💕叫左個黑豚肉芝士鍋 即叫叫整專人服務 食材都好新鮮呢另外 食韓式野 緊係要點炸雞啦好食 份量足 個醬都係容易接受較傳統個隻醬我個人唔岩就咁睇見都流曬口水🤤🤤（了）起旁邊既芝士包住黑豚肉 年糕好正 好食 落既芝士份量好足 足料食完最後仲有麵撈落去煮 個麵都好食呀 但係我太飽了 兩個人食 一個芝士鍋+炸雞 太貪心了 三個人食就完美啦！

經過銅鑼灣渣甸街和邊寧頓街交界，窩夫與蝦子餅發現一座新大廈開了幾間新食肆。新大廈叫Aura on Pennington，入口頗有氣派。其中一間新食肆叫「韓讚」，顧名思義是吃韓國菜的，新張期間有優惠，窩夫與蝦子餅看中了韓式芝士炸雞。餐廳的樓底算高，加上兩邊都是大窗，空間感很大，令人感覺開揚舒服。愛花的窩夫很喜歡韓讚的餐牌和卡片。店員先送來前菜，分別是韓國泡菜和菠菜，正好為多肉的韓國料理加添一些蔬菜。韓讚的飲品選擇很多，有沙冰、梳打和柚子茶等，比較特別的要數DIY鮮果汁($48)，窩夫與蝦子餅選了水蜜桃、檸檬和青瓜的配搭，店員會在客人面前開動放了新鮮蔬果的榨汁機。將新鮮即製的果汁倒進杯中，可以聞到陣陣蔬果的清新氣味，青瓜的味道似乎最為突出。窩夫想喝點湯，所以點了牛骨大蔥湯($148)，湯看來很清但牛肉味很濃，牛骨的肉很腍，煮湯後仍充滿肉味，加少許淮鹽來吃更能提升味道。湯裡除了牛骨和大蔥，還有些韓式粉絲，十分豐富。烤肉拼盤($168)有牛肉、雞肉和黑豚肉，一次過滿足三個願望，而且不用自己動手烤，不會弄至一頭油煙味。窩夫最喜歡烤牛肉，蝦子餅則最喜歡黑豚肉，用來拌白飯一流。新張優惠的韓式芝士炸雞

韓之讚 食之最銅鑼灣向來多特色既餐廳都有好多，但懂得去尋求既人不多，呢間韓讚值得推薦，店面新裝修，環境舒適，最重要係食物好食同性價比高，物超所值一開始，我跟朋友點了個 鮮果黎麥羽衣甘藍沙律，新鮮生果、沙律汁混合沙律菜一齊食，味道出奇地夾，沙律菜很新鮮，沒有苦澀味，配上凍凍的生果，愈食愈開胃之後來了碗海鮮湯麵，就如圖中所見，食店選用優質的食材，青口大大隻，可以大啖大啖食，還有海蝦、花白、蜆仔，一開始看賣相，以為係上湯烏冬底，食落去才知道係一些類似上海麵，麵身順滑、較軟身接著，便來了個煙三文魚三文治，呢份三文治好大份，有烘底，新鮮生菜大蕃茄不會太凍，配上煙三文魚，旁邊的脆薯片，比起外面買的三文治，食起來味道更好壓軸的點菜係 南大門鹵豬蹄肉 （半份/12片），蹄肉味道雖然有少許鹵水汁，但整體味道唔太濃，什至可以用偏淡來形容，要豬蹄肉、生菜、醬汁、青瓜捲起來一起食，味道不濃，但食上去又唔會覺得太dry, 感覺上進補了許多骨膠原 😋😋😋最後，點了杯特飲 - 牛油果檸檬特飲，如預期一樣，味道唔會太甜，味道調教得剛眺好，飲得出檸檬和新鮮牛油果美中不足的地方係一開始我跟朋友想點龍蝦三文治、芒果青瓜牛油

係銅鑼灣睇完戲就搵下有咩食見到渣甸街有棟好新既大廈Aura on Pennington, 入面開左間新韓國餐廳, 一於試下新野叫左一個韓潮春川芝士鍋, 揀左黑豚肉, 佢跟埋一份韓國麵, 應該都幾飽韓國野當然唔少得試下高麗人蔘雞湯, 先叫兩樣唔夠再揀韓潮春川芝士鍋-一黎到好大盤, 真係睇到都飽 XD我重諗緊係咪要自己煮? 店員就follow 會幫手煮D野, 全程Q埋雙手等食眼見店員一路煮我就一路口水流, 又加好多醬, 佢之後重拎一個大盒出黎係裝滿芝士佢將一整大盒芝士鋪滿整個外圈, 份量真係超級多, 芝士控必食拿一舊黑豚肉, 識食一定係沾滿曬全身芝士再一淡食落口芝士香濃軟滑, 黑豚肉又煮到岩岩好, 好鬆軟Juice, 大量芝士包圍住一舊多汁黑豚肉, 再一淡食落口係正既除左黑豚肉, 重有年糕, 都好好食, 好QQ的, 又唔會好痴牙, 又係沾滿芝士食一流食曬D配料之後店員幫忙落一個韓國麵煮, 麵身彈牙, 配上淡淡芝士超正高麗人蔘雞湯-原隻人蔘雞, 都幾大碗, 可以分到大約5,6碗, 有輕輕的人蔘味, 幾好飲, 雞肉嫩滑, 食唔到有雪藏味補一補之選而周圍環境比較年輕韓式風, 播住韓國音樂, 環境

話食韓國菜，個個就一咪話要食韓式放題，根本都無認真想對自己既胃好Ｄ。今日去CWB見到有棟新building幾fancy，所以上去試試間韓國菜。鋪頭都係光猛簡約為主，用左圓波波同星星燈，倍添可愛感，岩曬女生feel！好多韓國菜式選擇，而且價錢都好抵。不過我地深深俾呢個海鮮鍋吸引左，大大個有好多款海鮮！上桌時，湯同個料分開上架，之後店員幫你慢慢加D落去。望到個湯咁紅諗住好辣？無事啦，食開韓國野都知得個色，一d都唔辣，而且海鮮d甜味都滿佈口腔了！有大大隻魷魚、青口、大蝦、紅蘿蔔、雜菜同菇類，其實都好飽架啦，不過佢個鍋有跟個烏冬，最後吸曬精華，當然ichiban啦！而且海鮮都鮮架，我最鐘意超大隻既蝦，肉質結實！滾起後，成個變左韓國免，真係好吸引，我地兩個成鍋食曬！叫左個紅豆綠茶冰，甜度剛好，而且紅豆軟糯好正！好味道既海鮮鍋，慢慢嘆，食左好多海鮮好抵！

韓國料理店在香港開到成行成市，真係食極都食唔完，食極都食唔厭，在Aura on Pennington 都開左間新的。裝修很warm，又有特色。彩色的設計令人愉悅。星星燈為店加點動力和生氣。枱上有小花裝飾，感覺清新。先上前菜兩款。由於去韓國旅遊時冇食到豬手，一直掛住至今，發現呢度有南大門鹵豬蹄肉(半份$168)，忍唔住要點。賣相精美，附青椒、生蒜和瓣醬料。生菜好新鮮，每一塊都好翠綠。豬手好多的骨膠原，脂肪分佈平均，肉質扎質唔乾，味道唔會太重，配蔬菜食很健康。韓潮春川芝士鍋雞肉($278)又係好吸引。店員推架車仔過黎即場炒俾你食，先加油和蒜，再加配菜和雞肉。七彩繽紛的配菜有年糕、大白菜、冬菇、翠玉瓜、薯仔、蘿蔔、椰菜、青紅椒和洋蔥，非常豐富。炒完之後，再加芝士在爐邊，半溶的芝士真係令到我好肚餓。份量也不少，足夠2人食用。勁鐘意食薯仔，超級入味，加芝士食正到不得了，有嚼頭，估唔到年糕和菜也十分芝味。食到差唔多，可以加麵加湯食。韓國粗麵放入湯後由白雪雪變成橙黃色，甚有嚼勁，掛汁力強，微辛，唔食辣的都可以食。

銅鑼灣渣甸街街尾靜靜地落成了一幢商廈, 入口高尚新潮, 已開業的樓層尚未到達一半, 樓下的管理員非常有禮2樓Lift 門打開就是韓國餐廳, 裝潢屬新潮休閒風格, 較為色彩, 光猛開揚前菜有兩款, 要留意前菜收費$20一份韓潮炸雞, 一客十件, 新鮮炸起的雞件沾上醬汁後並沒有因此已令雞皮變淋, 韓式醬汁均勻分布在雞件上, 辣辣地既醬汁較為杰身, 惹味十足什錦海鮮鍋, 上檯時食材還未熟透, 有原隻八爪魚/ 青口/ 虎蝦/ 蜆肉, 及各式各樣的蔬菜, 店員會先幫忙慢慢加入湯底, 湯滾後, 員工幫忙將原隻八爪魚剪開, 用慢火滾著本以為鮮紅色的湯底會好辣, 喝一口, 鮮味令我沖昏頭腦, 鮮味無窮, 完全想像到冬天吃著這個鍋絕對是令人暖笠笠除了海鮮鍋, 還有牛肉鍋或泡菜餃子豚肉鍋可以選擇每鍋會跟上一份韓國麵, 賣相似烏冬, 屬扁身, 放在鮮味無窮的海鮮鍋內, 吸盡鍋中鮮味, 煙靭口感, 令人欲拒還迎